കൊച്ചി: അമേരിക്കൻ മലയാളി സംഘടനകളുടെ ഐക്യവേദിയായ ഫൊക്കാനയുടെ 2026-2028 കാലയളവിലെ പ്രസിഡന്റ് സ്ഥാനാർഥി ലീല മാരേട്ടിന് ജന്മനാടിന്റെ ഹൃദയംനിറഞ്ഞ പിന്തുണ. എറണാകുളം ഡർബാർ ഹാൾ റോഡിലെ ഭാരത് ടൂറിസ്റ്റ് ഹോമിലാണ് പരിപാടി നടന്നത്.
കേരളത്തിലെ ഏക പ്രവാസി പെൻഷൻ ഗുണഭോക്തൃ സംഘടനയായ എന്ആര്ഐ കൗണ്സില് ഓഫ് ഇന്ത്യ "പ്രവാസി പെൻഷൻ ഹോൾഡേഴ്സ് അസോസിയേഷൻ' ലീല മാരേട്ടിനെ ആദരിക്കുകയും തെരഞ്ഞെടുപ്പിൽ പൂർണപിന്തുണ പ്രഖ്യാപിക്കുകയും ചെയ്തു.

എൻആർഐ കൗൺസിൽ ഓഫ് ഇന്ത്യ സെൻട്രൽ കമ്മിറ്റി ചെയർമാനും പ്രവാസി പെൻഷൻ ഹോൾഡേഴ്സ് അസോസിയേഷൻ സ്ഥാപകനുമായ ഡോ. എസ്. അഹമ്മദ് അധ്യക്ഷത വഹിച്ച കൺവൻഷൻ കൊച്ചി നഗരസഭ മരാമത്ത് സ്റ്റാൻഡിംഗ് കമ്മിറ്റി ചെയർമാൻ ടി.കെ. അഷ്റഫ് ഉദ്ഘാടനം ചെയ്തു.
പ്രവാസികളുടെ ക്ഷേമത്തിനായി പ്രവർത്തിക്കുന്ന ലീല മാരേട്ടിനെപ്പോലുള്ളവർ ഫൊക്കാനയുടെ നേതൃത്വത്തിലേക്ക് വരുന്നത് ആഗോള മലയാളി സമൂഹത്തിന് വലിയ കരുത്താകുമെന്ന് ചടങ്ങിൽ നേതാക്കൾ അഭിപ്രായപ്പെട്ടു.

ന്യൂയോർക്കിലെ സാമൂഹിക രംഗത്തും വനിതാ ശാക്തീകരണ രംഗത്തും ലീല മാരേട്ട് നടത്തിയ പ്രവർത്തനങ്ങൾ ഇതിനോടകം തന്നെ വലിയ അംഗീകാരങ്ങൾ നേടിയിട്ടുണ്ട്. തെരഞ്ഞെടുപ്പിൽ "ടീം എംപവർ' പാനലിനാണ് ലീല മാരേട്ട് നേതൃത്വം നൽകുന്നത്.
Tags : Leela Marett Fokana USA