മ​ല​യാ​ളി​ക​ളു​ടെ പ്രി​യ​താ​രം ഹ​ണി റോ​സ് വെ​ള്ളി​ത്തി​ര​യി​ലെ​ത്തി​യി​ട്ട് 20 വ​ര്‍​ഷം പൂ​ര്‍​ത്തി​യാ​ക്കു​ന്നു. വി​ന​യ​ന്‍ സം​വി​ധാ​നം ചെ​യ്ത "ബോ​യ്ഫ്ര​ണ്ട്' എ​ന്ന സി​നി​മ​യി​ലൂ​ടെ സി​നി​മ​യി​ലെ​ത്തി​യ ഹ​ണി ര​ണ്ടു പ​തി​റ്റാ​ണ്ടി​നി​പ്പു​റം "റേ​ച്ച​ല്‍' എ​ന്ന ചി​ത്ര​ത്തി​ൽ അ​തി​ശ​ക്ത​മാ​യ ക​ഥാ​പാ​ത്ര​ത്തെ​യാ​ണ് അ​വ​ത​രി​പ്പി​ക്കു​ന്ന​ത്. ത​ന്നെ സി​നി​മ​യ്ക്ക് ആ​വ​ശ്യ​മി​ല്ലെ​ന്നും ത​നി​ക്കാ​ണ് സി​നി​മ ആ​വ​ശ്യ​മെ​ന്നും അ​ടു​ത്ത​യി​ടെ തു​റ​ന്നു​പ​റ​ഞ്ഞ ഹ​ണി റോ​സ് സം​സാ​രി​ക്കു​ന്നു...

റേ​ച്ച​ല്‍ എ​ന്ന ക​ഥാ​പാ​ത്രം

ഏ​റെ വ്യ​ത്യ​സ്ത​മാ​യ, ഞാ​നി​തു​വ​രെ ചെ​യ്തി​ട്ടി​ല്ലാ​ത്ത ത​ര​ത്തി​ലു​ള്ള ക​ഥാ​പാ​ത്ര​മാ​ണ് റേ​ച്ച​ല്‍ എ​ന്ന ചി​ത്ര​ത്തി​ലെ റേ​ച്ച​ല്‍. റേ​ച്ച​ല്‍ ഒ​രു ഇ​റ​ച്ചി​വെ​ട്ടു​കാ​രി​യാ​ണ്. എ​ഴു​പ​തു കാ​ല​ഘ​ട്ട​മാ​ണ് സി​നി​മ​യി​ല്‍ കാ​ണി​ക്കു​ന്ന​ത്. ക​രി​യ​റി​ല്‍ ആ​ദ്യ​മാ​യാ​ണ് ഞാ​ന്‍ ഒ​രു ടെ​റ്റി​ല്‍ ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്ന​ത്. എ​നി​ക്ക് പെ​ര്‍​ഫോം ചെ​യ്യാ​ന്‍ ഏ​റെ സാ​ധ്യ​ത​യു​ണ്ടാ​യി​രു​ന്ന വേ​ഷ​മാ​യി​രു​ന്നു റേ​ച്ച​ല്‍.

