നാ​ട്ടു​കാ​രും വീ​ട്ടു​കാ​രു​മൊ​ക്കെ സൗ​ക​ര്യം പോ​ലെ പ്ര​ഭ​യെ​ന്നും ഇ​ന്ദു​വെ​ന്നും പ്ര​ഭേ​ന്ദു​വെ​ന്നു​മൊ​ക്കെ മാ​റി​മാ​റി വി​ളി​ക്കാ​റു​ള്ള പ്ര​ഭേ​ന്ദു എ​ന്‍. ന​മ്പൂ​തി​രി​യു​ടെ ജീ​വി​ത​ത്തി​ലെ ചി​രി​യും ഇ​മോ​ഷ​നും ക​ല​ര്‍​ന്ന ഏ​താ​നും ഏ​ടു​ക​ളാ​ണ് നി​വി​ന്‍ പോ​ളി നാ​യ​ക​വേ​ഷ​ത്തി​ലെ​ത്തി​യ അ​ഖി​ല്‍ സ​ത്യ​ന്‍ സി​നി​മ സ​ര്‍​വ്വം​മാ​യ.

പ്രേ​ത​ക​ഥ​യെ​ന്നോ പ്രേ​മ​ക​ഥ​യെ​ന്നോ വേ​ര്‍​തി​രി​ക്കാ​നാ​വാ​ത്ത​വി​ധം കെ​ട്ടു​പി​ണ​ഞ്ഞ ക​ഥാ​സ​ഞ്ചാ​ര​ത്തി​ല്‍ നി​വി​ന്‍ പോ​ളി​യെ​ന്ന ന​ട​ന്‍റെ ഹ്യൂ​മ​ര്‍ മു​ഖ​വും ഇ​മോ​ഷ​ണ​ല്‍ മു​ഖ​വും ചേ​രും​പ​ടി​ചേ​ര്‍​ത്ത് സി​നി​മ​യ്ക്കു ഫീ​ല്‍​ഗു​ഡ് ഹൊ​റ​ർ ഡ്രാ​മ ഫ്‌​ളേ​വ​ര്‍ നി​ല​നി​ര്‍​ത്തു​ന്ന​തി​ല്‍ സം​വി​ധാ​യ​ക​ന്‍ വി​ജ​യി​ച്ചു​വെ​ന്നു​ത​ന്നെ പ​റ​യാം.

നൂ​റ്റാ​ണ്ടു​ക​ളാ​യി പൂ​ജ​യും ഹോ​മ​ക​ര്‍​മ​ങ്ങ​ളു​മൊ​ക്കെ വി​ധി​പ്ര​കാ​രം തു​ട​ര്‍​ന്നു​വ​രു​ന്ന ഇ​ല്ല​ത്തെ ഇ​ള​യ സ​ന്ത​തി​യാ​ണു ക​ഥാ​നാ​യ​ക​ന്‍ പ്ര​ഭേ​ന്ദു. ആ​ള്‍​ക്ക് ഈ​ശ്വ​ര വി​ശ്വാ​സം ഇ​ത്തി​രി കു​റ​വാ​ണ്. ഇ​ല്ലെ​ന്നു ത​ന്നെ പ​റ​യാം. ആ​ള്‍​ക്ക് സം​ഗീ​ത​മാ​ണു ദൈ​വം. ഗി​റ്റാ​റി​സ്റ്റാ​ണ്.

ഗാ​ന​മേ​ള​ക​ള്‍​ക്കും ആ​ല്‍​ബ​ങ്ങ​ള്‍​ക്കും സി​നി​മാ​പാ​ട്ടു​ക​ള്‍​ക്കും ഗി​റ്റാ​ര്‍ വാ​യി​ക്കു​ന്ന​താ​ണ് പ്ര​ഭ​യു​ടെ ജീ​വ​നോ​പാ​ധി. അ​ച്ഛ​ന്‍ നീ​ല​ക​ണ്ഠ​ന്‍ ന​മ്പൂ​തി​രി​യും മൂ​ത്ത​മ​ക​ന്‍ ദീ​പാ​ങ്കു​ര​നും ചേ​ര്‍​ന്നാ​ണ് പൂ​ജ​യും വ​ഴി​പാ​ടു​ക​ളും മ​റ്റു ക​ര്‍​മ​ങ്ങ​ളു​മൊ​ക്കെ ന​ട​ത്തി​വ​രു​ന്ന​ത്.

