മാ​ൻ​ഡ​ലി​ൻ, ബാ​ൻ​ജോ, ഗി​റ്റാ​ർ... ഒ​രു​പോ​ലെ സാ​മ്യ​ങ്ങ​ളും വ്യ​ത്യാ​സ​ങ്ങ​ളു​മു​ള്ള സം​ഗീ​തോ​പ​ക​ര​ണ​ങ്ങ​ൾ. പി​താ​വി​ന്‍റെ വി​ര​ലു​ക​ൾ വി​സ്മ​യ​പ്പൂ​ക്ക​ൾ വി​ട​ർ​ത്തി​യ മാ​ൻ​ഡ​ലി​നി​ൽ മൂ​ന്നാം വ​യ​സി​ൽ തു​ട​ങ്ങി, ബാ​ൻ​ജോ​യി​ലൂ​ടെ ഗി​റ്റാ​റി​ലേ​ക്കൊ​ഴു​കി​യ​താ​ണ് എ​സ്.​പി. വെ​ങ്കി​ടേ​ഷി​ന്‍റെ സം​ഗീ​തം.

ഇ​വ​യി​ൽ കൂ​ടു​ത​ൽ ഗാം​ഭീ​ര്യ​വും വൈ​വി​ധ്യ​വു​മു​ള്ള സ്വ​രം പ​ക​രു​ന്ന​തു ഗി​റ്റാ​റാ​ണ്. എ​ല്ലാ​ത്ത​രം സം​ഗീ​ത​ത്തി​ലും ഗി​റ്റാ​ർ ഇ​ണ​ങ്ങും; എ​ല്ലാ ഭാ​വ​ങ്ങ​ളും വെ​ങ്കി​ടേ​ഷി​ന്‍റെ സം​ഗീ​ത​ത്തി​ൽ ഇ​ണ​ങ്ങി​യ​തു​പോ​ലെ. ഒ​രു ഗി​റ്റാ​ർ നെ​ഞ്ചി​ൽ​ച്ചേ​ർ​ന്നി​ല്ലാ​ത്ത എ​സ്.​പി. വെ​ങ്കി​ടേ​ഷി​ന്‍റെ രൂ​പം സ​ങ്ക​ല്പി​ക്കു​ക പ്ര​യാ​സം. വീ​ണ​യു​ടെ​യും സി​ത്താ​റി​ന്‍റെ​യും ശ​ബ്ദ​ങ്ങ​ൾ​വ​രെ അ​ദ്ദേ​ഹം ഗി​റ്റാ​റി​ൽ സൃ​ഷ്ടി​ക്കു​മാ​യി​രു​ന്നു​വ​ത്രേ.

എ​ല്ലാം അ​രു​ൾ

ഈ​ണ​ങ്ങ​ൾ മ​ന​സി​ൽ തെ​ളി​യി​ക്കു​ന്ന​തു ക​ട​വു​ളി​ന്‍റെ അ​രു​ൾ (ദൈ​വ​ത്തി​ന്‍റെ വ​രം) ആ​ണെ​ന്നാ​യി​രു​ന്നു എ​ക്കാ​ല​വും വെ​ങ്കി​ടേ​ഷി​ന്‍റെ പ​ക്ഷം. അ​ദ്ദേ​ഹം കൈ​തൊ​ട്ട​തെ​ല്ലാം മ​ല​യാ​ളി​യു​ടെ മ​ന​സു​തൊ​ട്ടു. ഒ​രി​ക്ക​ൽ അ​ദ്ദേ​ഹം പ​റ​ഞ്ഞു: “എ​ന്‍റെ ട്യൂ​ണു​ക​ൾ എ​ല്ലാ​വ​ർ​ക്കും ഇ​ഷ്ട​പ്പെ​ടു​ന്നു എ​ന്ന​തു ക​ട​വു​ളി​ന്‍റെ അ​നു​ഗ്ര​ഹം. സം​വി​ധാ​യ​ക​ർ ഓ​രോ സ​ന്ദ​ർ​ഭം പ​റ​യു​ന്പോ​ഴും ഈ​ണം മ​ന​സി​ൽ തെ​ളി​യും. ഇ​തെ​ല്ലാം എ​ങ്ങ​നെ വ​രു​ന്നു എ​ന്ന​റി​യി​ല്ല. പ്ലാ​നു​ക​ൾ എ​ല്ലാം ക​ട​വു​ളി​ന്‍റേ​താ​ണ്. ഞാ​ൻ വെ​റും വ​ർ​ക്ക​ർ മാ​ത്രം!”

