ദേ​ശീ​യ രാ​ഷ്‌​ട്രീ​യ​ത്തി​ല്‍ ച​ല​ന​ങ്ങ​ളു​ണ്ടാ​ക്കു​ന്ന​തും പ്രാ​ദേ​ശി​ക പാ​ര്‍​ട്ടി​ക​ള്‍​ക്കു നി​ര്‍​ണാ​യ​ക​വു​മാ​ണ് 2026ലെ ​തെ​ര​ഞ്ഞെ​ടു​പ്പു​ക​ള്‍. കേ​ര​ളം, ത​മി​ഴ്‌​നാ​ട്, പ​ശ്ചി​മബം​ഗാ​ള്‍, ആ​സാം, പു​തു​ച്ചേ​രി നി​യ​മ​സ​ഭാ തെ​ര​ഞ്ഞ​ടു​പ്പു​ക​ളി​ലെ ജ​ന​വി​ധി ഇ​ന്ത്യ​ന്‍ രാ​ഷ്‌​ട്രീ​യ​ത്തി​ല്‍ ച​രി​ത്ര​പ​ര​മാ​കും. ബി​ജെ​പി​യേ​ക്കാ​ളേ​റെ പ്ര​തി​പ​ക്ഷ പാ​ര്‍​ട്ടി​ക​ള്‍​ക്കു ജീ​വ​ന്മ​ര​ണ പോ​രാ​ട്ട​മാ​ണ് അ​ഞ്ചു നി​യ​മ​സ​ഭാ തെ​ര​ഞ്ഞെ​ടു​പ്പു​ക​ള്‍. ചി​ല സം​സ്ഥാ​ന​ങ്ങ​ളി​ലെ​ങ്കി​ലും അ​മ്പ​ര​പ്പി​ക്കു​ന്ന ഫ​ല​ങ്ങ​ള്‍ ഉ​ണ്ടാ​കു​മെ​ന്ന​തി​ല്‍ സം​ശ​യി​ക്കാ​നി​ല്ല.

മും​ബൈ, ന​വി മും​ബൈ, പൂ​ന, നാ​ഗ്പുര്‍, താ​നെ അ​ട​ക്ക​മു​ള്ള മ​ഹാ​രാ​ഷ്‌​ട്ര​യി​ലെ​യും ക​ര്‍​ണാ​ട​ക, ഗു​ജ​റാ​ത്ത്, ആ​ന്ധ്ര​പ്ര​ദേ​ശ്, ആ​സാം, ഛത്തീ​സ്ഗ​ഡ്, ഹ​രി​യാ​ന, ഹി​മാ​ച​ല്‍ പ്ര​ദേ​ശ്, ജാ​ര്‍​ഖ​ണ്ഡ് തു​ട​ങ്ങി​യ സം​സ്ഥാ​ന​ങ്ങ​ളി​ലെ​യും കോ​ര്‍​പ​റേ​ഷ​ന്‍ തെ​ര​ഞ്ഞെ​ടു​പ്പു​ക​ളും ഈ ​വ​ര്‍​ഷ​മാ​ണ്. ഒ​രുപ​ക്ഷേ ദേ​ശീ​യ രാ​ഷ്‌​ട്രീ​യ​വും കേ​ര​ള​മ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ പ​തി​വു സ​മ​വാ​ക്യ​ങ്ങ​ളും പൊ​ളി​ച്ചെ​ഴു​തി​യേ​ക്കാ​വു​ന്ന രാ​ഷ്‌​ട്രീ​യ വൈ​ത​ര​ണി ആ​രു ക​ട​ക്കു​മെ​ന്ന​താ​ണു ചോ​ദ്യം.