റേ​ച്ച​ല്‍ ആ​കാ​നു​ള്ള ഒ​രു​ക്ക​ങ്ങ​ള്‍

ഒ​രാ​ഴ്ച​യോ​ളം ഇ​റ​ച്ചി വെ​ട്ടു​ന്ന​തു പ​രി​ശീ​ലി​ച്ചു. ഭാ​ര​മു​ള്ള നാ​ട​ന്‍ തോ​ക്ക് ഉ​പ​യോ​ഗി​ക്കാ​നും ഏ​റെ പ​രി​ശീ​ല​നം വേ​ണ്ടി​വ​ന്നു. ഒ​രു പ​ഴ​യ ജീ​പ്പാ​ണ് ഈ ​സി​നി​മ​യി​ല്‍ ഉ​ട​നീ​ളം ഉ​പ​യോ​ഗി​ക്കു​ന്ന​ത്. ഡ്രൈ​വിം​ഗ് നേ​ര​ത്തേ അ​റി​യാ​മെ​ങ്കി​ലും ആ ​പ​ഴ​യ ജീ​പ്പ് ഓ​ടി​ച്ചു പ​ഠി​ക്കാ​ൻ പാ​ടു​പെ​ട്ടു. ഇ​ങ്ങോ​ട്ടു പി​ടി​ച്ചാ​ല്‍ അ​ങ്ങോ​ട്ടു പോ​കു​ന്ന​ത​രം ജീ​പ്പാ​യി​രു​ന്നു അ​ത്. പി​ന്നെ ന​ല്ല നാ​ട​ന്‍ ത​ല്ലും പ്രാ​ക്ടീ​സ് ചെ​യ്തു.

ആ​ക്‌​ഷ​ന്‍ രം​ഗ​ങ്ങ​ളി​ല്‍ ആ​ദ്യ​മാ​യി

ആ​ദ്യ​മാ​യാ​ണ് ഞാ​ൻ ആ​ക്‌​ഷ​ന്‍ രം​ഗ​ങ്ങ​ളി​ല്‍ അ​ഭി​ന​യി​ക്കു​ന്ന​ത്. അ​തു​കൊ​ണ്ടു ത​ന്നെ അ​തൊ​രു പു​തി​യ അ​നു​ഭ​വ​മാ​യി​രു​ന്നു. ത​ല്ല് എ​ങ്ങ​നെ, എ​വി​ടെ​നി​ന്നു വ​രും എ​ന്ന കാ​ര്യ​ത്തി​ല്‍ ആ​ശ​ങ്ക​യു​ണ്ടാ​യി​രു​ന്നു. രാ​ജ​ശേ​ഖ​ര​ന്‍ മാ​സ്റ്റ​റാ​ണ് ആ​ക്‌​ഷ​ന്‍ രം​ഗ​ങ്ങ​ള്‍ ഒ​രു​ക്കി​യ​ത്. അ​ദ്ദേ​ഹ​ത്തി​നൊ​പ്പം മു​മ്പു ഞാ​ന്‍ വ​ര്‍​ക്ക് ചെ​യ്തി​ട്ടു​ണ്ട്. വ​ള​രെ റി​യ​ലി​സ്റ്റി​ക്കാ​യി സീ​നു​ക​ളെ​ടു​ക്കു​ന്ന ആ​ളാ​ണ്. ന​ല്ല ക​ഷ്ട​പ്പാ​ടു​ക​ളാ​യി​രു​ന്നു​വെ​ങ്കി​ലും വ​ള​രെ മ​നോ​ഹ​ര​മാ​യാ​ണ് അ​ദ്ദേ​ഹം അ​ത് ചെ​യ്ത​ത്. ന​ല്ല റി​സ​ള്‍​ട്ട് വ​ന്നി​ട്ടു​ണ്ട് എ​ന്നാ​ണ് വി​ശ്വാ​സം. റേ​ച്ച​ലി​ന്‍റെ തു​ട​ക്കം​മു​ത​ല്‍ ഈ ​സി​നി​മ​യു​ടെ യാ​ത്ര തു​ട​ങ്ങു​ന്ന​തു​മു​ത​ല്‍ ഞാ​ന്‍ അ​തി​ന്‍റെ ഭാ​ഗ​മാ​യി​രു​ന്നു.