അ​ദ്ദേ​ഹം ഗി​റ്റാ​റി​ൽ തൊ​ട്ടു​ണ​ർ​ത്തി​യ ചെ​റി​യ സം​ഗീ​ത​ശ​ക​ല​ങ്ങ​ൾ മ​നോ​ഹ​ര​ഗാ​ന​ങ്ങ​ളാ​യ ക​ഥ​ക​ൾ, തി​ര​ക്ക​ഥാ​കൃ​ത്തും സം​വി​ധാ​യ​ക​നു​മാ​യ ഡെ​ന്നി​സ് ജോ​സ​ഫ് പ​ല​വ​ട്ടം ഓ​ർ​മി​ച്ചി​ട്ടു​ണ്ട്. ‘തു​ട​ർ​ക്ക​ഥ’ എ​ന്ന ചി​ത്ര​ത്തി​ന്‍റെ ക​ന്പോ​സിം​ഗ് ക​ഴി​ഞ്ഞു മ​ട​ങ്ങു​ന്ന വേ​ള​യി​ൽ മ​ദ്രാ​സി​ലെ എ​വി​എം സ്റ്റു​ഡി​യോ​യു​ടെ ഡൈ​നിം​ഗ് റൂ​മി​ലി​രു​ന്ന് വെ​ങ്കി​ടേ​ഷ് ഒ​രു ശ​ക​ലം വാ​യി​ച്ചു. ഡെ​ന്നി​സി​ന്‍റെ ആ​ഗ്ര​ഹ​പ്ര​കാ​ര​മാ​യി​രു​ന്നു അ​ത്. ഒ​രൊ​റ്റ കേ​ൾ​വി​യി​ൽ ആ ​ഗി​റ്റാ​ർ​നാ​ദം അ​ദ്ദേ​ഹ​ത്തി​നി​ഷ്ട​മാ​യി. അ​തി​നെ​യൊ​രു മു​ഴു​നീ​ള ഗാ​ന​മാ​ക്കി സി​നി​മ​യി​ൽ ഉ​പ​യോ​ഗി​ക്ക​ണ​മെ​ന്നു തീ​രു​മാ​നി​ക്കു​ക​യും ചെ​യ്തു.

തു​ട​ർ​ക്ക​ഥ​യി​ലെ മ​റ്റു പാ​ട്ടു​ക​ളെ​ഴു​തി​യ​ത് ഒ.​എ​ൻ.​വി. കു​റു​പ്പാ​ണ്. അ​ദ്ദേ​ഹം വി​മാ​ന​ത്താ​വ​ള​ത്തി​ലേ​ക്കു പോ​കാ​നൊ​രു​ങ്ങി​നി​ൽ​ക്കു​ന്നു. വെ​ങ്കി​ടേ​ഷ് ഗി​റ്റാ​റി​ൽ വാ​യി​ച്ച ഈ​ണം കേ​ൾ​പ്പി​ച്ച് അ​തി​ന​നു​സ​രി​ച്ച് വ​രി​ക​ൾ എ​ഴു​ത​ണ​മെ​ന്ന് ഒ​എ​ൻ​വി​യോ​ട് ആ​വ​ശ്യ​പ്പെ​ടു​ന്ന​തു​ത​ന്നെ ശ്ര​മ​ക​ര​മാ​യ ദൗ​ത്യ​മാ​ണ്. നി​ന്ന നി​ൽ​പ്പി​ൽ ഈ​ണം കേ​ട്ട് ക​വി ര​ണ്ടു വ​രി​ക​ൾ പ​റ​ഞ്ഞു​കൊ​ടു​ത്തു. ബാ​ക്കി നാ​ട്ടി​ലെ​ത്തി​യ​ശേ​ഷം ഫോ​ണി​ൽ പ​റ​ഞ്ഞു​കൊ​ടു​ക്കാ​മെ​ന്നും ഉ​റ​പ്പു​ന​ൽ​കി. ആ ​പാ​ട്ട് തു​ട​ർ​ക്ക​ഥ​യി​ൽ എം.​ജി. ശ്രീ​കു​മാ​റി​ന്‍റെ​യും ചി​ത്ര​യു​ടെ​യും ശ​ബ്ദ​ത്തി​ൽ ഇ​ങ്ങ​നെ കേ​ട്ടു: ‘മാ​ണി​ക്യ​ക്കു​യി​ലേ നീ... ​കാ​ണാ​ത്ത കാ​ടു​ണ്ടോ... കാ​ണാ​ത്ത കാ​ട്ടി​ലേ​തോ നീ​ല​ക്ക​ട​ന്പു​ണ്ടോ...’

