ചൈ​ന​യി​ലെ പ്ര​ധാ​ന​പ്പെ​ട്ട നാ​ലു ന​ദി​ക​ളാ​ണ് യാം​ഗ്സി, യെ​ല്ലോ, പേ​ൾ, ഹെ​യ്‌​ലോം​ഗ് എ​ന്നി​വ. ഇ​വ​യു​ടെ ഉ​ദ്ഭ​വ​ത്തെ​ക്കു​റി​ച്ച് ചൈ​നീ​സ് പു​രാ​ണ​ങ്ങ​ളി​ൽ മ​നോ​ഹ​ര​മാ​യ ഒ​രു ക​ഥ​യു​ണ്ട്. ഇ​തി​ലെ പ്ര​ധാ​ന ക​ഥാ​പാ​ത്ര​ങ്ങ​ൾ നാ​ലു വ്യാ​ളി​ക​ളാ​ണ്. തീ​തു​പ്പു​ന്ന ഈ ​വ്യാ​ളി​ക​ൾ ആ​ദ്യം ആ​കാ​ശ​ലോ​ക​ത്താ​ണ് ജീ​വി​ച്ചി​രു​ന്ന​ത്. എ​ന്നാ​ൽ ഇ​വ ആ​കാ​ശ​ത്തി​ന്‍റെ​യും ഭൂ​മി​യു​ടെ​യും പ​ര​മാ​ധി​കാ​രി​യാ​യി​രു​ന്ന ജ​യ്ഡ് ച​ക്ര​വ​ർ​ത്തി​യു​ടെ നി​യ​ന്ത്ര​ണ​ത്തി​ലാ​യി​രു​ന്നു.

പ്ര​കൃ​തി​യു​ടെ പ്ര​വാ​ഹ​വും മ​നു​ഷ്യ​രു​ടെ വി​ധി​യും നി​യ​ന്ത്രി​ക്കു​ന്ന​തു ജ​യ്ഡ് ച​ക്ര​വ​ർ​ത്തി​യാ​ണെ​ന്നാ​യി​രു​ന്നു ചൈ​ന​ക്കാ​രു​ടെ വി​ശ്വാ​സം. ഒ​രു​വ​ർ​ഷം ഭൂ​മി​യി​ൽ ക​ടു​ത്ത വ​ര​ൾ​ച്ച വ​ന്നു. പൊ​ട്ടി​പ്പൊ​ളി​ഞ്ഞ ഭൂ​മി വേ​ദ​ന​കൊ​ണ്ടു നി​ല​വി​ളി​ച്ചു. ജ​ന​ങ്ങ​ൾ കു​ടി​വെ​ള്ള​ത്തി​നാ​യി പ​ര​ക്കം​പാ​ഞ്ഞു. സ​ഹാ​യ​ത്തി​നാ​യി പ്രാ​ർ​ഥ​ന​ക​ൾ സ്വ​ർ​ഗ​ത്തി​ലേ​ക്ക് ഉ​യ​ർ​ന്നു. ഈ ​ദു​രി​തം​ക​ണ്ട് വ്യാ​ളി​ക​ൾ നാ​ലും ച​ക്ര​വ​ർ​ത്തി​യു​ടെ അ​ര​മ​ന​യി​ലേ​ക്കു പ​റ​ന്നു. എ​ത്ര​യും​വേ​ഗം ഭൂ​മി​യി​ലേ​ക്ക് മ​ഴ അ​യ​യ്ക്ക​ണ​മെ​ന്ന് അ​വ​ർ കേ​ണ​പേ​ക്ഷി​ച്ചു. ഉ​ട​നെ​ത​ന്നെ മ​ഴ അ​യ​യ്ക്കാ​മെ​ന്ന് ച​ക്ര​വ​ർ​ത്തി വാ​ഗ്ദാ​നം​ചെ​യ്തു.