അ​ങ്ങ​നെ​യി​രി​ക്കെ ഒ​രു പ്ര​ത്യേ​ക സാ​ഹ​ച​ര്യ​ത്തി​ല്‍ പ്ര​ഭേ​ന്ദു​വി​നു സു​ഹൃ​ത്താ​യ രൂ​പേ​ഷ് ന​മ്പൂ​തി​രി​യു​ടെ പ​രി​ക​ര്‍​മി​യാ​യി പൂ​ജ​ക​ള്‍​ക്കും ബാ​ധ ഒ​ഴി​പ്പി​ക്ക​ലു​ക​ള്‍​ക്കും പോ​കേ​ണ്ടി​വ​രു​ന്നു.

ഒ​രു ഘ​ട്ട​ത്തി​ല്‍ മെ​യി​ന്‍ പൂ​ജാ​രി​യാ​യി പ്ര​ഭ പ്ര​മോ​ഷ​നും നേ​ടു​ന്നു. തു​ട​ര്‍​ന്ന് അ​പ്ര​തീ​ക്ഷി​ത ക​ഥാ​സ​ന്ദ​ര്‍​ഭ​ങ്ങ​ളി​ലൂ​ടെ​യു​ള്ള സ്വ​ച്ഛ​ശാ​ന്ത​മാ​യ സ​ഞ്ചാ​ര​മാ​ണ് അ​ഖി​ല്‍ സ​ത്യ​ന്‍ ക​ഥ​യെ​ഴു​തി സം​വി​ധാ​നം ചെ​യ്ത സ​ര്‍​വ്വം​മാ​യ.

ത​നി​ക്കു പ​റ​യാ​നു​ള്ള​തു യാ​തൊ​രു വി​ധ ടെ​ന്‍​ഷ​നു​ക​ളു​മി​ല്ലാ​തെ നേ​രേ​ചൊ​വ്വെ പ​റ​യു​ന്ന സം​വി​ധാ​യ​ക​ന്‍. ആ ​ക​ഥാ​ഗാ​ത്ര​ത്തി​ലേ​ക്കും പ്ര​ഭേ​ന്ദു​വെ​ന്ന ക​ഥാ​പാ​ത്ര​ത്തി​ലേ​ക്കും അ​യ​ത്‌​ന ല​ളി​ത​മാ​യി ഇ​റ​ങ്ങി​ച്ചെ​ല്ലു​ന്ന നി​വി​ന്‍ പോ​ളി​യെ​ന്ന ന​ട​ന്‍.

ക്യൂ​ട്ട് ആ​ന്‍​ഡ് ഗ്രേ​യ്സ് നി​വി​നെ സ​ര്‍​വം​മ​റ​ന്നു നോ​ക്കി​യി​രു​ന്നു​പോ​കു​ന്ന ഫീ​ല്‍​ഗു​ഡ് അ​നു​ഭ​വം. വ​ര്‍​ഷ​ങ്ങ​ള്‍​ക്കു​ശേ​ഷ​മാ​ണ് ത​നി​ക്കു​മാ​ത്രം സാ​ധ്യ​മാ​കു​ന്ന, ഒ​ട്ടും ഏ​ച്ചു​കെ​ട്ട​ലു​ക​ളി​ല്ലാ​ത്ത, വെ​റും കെ​ട്ടു​കാ​ഴ്ച​യ​ല്ലാ​ത്ത ഒ​രു ക​ഥാ​പാ​ത്ര​മാ​യി നി​വി​നെ പ്രേ​ക്ഷ​ക​ര്‍​ക്കു തി​രി​കെ​ല​ഭി​ക്കു​ന്ന​ത്.

അ​വി​ടെ​യാ​ണ് അ​ത്ത​ര​മൊ​രു തി​രി​ച്ചു​വ​ര​വി​ന് വ​ഴി​യൊ​രു​ക്കി​യ അ​ഖി​ല്‍ സ​ത്യ​നോ​ടു ന​ന്ദി പ​റ​യേ​ണ്ട​ത്. പ്ര​ഭേ​ന്ദു​വാ​യി നി​വി​ന്‍റെ സ്‌​ക്രീ​ന്‍ പ്ര​സ​ന്‍​സും എ​ടു​ത്തു​പ​റ​യേ​ണ്ട​തു ത​ന്നെ.

