മോഹൻലാലിന്റെ കരിയറിലെ മികച്ച വർഷമായിരുന്നു. ബോക്സ്ഓഫീസുകളെ ഇളക്കിമറിച്ച മൂന്നു മെഗാ ഹിറ്റുകളാണ് പോയവർഷം മോഹൻലാലിനു സമ്മാനിച്ചത്. അതേസമയം, ജീവിതത്തിലെ വലിയ നഷ്ടവും മോഹൻലാലിനുണ്ടായി. മോഹന്ലാല് ജീവനുതുല്യം സ്നേഹിച്ച അമ്മയുടെ വിയോഗവും പോയവര്ഷം സംഭവിച്ചു. എല് 2 എമ്പുരാന്, തുടരും, ഹൃദയപൂര്വം 2025ലെ മോഹന്ലാലിന്റെ ആഘോഷചിത്രങ്ങളായി.
എല് 2: എമ്പുരാന്

ആരാധകര് ഏറ്റവും കൂടുതല് കാത്തിരുന്ന, മോഹന്ലാല്-പൃഥ്വിരാജ് കോമ്പോ ചിത്രം മാര്ച്ച് 27ന് തിയറ്ററുകളിലെത്തി. പൃഥ്വിരാജ് സുകുമാരന് സംവിധാനം ചെയ്ത ചിത്രം ബോക്സ് ഓഫീസില് വലിയ ചലനമുണ്ടാക്കി. മോഹന്ലാലിന്റെ അബ്രാം ഖുറേഷി എന്ന കഥാപാത്രത്തിന്റെ പാന്-ഇന്ത്യന് തലത്തിലുള്ള വളര്ച്ചയും പൃഥ്വിരാജിന്റെ സംവിധാന മികവും ചിത്രത്തെ മലയാളത്തിലെ വലിയ വിജയങ്ങളില് ഒന്നാക്കി മാറ്റി.
തുടരും

തരുണ് മൂര്ത്തി സംവിധാനം ചെയ്ത തുടരും ജനുവരി 30ന് ആണ് റിലീസ് ചെയ്തത്. വര്ഷങ്ങളുടെ ഇടവേളയ്ക്കു ശേഷം ശോഭനയും മോഹന്ലാലും ഒന്നിച്ചുവെന്ന പ്രത്യേകത ഈ ചിത്രത്തിനുണ്ട്. ഒരു സാധാരണക്കാരന്റെ ജീവിതം പശ്ചാത്തലമാക്കി ഒരുക്കിയ ചിത്രം കുടുംബപ്രേക്ഷകരുടെ വലിയ പിന്തുണ നേടി. പ്രേക്ഷകരുടെ സ്വപ്നജോഡികളായ മോഹന്ലാലും ശോഭനയും വര്ഷങ്ങള്ക്കുശേഷം വീണ്ടും ഒന്നിച്ചതും ആരാധകര്ക്കു പ്രിയപ്പെട്ടതായി.
ഹൃദയപൂര്വം

സത്യന് അന്തിക്കാട്-മോഹന്ലാല് കൂട്ടുകെട്ട് വീണ്ടും ഒന്നിച്ച ചിത്രമാണ് ഹൃദയപൂര്വം. ഓഗസ്റ്റ് 28-ന് ഓണം റിലീസായി എത്തിയ ചിത്രം പഴയകാല ലാലേട്ടന് ചിത്രങ്ങളുടെ നൊസ്റ്റാള്ജിയ ഉണര്ത്തുന്നതായിരുന്നു. മാളവിക മോഹനന്, സംഗീത, ലാലു അലക്സ്, ജനാര്ദനന്, സിദ്ദീക്ക് തുടങ്ങിയവരാണ് ചിത്രത്തില് പ്രധാന കഥാപാത്രങ്ങൾ.
വൃഷഭ

പാന്-ഇന്ത്യന് തലത്തില് നിര്മിച്ച ബിഗ് ബജറ്റ് ആക്ഷന് ചിത്രം ക്രിസ്മസ് ിലീസായി (ഡിസംബര് 25) തിയറ്ററുകളിലെത്തി. നന്ദകിഷോര് സംവിധാനം ചെയ്ത ചിത്രത്തില് പിതാവായും മകനായും രണ്ട് കാലഘട്ടങ്ങളിലെ വേഷത്തിലാണ് മോഹന്ലാല് എത്തിയത്. 200 കോടി ബജറ്റിലൊരുങ്ങിയ ഈ ചിത്രം പക്ഷേ, തിയറ്ററുകളിൽ കാര്യമായ ചലനമുണ്ടാക്കിയില്ല.
കണ്ണപ്പ

മോഹന്ലാല് അതിഥി വേഷത്തിലെത്തിയ ചിത്രമാണ് കണ്ണപ്പ (തെലുങ്ക്). പ്രഭാസ്, അക്ഷയ് കുമാര് തുടങ്ങിയവര്ക്കൊപ്പം മോഹൻലാൽ സ്ക്രീന് പങ്കിട്ട ചിത്രം ജൂണ് 27ന് റിലീസ് ചെയ്തു. വളരെ ആഘോഷത്തോടെയാണ് ചിത്രം പുറത്തുവന്നതെങ്കിലും ബോക്സ് ഓഫീസില് വലിയ ചലനങ്ങൾ സൃഷ്ടിച്ചില്ല. വിഷ്ണു മഞ്ചുവാണ് ചിത്രത്തിലെ നായകന്. സംവിധാനം മുകേഷ് കുമാര് സിംഗ്.
Tags : mohanlal movies thudarum