സെ​ന്‍​സ​സ്, ഒ​റ്റ തെ​ര​ഞ്ഞെ​ടു​പ്പ്

കോ​വി​ഡ് മ​ഹാ​മാ​രി മു​ത​ല്‍ നീ​ണ്ടു​പോ​യ ദേ​ശീ​യ കാ​നേ​ഷു​മാ​രി​യെ​ന്ന പു​തി​യ സെ​ന്‍​സ​സി​നു തു​ട​ക്കം കു​റി​ക്കു​ന്ന​തും ഈ ​വ​ര്‍​ഷം ഏ​പ്രി​ലി​ലാ​ണ്. ജ​ന​സം​ഖ്യാ ക​ണ​ക്കെ​ടു​പ്പ് 2027ല്‍ ​പൂ​ര്‍​ത്തി​യാ​യ ശേ​ഷ​മാ​കും മ​ണ്ഡ​ല പു​ന​ര്‍​നി​ര്‍​ണ​യം. വ​നി​താ സം​വ​ര​ണം പി​ന്നെ​യും നീ​ളും. 16 വ​ര്‍​ഷ​ത്തി​നു ശേ​ഷ​മാ​ണു ദേ​ശീ​യ സെ​ന്‍​സ​സ്.

ലോ​ക്‌​സ​ഭാ, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ള്‍ ഒ​രു​മി​ച്ചു ന​ട​ത്താ​നു​ള്ള ബി​ജെ​പി സ​ര്‍​ക്കാ​രി​ന്‍റെ ‘ഒ​രു രാ​ജ്യം ഒ​രു തെ​ര​ഞ്ഞെ​ടു​പ്പ്' എ​ന്ന നീ​ക്ക​ത്തി​ന്മേ​ല്‍ ഇ​ക്കൊ​ല്ലം തീ​രു​മാ​ന​മു​ണ്ടാ​യേ​ക്കാം. ക്രി​മി​ന​ല്‍ കേ​സു​ക​ളി​ല്‍ ചു​രു​ങ്ങി​യ​ത് 30 ദി​വ​സം അ​റ​സ്റ്റി​ലാ​കു​ന്ന കേ​ന്ദ്ര, സം​സ്ഥാ​ന മ​ന്ത്രി​മാ​രെ നീ​ക്കം ചെ​യ്യാ​നു​ള്ള വി​വാ​ദ ബി​ല്ലും ന​രേ​ന്ദ്ര മോ​ദി സ​ര്‍​ക്കാ​ര്‍ 2026ല്‍ ​പാ​സാ​ക്കി​യേ​ക്കും. കേ​ര​ളം ഒ​ഴി​കെ​യു​ള്ള 22 സം​സ്ഥാ​ന​ങ്ങ​ളി​ലെ 72 രാ​ജ്യ​സ​ഭാ സീ​റ്റു​ക​ളി​ലേ​ക്കു​ള്ള തെ​ര​ഞ്ഞെ​ടു​പ്പു​കൂ​ടി ഈ ​വ​ര്‍​ഷം പൂ​ര്‍​ത്തി​യാ​കു​ന്ന​തോ​ടെ, ബി​ജെ​പി​ക്കും എ​ന്‍​ഡി​എ​യ്ക്കും പാ​ര്‍​ല​മെ​ന്‍റി​ന്‍റെ ഇ​രു​സ​ഭ​ക​ളി​ലും സ​മ്പൂ​ര്‍​ണ ആ​ധി​പ​ത്യ​മാ​കും. വി​വാ​ദ ബി​ല്ലു​ക​ള​ട​ക്കം ആ​ര്‍​എ​സ്എ​സ് അ​ജ​ന്‍​ഡ​ക​ള്‍ കൂ​ടു​ത​ല്‍ മ​റ​നീ​ക്കി​യേ​ക്കും.