എ​ന്നാ​ൽ ദി​വ​സ​ങ്ങ​ൾ പ​ല​തു​ക​ഴി​ഞ്ഞി​ട്ടും ഒ​ന്നും സം​ഭ​വി​ച്ചി​ല്ല. സൂ​ര്യ​ൻ ക​ത്തി​ക്കൊ​ണ്ടി​രു​ന്നു. ഭൂ​മി വെ​ന്തു​രു​കാ​ൻ തു​ട​ങ്ങി. മ​നു​ഷ്യ​രു​ടെ ദുഃ​ഖം വ​ർ​ധി​ച്ചു. ഇ​തു​ക​ണ്ട് ക​രു​ണ​തോ​ന്നി​യ വ്യാ​ളി​ക​ൾ ക​ട​ലി​ലേ​ക്കു പ​റ​ന്നു. അ​വ​ർ വ​ൻ​തോ​തി​ൽ ക​ട​ൽ​ജ​ലം ശേ​ഖ​രി​ച്ച് ഭൂ​മി​യി​ലേ​ക്ക് മ​ഴ​യാ​യി വ​ർ​ഷി​ച്ചു. അ​പ്പോ​ൾ മേ​ഘ​ങ്ങ​ൾ കൂ​ട്ടി​നെ​ത്തി. അ​വ മ​ഴ വ​ർ​ഷി​ച്ചു. ഭൂ​മി ഉ​ട​ന​ടി പു​തു​ജീ​വ​ൻ നേ​ടി. ഉ​ണ​ങ്ങി​യ വ​യ​ലു​ക​ൾ വേ​ഗം പ​ച്ച​പി​ടി​ച്ചു. ജ​ന​ങ്ങ​ൾ ആ​ഹ്ലാ​ദ​ഭ​രി​ത​രാ​യി സ്വ​ർ​ഗ​ത്തി​ലേ​ക്കു​നോ​ക്കി ന​ന്ദി​പ​റ​ഞ്ഞു.

ഭൂ​മി​യി​ൽ മ​ഴ ല​ഭി​ച്ച​കാ​ര്യം ജ​യ്ഡ് ച​ക്ര​വ​ർ​ത്തി അ​റി​ഞ്ഞു. അ​ദ്ദേ​ഹം കോ​പി​ഷ്ഠ​നാ​യി. ത​ന്‍റെ അ​നു​മ​തി​കൂ​ടാ​തെ പ്ര​വ​ർ​ത്തി​ച്ച​തി​ന് ക​ടു​ത്ത ശി​ക്ഷ​യാ​യി നാ​ലു വ്യാ​ളി​ക​ളെ​യും വ​ലി​യ പ​ർ​വ​ത​ങ്ങ​ൾ​ക്കി​ട​യി​ൽ ത​ട​വി​ലാ​ക്കി. എ​ന്നാ​ൽ വ്യാ​ളി​ക​ൾ ത​ങ്ങ​ളു​ടെ ദു​ർ​വി​ധി​യോ​ർ​ത്ത് വി​ല​പി​ക്കു​ക​യ​ല്ല ചെ​യ്ത​ത്. പ​ക​രം ജ​ന​ങ്ങ​ളെ എ​ങ്ങ​നെ സ​ഹാ​യി​ക്കാ​മെ​ന്നാ​ണ് അ​വ ആ​ലോ​ചി​ച്ച​ത്.

അ​തേ​ത്തു​ട​ർ​ന്ന് ആ ​നാ​ലു വ്യാ​ളി​ക​ളും ത​ങ്ങ​ളെ​ത്ത​ന്നെ നാ​ലു മ​ഹാ​ന​ദി​ക​ളാ​ക്കി മാ​റ്റി. അ​ങ്ങ​നെ​യാ​ണ​ത്രേ യാം​ഗ്സി ന​ദി, മ​ഞ്ഞ ന​ദി, പേ​ൾ ന​ദി, ഹെ​യ്‌​ലോം​ഗ് ന​ദി എ​ന്നി​വ ഉ​ദ്ഭ​വി​ച്ച​ത്! ഈ ​മ​ഹാ​ന​ദി​ക​ൾ ചൈ​ന​യി​ലെ ജ​ന​ങ്ങ​ൾ​ക്ക് ഇ​ന്നും വേ​ണ്ടു​വോ​ളം ജ​ലം ന​ൽ​കു​ന്നു.

ഇ​തു വെ​റു​മൊ​രു പു​രാ​ണ ക​ഥ​യാ​ണ്. എ​ന്നാ​ൽ ഈ ​ക​ഥ ന​മ്മെ പ​ഠി​പ്പി​ക്കു​ന്ന വ​ലി​യ സ​ത്യ​മു​ണ്ട്. ജീ​വി​തം ഒ​ഴു​കു​ന്ന​ത് ത്യാ​ഗ​ത്തി​ൽ​നി​ന്നാ​ണ്. മ​റ്റു​ള്ള​വ​രു​ടെ ത്യാ​ഗ​ത്തി​ന്‍റെ ഫ​ല​മാ​ണ് ന​മ്മു​ടെ ജീ​വി​ത​ത്തി​ലെ പ​ല ദാ​ന​ങ്ങ​ളും ന​ന്മ​ക​ളും. അ​തു​പോ​ലെ ന​മ്മു​ടെ ത്യാ​ഗ​ത്തി​ന്‍റെ​യും സേ​വ​ന​ത്തി​ന്‍റെ​യും ഫ​ല​മാ​യ​ല്ലേ മ​റ്റു​ള്ള​വ​രു​ടെ ജീ​വി​തം പ​ല​പ്പോ​ഴും ധ​ന്യ​മാ​കു​ന്ന​ത്?