പൊ​ന്മു​ട്ട​യി​ടു​ന്ന താ​റാ​വ്, പി​ന്‍​ഗാ​മി ഉ​ള്‍​പ്പെ​ടെ​യു​ള്ള സി​നി​മ​ക​ള്‍ എ​ഴു​തി​യ സ​ര്‍​ഗ​ധ​ന​നാ​യ ര​ഘു​നാ​ഥ് പ​ലേ​രി​യാ​ണു പ്രേ​ഭേ​ന്ദു​വി​ന്‍റെ അ​ച്ഛ​നാ​യി വേ​ഷ​മി​ട്ട​ത്. പ്ര​ഭേ​ന്ദു​വി​ന്‍റെ മൂ​ത്ത സ​ഹോ​ദ​ര​ന്‍ ദീ​പു​വാ​യി വേ​ഷ​മി​ട്ട​തു ന​ട​ന്‍ മ​ധു വാ​ര്യ​ര്‍.

വ​ലി​യ​ച്ഛ​നാ​യി ജ​നാ​ര്‍​ദ​ന​നും സു​ഹൃ​ത്ത് രൂ​പേ​ഷ് ന​മ്പൂ​തി​രി​യാ​യി അ​ജു വ​ര്‍​ഗീ​സും ക​ഥ​വ​ഴി​ക​ളി​ല്‍ ന​ര്‍​മ​ത്തി​ന്‍റെ ഉ​ജ്വ​ല മു​ഹൂ​ര്‍​ത്ത​ങ്ങ​ളൊ​രു​ക്കു​ന്നു. നി​വി​ന്‍ പോ​ളി​യു​ടെ എ​ക്കാ​ല​ത്തെ​യും ഹി​റ്റ് പ്രേ​മ​ത്തി​ന്‍റെ സം​വി​ധാ​യ​ക​ന്‍ അ​ല്‍​ഫോ​ണ്‍​സ് പു​ത്ര​ന്‍ ഇ​തി​ല്‍ സൈ​ക്യാ​ട്രി​സ്റ്റ് ക​ഥാ​പാ​ത്ര​മാ​യി നി​വി​നു​മാ​യി സ്‌​ക്രീ​ന്‍ പ​ങ്കി​ടു​ന്നു​ണ്ട്.

നി​വി​ന്‍ നാ​യ​ക​നാ​യ ഞ​ണ്ടു​ക​ളു​ടെ നാ​ട്ടി​ല്‍ ഒ​രി​ട​വേ​ള​യു​ടെ സം​വി​ധാ​യ​ക​നും ന​ട​നു​മാ​യ അ​ല്‍​ത്താ​ഫ് സ​ലിം ഡെ​ലി​വ​റി ബോ​യ് വേ​ഷ​ത്തി​ല്‍ പു​ത്ത​ന്‍ ചി​രി​പ​ട​ര്‍​ത്തു​ന്നു.

ഡീ​യ​സ് ഈ​റെ​യി​ല്‍ എ​ല്‍​സ​മ്മ​യാ​യി ഞെ​ട്ടി​ച്ച ജ​യ കു​റു​പ്പാ​ണ് അ​ജു വ​ര്‍​ഗീ​സി​ന്‍റെ അ​മ്മ വേ​ഷ​ത്തി​ലെ​ത്തു​ന്ന​ത്. ഡീ​യ​സ് ഈ​റെ​യി​ല്‍ കി​ര​ണ്‍ എ​ന്ന നി​ര്‍​ണാ​യ​ക വേ​ഷ​ത്തി​ലെ​ത്തി​യ അ​രു​ണ്‍ അ​ജി​കു​മാ​ര്‍ ഇ​തി​ല്‍ ക​ഥ​യി​ല്‍ പ്രാ​ധാ​ന്യ​മു​ള്ള ശ്രീ​രാ​ഗ് എ​ന്ന വേ​ഷ​ത്തി​ലെ​ത്തു​ന്നു.