എ​സ്‌​ഐ​ആ​റി​ന്‍റെ ബാ​ക്കി​പ​ത്രം

പ്ര​തി​പ​ക്ഷ പാ​ര്‍​ട്ടി​ക​ള്‍ എ​തി​ര്‍​ത്ത​തും ബി​ജെ​പി അ​നു​കൂ​ലി​ച്ച​തു​മാ​യ തീ​വ്ര വോ​ട്ട​ര്‍​പ​ട്ടി​ക പ​രി​ഷ്‌​ക​ര​ണം (എ​സ്‌​ഐ​ആ​ര്‍) ന​ട​പ്പാ​ക്കി​യ ശേ​ഷ​മാ​ണ് കേ​ര​ളം, ത​മി​ഴ്‌​നാ​ട്, ബം​ഗാ​ള്‍, ആ​സാം അ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ നി​യ​മ​സ​ഭാ തെ​ര​ഞ്ഞെ​ടു​പ്പ് ന​ട​ക്കു​ക. സ്വ​ത​ന്ത്ര​വും നി​ഷ്പ​ക്ഷ​വും നീ​തി​പൂ​ര്‍​വ​വു​മാ​യി തെ​ര​ഞ്ഞെ​ടു​പ്പു​ക​ള്‍ ന​ട​ത്താ​ന്‍ ഉ​ത്ത​ര​വാ​ദി​ത്വ​മു​ള്ള തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ ചി​ല ന​ട​പ​ടി​ക​ള്‍ ഏ​ക​പ​ക്ഷീ​യ​വും വേ​ണ്ട​ത്ര സു​താ​ര്യ​ത ഇ​ല്ലാ​ത്ത​തു​മാ​ണെ​ന്ന ആ​ക്ഷേ​പം ആ​രും പൂ​ര്‍​ണ​മാ​യി ത​ള്ളാ​നി​ട​യി​ല്ല. പ്ര​തി​പ​ക്ഷ നേ​താ​വ് രാ​ഹു​ല്‍ ഗാ​ന്ധി ഉ​ന്ന​യി​ച്ച വോ​ട്ടു​കൊ​ള്ള ആ​രോ​പ​ണ​ങ്ങ​ളെ കൃ​ത്യ​മാ​യി നി​ഷേ​ധി​ക്കാ​നോ, വ​സ്തു​ത​ക​ള്‍ നി​ര​ത്തി പൂ​ര്‍​ണ​മാ​യി ത​ള്ളാ​നോ ക​മ്മീ​ഷ​നു ക​ഴി​ഞ്ഞി​ട്ടി​ല്ല.

2029 ലോ​ക്‌​സ​ഭാ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി പ്ര​തി​പ​ക്ഷ ഇ​ന്ത്യ സ​ഖ്യ​ത്തി​ന്‍റെ ഐ​ക്യ​വും സ​ഹ​ക​ര​ണ​വും വെ​ല്ലു​വി​ളി​യാ​കും. ബി​ജെ​പി, കോ​ണ്‍​ഗ്ര​സ്, സി​പി​എം, ഡി​എം​കെ, തൃ​ണ​മൂ​ല്‍ കോ​ണ്‍​ഗ്ര​സ് എ​ന്നീ രാ​ഷ്‌​ട്രീ​യ പാ​ര്‍​ട്ടി​ക​ളു​ടെ ത​ന്ത്ര​ങ്ങ​ളും യു​ഡി​എ​ഫ്, എ​ല്‍​ഡി​എ​ഫ്, എ​ന്‍​ഡി​എ അ​ട​ക്ക​മു​ള്ള മു​ന്ന​ണി​ക​ളു​ടെ കെ​ട്ടു​റ​പ്പും പ​രീ​ക്ഷി​ക്ക​പ്പെ​ടും. വ​ര്‍​ഗീ​യ​വും മ​ത​പ​ര​വും ജാ​തീ​യ​വും പ്രാ​ദേ​ശി​ക​വു​മാ​യ ധ്രു​വീ​ക​ര​ണം കൂ​ടി​വ​രു​ന്നു​വെ​ന്ന​തും 2026ലെ ​തെ​ര​ഞ്ഞെ​ടു​പ്പു​ക​ളെ ശ്ര​ദ്ധേ​യ​മാ​ക്കു​ന്നു.