മ​റ്റൊ​രി​ക്ക​ൽ ഡെ​ന്നീ​സ് ജോ​സ​ഫി​നു വാ​യി​ച്ചു​കേ​ൾ​പ്പി​ച്ച സം​ഗീ​ത​ശ​ക​ല​ത്തി​ൽ​നി​ന്നാ​ണ് പാ​തി​രാ​ക്കി​ളി വ​രൂ പാ​ൽ​ക്ക​ട​ൽ​ക്കി​ളീ എ​ന്ന പാ​ട്ടു​ണ്ടാ​യ​ത്. കി​ഴ​ക്ക​ൻ പ​ത്രോ​സ് എ​ന്ന ചി​ത്ര​ത്തി​ന്‍റെ പൂ​ജാ​വേ​ള​യി​ലാ​ണ് ഈ ​സം​ഭ​വം. ഒ​എ​ൻ​വി​യു​ടെ സു​ന്ദ​ര​മാ​യ വ​രി​ക​ളും യേ​ശു​ദാ​സി​ന്‍റെ ആ​ലാ​പ​ന​വും ചേ​ർ​ന്ന​പ്പോ​ൾ പാ​ട്ട് അ​തി​സു​ന്ദ​രം. പാ​ട്ടി​നു പ​റ്റി​യ സ​ന്ദ​ർ​ഭം സി​നി​മ​യി​ൽ ഇ​ല്ലാ​തി​രു​ന്ന​തി​നാ​ൽ ടൈ​റ്റി​ൽ സോം​ഗ് ആ​യി ഉ​ൾ​പ്പെ​ടു​ത്തു​ക​യാ​യി​രു​ന്നു. ചി​ത്ര​ത്തി​ലെ സൂ​പ്പ​ർ​ഹി​റ്റ് ഗാ​ന​മാ​യി ഇ​തു മാ​റി​യ​തു ച​രി​ത്രം. ഗി​റ്റാ​ർ ബി​റ്റു​ക​ളാ​യി ഈ​ണ​ങ്ങ​ൾ വി​രി​ഞ്ഞ വി​സ്മ​യം!

ഭാ​ഷ​ക​ൾ​ക്ക​പ്പു​റം

ഇ​രു​നൂ​റു ശ​ത​മാ​നം ത​മി​ഴ​നാ​ണ് എ​സ്.​പി. വെ​ങ്കി​ടേ​ഷെ​ന്നു സ്നേ​ഹ​പൂ​ർ​വം വി​ശേ​ഷി​പ്പി​ച്ച​ത് ഗാ​ന​ര​ച​യി​താ​വ് ഷി​ബു ച​ക്ര​വ​ർ​ത്തി​യാ​ണ്. രാ​ജാ​വി​ന്‍റെ മ​ക​നി​ലെ പാ​ട്ടു​ക​ൾ​ക്ക് ഈ​ണ​മി​ടാ​നെ​ത്തു​ന്പോ​ൾ മ​ല​യാ​ള​ത്തി​ന്‍റെ പ​ശ്ചാ​ത്ത​ലം ഒ​ട്ടു​മി​ല്ല വെ​ങ്കി​ടേ​ഷി​ന്. അ​ദ്ദേ​ഹ​ത്തി​ന്‍റെ മീ​റ്റ​റൊ​പ്പി​ച്ച് വ​രി​ക​ളെ​ഴു​താ​ൻ എ​ളു​പ്പ​മാ​യി​രു​ന്നി​ല്ല. എ​ന്നി​ട്ടും ആ ​പാ​ട്ടു​ക​ൾ മ​ല​യാ​ളി ആ​സ്വാ​ദ​ക​രെ ത്ര​സി​പ്പി​ച്ചു. ‘വി​ണ്ണി​ലെ ഗ​ന്ധ​ർ​വ വീ​ണ​ക​ളും’, ‘പാ​ടാം ഞാ​നാ ഗാ​ന​വും’, ‘ദേ​വാം​ഗ​ന​യും’ ഏ​റ്റു​പാ​ടാ​ത്ത​വ​ർ ചു​രു​ക്കം. മ​ല​യാ​ള​ത്തി​ന് അ​ങ്ങ​നെ പു​തി​യൊ​രു മ്യൂ​സി​ക് ഡ​യ​റ​ക്ട​റെ സ​മ്മാ​നം കി​ട്ടു​ക​യാ​യി​രു​ന്നു.

