അച്ഛമ്മയെ അവസാനമായി കാണാൻ തിരുവനന്തപുരത്തെ വീട്ടിലെത്തി പ്രണവ് മോഹൻലാൽ. മുടവൻമുകളിലെ കുടുംബവീട്ടിലാണ് ഇന്ന് രാവിലെ പ്രണവ് എത്തിയത്. മോഹൻലാലിന്റെ അമ്മ ശാന്തകുമാരിയുടെ മൃതദേഹം കൊച്ചിയിൽ നിന്നും ഇന്നു പുലർച്ചെ തിരുവനന്തപുരത്ത് എത്തിച്ചിരുന്നു. കേരളത്തിന് പുറത്തായിരുന്ന പ്രണവ് അച്ഛമ്മയുടെ മരണവിവരം അറിഞ്ഞയുടനെ തിരുവനന്തപുരത്തേയ്ക്ക് തിരിക്കുകയായിരുന്നു.
വീട്ടിലെത്തി അച്ഛമ്മയ്ക്ക് അന്ത്യചുംബനം നൽകിയ പ്രണവിനെ കണ്ട് ചുറ്റുമുണ്ടായിരുന്നവരും സങ്കടത്തിലാഴ്ന്നു. കൊച്ചുമക്കളോടും ശാന്തകുമാരിക്ക് പ്രത്യേക വാത്സല്യമായിരുന്നു.
കൊച്ചിയിൽ നിന്നും തിരുവനന്തപുരത്തെത്തിച്ച മൃതദേഹത്തെ അനുഗമിച്ച് മോഹൻലാലും ഭാര്യ സുചിത്രയും മകൾ വിസ്മയയും ഉണ്ടായിരുന്നു. കഴിഞ്ഞ നാല് പതിറ്റാണ്ടിലേറെയായി ശാന്തകുമാരിയമ്മയും ഭർത്താവ് വിശ്വനാഥൻ നായരും മക്കളും താമസിച്ചിരുന്ന മുടവൻമുകളിലെ വീട് മോഹൻലാലിന്റെ കുടുംബത്തിന് ഏറെ പ്രിയപ്പെട്ടതാണ്. മരണസമയത്ത് മോഹൻലാൽ അമ്മയ്ക്കരികിൽ തന്നെ ഉണ്ടായിരുന്നു.
Tags : pranav mohanlal grandmother