ചൂ​ണ്ടു​പ​ല​ക​യാ​യി പ​ഞ്ചാ​യ​ത്തു​ക​ള്‍

യു​ഡി​എ​ഫും എ​ല്‍​ഡി​എ​ഫും മാ​റി​മാ​റി ഭ​രി​ച്ചി​രു​ന്ന കേ​ര​ള​ത്തി​ല്‍ ബി​ജെ​പി​യും എ​ന്‍​ഡി​എ​യും വോ​ട്ടു​ക​ളും സ്വാ​ധീ​ന​വും കൂ​ട്ടി​യ​തോ​ടെ പ​ഴ​യ സ​മ​വാ​ക്യ​ങ്ങ​ള്‍ മാ​റി. പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തി​ല്‍ ച​രി​ത്ര​ത്തി​ലാ​ദ്യ​മാ​യി കേ​ര​ള​ത്തി​ല്‍ എ​ല്‍​ഡി​എ​ഫ് തു​ട​ര്‍ഭ​ര​ണം നേ​ടി. മൂ​ന്നാം​ത​വ​ണ​യും ഭ​ര​ണം പി​ടി​ക്കാ​മെ​ന്ന എ​ല്‍​ഡി​എ​ഫി​ന്‍റെ മോ​ഹ​ത്തി​നേ​റ്റ തി​രി​ച്ച​ടി​യു​ടെ തു​ട​ക്ക​മാ​കും ത്രി​ത​ല പ​ഞ്ചാ​യ​ത്തു​ക​ളി​ലെ യു​ഡി​എ​ഫ് മു​ന്നേ​റ്റം.

കേ​ര​ള രാ​ഷ്‌​ട്രീ​യ​ത്തി​ല്‍ വ​ഴി​ത്തി​രി​വ് ഉ​ണ്ടാ​ക്കു​ന്ന​താ​കും സം​സ്ഥാ​ന നി​യ​മ​സ​ഭ​യി​ലേ​ക്കു​ള്ള തെ​ര​ഞ്ഞെ​ടു​പ്പ്. ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പു​ഫ​ലം ഭ​ര​ണ​ക​ക്ഷി​യാ​യ ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി​ക്കു താ​ക്കീ​തും മു​ന്ന​റി​യി​പ്പു​മാ​ണ്. ഐ​ക്യ ജ​നാ​ധി​പ​ത്യ മു​ന്ന​ണി​യെ ഉ​ന്മേ​ഷ​ഭ​രി​ത​മാ​ക്കി​യ ജ​ന​വി​ധി​യി​ല്‍ കോ​ണ്‍​ഗ്ര​സും മു​സ്‌​ലിം ലീ​ഗും കേ​ര​ള കോ​ണ്‍​ഗ്ര​സും അ​ട​ക്ക​മു​ള്ള പാ​ര്‍​ട്ടി​ക​ള്‍ അ​ഹ​ങ്ക​രി​ച്ചാ​ല്‍ ഇ​ട​റി​വീ​ഴാ​നും അ​ധി​ക​സ​മ​യം വേ​ണ്ടി​വ​രി​ല്ല.

ത​മ്മി​ല​ടി​യും തെ​റ്റു​തി​രു​ത്ത​ലും

ഭ​ര​ണ​പ​ര​വും രാ​ഷ്‌​ട്രീ​യ​വു​മാ​യ തെ​റ്റു​ക​ള്‍ തി​രു​ത്താ​നും മെ​ച്ച​പ്പെ​ട്ട വി​ക​സ​ന, ജ​ന​ക്ഷേ​മ പ​ദ്ധ​തി​ക​ളി​ലൂ​ടെ ജ​ന​പി​ന്തു​ണ ആ​ര്‍​ജി​ക്കാ​നും പി​ണ​റാ​യി വി​ജ​യ​നും ബി​നോ​യി വി​ശ്വ​വും ജോ​സ് കെ. ​മാ​ണി​യും ഉ​ള്‍​പ്പെ​ടു​ന്ന നേ​തൃ​ത്വ​ത്തി​നു മൂ​ന്നു മാ​സ​മാ​ണു മി​ച്ചം. ശ​ബ​രി​മ​ല സ്വ​ര്‍​ണ​ക്കൊ​ള്ള കേ​സ് മു​ത​ല്‍ സ​ര്‍​ക്കാ​രി​ന്‍റെ ധൂ​ര്‍​ത്തു​ക​ളും ജാ​തി, മ​ത പ്രീ​ണ​ന​വും വ​രെ​യു​ള്ള പ​ല​തും എ​ല്‍​ഡി​എ​ഫി​ല്‍​നി​ന്ന് ജ​ന​ങ്ങ​ളെ അ​ക​റ്റി.