രാ​ഹു​ല്‍ മ​ണ​പ്പാ​ട്ട് എ​ഴു​തി​യ, ഒ​രു​പാ​ട് അം​ഗീ​കാ​ര​ങ്ങ​ള്‍ നേ​ടി​യ ചെ​റു​ക​ഥ​യാ​ണ് ഈ ​സി​നി​മ. പി​ന്നീ​ട് രാ​ഹു​ലും എ​ബ്രി​ഡ് ഷൈ​ന്‍ സാ​റും ചേ​ര്‍​ന്നു അ​തു ഡെ​വ​ല​പ്പ് ചെ​യ്താ​ണ് തി​ര​ക്ക​ഥ​യൊ​രു​ക്കി​യ​ത്. സം​വി​ധാ​യി​ക ആ​ന​ന്ദി​നി എ​ന്നോ​ട് ഈ ​സി​നി​മ പ​റ​യു​ന്ന സ​മ​യ​ത്ത് ഇ​തൊ​രു ഷോ​ര്‍​ട്ട് സ്റ്റോ​റി മാ​ത്ര​മാ​യി​രു​ന്നു. അ​ങ്ങ​നെ ഈ ​സി​നി​മ​യു​ടെ ആ​ദ്യം മു​ത​ല്‍ ഞാ​നും അ​ണി​യ​റ​ക്കാ​രു​ടെ യാ​ത്ര​യ്ക്കൊ​പ്പ​മു​ണ്ടാ​യി​രു​ന്നു. അ​ങ്ങ​നെ എ​ന്‍റെ ക​ഥാ​പാ​ത്ര​ത്തെ​ക്കു​റി​ച്ച് കൂ​ടു​ത​ൽ മ​ന​സി​ലാ​ക്കാ​നു​മാ​യി. എ​ങ്കി​ലും ഒ​രു ടൈ​റ്റി​ല്‍ ക​ഥാ​പാ​ത്രം ചെ​യ്യു​ന്ന​തി​ന്‍റെ ടെ​ന്‍​ഷ​ന്‍ ഉ​ണ്ടാ​യി​ന്നു. ചി​ത്രീ​ക​ര​ണം തു​ട​ങ്ങി​യ​പ്പോ​ൾ ആ​ത്മ​വി​ശ്വാ​സം വ​ന്നു.

ശ​ക്ത​യാ​യ സ്ത്രീ ​ക​ഥാ​പാ​ത്രം

ഇ​റ​ച്ചി​വെ​ട്ട് തൊ​ഴി​ലാ​ക്കി​യ, വേ​ട്ട​യ്ക്കൊ​ക്കെ പോ​കു​ന്ന ഒ​രു ക​ഥാ​പാ​ത്ര​മാ​ണ് റേ​ച്ച​ല്‍. ജീ​വി​ത​സാ​ഹ​ച​ര്യ​ത്തി​ല്‍ നി​ന്നാ​ണ് അ​വ​ളു​ടെ സ്വ​ഭാ​വ​മൊ​ക്കെ ഉ​ണ്ടാ​യി​വ​രു​ന്ന​ത്. അ​ത്ര​യും ശ​ക്ത​യാ​യ, ഒ​ന്നി​നെ​യും കൂ​സാ​ത്ത സ്ട്രോം​ഗ് ക​ഥാ​പാ​ത്രം.