വി​നോ​ദ് മാ​ത്യു മാ​ഞ്ഞൂ​രാ​നാ​യി വി​നീ​തും മാ​ഞ്ഞൂ​രാ​ന്‍റെ ഭാ​ര്യ​യാ​യി മേ​തി​ല്‍ ദേ​വി​ക​യും നി​ര്‍​ണാ​യ​ക ക​ഥാ​പാ​ത്ര​ങ്ങ​ള്‍​ക്കു ജീ​വ​ന്‍ പ​ക​രു​ന്നു. അ​ളി​യ​ന്‍​സി​ലെ ലി​ല്ലി, ഹൃ​ദ​യ​പൂ​ര്‍​വ്വം സി​നി​മ​യി​ലെ ഒ​ളി​ച്ചോ​ടി​യ ര​ജ​നി തു​ട​ങ്ങി​യ വേ​ഷ​ങ്ങ​ള്‍ ഹി​റ്റാ​ക്കി​യ സൗ​മ്യ​യും ഇ​തി​ല്‍ പ്ര​ഭേ​ന്ദു​വി​ന്‍റെ ബ​ന്ധു വേ​ഷ​ത്തി​ലെ​ത്തു​ന്നു​ണ്ട്.

സ​ര്‍​വ്വം​മാ​യ നി​വി​ന്‍ പോ​ളി​ക്കു ര​ണ്ടു നാ​യി​ക​മാ​രെ സ​മ്മാ​നി​ക്കു​ന്നു. ഡി​ലി​ലു എ​ന്നും മാ​യാ മാ​ത്യു​വെ​ന്നും പേ​രു​ക​ളു​ള്ള ആ​ദ്യ​ത്തെ നാ​യി​ക​യാ​യി വേ​ഷ​മി​ടു​ന്ന​തു പു​തു​മു​ഖം റി​യ ഷി​ബു. നി​വി​ന്‍ - റി​യ കോം​ബോ​യാ​ണ് ചി​ത്ര​ത്തി​ന്‍റെ സ​ര്‍​വ​വു​മെ​ന്നു ത​ന്നെ പ​റ​യാ​വു​ന്ന​ത​ര​ത്തി​ലാ​ണ് ആ​ദ്യ​ത്തെ അ​ര മ​ണി​ക്കൂ​റി​നു ശേ​ഷ​മു​ള്ള ക​ഥാ​സ​ഞ്ചാ​രം.

സ്‌​പോ​യി​ല​റാ​കു​മെ​ന്ന​തി​നാ​ല്‍ റി​യ​യു​ടെ ക​ഥാ​പാ​ത്ര​ത്തെ​ക്കു​റി​ച്ചു കൂ​ടു​ത​ല്‍ വെ​ളി​പ്പെ​ടു​ത്തു​ന്നി​ല്ല. ഒ​ന്നു പ​റ​യാം, ജീ​വി​താ​വ​സാ​നം വ​രെ​യും പേ​ടി​ച്ചു ജീ​വി​ക്കാ​നാ​ണോ പ്ലാ​ന്‍ എ​ന്നൊ​ക്കെ ചോ​ദി​ച്ച് പ്ര​ഭേ​ന്ദു​വി​നെ മോ​ട്ടി​വേ​റ്റ് ചെ​യ്യു​ന്ന കി​ടി​ല​ന്‍ ക​ഥാ​പാ​ത്ര​മാ​ണ​ത്.

സി​നി​മ ലാ​ഗ​ടി​പ്പി​ക്കാ​തെ മു​ന്നോ​ട്ടു​കൊ​ണ്ടു​പോ​കു​ന്ന​തി​ല്‍ റി​യ​യു​ടെ പു​തു​മ​യു​ള്ള എ​ന​ര്‍​ജ​റ്റി​ക് പെ​ര്‍​ഫോ​മ​ന്‍​സ് നി​ര്‍​ണാ​യ​ക​മാ​കു​ന്നു.

സി​നി​മ​യു​ടെ ര​ണ്ടാം​പ​കു​തി​യി​ല്‍ സാ​ധ്യ​യെ​ന്ന നി​ര്‍​ണാ​യ​ക ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്ന പ്രീ​തി മു​കു​ന്ദ​നാ​ണു നി​വി​ന്‍റെ ര​ണ്ടാം നാ​യി​ക. സ​ര്‍​വ്വം​മാ​യ​യു​ടെ ക​ഥ​വ​ഴി​ക​ളി​ല്‍ ഈ ​ര​ണ്ടു നാ​യി​ക​മാ​ര്‍ പ​ര​സ്പ​രം ക​ണ്ടു​മു​ട്ടു​മോ എ​ന്നൊ​ക്കെ​യു​ള്ള ര​സ​ക​ര​മാ​യ ക​ഥാം​ശ​ങ്ങ​ള്‍ തി​യ​റ്റ​റി​ല്‍ ക​ണ്ട​റി​യു​ന്ന​താ​വും ത്രി​ല്‍.

