നടിയെ ആക്രമിച്ച കേസില് രാജ്യം ഉറ്റുനോക്കുന്ന നിര്ണായക വിധി പുറത്തുവരുമ്പോള് "അവള്ക്കൊപ്പം' കുറിപ്പുമായി വുമണ് ഇന് സിനിമ കളക്ടീവ് (ഡബ്ല്യുസിസി).
നീതിക്കായുള്ള 3,215 ദിവസത്തെ കാത്തിരിപ്പ് അവസാനിക്കുന്നുവെന്ന് ചൂണ്ടിക്കാട്ടിയ ഡബ്ല്യുസിസി, അതിജീവിതയുടെ അസാമാന്യ ധൈര്യത്തെ പ്രകീര്ത്തിച്ചു. അതിജീവിതയുടെ പോരാട്ടം എല്ലാ അതിജീവിതകള്ക്കും വേണ്ടിയാണെന്ന് ഡബ്ല്യുസിസിയുടെ ഫേസ്ബുക്ക് കുറിപ്പില് പറയുന്നു. ഇക്കാലമത്രയും അതിജീവിത കാണിച്ച ധൈര്യത്തിനും പ്രതിരോധത്തിനും സമാനതകള് ഇല്ലെന്നും ഡബ്ല്യുസിസി കുറിച്ചിട്ടുണ്ട്.