ന്യൂഡല്ഹി: എം.എം. നരവനെയുടെ പുസ്തകം രാഹുല് ഗാന്ധിയ്ക്ക് ലഭിച്ചത് ആമസോണില് നിന്നാണെന്ന് എഐസിസി ജനറല് സെക്രട്ടറി കെ.സി. വേണുഗോപാല്. പുസ്തകത്തെ കേന്ദ്രസര്ക്കാര് ഭയക്കുന്നുണ്ടെന്നും അദ്ദേഹം പറഞ്ഞു.
"പുസ്തകത്തെ ഭയമുണ്ടെന്ന് മനസിലായി. എന്തൊരു പേടിയാണ്. അതാണ് അമ്പത്താറ് ഇഞ്ചിന്റെ ഗുണം. പുസ്തകം ആമസോണില് നിന്ന് ലഭിച്ചതാണ്. അപ്പോള് അവര്ക്കെതിരെയും കേസെടുക്കേണ്ടിവരും. എടുക്കട്ടെ. ആരെങ്കിലും എന്തെങ്കിലും പറഞ്ഞാല് അവര്ക്കെതിരെ കേസെടുക്കുക എന്നത് എല്ലാ ഏകാധിപതികളും ചെയ്യുന്നതാണ്. ഇതുകൊണ്ടൊന്നും സത്യം പുറത്തുവരാതിരിക്കില്ല. അതൊക്കെ വെറും ധാരണയാണ്. നമുക്ക് കാണാം'.-കെ.സി. വേണുഗോപാല് പറഞ്ഞു.
അതേസമയം, പുസ്തകം വാങ്ങിയത് മുന് കരസേന മേധാവി എം.എം. നരവനെ തന്നെ ഷെയര് ചെയ്ത ലിങ്ക് വഴിയാണെന്ന് രാഹുല് ഗാന്ധിയും വ്യക്തമാക്കിയിരുന്നു. താന് അദ്ദേഹത്തെ വിശ്വസിക്കുകയാണെന്നും രാഹുല് ഗാന്ധി പറഞ്ഞു. പുസ്തകത്തിന്റെ ഉള്ളടക്കം ശരിയാണോ ഇല്ലയോ എന്നതില് സ്ഥിരീകരണം നടത്തേണ്ടത് പെന്ഗ്വിന് ബുക്സും നരവനെയുമാണെന്നും രാഹുൽ ഗാന്ധി പറഞ്ഞു.
Tags : Rahul Gandhi Naravane book Amazon K.C. Venugopal