ട്രെ​യി​ല​ര്‍ ന​ല്കി​യ സൂ​ച​ന​പോ​ലെ ത​ന്നെ ഹൊ​റ​ര്‍ കോ​മ​ഡി​യു​ടെ ചേ​രു​വ​ക​ള്‍ വേ​ണ്ടു​വോ​ള​മു​ണ്ട് സ​ര്‍​വ്വം​മാ​യ​യി​ല്‍. പ്രേ​ത​വും പ്രേ​ത​ബാ​ധ ഒ​ഴി​പ്പി​ക്ക​ലു​മൊ​ക്കെ ഇ​തി​ലു​മു​ണ്ടെ​ങ്കി​ലും അ​തൊ​ക്കെ​യും ഹൊ​റ​ര്‍ ചി​ത്ര​ങ്ങ​ളി​ലെ പ​തി​വു​സീ​നു​ക​ള്‍​പോ​ലെ ആ​കു​ന്നി​ല്ല എ​ന്ന​താ​ണ് ഒ​രാ​ശ്വാ​സം.

ഇ​വി​ട​ത്തെ പ്രേ​തം ക്ലീ​ഷെ​യ​ല്ല. ഐ ​ഫോ​ണ്‍ യ​ഥേ​ഷ്ടം ഉ​പ​യോ​ഗി​ച്ചും അ​തി​ലെ ചാ​റ്റ് നോ​ക്കി​യും ഫോ​ണ്‍​വ​ഴി ഇ​ഷ്ട​മു​ള്ള​തൊ​ക്കെ ഓ​ര്‍​ഡ​ര്‍ ചെ​യ്തു​മൊ​ക്കെ വി​ല​സു​ന്ന അ​ള്‍​ട്രാ മോ​ഡേ​ണ്‍ പ്രേ​ത​മാ​ണ് സ​ര്‍​വ്വം​മാ​യ​യി​ല്‍.

പ്രേ​ത​ത്തി​നും പേ​ടി​യു​ണ്ടാ​കു​മോ, പ്രേ​ത​ത്തി​നു പ്ര​ണ​യം തോ​ന്നു​മോ, അ​ങ്ങ​നെ തോ​ന്നി​യാ​ല്‍ തു​റ​ന്നു​പ​റ​യു​മോ തു​ട​ങ്ങി​യ ചോ​ദ്യ​ങ്ങ​ള്‍​ക്കും ചി​ത്ര​ത്തി​ൽ കൃ​ത്യ​മാ​യ ഉ​ത്ത​ര​മു​ണ്ട്.

ഹൃ​ദ​യ​ഹാ​രി​യാ​യ ചി​ല താ​ര കോം​ബി​നേ​ഷ​നു​ക​ളു​ടെ ഉ​ത്സ​വ​മാ​ണ് സ​ര്‍​വ്വം​മാ​യ. അ​തി​ല്‍ പ്ര​ധാ​നം നി​വി​ന്‍ - അ​ജു കോം​ബോ ത​ന്നെ. ആ​ദ്യ​പ​കു​തി​യി​ല്‍ ആ ​കോം​ബോ​യി​ല്‍ നി​ന്നു​ണ്ടാ​കു​ന്ന കോ​മ​ഡി​സീ​നു​ക​ള്‍ നി​ര​വ​ധി​യാ​ണ്.

ത​ട്ട​ത്തി​ന്‍ മ​റ​യ​ത്ത്, വ​ട​ക്ക​ന്‍ സെ​ല്‍​ഫി, ല​വ് ആ​ക്ഷ​ന്‍ ഡ്രാ​മ എ​ന്നി​വ​യി​ലൊ​ക്കെ ന​ന്നാ​യി വ​ര്‍​ക്കൗ​ട്ടാ​യ ആ ​കോം​ബോ വീ​ണ്ടും ചി​രി​യു​ടെ വേ​റി​ട്ട ര​സ​ക്കൂ​ട്ടി​ല്‍ നി​റ​ഞ്ഞാ​ടു​ക​യാ​ണ്.

