ടാ​ക്സി യാ​ത്ര​ക്കി​ടെ യാ​ത്ര​ക്കാ​രി​യും ഡ്രൈ​വ​റും ത​മ്മി​ലു​ണ്ടാ​യ വാ​ക്കേ​റ്റ​ത്തി​ന്‍റെ ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ വ​ലി​യ ച​ർ​ച്ച​ക​ൾ​ക്ക് വ​ഴി​തെ​ളി​ച്ചി​രി​ക്കു​ക​യാ​ണ്.

സേ​വ​നം ഉ​പ​യോ​ഗ​പ്പെ​ടു​ത്തി​യ ശേ​ഷം പ​ണം ന​ൽ​കാ​ൻ വി​സ​മ്മ​തി​ക്കു​ന്ന യാ​ത്ര​ക്കാ​രി​യോ​ട് ഡ്രൈ​വ​ർ ത​ന്‍റെ കൂ​ലി ആ​വ​ശ്യ​പ്പെ​ടു​ന്ന​താ​ണ് വീ​ഡി​യോ​യു​ടെ ഉ​ള്ള​ട​ക്കം.

ത​നി​ക്ക് അ​ർ​ഹ​ത​പ്പെ​ട്ട പ​ണം ന​ൽ​ക​ണ​മെ​ന്ന് ഡ്രൈ​വ​ർ ആ​വ​ർ​ത്തി​ച്ചു ആ​വ​ശ്യ​പ്പെ​ടു​മ്പോ​ഴും ഒ​രു രൂ​പ പോ​ലും ന​ൽ​കി​ല്ലെ​ന്ന നി​ല​പാ​ടി​ലാ​യി​രു​ന്നു യു​വ​തി.

ഡ്രൈ​വ​റു​ടെ വാ​ദ​ങ്ങ​ൾ അ​നു​സ​രി​ച്ച്, യാ​ത്ര​യ്ക്കി​ട​യി​ൽ യു​വ​തി കാ​റി​നു​ള്ളി​ലി​രു​ന്ന് പു​ക​വ​ലി​ക്കു​ക​യും മ​ദ്യം വാ​ങ്ങാ​നാ​യി വാ​ഹ​നം വ​ഴി​യി​ൽ നി​ർ​ത്താ​ൻ നി​ർ​ബ​ന്ധി​ക്കു​ക​യും ചെ​യ്തു.

കൂ​ടാ​തെ ദീ​ർ​ഘ​നേ​രം ത​ന്നെ കാ​ത്തു​നി​ർ​ത്തി​ച്ച് സ​മ​യം ക​ള​ഞ്ഞ​താ​യും ഡ്രൈ​വ​ർ ആ​രോ​പി​ക്കു​ന്നു​ണ്ട്. എ​ന്നാ​ൽ ഈ ​ആ​രോ​പ​ണ​ങ്ങ​ളെ​യെ​ല്ലാം പു​ച്ഛി​ച്ചു ത​ള്ളു​ന്ന രീ​തി​യി​ലാ​ണ് യു​വ​തി പെ​രു​മാ​റു​ന്ന​ത്.

സം​ഭ​വം വ​ല്ലാ​തെ വ​ഷ​ളാ​യ​തോ​ടെ ഡ്രൈ​വ​ർ നി​യ​ന്ത്ര​ണം വി​ട്ട് സം​സാ​രി​ക്കു​ന്ന​തും വീ​ഡി​യോ​യി​ൽ കേ​ൾ​ക്കാം. ത​ർ​ക്കം രൂ​ക്ഷ​മാ​യ​തോ​ടെ അ​വി​ടെ​യു​ണ്ടാ​യി​രു​ന്ന ഒ​രാ​ളോ​ട് യു​വ​തി ത​ന്‍റെ ഭാ​ഗം വി​ശ​ദീ​ക​രി​ക്കാ​ൻ ശ്ര​മി​ക്കു​ന്നു​ണ്ടെ​ങ്കി​ലും, അ​തി​ന് മു​ൻ​പേ വീ​ഡി​യോ അ​വ​സാ​നി​ക്കു​ക​യാ​ണ്.