കെ​ട്ടു​റ​പ്പോ​ടെ യു​ഡി​എ​ഫി​നെ കൊ​ണ്ടു​പോ​കാ​നും ജ​ന​ങ്ങ​ളു​ടെ മു​ന്നി​ല്‍ ത​മ്മി​ല​ടി​ക്കാ​തി​രി​ക്കാ​നും കെ.​സി. വേ​ണു​ഗോ​പാ​ലും ര​മേ​ശ് ചെ​ന്നി​ത്ത​ല​യും വി.​ഡി. സ​തീ​ശ​നും സ​ണ്ണി ജോ​സ​ഫും പി.​കെ. കു​ഞ്ഞാ​ലി​ക്കു​ട്ടി​യും പി.​ജെ. ജോ​സ​ഫും ഉ​ള്‍​പ്പെ​ട്ട നേ​തൃ​നി​ര​യ്ക്കു ക​ഴി​യു​മോ​യെ​ന്ന​തു ചോ​ദ്യ​മാ​ണ്. കോ​ണ്‍​ഗ്ര​സി​ലെ ഒ​രേ സ​മു​ദാ​യ​ക്കാ​രാ​യ നാ​ലു നേ​താ​ക്ക​ളെ​ങ്കി​ലും മു​ഖ്യ​മ​ന്ത്രി​യാ​കാ​ന്‍ മ​ത്സ​രി​ക്കു​ന്നു​വെ​ന്ന തോ​ന്ന​ല്‍​പോ​ലും ആ​പ​ത്താ​കും. കോ​ണ്‍​ഗ്ര​സി​നെ ത​ക​ര്‍​ക്കാ​ന്‍ കോ​ണ്‍​ഗ്ര​സി​നേ ക​ഴി​യൂ​വെ​ന്നാ​ണു സം​സാ​രം. ഉ​പ​മു​ഖ്യ​മ​ന്ത്രിസ്ഥാ​ന​മ​ട​ക്കം പ​ല​തും മു​സ്‌​ലിം ലീ​ഗ് കൈ​പ്പി​ടി​യി​ലൊ​തു​ക്കു​മെ​ന്ന എ​ന്‍​ഡി​എ, എ​ല്‍​ഡി​എ​ഫ് പ്ര​ചാ​ര​ണ​വും ഇ​ത​ര സ​മു​ദാ​യ വോ​ട്ട​ര്‍​മാ​രെ സ്വാ​ധീ​നി​ക്കും. ഭൂ​രി​പ​ക്ഷ, ന്യൂ​ന​പ​ക്ഷ വ്യ​ത്യാ​സ​മി​ല്ലാ​തെ ചി​ല ജാ​തിസം​ഘ​ട​ന​ക​ളു​ടെ നേ​താ​ക്ക​ള്‍ രാ​ഷ്‌​ട്രീ​യ​ത്തി​ല്‍ ചെ​ലു​ത്തു​ന്ന അ​മി​ത സ്വാ​ധീ​ന​വും ച​ര്‍​ച്ച​യാ​കും.

ച​രി​ത്ര​മാ​കു​മോ ക​മ്യൂ​ണി​സം?

കേ​ര​ള​ത്തി​ല്‍ പി​ണ​റാ​യി ഭ​ര​ണ​ത്തി​ന് അ​ന്ത്യം​കു​റി​ക്കാ​ന്‍ യു​ഡി​എ​ഫി​നു ക​ഴി​ഞ്ഞാ​ല്‍, അ​ഞ്ചു പ​തി​റ്റാ​ണ്ടി​നി​ട​യി​ല്‍ ആ​ദ്യ​മാ​യി ഇ​ന്ത്യ​യി​ലൊ​രി​ട​ത്തും ക​മ്യൂ​ണി​സ്റ്റ് മു​ഖ്യ​മ​ന്ത്രി​യും ഭ​ര​ണ​വും ഉ​ണ്ടാ​കി​ല്ല. മ​റ്റു പാ​ര്‍​ട്ടി​ക​ളേ​ക്കാ​ള്‍ സി​പി​എ​മ്മി​നും സി​പി​ഐ​ക്കും നി​ല​നി​ല്‍​പി​ന്‍റെ പ്ര​ശ്‌​ന​മാ​ണ്. കേ​ര​ളം പോ​യാ​ല്‍ കോ​ണ്‍​ഗ്ര​സി​ന്‍റെ​യും യു​ഡി​എ​ഫി​ന്‍റെ​യും ഭാ​വി​യും ക​ട്ട​പ്പൊ​ക​യാ​കും. പ്ര​തി​പ​ക്ഷ ഇ​ന്ത്യാ ബ്ലോ​ക്കി​നു​ള്ളി​ലെ ആ​ഭ്യ​ന്ത​ര സ​മ​വാ​ക്യ​ങ്ങ​ളും ച​ല​നാ​ത്മ​ക​ത​യും ഒ​പ്പം പ​രീ​ക്ഷി​ക്ക​പ്പെ​ടും.