ആ​ദ്യാ​വ​സാ​ന​മു​ള്ള നി​വി​ന്‍ - ജ​നാ​ര്‍​ദ​ന​ന്‍ കോം​ബോ​യും പു​തു​പു​ത്ത​ന്‍ ത​ന്നെ. അ​തി​ലു​മു​ണ്ട് ര​ണ്ടു ക​ഥാ​പാ​ത്ര​ങ്ങ​ള്‍ സ്വ​ഭാ​വി​ക​മാ​യി ഇ​ഴു​കി​ച്ചേ​രു​ന്ന​തി​ന്‍റെ ഹൃ​ദ​യ​താ​ളം. ഈ ​സി​നി​മ​യ്ക്ക് അ​ഖി​ല്‍ സ​ത്യ​ന്‍ ക​ഥ​യെ​ഴു​തി​യ ഹൃ​ദ​യ​പൂ​ര്‍​വ്വം സി​നി​മ​യു​മാ​യു​ള്ള ചെ​റി​യ ക​ണ​ക്ഷ​നും തി​യ​റ്റ​റി​ല്‍ അ​റി​യു​ന്ന​താ​വും ഭം​ഗി.

ക​ഥാ​സ​ഞ്ചാ​ര​ത്തി​ലും അ​വ​ത​ര​ണ​ത്തി​ലും ചി​ല സ​ര്‍​പ്രൈ​സു​ക​ളും ട്വി​സ്റ്റു​ക​ളു​മു​ള്ള ഫാ​മി​ലി ഡ്രാ​മ കൂ​ടി​യാ​ണ് സ​ര്‍​വ്വം​മാ​യ. ഹൊ​റ​ര്‍ ചി​ത്ര​ങ്ങ​ളി​ല്‍ പ​തി​വു​ള്ള​തു​പോ​ലെ ഒ​രു ഫ്‌​ളാ​ഷ്ബാ​ക്ക് ഇ​തി​ലും നി​ര്‍​ണാ​യ​ക വ​ഴി​ത്തി​രി​വു​ക​ള്‍ തീ​ര്‍​ക്കു​ന്നു​ണ്ട്. വി​ദ്യാ​ർ​ഥി​ക​ൾ​ക്കി​ട​യി​ൽ ഏ​റെ ഫാ​ന്‍​സു​ള്ള ഒ​രു യു​വ​താ​രം ര​ണ്ടാം പ​കു​തി​യി​ല്‍ കാ​മി​യോ വേ​ഷ​ത്തി​ലെ​ത്തു​ന്ന​തു പ്രേ​ക്ഷ​ക​ര്‍​ക്കു സ​ര്‍​പ്രൈ​സാ​കും.

ആ​ദ്യ ചി​ത്രം പാ​ച്ചു​വും അ​ത്ഭു​ത​വി​ള​ക്കി​ലു​മെ​ന്ന​തു​പോ​ലെ ഇ​തി​ലും ശ​ര​ണ്‍​വേ​ലാ​യു​ധ​ന്‍ എ​ന്ന കാ​മ​റ​ക്കൂ​ട്ടും ജ​സ്റ്റി​ന്‍ പ്ര​ഭാ​ക​ര​ന്‍ എ​ന്ന സം​ഗീ​ത​ക്കൂ​ട്ടും കൈ​വി​ടു​ന്നി​ല്ല അ​ഖി​ല്‍ സ​ത്യ​ന്‍.

ധൂം ​ധ​ന നോം ​എ​ന്നു തു​ട​ങ്ങു​ന്ന കി​ടി​ലി​ന്‍ ഡാ​ന്‍​സ് സോം​ഗ് ഉ​ള്‍​പ്പ​ടെ സം​ഗീ​ത​ത്തി​നും പാ​ട്ടി​നും പ്രാ​ധാ​ന്യ​മു​ള്ള ചി​ത്ര​മാ​ണു സ​ര്‍​വ്വം​മാ​യ. ജ​സ്റ്റി​ന്‍ പ്ര​ഭാ​ക​റി​ന്‍റെ പാ​ട്ടു​ക​ള്‍​ക്കും സം​ഗീ​ത​ത്തി​നും ക​ഥ​യി​ലു​ള്ള പ്ര​ത്യേ​ക പ്രാ​ധാ​ന്യം തി​യ​റ്റ​റി​ല്‍ അ​റി​യു​ന്ന​താ​ണു സു​ഖ​ക​രം.

