ബം​ഗ​ളൂ​രു: രാ​ഷ്‌ട്രീ​യ​ക്കാ​രു​ടെ​യും മ​ന്ത്രി​മാ​രു​ടെ​യും ആ​ഡം​ബ​ര​ജീ​വി​തം ഇ​ന്ത്യാ മ​ഹാ​രാ​ജ്യ​ത്തു പു​തു​മ​യു​ള്ള സം​ഭ​വ​മ​ല്ല. ക​ടം​വാ​ങ്ങി ക​ഴി​യു​ന്ന കേ​ര​ള​ത്തി​ൽ, സ​ര്‍​ക്കാ​ര്‍ ചെ​ല​വി​ല്‍ ല​ക്ഷ​ത്തി​ന​ടു​ത്തു വി​ല​യു​ള്ള ക​ണ്ണ​ട വാ​ങ്ങി​യ മ​ന്ത്രി​മാ​രെ​യും ജ​നം ക​ണ്ടി​ട്ടു​ണ്ട്. പുതിയ വിവാദം കത്തുന്നത് ക​ര്‍​ണാ​ട​ക മു​ഖ്യ​ന്‍റെ വാ​ച്ചി​നെ​ക്കു​റി​ച്ചാ​ണ്. മു​ഖ്യ​മ​ന്ത്രി സി​ദ്ധ​രാ​മ​യ്യ കെ​ട്ടു​ന്ന വാ​ച്ചി​ന്‍റെ വി​ല​യാ​ണ് ഇ​പ്പോ​ള്‍ കർണാടകയിലെങ്ങും ച​ര്‍​ച്ച. പാ​വ​പ്പെ​ട്ട​വ​രു​ടെ ശ​ബ്ദ​മാ​യി സ്വ​യം അ​വ​ത​രി​പ്പി​ക്കു​ന്ന, ആ​ദ​ര്‍​ശ​ധീ​ര​നാ​യ കോ​ണ്‍​ഗ്ര​സ് നേ​താ​വ് കെ​ട്ടു​ന്ന​ത് 43 ല​ക്ഷ​ത്തി​ന്‍റെ കാ​ര്‍​ട്ടി​യ​ര്‍ വാ​ച്ച് എന്നതാണ് മാധ്യമങ്ങൾ വാർത്തയാക്കിയത്.

വാച്ചും ഷൂസും

ആ​ഡം​ബ​ര​ജീ​വി​ത​വും ക​ര്‍​ണാ​ട​ക രാ​ഷ്‌ട്രീ​യ​വും പ​ല​പ്പോ​ഴും വി​വാ​ദ​മാ​യി​ട്ടു​ണ്ട്. കു​പ്ര​സി​ദ്ധ​മാ​യ ഹ​ബ്ലോ​ട്ട് വാ​ച്ച് ക​ഥ​യ്ക്കു​ ശേ​ഷ​മാ​ണ് സി​ദ്ധ​രാ​മ​യ്യ ഇ​പ്പോ​ൾ കാ​ർ​ട്ടി​യ​ർ കു​രു​ക്കി​ൽ അ​ക​പ്പെ​ട്ട​ത്. ക​ഴി​ഞ്ഞ​ ദി​വ​സം ന​ട​ന്ന പ്ര​ഭാ​ത​ഭ​ക്ഷ​ണ​യോ​ഗ​ത്തി​ല്‍ സി​ദ്ധ​രാ​മ​യ്യ​യും ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​റും കാ​ര്‍​ട്ടി​യ​ര്‍ വാ​ച്ചു​ക​ള്‍ ധ​രി​ച്ചി​രി​ക്കു​ന്ന​ത് ക​ണ്ടു. എ​ന്നാ​ല്‍ സി​ദ്ധ​രാ​മ​യ്യ​യു​ടെ കൈ​ത്ത​ണ്ട​യി​ല്‍ ക​ണ്ട വാ​ച്ചാ​ണ് ച​ര്‍​ച്ച​യാ​യ​ത്. റോ​സ് ഗോ​ള്‍​ഡി​ല്‍ നി​ര്‍​മി​ച്ച സാ​ന്‍റോസ് ഡി ​കാ​ര്‍​ട്ടി​യ​ര്‍ വാ​ച്ചി​ന്‍റെ വി​ല 43 ല​ക്ഷത്തലേറെ! സി​ദ്ധ​രാ​മ​യ്യ​യു​ടെ കൈ​വ​ശം ഇ​തു​പോ​ലെ​യു​ള്ള 18ലേ​റെ വാ​ച്ചു​ക​ളു​ണ്ടെ​ന്നു പ്ര​തി​പ​ക്ഷം പ​റ​യു​ന്നു. മാ​ത്ര​മ​ല്ല, മു​ഖ്യ​മ​ന്ത്രി ധ​രി​ക്കു​ന്ന​ത് ല​ക്ഷ​ങ്ങ​ൾ വി​ല​യു​ള്ള ഷൂ​സ് ആ​ണെ​ന്നും പ്ര​തി​പ​ക്ഷം ആരോപിക്കുന്നു.