മ​ക്ക​ളു​ടെ ന​ന്മ​യ്ക്കാ​യി മാ​താ​പി​താ​ക്ക​ൾ സ​ഹി​ക്കു​ന്ന ത്യാ​ഗ​ങ്ങ​ൾ എ​ത്ര​യോ വ​ലു​താ​ണ്! അ​വ​ർ ഉ​റ​ക്ക​വും വി​ശ്ര​മ​വു​മൊ​ക്കെ ഉ​പേ​ക്ഷി​ച്ച​ല്ലേ മ​ക്ക​ളു​ടെ ന​ന്മ ഉ​റ​പ്പു​വ​രു​ത്തു​ന്ന​ത്? രാ​ജ്യ​സു​ര​ക്ഷ​യ്ക്കാ​യി കൊ​ടും​ത​ണു​പ്പ​ത്തും കാ​വ​ലി​രി​ക്കു​ന്ന സൈ​നി​ക​രു​ടെ ത്യാ​ഗം ന​മു​ക്ക് വി​സ്മ​രി​ക്കാ​നാ​വു​മോ? വി​വി​ധ സേ​വ​ന​രം​ഗ​ങ്ങ​ളി​ൽ ഏ​ർ​പ്പെ​ട്ടി​രി​ക്കു​ന്ന​വ​ർ എ​ത്ര​യോ അ​ധി​ക​മാ​ണ് ന​മ്മു​ടെ​യി​ട​യി​ൽ? ഡോ​ക്ട​ർ​മാ​ർ, ന​ഴ്സു​മാ​ർ, അ​ധ്യാ​പ​ക​ർ, സാ​മൂ​ഹ്യ​സേ​വ​ക​ർ, അ​ഗ​തി​ശു​ശ്രൂ​ഷ​ക​ർ എ​ന്നി​വ​രൊ​ക്കെ ഈ ​ഗ​ണ​ത്തി​ൽ ഉ​ൾ​പ്പെ​ടു​ന്നു. ഇ​വ​രു​ടെ​യൊ​ക്കെ ത്യാ​ഗ​പൂ​ർ​ണ​മാ​യ സേ​വ​ന​മ​ല്ലേ ന​മ്മു​ടെ സ​മൂ​ഹ​ത്തെ സു​ഗ​മ​മാ​യി മു​ന്നോ​ട്ടു ന​യി​ക്കു​ന്ന​ത്?

ചൈ​നീ​സ് പു​രാ​ണ​ത്തി​ലെ നാ​ലു വ്യാ​ളി​ക​ളും സ്വ​ന്തം മ​ഹ​ത്വ​മ​ല്ല അ​ന്വേ​ഷി​ച്ച​ത്. അ​വ​യു​ടെ ല​ക്ഷ്യം മ​നു​ഷ്യ​രു​ടെ ന​ന്മ​യാ​യി​രു​ന്നു. ത​ന്മൂ​ല​മാ​ണ് ശി​ക്ഷി​ക്ക​പ്പെ​ട്ടി​ട്ടും സ്വ​ന്തം ത്യാ​ഗ​ത്തി​ലൂ​ടെ അ​വ ജ​ന​ങ്ങ​ൾ​ക്ക് ജ​ലം ഉ​റ​പ്പു​വ​രു​ത്തി​യ​ത്. എ​ന്നാ​ൽ ഇ​ന്ന​ത്തെ ലോ​ക​ത്തു നാം ​കാ​ണു​ന്ന​ത് ഇ​ങ്ങ​നെ​യ​ല്ല​ല്ലോ. ന​മ്മി​ൽ ഏ​റെ​പ്പേ​രും അ​ന്വേ​ഷി​ക്കു​ന്ന​തു സ്വ​ന്തം സു​ഖ​വും മ​ഹ​ത്വ​വു​മൊ​ക്കെ​യ​ല്ലേ? മ​റ്റു​ള്ള​വ​രു​ടെ ന​ന്മ​യെ​ക്കു​റി​ച്ച് ചി​ന്തി​ക്കാ​നും പ്ര​വ​ർ​ത്തി​ക്കാ​നും ആ​ർ​ക്കാ​ണ് സ​മ​യം? എ​ന്നാ​ൽ, ഇ​താ​ണോ ശ​രി​യാ​യ വ​ഴി​യെ​ന്ന് നാം ​സ്വ​യം ചോ​ദി​ക്കേ​ണ്ട​തു​ണ്ട്.