ഹൃ​ദ​യ​ഹാ​രി​യാ​ണി​തി​ന്‍റെ കാ​മ​റ​ക്കാ​ഴ്ച​ക​ള്‍. ഏ​റെ നാ​ളു​ക​ള്‍​ക്കു​ശേ​ഷം പാ​ല​ക്കാ​ട​ൻ ഗ്രാ​മ​ഭം​ഗി​യും പ​ച്ച​പ്പും നെ​ല്‍​പ്പാ​ട​വും മ​ല​നി​ര​ക​ളു​മു​ള്ള ഫ്രെ​യി​മു​ക​ള്‍ കാ​ഴ്ച​സു​ഖ​ത്തി​നു കു​ളി​രാ കു​ന്നു.

കു​ടും​ബ പ്രേ​ക്ഷ​ക​രു​ടെ പ്രി​യ​പ്പെ​ട്ട നാ​യ​ക​നാ​യി നി​വി​ന്‍റെ തി​രി​ച്ചു​വ​ര​വാ​ണ് സി​നി​മ​യു​ടെ ഹൈ​ലൈ​റ്റ്. ഈ ​ക്രി​സ്മ​സ് കാ​ല​ത്ത് കു​ടും​ബ​വു​മൊ​ത്ത് ചി​രി​ച്ചു​ര​സി​ച്ച്, ചി​ല ഘ​ട്ട​ങ്ങ​ളി​ല്‍ ന​ഷ്ട​ബോ​ധ​ത്തി​ന്‍റെ നി​സ​ഹാ​യ​ത​യി​ല്‍ കേ​വ​ലം മ​നു​ഷ്യ​നാ​യി അ​ല്പം മി​ഴി​ന​ന​ഞ്ഞ് മ​ന​സി​ട​റി, സ്‌​നേ​ഹ​ബ​ന്ധ​ന​ങ്ങ​ളു​ടെ ആ​ഴ​മ​റി​ഞ്ഞ്, മ​നു​ഷ്യാ​വ​സ്ഥ​ക​ളു​ടെ അ​വ​സ്ഥാ​ന്ത​ര​ങ്ങ​ളി​ലൂ​ടെ സ​ത്യ​വും മാ​യ​യും തേ​ടു​ന്ന ച​ല​ച്ചി​ത്രാ​നു​ഭ​വം.

ജീ​വി​ത തി​ര​ക്കു​ക​ളി​ലും മ​നു​ഷ്യ​ബ​ന്ധ​ങ്ങ​ള്‍​ക്കും ഹൃ​ദ​യ​ബ​ന്ധ​ങ്ങ​ള്‍​ക്കും ഇ​ടം​ന​ല്കു​ന്ന​വ​ര്‍​ക്ക് അ​ത്ത​രം ജീ​വി​ത​ചി​ത്ര​ങ്ങ​ള്‍ ഹൃ​ദ​യ​ഹാ​രി​യാ​യി കൊ​രു​ത്തി​രി​ക്കു​ന്ന ഈ ​ഫീ​ല്‍​ഗു​ഡ് ഹൊ​റ​ര്‍ ഫാ​മി​ലി ഡ്രാ​മ​യ്ക്കു ടി​ക്ക​റ്റെ​ടു​ക്കാം.

സ​ര്‍​വ്വം​മാ​യ​യെ​ന്ന ടൈ​റ്റി​ല്‍, ക​ഥ​വ​ഴി​യു​മാ​യി എ​ത്ര​ത്തോ​ളം ഇ​ഴു​കി​ച്ചേ​ര്‍​ന്നു​വെ​ന്ന​തു അ​ഖി​ൽ - നി​വി​ൻ മാ​യാ​ക്കാ​ഴ്ച​ക​ളി​ലൂ​ടെ നേ​രി​ട്ട​റി​യാം.

Tags : Sarvam Maya Nivin Pauly Akhil Sathyan Aju Varghese