കൊച്ചി: ആലുവയില് 50 ഗ്രാം എംഡിഎഎയുമായി യുവാവ് പിടിയിൽ. മൂവാറ്റുപുഴ സ്വദേശി ബിലാല്(21) ആണ് അറസ്റ്റിലായത്. രഹസ്യവിവരത്തെ തുടര്ന്ന് ആലുവ പരവൂര് കവലയില് പോലീസ് നടത്തിയ പരിശോധനയിലാണ് മയക്കുമരുന്ന് കണ്ടെത്തിയത്.
ബംഗുളൂരുവില് നിന്നും വോള്വോ ബസില് കൊല്ലത്തേക്ക് പോവുകയായിരുന്നു ബിലാല്. എംഡിഎംഎ ബാഗില് ഒളിപ്പിച്ച നിലയിലായിരുന്നു.
പതിവായി ബംഗുളൂരുവില് പോയി എംഡിഎംഎ അടക്കമുള്ള ലഹരി ഉല്പ്പന്നങ്ങള് വാങ്ങി മൂവാറ്റുപുഴയില് ഉള്പ്പെടെയുള്ള സ്ഥലങ്ങളില് വില്ക്കുന്നതാണ് പ്രതിയുടെ രീതി.
മയക്കുമരുന്ന് കേസില് ജയിലില് ആയിരുന്നു ബിലാല്. ജയില് മോചിതനായ ശേഷവും ഇയാള് മയക്കുമരുന്ന് ഇടപാട് തുടരുകയായിരുന്നു. ഇതിനിടെയാണ് ആലുവയില് നിന്നും പോലീസ് ഇയാളെ പിടികൂടിയത്.