ജീ​വ​ന്‍ പോ​യാ​ലും താ​ന്‍ ഇ​വി​ടം​വി​ട്ട് എ​ങ്ങും പോ​വി​ല്ലെ​ന്നും മ​ര​ണം ഒ​രു തു​ട​ക്കം മാ​ത്ര​മാ​ണെ​ന്നും അ​മ്മ​യെ വി​ശ്വ​സി​പ്പി​ച്ച മ​നു എ​ന്ന മ​ക​ന്‍. ദൈ​വം​ത​മ്പു​രാ​നു പോ​ലും ത​ന്‍റെ മ​ക​നെ വി​ട്ടു​കൊ​ടു​ക്കി​ല്ലെ​ന്ന് ഉ​റ​പ്പി​ച്ച എ​ല്‍​സ​മ്മ എ​ന്ന അ​മ്മ. ഇ​വ​രു​ടെ അ​ങ്ങേ​യ​റ്റം വേ​റി​ട്ട ആ​ത്മ​ബ​ന്ധ​ത്തി​ന്‍റെ ക​ഥ കൂ​ടി​യാ​ണ് രാ​ഹു​ല്‍ സ​ദാ​ശി​വ​ന്‍ സി​നി​മ "ഡീ​യ​സ് ഈ​റെ’.

ക​ഥ തു​ട​ങ്ങു​മ്പോ​ള്‍ ക​നി​യു​ടെ വീ​ട്ടി​ലെ വെ​റു​മൊ​രു വേ​ല​ക്കാ​രി. സി​നി​മ​യു​ടെ അ​വ​സാ​ന 32 മി​നി​റ്റു​ക​ളി​ല്‍ ട്വി​സ്റ്റും സ​സ്പെ​ന്‍​സും വാ​രി​വി​ത​റി നി​ര​ന്ത​രം ഞെ​ട്ടി​ച്ച് അ​നു​ഭൂ​തി​യു​ടെ ആ​കാ​ശ​ങ്ങ​ളി​ലേ​ക്കു പ​ട​ര്‍​ന്നു​പ​ന്ത​ലി​ക്കു​ന്ന വി​സ്മ​യ ക​ഥാ​പാ​ത്രം!

""മ​ല​യ​ന്‍​കു​ഞ്ഞി​ലെ ശാ​ന്ത​മ്മ​യ്ക്കു​ശേ​ഷം എ​ന്നെ ആ​ളു​ക​ള്‍ കു​റ​ച്ചു​കൂ​ടി തി​രി​ച്ച​റി​യാ​നും എ​നി​ക്ക് ആ​ളു​ക​ളി​ലേ​ക്ക് എ​ത്താ​നും അ​വ​സ​ര​മൊ​രു​ക്കി​യ, സം​തൃ​പ്തി പ​ക​ര്‍​ന്ന ക​ഥ​പാ​ത്രം. ഇ​തി​ല്‍ അ​ത്ര​ത്തോ​ളം പെ​ര്‍​ഫോം ചെ​യ്യാ​നു​ണ്ടാ​യി​രു​ന്നു''- എ​ല്‍​സ​മ്മ​യാ​യി നി​റ​ഞ്ഞാ​ടി​യ ജ​യ കു​റു​പ്പ് സ​ണ്‍​ഡേ ദീ​പി​ക​യോ​ടു പ​റ​ഞ്ഞു.

"ഡീ​യ​സ് ഈ​റെ’​യി​ലെ എ​ല്‍​സ​മ്മ​യി​ലേ​ക്ക് എ​ത്തി​യ​ത്..?

സം​വി​ധാ​യ​ക​ന്‍ രാ​ഹു​ലു​മാ​യു​ള്ള ആ​ദ്യ കൂ​ടി​ക്കാ​ഴ്ച​യി​ല്‍ ക​ഥ​യു​ടെ ഔ​ട്ട്‌​ലൈ​ന്‍, എ​ന്‍റെ ക​ഥാ​പാ​ത്രം എ​ന്നി​വ​യെ​ക്കു​റി​ച്ചും ഇ​തി​ല്‍ ചെ​റി​യ​രീ​തി​യി​ലു​ള്ള ഫൈ​റ്റു​ണ്ടെ​ന്നും സൂ​ചി​പ്പി​ച്ചി​രു​ന്നു. ഈ ​ക​ഥാ​പാ​ത്ര​ത്തി​നു​വേ​ണ്ടി മ​റ്റൊ​രാ​ളെ മ​ന​സി​ല്‍​പോ​ലും ക​രു​തി​യി​ട്ടി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു. പ​ക്ഷേ, ര​ണ്ടു ത​ല്ലു കൊ​ടു​ക്കു​ന്ന​തി​ന​പ്പു​റ​ത്തേ​ക്ക് ഫൈ​റ്റ് ഇ​ത്ര ഹെ​വി​യാ​ണെ​ന്നു വി​ചാ​രി​ച്ചി​രു​ന്നി​ല്ല.

