ലൂ​ധി​യാ​ന​യി​ലെ വി​ജ​ന​മാ​യ ഒ​രു റോ​ഡി​ൽ അ​ര​ങ്ങേ​റി​യ നാ​ട​കീ​യ​മാ​യ രം​ഗ​ങ്ങ​ൾ ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ ത​രം​ഗ​മാ​വു​ക​യാ​ണ്. ഓ​സ്‌​ട്രേ​ലി​യ​യി​ൽ നി​ന്ന് അ​ടു​ത്തി​ടെ പ​ഞ്ചാ​ബി​ൽ തി​രി​ച്ചെ​ത്തി​യ ഹ​ർ​ജി​ന്ദ് കൗ​ർ എ​ന്ന പ്ര​വാ​സി വ​നി​ത​യാ​ണ് ധീ​ര​മാ​യ ത​ന്‍റെ ഇ​ട​പെ​ട​ലി​ലൂ​ടെ സോ​ഷ്യ​ൽ മീ​ഡി​യ​യു​ടെ കൈ​യ​ടി നേ​ടു​ന്ന​ത്.

ത​ന്‍റെ അ​മ്മ​യ്ക്കും അ​മ്മാ​യി​ക്കു​മൊ​പ്പം കാ​റി​ൽ യാ​ത്ര ചെ​യ്യു​ക​യാ​യി​രു​ന്ന ഹ​ർ​ജി​ന്ദി​നെ ര​ണ്ട് ബൈ​ക്ക് യാ​ത്ര​ക്കാ​ർ പി​ന്തു​ട​രു​ന്ന​തോ​ടെ​യാ​ണ് സം​ഭ​വ​ങ്ങ​ളു​ടെ തു​ട​ക്കം.

പ​ല​ത​വ​ണ വ​ഴി കൊ​ടു​ത്തി​ട്ടും മ​റി​ക​ട​ന്നു പോ​കാ​തെ ഈ ​സം​ഘം കാ​റി​നെ പി​ന്തു​ട​രു​ന്ന​ത് ക​ണ്ട​പ്പോ​ൾ ത​ന്നെ എ​ന്തോ അ​പ​ക​ടം വ​രാ​നി​രി​ക്കു​ന്നു എ​ന്ന് അ​വ​ർ​ക്ക് മ​ന​സി​ലാ​യി.

യാ​ത്ര​യ്ക്കി​ടെ അ​പ്ര​തീ​ക്ഷി​ത​മാ​യി അ​ക്ര​മി​ക​ൾ കാ​റി​ന്‍റെ മു​ൻ​വ​ശ​ത്തെ ഗ്ലാ​സി​ലേ​ക്ക് മു​ട്ട​ക​ൾ എ​റി​ഞ്ഞു. ഡ്രൈ​വ​റു​ടെ കാ​ഴ്ച മ​റ​ച്ച് വ​ണ്ടി നി​ർ​ത്താ​നാ​യി​രു​ന്നു ഇ​വ​രു​ടെ പ​ദ്ധ​തി.

ഇ​തോ​ടെ കാ​റി​നു​ള്ളി​ലു​ണ്ടാ​യി​രു​ന്ന മു​തി​ർ​ന്ന സ്ത്രീ​ക​ൾ പ​രി​ഭ്രാ​ന്ത​രാ​കു​ക​യും പു​റ​ത്തി​റ​ങ്ങ​രു​തെ​ന്ന് ഹ​ർ​ജി​ന്ദി​നോ​ട് നി​ല​വി​ളി​ച്ചു പ​റ​യു​ക​യും ചെ​യ്തു. എ​ന്നാ​ൽ പ​ത​റി​പ്പോ​കു​ന്ന​തി​ന് പ​ക​രം അ​സാ​മാ​ന്യ​മാ​യ ധൈ​ര്യ​മാ​ണ് ഹ​ർ​ജി​ന്ദ് പു​റ​ത്തെ​ടു​ത്ത​ത്.