വജ്രം പതിച്ച വിവാദം

വാ​ച്ചു​മാ​യി ബ​ന്ധ​പ്പെ​ട്ട വി​വാ​ദ​ങ്ങ​ളി​ല്‍ സി​ദ്ധ​രാ​മ​യ്യ അ​ക​പ്പെ​ടു​ന്ന​ത് ഇ​താ​ദ്യ​മാ​യ​ല്ല. 2016ല്‍, സി​ദ്ധ​രാ​മ​യ്യ ഉ​പ​യോ​ഗി​ച്ചി​രു​ന്ന ഹ​ബ്ലോ​ട്ട് വാ​ച്ചാ​ണ് വി​വാ​ദ​മാ​യ​ത്. ലി​മി​റ്റ​ഡ് എ​ഡി​ഷ​നി​ല്‍ നി​ര്‍​മി​ച്ച, വ​ജ്രം പ​തി​ച്ച മോ​ഡ​ലി​ന്‍റെ വി​ല 50-70 ല​ക്ഷം രൂ​പ​യാ​ണെ​ന്ന് എ​തി​രാ​ളി​ക​ള്‍ ആ​രോ​പി​ച്ച​പ്പോ​ള്‍, സ​ദ്ധ​രാ​മ​യ്യ​യു​ടെ ഹ​ബ്ലോ​ട്ട് വാ​ച്ച് വ​ലി​യ രാ​ഷ്ട്രീ​യ​വി​വാ​ദ​ത്തി​നു തി​രി​കൊ​ളു​ത്തി. പാ​വ​പ്പെ​ട്ട​വ​രു​ടെ ശ​ബ്ദ​മാ​യി സ്വ​യം അ​വ​ത​രി​പ്പി​ക്കു​ന്ന രാ​ഷ്ട്രീ​യ​ക്കാ​ര​ന്‍ ഇ​ത്ര​യും ആ​ഡം​ബ​ര​പൂ​ര്‍​ണ​മാ​യ വാ​ച്ച് ധ​രി​ക്ക​ണോ എ​ന്ന​തി​നെ​ക്കു​റി​ച്ചു​ള്ള  വ​ലി​യ ച​ര്‍​ച്ച​യി​ലേ​ക്ക് ഈ ​സം​ഭ​വം വ​ള​ര്‍​ന്നു.
അ​ന്ന്, ആ​രോ​പ​ണ​ങ്ങ​ളെ പ്ര​തി​രോ​ധി​ക്കാ​ന്‍, ഹ​ബ്ലോ​ട്ട് വാ​ച്ച് ത​ന്‍റെ പ​ഴ​യ എ​ന്‍​ആ​ര്‍​ഐ സു​ഹൃ​ത്ത് സ​മ്മാ​നി​ച്ച​താ​ണെ​ന്നും അ​തി​ന്‍റെ യ​ഥാ​ര്‍​ഥ​മൂ​ല്യം ഉ​ദ്ധ​രി​ച്ച ക​ണ​ക്കു​ക​ളേ​ക്കാ​ള്‍ വ​ള​രെ കു​റ​വാ​ണെ​ന്നു​മാ​യി​രു​ന്നു സി​ദ്ധ​രാ​മ​യ്യ​യു​ടെ ന്യാ​യീ​ക​ര​ണം.

Tags : Siddaramaiah luxurious life luxury watch luxury shoes are controversy political allegation chief minister karnadaka