സം​സ്ഥാ​ന​ത്തി​ന്‍റെ സാ​മ്പ​ത്തി​ക സ്ഥി​തി, വി​ക​സ​നം, കാ​ര്‍​ഷി​ക മു​ര​ടി​പ്പ്, സാ​ധാ​ര​ണ​ക്കാ​ര​ന്‍റെ പ്ര​ശ്‌​ന​ങ്ങ​ള്‍ തു​ട​ങ്ങി​യ​വ​യെ​ക്കു​റി​ച്ച് ച​ര്‍​ച്ച​യും പ​രി​ഹാ​ര​ങ്ങ​ളു​മി​ല്ലെ​ന്ന​തു ജ​നം തി​രി​ച്ച​റി​യും. രാ​ഷ്‌​ട്രീ​യാ​തി​പ്ര​സ​ര​വും ജാ​തി, മ​ത പ​രി​ഗ​ണ​ന​ക​ളും രാ​ജ്യ​ത്തി​നാ​കെ മാ​തൃ​ക​യാ​യ കേ​ര​ള മോ​ഡ​ലി​നെ പ്ര​തി​സ​ന്ധി​യി​ലാ​ക്കി.

താ​മ​ര​യു​ടെ വി​ള​യാ​ട്ട​ങ്ങ​ള്‍

കേ​ര​ള രാ​ഷ്‌​ട്രീ​യ​ത്തി​ല്‍ കൂ​ടു​ത​ല്‍ നേ​ട്ട​ങ്ങ​ള്‍ കൈ​വ​രി​ക്കാ​നും ശ​ക്തി കാ​ട്ടാ​നു​മാ​ണ് ഊ​ര്‍​ജ​സ്വ​ല​നാ​യ മു​ന്‍ കേ​ന്ദ്ര​മ​ന്ത്രി രാ​ജീ​വ് ച​ന്ദ്ര​ശേ​ഖ​റി​ന്‍റെ നേ​തൃ​ത്വ​ത്തി​ലു​ള്ള ബി​ജെ​പി​യു​ടെ ശ്ര​മം. ച​രി​ത്ര​ത്തി​ലാ​ദ്യ​മാ​യി തി​രു​വ​ന​ന്ത​പു​രം കോ​ര്‍​പ​റേ​ഷ​ന്‍ ഭ​ര​ണം പി​ടി​ക്കാ​ന്‍ ബി​ജെ​പി​ക്കാ​യി. മ​റ്റു ചി​ല​യി​ട​ങ്ങ​ളി​ലും നേ​ട്ട​ങ്ങ​ളു​ണ്ടാ​ക്കി​യ​പ്പോ​ഴും ചി​ല പ​ഞ്ചാ​യ​ത്തു​ക​ളി​ല്‍ കൈ​യി​ലു​ള്ള​തുകൂ​ടി ബി​ജെ​പി​ക്കു ന​ഷ്‌​ട​മാ​യെ​ന്ന​തും ശ്ര​ദ്ധേ​യ​മാ​ണ്.

