ദിസ്പുർ: വരുന്ന നിയമസഭാ തെരഞ്ഞെടുപ്പിൽ ആസാമിൽ കോൺഗ്രസ് വൻ വിജയം നേടുമെന്ന് പാർട്ടി സംസ്ഥാന അധ്യക്ഷൻ ഗൗരവ് ഗൊഗോയ്. സംസ്ഥാനത്തെ കോൺഗ്രസിന്റെ റാലികളിലും പരിപാടികളിലും വൻ ജനാവലി എത്തുന്നത് ഇതിന്റെ തെളിവാണെന്നും ഗൗരവ് പറഞ്ഞു. ബിജെപി ഇനി ആസാമിൽ ഭരണത്തിലെത്തില്ലെന്നും ഗൗരവ് പറഞ്ഞു.
"സംസ്ഥാനത്തെ ജനങ്ങൾ കൊൺഗ്രസിനൊപ്പമാണ്. അതുകൊണ്ടാണ് പാർട്ടി പരിപാടികളിൽ നിരവധി ആളുകൾ എത്തുന്നത്. ഹിമന്തയുടെ ജനദ്രോഹ നയങ്ങളിൽ അവർ പൊറുതി മുട്ടിയിരിക്കുകയാണ്. ഭരണമാറ്റത്തിനായി അവർ കാത്തിരിക്കുകയാണ്.'-ഗൗരവ് പറഞ്ഞു.
"ബിജെപിക്ക് ഭയം തുടങ്ങി. അവരുടെ നാളുകൾ എണ്ണപ്പെട്ടു. ചെയ്ത അഴിമതികൾ എല്ലാം പുറത്തുവരുമെന്ന ഭയമാണ് അവർക്കുള്ളത്. അതിനാൽ തന്നെ ഭരണം നിലനിർത്താൻ അവർ എന്തും ചെയ്യും. പക്ഷെ ജനങ്ങൾക്ക് അവരെ മടുത്തു കഴിഞ്ഞു.'-ഗൗരവ് ഗൊഗോയ് കൂട്ടിച്ചേർത്തു.
Tags : gaurav gogoi congress assam bjp assembly election 2026