ത​ന്‍റെ പ​ക്ക​ലു​ണ്ടാ​യി​രു​ന്ന വാ​ളു​മാ​യി കാ​റി​ൽ നി​ന്നി​റ​ങ്ങി​യ അ​വ​ർ അ​ക്ര​മി​ക​ൾ​ക്ക് നേ​രെ പാ​ഞ്ഞ​ടു​ത്തു. വാ​ൾ വീ​ശി​ക്കൊ​ണ്ട് ത​ന്നെ നേ​രി​ടാ​ൻ വെ​ല്ലു​വി​ളി​ച്ച യു​വ​തി​യു​ടെ രൗ​ദ്ര​ഭാ​വം ക​ണ്ട അ​ക്ര​മി​ക​ൾ അ​ക്ഷ​രാ​ർ​ഥ​ത്തി​ൽ ഭ​യ​ന്നു​പോ​യി.

ഒ​ട്ടും പ്ര​തീ​ക്ഷി​ക്കാ​ത്ത ഈ ​തി​രി​ച്ച​ടി​യി​ൽ പ​ക​ച്ചു​പോ​യ ക​വ​ർ​ച്ചാ സം​ഘം ഉ​ട​ൻ ത​ന്നെ ബൈ​ക്ക് തി​രി​ച്ച് അ​വി​ടെ​നി​ന്ന് ര​ക്ഷ​പെ​ടു​ക​യാ​യി​രു​ന്നു. ഈ ​സം​ഭ​വ​ത്തി​ന്‍റെ ദൃ​ശ്യ​ങ്ങ​ൾ ഹ​ർ​ജി​ന്ദി​ന്‍റെ അ​മ്മാ​യി മൊ​ബൈ​ലി​ൽ പ​ക​ർ​ത്തി​യി​രു​ന്നു.

വീ​ഡി​യോ വൈ​റ​ലാ​യ​തോ​ടെ അ​വ​ർ തി​ര​ഞ്ഞെ​ടു​ത്ത ല​ക്ഷ്യം തെ​റ്റി​പ്പോ​യി എ​ന്ന ഹ​ർ​ജി​ന്ദി​ന്‍റെ വാ​ക്കു​ക​ൾ സോ​ഷ്യ​ൽ മീ​ഡി​യ​യി​ൽ വ​ലി​യ ച​ർ​ച്ച​യാ​യി.

സാ​ധാ​ര​ണ​ക്കാ​രാ​യ സ്ത്രീ​ക​ളെ ല​ക്ഷ്യം വെ​ക്കു​ന്ന ക്രി​മി​ന​ലു​ക​ൾ​ക്കു​ള്ള ശ​ക്ത​മാ​യ മു​ന്ന​റി​യി​പ്പാ​ണ് ഈ ​സം​ഭ​വ​മെ​ന്നാ​ണ് പ​ല​രും അ​ഭി​പ്രാ​യ​പ്പെ​ടു​ന്ന​ത്.

ദൃ​ശ്യ​ങ്ങ​ൾ ശ്ര​ദ്ധ​യി​ൽ​പ്പെ​ട്ട ലു​ധി​യാ​ന പൊ​ലീ​സ് ഉ​ട​ൻ ത​ന്നെ ന​ട​പ​ടി​യെ​ടു​ക്കു​ക​യും സം​ഭ​വ​വു​മാ​യി ബ​ന്ധ​പ്പെ​ട്ട് ര​ണ്ട് പേ​രെ ക​സ്റ്റ​ഡി​യി​ലെ​ടു​ക്കു​ക​യും ചെ​യ്തു.

നി​ല​വി​ൽ ഇ​വ​ർ​ക്കെ​തി​രെ കേ​സെ​ടു​ത്ത് കൂ​ടു​ത​ൽ അ​ന്വേ​ഷ​ണം ന​ട​ത്തി​വ​രി​ക​യാ​ണ്. പ്ര​തി​കൂ​ല സാ​ഹ​ച​ര്യ​ത്തി​ലും ഭ​യ​ത്തി​ന് കീ​ഴ​ട​ങ്ങാ​തെ ആ​യു​ധ​മേ​ന്തി പോ​രാ​ടി​യ ഹ​ർ​ജി​ന്ദി​നെ ഒ​രു യ​ഥാ​ർ​ഥ പോ​രാ​ളി​യാ​യാ​ണ് ജ​ന​ങ്ങ​ൾ ഇ​പ്പോ​ൾ വി​ശേ​ഷി​പ്പി​ക്കു​ന്ന​ത്.

Tags : ViralVideo RealLifeHero TrendingNews IncredibleIndia BraveryAward