ഇ​തേ മ​ല​യാ​ള​മ​റി​യാ​ത്ത​യാ​ൾ വൈ​കാ​തെ മ​ല​യാ​ള​ത്തി​ന്‍റെ സ്വ​ന്ത​മാ​യി. അ​ദ്ദേ​ഹം ചെ​യ്തു​വ​യ്ക്കു​ന്ന മീ​റ്റ​ർ ഗാ​ന​ര​ച​യി​താ​ക്ക​ൾ​ക്ക് ഏ​റ്റ​വും എ​ളു​പ്പ​മു​ള്ള​വ​യാ​യി. ത​നി മ​ല​യാ​ളി​ത്ത​മു​ള്ള ഒ​ട്ടേ​റെ പാ​ട്ടു​ക​ൾ പി​റ​ന്നു. വെ​ങ്കി​ടേ​ഷ് ന​ൽ​കു​ന്ന ഈ​ണം കാ​സ​റ്റി​ൽ പ​ല​യാ​വ​ർ​ത്തി കേ​ൾ​ക്കു​ന്പോ​ഴേ​ക്കും പാ​ട്ടി​ന്‍റെ പ​ല്ല​വി ത​നി​യെ വ​രു​മെ​ന്ന് ഓ​ർ​മി​ച്ചി​ട്ടു​ണ്ട് ഗാ​ന​ര​ച​യി​താ​വ് ഐ.​എ​സ്. കു​ണ്ടൂ​ർ. അ​നി​യ​ൻ ബാ​വ ചേ​ട്ട​ൻ ബാ​വ എ​ന്ന ചി​ത്ര​ത്തി​ലെ പു​ല​രി പൂ​ക്ക​ളാ​ൽ എ​ന്ന പാ​ട്ടാ​ണ് വെ​ങ്കി​ടേ​ഷി​ന്‍റെ ഈ​ണ​ത്തി​ൽ ആ​ദ്യ​മാ​യി എ​ഴു​തി​യ​ത്. ഓ​ടി​ന​ട​ന്നു പാ​ട്ടു​ക​ൾ ചെ​യ്ത് ഏ​റ്റ​വും ഔ​ന്ന​ത്യ​ത്തി​ൽ നി​ൽ​ക്കു​ന്ന കാ​ല​മാ​ണ് അ​ന്നു വെ​ങ്കി​ടേ​ഷി​ന്‍റേ​ത്. എ​ന്നി​ട്ടും ഒ​രു പു​തി​യ ആ​ളാ​യ ത​ന്നെ ക​വി എ​ന്ന നി​ല​യി​ൽ ക​ണ്ട് വെ​ങ്കി​ടേ​ഷ് സ്വീ​ക​രി​ച്ചു​വെ​ന്ന് ഐ.​എ​സ്. കു​ണ്ടൂ​ർ പ​റ​യു​ന്നു. ഒ​ട്ടേ​റെ നാ​ട​ക​ങ്ങ​ൾ​ക്കും മേ​ലേ​പ്പ​റ​ന്പി​ൽ ആ​ണ്‍​വീ​ട്, വാ​ർ​ധ​ക്യ​പു​രാ​ണം, പു​തു​ക്കോ​ട്ട​യി​ലെ പു​തു​മ​ണ​വാ​ള​ൻ തു​ട​ങ്ങി​യ ചി​ത്ര​ങ്ങ​ൾ​ക്കും പാ​ട്ടെ​ഴു​തി​യ​യാ​ളാ​ണ് അ​ദ്ദേ​ഹം.