ഒ. ​രാ​ജ​ഗോ​പാ​ലി​ലൂ​ടെ മു​മ്പു നി​യ​മ​സ​ഭ​യി​ലും സു​രേ​ഷ് ഗോ​പി​യി​ലൂ​ടെ ലോ​ക്‌​സ​ഭ​യി​ലും പ്രാ​തി​നി​ധ്യം നേ​ടി​യെ​ങ്കി​ലും അ​ടു​ത്ത നി​യ​മ​സ​ഭ​യി​ല്‍ എ​ത്ര ബി​ജെ​പി​ക്കാ​ര്‍ ഉ​ണ്ടാ​കു​മെ​ന്ന​താ​ണു പ്ര​ധാ​നം. ഇ​ര​ട്ട​യ​ക്ക സീ​റ്റു​ക​ള്‍ നേ​ടു​ക​യെ​ന്ന ല​ക്ഷ്യം കൈ​വ​രി​ക്കാ​ന്‍ ഇ​ത്ത​വ​ണ ക​ഴി​ഞ്ഞാ​ല്‍, കേ​ര​ളം ബി​ജെ​പി ഭ​രി​ക്കു​ന്ന നാ​ളു​ക​ള്‍ വ​ള​രെ അ​ക​ലെ​യാ​കി​ല്ല. താ​മ​ര​യു​ടെ വോ​ട്ടു​ക​ള്‍ യു​ഡി​എ​ഫി​ന്‍റെ​യും എ​ല്‍​ഡി​എ​ഫി​ന്‍റെ​യും സാ​ധ്യ​ത​ക​ളെ സ്വാ​ധീ​നി​ക്കും.

അ​ഞ്ചു വ​ര്‍​ഷ​ത്തെ മാ​റ്റ​ങ്ങ​ള്‍

അ​ഞ്ചു വ​ര്‍​ഷം മു​മ്പ്, പ​ശ്ചി​മ ബം​ഗാ​ളി​ല്‍ വ​ലി​യ തോ​ല്‍​വി​യാ​ണ് ബി​ജെ​പി നേ​രി​ട്ട​ത്. മു​ഖ്യ​മ​ന്ത്രി മ​മ​ത ബാ​ന​ര്‍​ജി​യു​ടെ നേ​തൃ​ത്വ​ത്തി​ല്‍ തൃ​ണ​മൂ​ല്‍ കോ​ണ്‍​ഗ്ര​സ് നേ​ടി​യ ത​ക​ര്‍​പ്പ​ന്‍ ജ​യ​ത്തി​ന് ഇ​ര​ട്ടി​മ​ധു​ര​മാ​യി​രു​ന്നു. ത​മി​ഴ്നാ​ട്ടി​ല്‍ മു​ഖ്യ​മ​ന്ത്രി എം.​കെ. സ്റ്റാ​ലി​നും ഡി​എം​കെ​യും ആ​ധി​പ​ത്യം സ്ഥാ​പി​ച്ചു. കേ​ര​ള​ത്തി​ല്‍ പി​ണ​റാ​യി​യും എ​ല്‍​ഡി​എ​ഫും ഭ​ര​ണ​ത്തു​ട​ര്‍​ച്ച നേ​ടി​യ​തും അ​ദ്ഭു​ത​മാ​യി. ആ​സാ​മി​ലാ​ക​ട്ടെ, ബി​ജെ​പി​യു​ടെ കു​തി​പ്പി​നാ​ണ് ഹി​മ​ന്ത ബി​ശ്വ ശ​ര്‍​മ​യു​ടെ ര​ണ്ടാം ഭ​ര​ണം വ​ഴി​തെ​ളി​ച്ച​ത്. പു​തു​ച്ചേ​രി​യി​ല്‍, കോ​ണ്‍​ഗ്ര​സി​നെ പ​രാ​ജ​യ​പ്പെ​ടു​ത്തി എ​ന്‍​ആ​ര്‍ കോ​ണ്‍​ഗ്ര​സ് ദേ​ശീ​യ ജ​നാ​ധി​പ​ത്യ സ​ഖ്യ​ത്തി​ന്‍റെ പ​താ​ക പാ​റി​ച്ചു.