ക്ലൈ​മാ​ക്സി​ലെ എ​ന്‍റെ ആ​ത്മ​ഭാ​ഷ​ണ​വും വ​ച​ന​ങ്ങ​ളും മൂ​ന്ന് ആം​ഗി​ളു​ക​ളി​ല്‍​നി​ന്ന് മൂ​ന്നു മോ​ഡു​ലേ​ഷ​നു​ക​ളി​ല്‍ ഷൂ​ട്ട് ചെ​യ്യാ​നാ​ണു പ്ലാ​നെ​ന്നും രാ​ഹു​ല്‍ പ​റ​ഞ്ഞി​രു​ന്നു. വ​ച​ന​ങ്ങ​ള്‍ എ​ഴു​തി​വ​ച്ചി​രി​ക്കു​ന്ന​തു​പോ​ലെ പ​ഠി​ച്ചു. മ​ക​നെ​ക്കു​റി​ച്ചു​ള്ള ആ​ത്മ​ഭാ​ഷ​ണം ഒ​രു ക​ഥ​പ​റ​യും​പോ​ലെ ഓ​ര്‍​മ​യി​ല്‍​നി​ന്നു വ​രു​ന്ന​താ​ണെ​ങ്കി​ലും എ​ഴു​ത്തു​കാ​ര​ൻ എ​ഴു​തി​വ​ച്ച അ​തേ ഭം​ഗി​യോ​ടെ അ​തേ വാ​ക്കു​ക​ളി​ല്‍ ന​മ്മ​ള്‍ കൊ​ടു​ക്കു​മ്പോ​ഴാ​ണ​ല്ലോ കേ​ള്‍​ക്കു​മ്പോ​ഴും അ​തി​ന്‍റേ​താ​യ സു​ഖ​മു​ണ്ടാ​വു​ക.

ഞാ​ന്‍ ആ​ദ്യം കൊ​ടു​ത്ത മോ​ഡു​ലേ​ഷ​നി​ലു​ള്ള​താ​ണു സി​നി​മ​യി​ല്‍ എ​ടു​ത്ത​ത്. ഒ​റ്റ ടേ​ക്കി​ല്‍ അ​ത് ഓ​കെ​യാ​യി. രാ​ഹു​ലും കാ​മ​റ​മാ​ന്‍ ഷെ​ഹ്നാ​ദും ഉ​ള്‍​പ്പ​ടെ എ​ല്ലാ​വ​രും കൈ​യ​ടി​ച്ചു.

കു​ഴി​വെ​ട്ടു​ന്നി​ട​ത്തും കോ​ടാ​ലി​യു​മേ​ന്തി രോ​ഹ​നെ വെ​ട്ടാ​നോ​ടി​വ​രു​മ്പോ​ഴും ഏ​തോ ഒ​രു ശ​ക്തി ആ​വാ​ഹി​ച്ച​തു​പോ​ലെ​യു​ള്ള പ്ര​ക​ട​നം..?

മു​റി​ക്ക​ക​ത്തു ക​യ​റി ര​ഹ​സ്യ​ങ്ങ​ള​റി​ഞ്ഞ രോ​ഹ​നെ എ​ത്ര​യും​പെ​ട്ടെ​ന്ന് ഇ​ല്ലാ​താ​ക്കു​ക​യാ​ണ് എ​ല്‍​സ​മ്മ​യു​ടെ ല​ക്ഷ്യം. അ​തി​നാ​യി അ​ത്ര​യും വ​ലി​യ ഒ​രു കു​ഴി എ​ടു​ക്ക​ണ​മെ​ങ്കി​ല്‍ അ​ത്ര​ത്തോ​ളം അ​ധ്വാ​നം അ​തി​നു​പി​ന്നി​ലു​ണ്ടാ​വും. അ​തു ന​മ്മു​ടെ എ​ന​ര്‍​ജി​യി​ലും കാ​ണി​ക്ക​ണം.