എ​നി​ക്കു കി​ട്ടി​യ ഒ​രു അ​നു​ഗ്ര​ഹ​മാ​ണ് ഈ ​വേ​ഷം. എ​ല്ലാ കാ​ല​ഘ​ട്ട​ത്തി​ലും ഈ ​രം​ഗ​ത്തു പി​ടി​ച്ചു​നി​ല്‍​ക്കാ​ന്‍ പാ​ക​ത്തി​ന് എ​നി​ക്കു സി​നി​മ​ക​ള്‍ ല​ഭി​ച്ചി​ട്ടു​ണ്ട്. മോ​ണ്‍​സ്റ്റ​ര്‍ അ​ട​ക്ക​മു​ള്ള ന​ല്ല സി​നി​മ​ക​ള്‍ എ​നി​ക്കു ല​ഭി​ച്ചി​ട്ടു​ണ്ട്. അ​ടു​ത്ത കാ​ല​ത്ത് വീ​ര​സിം​ഹ​റെ​ഡ്ഢി എ​ന്നൊ​രു തെ​ലു​ങ്ക് സി​നി​മ ചെ​യ്തു. അ​വി​ടു​ത്തെ മാ​സ് ഓ​ഡി​യ​ന്‍​സി​നു വേ​ണ്ടി​യു​ള്ള സി​നി​മ. അ​തി​ല്‍ യു​വ​തി​യാ​യും അ​മ്മ​യാ​യും വേ​ഷ​മി​ട്ടു. അ​തൊ​രു ഈ​സി ജോ​ബ് ആ​യി​രു​ന്നി​ല്ല. എ​ന്നാ​ല്‍ റേ​ച്ച​ല്‍ ഇ​തി​നേ​ക്കാ​ള്‍ എ​ല്ലാം ഒ​രു പ​ടി​കൂ​ടി മു​ക​ളി​ല്‍ നി​ല്‍​ക്കും. എ​നി​ക്ക് വ​ലി​യൊ​രു ഉ​ത്ത​ര​വാ​ദി​ത്വം കൂ​ടി​യാ​ണ് ഈ ​സി​നി​മ.

സി​നി​മ​യ്ക്ക് ഹ​ണി​യെ വേ​ണ്ടേ

ഹ​ണി റോ​സി​നെ സി​നി​മ​യി​ല്‍ ആ​വ​ശ്യ​മി​ല്ല, ഹ​ണി റോ​സി​നാ​ണ് സി​നി​മ ആ​വ​ശ്യം എ​ന്നു ഞാ​ന്‍ പ​റ​ഞ്ഞ​ത് നൂ​റു ശ​ത​മാ​നം സ​ത്യ​മാ​യ കാ​ര്യ​മാ​ണ്. എ​നി​ക്കു സി​നി​മ വേ​ണ​മെ​ന്ന​ത് എ​ന്‍റെ ആ​വ​ശ്യ​മാ​ണ്, അ​ത്യാ​ഗ്ര​ഹ​മാ​ണ്. അ​തു​കൊ​ണ്ടാ​ണ് ഇ​ത്ര​യും വ​ര്‍​ഷ​മാ​യി ഞാ​നി​വി​ടെ പി​ടി​ച്ചു​നി​ല്‍​ക്കു​ന്ന​ത്. മോ​ശം സ​മ​യം വ​രു​മ്പോ​ള്‍ പ​ല​രും പ​റ​യാ​റു​ണ്ട,് നി​ര്‍​ത്തി പൊ​യ്ക്കൂ​ടേ എ​ന്തി​നാ​ണ് വെ​റു​തേ സ​മ​യം​ക​ള​യു​ന്ന​ത് എ​ന്നൊ​ക്കെ! ഒ​ത്തി​രി നെ​ഗ​റ്റീ​വ് ക​മ​ന്‍റു​ക​ളും ഒ​ക്കെ നേ​രി​ട്ടാ​ണ് പി​ന്നെ​യും ഇ​വി​ടെ നി​ല്‍​ക്കു​ന്ന​ത്. എ​ന്നെ സി​നി​മ​യ്ക്ക് ആ​വ​ശ്യ​മാ​ണെ​ന്ന നി​ല​യി​ലേ​ക്ക് വ​ള​രാ​ന്‍ എ​നി​ക്കു ക​ഴി​ഞ്ഞി​ട്ടി​ല്ല. അ​ങ്ങ​യൊ​രു അ​വ​സ്ഥ​യി​ലേ​ക്ക് എ​ത്ത​ണ​മെ​ന്നാ​ണ് ആ​ഗ്ര​ഹം. നോ​ക്കാം ന​മു​ക്ക്.