എ​ന്നാ​ല്‍, വ​ന്‍ മാ​റ്റ​ങ്ങ​ളാ​ണു പി​ന്നീ​ട് രാ​ഷ്‌​ട്രീ​യ​ത്തി​ല്‍ സം​ഭ​വി​ച്ച​ത്. ഭ​ര​ണ​വി​രു​ദ്ധ വി​കാ​ര​മെ​ന്ന പ​തി​വു​രീ​തി​പോ​ലും പ​ല​പ്പോ​ഴും വ​ഴി​മാ​റി. ബി​ജെ​പി​യു​ടെ പ​രീ​ക്ഷ​ണ​ങ്ങ​ളും തേ​രോ​ട്ട​വും ത​ട​യാ​ന്‍ കോ​ണ്‍​ഗ്ര​സ്, ക​മ്യൂ​ണി​സ്റ്റ്, ഡി​എം​കെ, തൃ​ണ​മൂ​ല്‍ പാ​ര്‍​ട്ടി​ക​ള്‍​ക്ക് ക​ഴി​യു​മോ​യെ​ന്ന​തി​നു കൂ​ടി​യു​ള്ള ഉ​ത്ത​ര​മാ​കും അ​ടു​ത്ത ജ​ന​വി​ധി.

മി​ന്നി​യ​തു പോ​ലെ മ​ങ്ങു​ന്ന​വ​ര്‍

ക​ഴി​ഞ്ഞ ലോ​ക്‌​സ​ഭാ തെ​ര​ഞ്ഞെ​ടു​പ്പി​ല്‍ ബി​ജെ​പി എം​പി​മാ​രു​ടെ എ​ണ്ണം ആ​റു​പ​തോ​ളം കു​റ​യ്ക്കാ​നാ​യ മി​ന്നു​ന്ന പ്ര​ക​ട​ന​ത്തി​നു ശേ​ഷം കോ​ണ്‍​ഗ്ര​സും ഇ​ത​ര പ്ര​തി​പ​ക്ഷ പാ​ര്‍​ട്ടി​ക​ളും ദ​യ​നീ​യ പ്ര​ക​ട​ന​മാ​ണു ന​ട​ത്തു​ന്ന​ത്. ഒ​രു പ​തി​റ്റാ​ണ്ടി​നു ശേ​ഷം ആ​ദ്യ​മാ​യാ​ണു ബി​ജെ​പി​ക്കും പ്ര​ധാ​ന​മ​ന്ത്രി മോ​ദി​ക്കും ത​നി​ച്ചു ഭൂ​രി​പ​ക്ഷം കി​ട്ടാ​തെ പോ​യ​ത്. അ​യോ​ധ്യ മു​ത​ല്‍ അ​മേ​ത്തി വ​രെ ബി​ജെ​പി സ്ഥാ​നാ​ര്‍​ഥി​ക​ള്‍ തോ​റ്റ​മ്പി​യ​തു മ​റ​ക്കാ​റാ​യി​ട്ടി​ല്ല.

ലോ​ക്‌​സ​ഭാ തെ​ര​ഞ്ഞെ​ടു​പ്പി​നു ശേ​ഷം ന​ട​ന്ന ബി​ഹാ​ര്‍, മ​ഹാ​രാ​ഷ്‌​ട്ര, ഡ​ല്‍​ഹി, ഹ​രി​യാ​ന എ​ന്നി​വി​ട​ങ്ങ​ളി​ല്‍ ബി​ജെ​പി ഭ​ര​ണം പി​ടി​ച്ചു. ഉ​റ​പ്പാ​യി ജ​യി​ക്കു​മെ​ന്നു ക​രു​തി​യ ഹ​രി​യാ​ന​യി​ല്‍ പോ​ലും കോ​ണ്‍​ഗ്ര​സ് അ​ട്ടി​മ​റി​ക്ക​പ്പെ​ട്ടു. കോ​ണ്‍​ഗ്ര​സും ഇ​ത​ര പ്ര​തി​പ​ക്ഷ പാ​ര്‍​ട്ടി​ക​ളും ഇ​തോ​ടെ കൂ​ടു​ത​ല്‍ ചു​രു​ങ്ങി. ബി​ജെ​പി​യെ പ​രാ​ജ​യ​പ്പെ​ടു​ത്ത​ണ​മെ​ങ്കി​ല്‍ വ​രാ​നി​രി​ക്കു​ന്ന അ​ഞ്ചു സം​സ്ഥാ​ന​ങ്ങ​ളി​ല്‍ ജ​യ​ത്തി​ല്‍ കു​റ​ഞ്ഞ​തൊ​ന്നും പ്ര​തി​പ​ക്ഷ​ത്തി​നു മ​തി​യാ​കി​ല്ല.

Tags : Delhi Dairy CPM Congress BJP SIR senses