ഈ ​അ​പൂ​ർ​ണ​ത ത​ന്നെ​യാ​ണ് സോ​ഷ്യ​ൽ മീ​ഡി​യ​യി​ൽ വ​ലി​യ തോ​തി​ലു​ള്ള അ​ഭി​പ്രാ​യ വ്യ​ത്യാ​സ​ങ്ങ​ൾ​ക്ക് കാ​ര​ണ​മാ​യ​ത്.

യു​വ​തി​യു​ടെ പെ​രു​മാ​റ്റം വ​ള​രെ മോ​ശ​മാ​ണെ​ന്നും അ​ധ്വാ​നി​ക്കു​ന്ന​വ​ന്‍റെ പ​ണം ന​ൽ​കാ​തി​രി​ക്കു​ന്ന​ത് അ​നീ​തി​യാ​ണെ​ന്നും ഒ​രു വി​ഭാ​ഗം വാ​ദി​ക്കു​മ്പോ​ൾ, വീ​ഡി​യോ​യി​ൽ കാ​ണു​ന്ന കാ​ര്യ​ങ്ങ​ൾ മാ​ത്രം വെ​ച്ച് ഒ​രാ​ളെ കു​റ്റ​പ്പെ​ടു​ത്തു​ന്ന​ത് ശ​രി​യ​ല്ലെ​ന്ന് മ​റ്റൊ​രു വി​ഭാ​ഗം അ​ഭി​പ്രാ​യ​പ്പെ​ടു​ന്നു.

 പ​ല​പ്പോ​ഴും ഡ്രൈ​വ​ർ​മാ​ർ അ​മി​ത കൂ​ലി ആ​വ​ശ്യ​പ്പെ​ടാ​റു​ണ്ടെ​ന്നും അ​ത്ത​ര​ത്തി​ലു​ള്ള എ​ന്തെ​ങ്കി​ലും പ്ര​ശ്ന​മാ​ണോ യു​വ​തി​യെ ചൊ​ടി​പ്പി​ച്ച​തെ​ന്ന് വ്യ​ക്ത​മ​ല്ലെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു. ഇ​ൻ​സ്റ്റാ​ഗ്രാ​മി​ലൂ​ടെ പു​റ​ത്തു​വ​ന്ന ഈ ​വീ​ഡി​യോ ല​ക്ഷ​ക്ക​ണ​ക്കി​ന് ആ​ളു​ക​ളാ​ണ് ഇ​തി​നോ​ട​കം ക​ണ്ട​ത്.

വീ​ഡി​യോ​യി​ലെ ഡ്രൈ​വ​റു​ടെ ഭാ​ഷാ​പ്ര​യോ​ഗ​ങ്ങ​ൾ അ​ല്പം ക​ടു​പ്പ​മേ​റി​യ​താ​യ​തി​നാ​ൽ പ​ല​യി​ട​ത്തും ഇ​ത് സെ​ൻ​സ​ർ ചെ​യ്താ​ണ് പ്ര​ച​രി​ക്കു​ന്ന​ത്.

എ​ന്നി​രു​ന്നാ​ലും, വീ​ഡി​യോ​യു​ടെ വി​ശ്വാ​സ്യ​ത​യോ ഡ്രൈ​വ​ർ ഉ​ന്ന​യി​ച്ച ആ​രോ​പ​ണ​ങ്ങ​ളി​ലെ സ​ത്യ​മോ ഇ​തു​വ​രെ ഔ​ദ്യോ​ഗി​ക​മാ​യി സ്ഥി​രീ​ക​രി​ക്ക​പ്പെ​ട്ടി​ട്ടി​ല്ല.

ഒ​രു വ​ശ​ത്തെ വി​വ​ര​ങ്ങ​ൾ മാ​ത്രം ല​ഭ്യ​മാ​യ സാ​ഹ​ച​ര്യ​ത്തി​ൽ ആ​രെ​യാ​ണ് കു​റ്റ​പ്പെ​ടു​ത്തേ​ണ്ട​തെ​ന്ന കാ​ര്യ​ത്തി​ൽ ഇ​ന്‍റ​ർ​നെ​റ്റ് ലോ​കം ഇ​പ്പോ​ഴും ര​ണ്ട് ത​ട്ടി​ലാ​ണ്.

Tags : ViralVideo TrendingNews SocialMediaViral InternetDebate CaughtOnCamera