സം​വി​ധാ​യ​ക​ന്‍ വി​ന​യ​ന്‍

സി​നി​മ​യി​ല്‍ വ​ന്ന കാ​ലം തൊ​ട്ട് എ​ന്‍റെ ജീ​വി​ത​ത്തി​ലെ എ​ല്ലാ ഘ​ട്ട​ങ്ങ​ളി​ലും വ​ലി​യ സ​പ്പോ​ര്‍​ട്ട് ത​ന്ന് അ​ദ്ദേ​ഹം എ​നി​ക്കും കു​ടും​ബ​ത്തി​നും കൂ​ടെ​യു​ണ്ട്. എ​ല്ലാ പ്ര​തി​സ​ന്ധി ഘ​ട്ട​ത്തി​ലും ഞാ​ന്‍ അ​ദ്ദേ​ഹ​ത്തി​ന​ന്‍റെ ഉ​പ​ദേ​ശ​ങ്ങ​ള്‍ ഇ​പ്പോ​ഴും തേ​ടാ​റു​ണ്ട്. ഇ​ത്തി​രി ക​ണി​ശ​ക്കാ​ര​നെ​ങ്കി​ലും എ​പ്പോ​ഴും വ്യ​ക്ത​ത​യു​ള്ള​താ​ണ് അ​ദ്ദേ​ഹ​ത്തി​ന്‍റെ തീ​രു​മാ​ന​ങ്ങ​ള്‍. ബോ​യ്ഫ്ര​ണ്ട് എ​ന്ന അ​ദ്ദേ​ഹ​ത്തി​ന്‍റെ ചി​ത്ര​ത്തി​ലൂ​ടെ എ​ന്നെ കൊ​ണ്ടു​വ​രു​മ്പോ​ഴു​ള്ള ഹ​ണി റോ​സ് എ​ന്ന ആ​ക്‌​ട്ര​സി​ന് ഇ​ത്ര​യും വ​ര്‍​ഷ​ത്തി​ലു​ണ്ടാ​യ വ​ള​ര്‍​ച്ച അ​ദ്ദേ​ഹം ക​ണ്ടി​ട്ടു​ണ്ടാ​കും.

20 വ​ര്‍​ഷ​ങ്ങ​ള്‍

കി​ട്ടു​ന്ന ക​ഥാ​പാ​ത്ര​ങ്ങ​ള്‍ ന​ന്നാ​യി​വ​രാ​ന്‍ നൂ​റു ശ​ത​മാ​നം ഞാ​ന്‍ ശ്ര​മി​ച്ചി​ട്ടു​ണ്ട്. ഇ​ട​യ്ക്കി​ടെ വ​ള​രെ ന​ല്ല ക​ഥാ​പാ​ത്ര​ങ്ങ​ള്‍ തേ​ടി​യെ​ത്തു​ന്നു എ​ന്ന​ത് വ​ലി​യ ഭാ​ഗ്യം ത​ന്നെ​യാ​ണ്. എ​ല്ലാ ദി​വ​സ​വും ഞാ​ന്‍ ക​ഥ കേ​ള്‍​ക്കാ​റു​ണ്ട്. എ​നി​ക്കു മാ​ന​സി​ക​മാ​യി ഓ​ക്കെ അ​ല്ലാ​ത്ത ഒ​രു ടീ​മി​നൊ​പ്പം, ആ ​സി​നി​മ തി​യ​റ്റ​ര്‍ വ​രെ എ​ത്തി​ക്കാ​ന്‍ ക​ഴി​യു​മെ​ന്ന് എ​നി​ക്ക് ഉ​റ​പ്പി​ല്ലാ​ത്ത ഒ​രു ടീ​മി​നൊ​പ്പം വ​ര്‍​ക്ക് ചെ​യ്യാ​ന്‍ ഞാ​ന്‍ ഒ​ട്ടും താ​ത്പ​ര്യ​പ്പെ​ടു​ന്നി​ല്ല. സി​നി​മ ഞാ​ന്‍ ഏ​റ്റ​വും ഹൃ​ദ​യ​ത്തോ​ടു ചേ​ര്‍​ത്തു​വ​യ്ക്കു​ന്ന കാ​ര്യ​മാ​ണ്.