മ​ല​യാ​ള​ത്തി​ൽ അ​വ​സ​ര​ങ്ങ​ൾ കു​റ​ഞ്ഞ​പ്പോ​ൾ തെ​ന്നി​ന്ത്യ വി​ട്ട് അ​തേ മ​നോ​ഹാ​രി​ത​യോ​ടെ ബം​ഗാ​ളി​ൽ​വ​രെ വെ​ങ്കി​ടേ​ഷി​ന്‍റെ ഈ​ണ​ങ്ങ​ളെ​ത്തി. പ​ശ്ചാ​ത്ത​ല​സം​ഗീ​ത​മാ​യും പാ​ട്ടു​ക​ളാ​യും അ​വ​രു​ടെ ഹൃ​ദ​യ​ങ്ങ​ളും തൊ​ട്ടു. അ​പ്പോ​ഴും മ​ല​യാ​ള​വും മ​ല​യാ​ളി​ക​ളും ഇ​വി​ട​ത്തെ സി​നി​മാ സൗ​ഹൃ​ദ​ങ്ങ​ളും അ​ദ്ദേ​ഹ​ത്തി​നു പ്രി​യ​ങ്ക​ര​മാ​യി​രു​ന്നു. ത​നി​ക്കു പേ​രും പു​ര​സ്കാ​ര​ങ്ങ​ളും സ​മ്മാ​നി​ച്ച​തു കേ​ര​ള​മാ​ണെ​ന്ന് അ​ദ്ദേ​ഹം എ​ന്നും ഓ​ർ​മി​ച്ചു. എ​പ്പോ​ൾ വി​ളി​ച്ചാ​ലും ഏ​തു ട്രെ​ൻ​ഡി​നൊ​പ്പി​ച്ചും പാ​ട്ടു​ക​ൾ ചെ​യ്യാ​മെ​ന്ന ആ​ത്മ​വി​ശ്വാ​സം അ​ദ്ദേ​ഹ​ത്തി​നു​ണ്ടാ​യി​രു​ന്നു. പു​തി​യ ത​ല​മു​റ ഇ​ഷ്ട​പ്പെ​ടു​ന്ന റി​ഥ​വും സൗ​ണ്ടിം​ഗും ത​ന്‍റെ കൈ​യി​ൽ ത​യാ​റാ​ണെ​ന്ന് ഒ​രി​ക്ക​ലൊ​രു ടെ​ലി​വി​ഷ​ൻ അ​ഭി​മു​ഖ​ത്തി​ൽ വെ​ങ്കി​ടേ​ഷ് പ​റ​യു​ക​യും ചെ​യ്തു.

മ​ല​യാ​ളി​ക​ളെ അ​ദ്ദേ​ഹം ഫേ​സ്ബു​ക്കി​ലൂ​ടെ​യും ഫോ​ണ്‍​വി​ളി​ക​ളി​ലൂ​ടെ​യും ക​ണ്ടു​കൊ​ണ്ടി​രു​ന്നു. ഒ​രി​ക്ക​ൽ പ​റ​ഞ്ഞു: ഫേ​സ്ബു​ക്കി​ൽ മ​ല​യാ​ളി​ക​ൾ എ​ന്നെ​ക്കു​റി​ച്ച് എ​ഴു​തു​ന്ന​തെ​ല്ലാം ഇ​വി​ടെ മ​ല​യാ​ളി​ക​ളാ​യ സ​ഹ​പ്ര​വ​ർ​ത്ത​ക​ർ കാ​ണി​ച്ചു​ത​രാ​റു​ണ്ട്. മ​ല​യാ​ള​ത്തി​ൽ എ​ത്ര​യോ ന​ല്ല പു​തി​യ സം​ഗീ​ത​സം​വി​ധാ​യ​ക​ർ വ​ന്നു, എ​ത്ര​യ​ധി​കം പാ​ട്ടു​ക​ൾ വ​ന്നു. എ​ന്നി​ട്ടും വ​ർ​ഷ​ങ്ങ​ൾ​ക്കി​പ്പു​റം എ​സ്.​പി. വെ​ങ്കി​ടേ​ഷി​നെ മ​ല​യാ​ളി​ക​ൾ ഓ​ർ​ക്കു​ന്നു. അ​താ​ണ് ഏ​റ്റ​വും വ​ലി​യ സ​ന്തോ​ഷ​വും പു​ര​സ്കാ​ര​വും. അ​തി​ന​പ്പു​റം ഒ​ന്നു​മി​ല്ല...

ല​ഹ​രി പ​ട​ർ​ത്തി​യ ‘ശാ​ന്ത​മീ​രാ​ത്രി’​യും വാ​ത്സ​ല്യം തു​ളു​ന്പി​യ ‘താ​മ​ര​ക്ക​ണ്ണ​നു​റ​ങ്ങേ​ണ’​വു​മ​ട​ക്കം പാ​ട്ടു​ക​ളു​ടെ ഒ​രു ഭാ​വ​സാ​ഗ​രം മ​ല​യാ​ളി​ക​ൾ​ക്കു​മു​ന്നി​ൽ വി​ശാ​ല​മാ​യി​ക്കി​ട​ക്കു​ന്നു. അ​ല​ക​ളും അ​ല​യു​ന്ന കാ​റ്റും ഈ​ണ​മാ​യി ന​മ്മെ തൊ​ടു​ന്നു...

Tags : S. P. Venkatesh music director malayalam movie