ലോ​കം ക​ണ്ടി​ട്ടു​ള്ള ബു​ദ്ധി​രാ​ക്ഷ​സ​ന്മാ​രി​ൽ അ​ഗ്ര​ഗ​ണ്യ​നാ​യ ആ​ൽ​ബ​ർ​ട്ട് ഐ​ൻ​സ്റ്റൈ​ൻ പ​റ​യു​ന്നു: ""മ​റ്റു​ള്ള​വ​ർ​ക്കാ​യി ജീ​വി​ക്കു​ന്ന ജീ​വി​തം മാ​ത്ര​മാ​ണ് യ​ഥാ​ർ​ഥ​ത്തി​ൽ വി​ല​പ്പെ​ട്ട​താ​യി​ട്ടു​ള്ള​ത്.'' അ​തു​പോ​ലെ അ​മേ​രി​ക്ക​ൻ ചി​ന്ത​ക​നും എ​ഴു​ത്തു​കാ​ര​നു​മാ​യി​രു​ന്ന റാ​ൾ​ഫ് എ​മേ​ഴ്സ​ണ്‍ പ​റ​യു​ന്ന​തു ശ്ര​ദ്ധി​ക്കു​ക: ""ജീ​വി​ത​ത്തി​ന്‍റെ ല​ക്ഷ്യം സ്വ​ന്തം സു​ഖം ക​ണ്ടെ​ത്തു​ക എ​ന്നു​ള്ള​ത​ല്ല, പ്ര​ത്യു​ത മ​റ്റു​ള്ള​വ​ർ​ക്ക് ഉ​പ​കാ​ര​പ്ര​ദ​വും ആ​ദ​ര​ണീ​യ​വും ക​രു​ണാ​സ​ന്പ​ന്ന​വു​മാ​യി​രി​ക്കു​ക എ​ന്ന​താ​ണ്.''

ഇ​ന്ന​ത്തെ ലോ​കം "എ​നി​ക്ക് എ​ന്തു​കി​ട്ടു'​മെ​ന്നു ചോ​ദി​ക്കു​ന്പോ​ൾ, "എ​നി​ക്ക് എ​ന്തു കൊ​ടു​ക്കാ​ൻ സാ​ധി​ക്കും' എ​ന്നു ചോ​ദി​ക്കാ​ൻ ന​മു​ക്കു സാ​ധി​ക്കു​മോ? എ​ന്നാ​ൽ ന​മ്മു​ടെ ജീ​വി​തം മ​റ്റു​ള്ള​വ​ർ​ക്കാ​യി ജീ​വി​ക്കു​ന്ന ജീ​വി​ത​മാ​യി മാ​റും. അ​തി​ലൂ​ടെ ന​മ്മു​ടെ ജീ​വി​തം മ​റ്റു​ള്ള​വ​ർ​ക്ക് ഉ​പ​കാ​ര​പ്ര​ദ​മാ​യി മാ​റു​മെ​ന്നു മാ​ത്ര​മ​ല്ല, അ​ത് ഏ​റെ ആ​ദ​ര​ണീ​യ​വും ക​രു​ണാ​മ​യ​വു​മാ​കും.

""സ്വീ​ക​രി​ക്കു​ന്ന​തി​നേ​ക്കാ​ൾ കൊ​ടു​ക്കു​ന്ന​താ​ണ് ശ്രേ​യ​സ്ക​രം'' എ​ന്നു ദൈ​വ​വ​ച​നം പ​റ​യു​ന്നു (അ​പ്പ​സ്തോ​ല പ്ര​വ​ർ​ത്ത​ന​ങ്ങ​ൾ 20:35). ന​മു​ക്കും കൊ​ടു​ക്കാം. നാം ​കൊ​ടു​ക്കു​ന്പോ​ൾ അ​തി​ൽ ത്യാ​ഗ​മു​ണ്ടാ​കും. ചെ​റു​തും വ​ലു​തു​മാ​യ ആ ​ത്യാ​ഗ​ങ്ങ​ൾ​വ​ഴി അ​നേ​ക​രു​ടെ ജീ​വി​ത​ത്തി​ന് ന​വ​ജീ​വ​ൻ ന​ൽ​കാ​ൻ ന​മു​ക്കു സാ​ധി​ക്കും.

നാ​ലു വ്യാ​ളി​ക​ളു​ടെ ക​ഥ ഇ​ന്ന​ത്തെ ത​ല​മു​റ​യെ​യും പോ​ഷി​പ്പി​ക്കു​ന്ന ന​ദി​ക​ളി​ലാ​ണ് അ​വ​സാ​നി​ക്കു​ന്ന​ത്. അ​തു​പോ​ലെ ന​മ്മു​ടെ ക​ഥ​യും മ​റ്റു​ള്ള​വ​രെ പോ​ഷി​പ്പി​ക്കാ​നാ​യി ന​മ്മു​ടെ ത്യാ​ഗ​ത്തി​ൽ​നി​ന്നൊ​ഴു​കു​ന്ന ജീ​വി​ത​ന​ദി​ക​ളാ​യി മാ​റ​ട്ടെ.

Tags : Jeevithavijayam Fr. Jose Panthaplamthottiyil