റേ​ച്ച​ലി​ല്‍ ഹ​ണി​യു​ടെ അം​ശ​മി​ല്ല

ഒ​രു അ​ഭി​നേ​താ​വ് എ​ന്ന നി​ല​യി​ല്‍ റേ​ച്ച​ല്‍ എ​ന്ന സി​നി​മ ഇ​തി​ന​കം ഞാ​ന്‍ പ​ല​ത​വ​ണ ക​ണ്ടു. ഇ​തു​വ​രെ​യു​ള്ള എ​ന്‍റെ സി​നി​മ​ക​ളി​ലെ ക​ഥാ​പാ​ത്ര​ങ്ങ​ളി​ല്‍ ഹ​ണി​റോ​സി​ന്‍റെ ചി​ല അം​ശ​ങ്ങ​ള്‍ ഞാ​ന്‍ ക​ണ്ടി​ട്ടു​ണ്ട്. റേ​ച്ച​ല്‍ കാ​ണു​മ്പോ​ള്‍ അ​തു വേ​റൊ​രു സ്ത്രീ​യെ ആ​ണ​ല്ലോ സ്ക്രീ​നി​ല്‍ കാ​ണു​ന്ന​തെ​ന്ന് തോ​ന്നി. അ​തു വ​ലി​യ സം​തൃ​പ്തി ന​ൽ​കു​ന്ന​താ​ണ്. എ​ന്നോ​ട് അ​ടു​ത്തു​നി​ല്‍​ക്കു​ന്ന പ​ല​രും ഇ​തേ അ​ഭി​പ്രാ​യം പ​ങ്കു​വ​ച്ചി​രു​ന്നു.

റേ​ച്ച​ലി​​ന്‍റെ സം​വി​ധാ​യി​ക

ആ​ന​ന്ദി​നി ബാ​ല ആ​ദ്യ​മാ​യി സം​വി​ധാ​നം ചെ​യ്ത സി​നി​മ​യാ​ണ് റേ​ച്ച​ല്‍. വ്യ​ക്ത​മാ​യ ഒ​രു വി​ഷ​നു​ള്ള സം​വി​ധാ​യി​ക​യാ​ണ്. അ​സി​സ്റ്റ​ന്‍റ്, അ​സോ​സി​യേ​റ്റ് ഡ​യ​റ​ക്ട​റാ​യി വ​ർ​ഷ​ങ്ങ​ൾ പ്ര​വ​ര്‍​ത്തി​ച്ച​തി​ന്‍റെ അ​നു​ഭ​വ​സ​മ്പ​ത്തു​മു​ണ്ട്. ഒ​രു ആ​ര്‍​ട്ടി​സ്റ്റി​ല്‍​നി​ന്ന് എ​ന്താ​ണ് വേ​ണ്ട​തെ​ന്നും അ​തെ​ങ്ങ​നെ ന​ന്നാ​യി എ​ടു​ക്കാ​മെ​ന്നും അ​വ​ർ​ക്ക് ന​ന്നാ​യി അ​റി​യാ​മാ​യി​രു​ന്നു.

പു​തി​യ പ്രോ​ജ​ക്ടു​ക​ള്‍

ഒ​രു പ്രൊ​ഡ​ക്‌ഷന്‍ ഹൗ​സ് ആ​രം​ഭി​ച്ചി​ട്ടു​ണ്ട്. ഒ​രു ത​മി​ഴ് സി​നി​മ ചെ​യ്യ​ണ​മെ​ന്ന് ആ​ഗ്ര​ഹ​മു​ണ്ട്. അ​തി​ന്‍റെ ഡി​സ്ക​ഷ​നും കാ​ര്യ​ങ്ങ​ളു​മൊ​ക്കെ ന​ട​ക്കു​ന്നു. അ​തു​ത​ന്നെ​യാ​കും അ​ടു​ത്ത പ്രോ​ജ​ക്ട്.

Tags : Honey Rose interview rachel main lead