അ​ഭി​നേ​ത്രി എ​ന്ന നി​ല​യി​ല്‍ അ​തു മ​ന​സി​ലാ​ക്കി ആ ​ഫീ​ല്‍ വ​രു​ത്തി. "ആ​ഞ്ഞു വെ​ട്ടി​ക്കോ’ എ​ന്ന് ആ​ര്‍​ട്ടി​ലെ പ്ര​ശാ​ന്ത് അ​മ​ര​വി​ള പ​റ​ഞ്ഞു. അ​ങ്ങ​നെ ചെ​യ്ത​പ്പോ​ഴേ​ക്കും ഞാ​ന്‍ ന​ന്നാ​യി കി​ത​ച്ചു. കു​ഴി​യെ​ടു​ത്തു ക​ഴി​ഞ്ഞ് ക​ട്ട് പ​റ​ഞ്ഞ​പ്പോ​ള്‍ രാ​ഹു​ലും ഷെ​ഹ്നാ​ദും ഇ​റ​ങ്ങി​വ​ന്ന് "ചേ​ച്ചി​ക്ക് ഇ​താ​യി​രു​ന്നോ പ​ണി’​യെ​ന്നു ചോ​ദി​ച്ചു! വീ​ടി​നു​ള്ളി​ലെ ഫൈ​റ്റി​ന് എ​നി​ക്കു ഡ്യൂ​പ്പ് റെ​ഡി​യാ​യി​രു​ന്നു. പ​ക്ഷേ, ഇ​നി ഫൈ​റ്റും ഞാ​ന്‍ ത​ന്നെ ചെ​യ്താ​ല്‍ മ​തി​യെ​ന്നാ​യി രാ​ഹു​ല്‍. ആ ​സ​മ​യ​ത്തു വ​ല്ലാ​ത്ത ഒ​രു ഊ​ര്‍​ജം എ​നി​ക്കു​ണ്ടാ​യി​രു​ന്നു.

കോ​ടാ​ലി​കൊ​ണ്ടു വെ​ട്ടു​മ്പോ​ള്‍ അ​ല​മാ​രി ഇ​ടി​ഞ്ഞു​വീ​ഴു​ന്ന സീ​ന്‍ വീ​ടി​നു പു​റ​ത്തു​വ​ച്ച് പ്രാ​ക്ടീ​സ് ചെ​യ്ത​പ്പോ​ള്‍ ഒ​ന്നു​ര​ണ്ടു വ​ട്ടം ഞാ​ന്‍ കാ​ല്‍​വ​ഴു​തി വീ​ണു. ഇ​തൊ​ക്കെ ചെ​യ്യാ​നാ​ണ​ല്ലോ എ​ന്നെ ഇ​തി​ലേ​ക്കു വി​ളി​ച്ച​തെ​ന്ന ബോ​ധ്യ​ത്തി​ല്‍, ക്രൂ​വി​ലു​ള്ള​വ​രു​ടെ പി​ന്തു​ണ​യി​ല്‍, ആ ​സീ​ന്‍ ഡ്യൂ​പ്പി​ല്ലാ​തെ ഞാ​ന്‍ പൂ​ര്‍​ത്തി​യാ​ക്കി. എ​പ്പോ​ഴും ആ​ക്ടീ​വാ​യി​രു​ന്നു പ്ര​ണ​വ്. ആ ​സീ​നു​ക​ളൊ​ക്കെ ഞ​ങ്ങ​ള്‍​ക്കു യോ​ജി​ച്ചു ചെ​യ്യാ​നാ​യി.

ക്ലൈ​മാ​ക്സി​ല്‍ ഞാ​ന്‍ ത​ല​യ​ടി​ച്ചു വീ​ഴു​ന്ന സീ​ന്‍ ഫൈ​റ്റ് മാ​സ്റ്റ​ര്‍ എ​ന്നെ സു​ര​ക്ഷി​ത​മാ​ക്കി ചെ​യ്യി​ച്ചു. രാ​ഹു​ലി​ന് അ​ത​ത്ര ഓ​കെ ആ​യി​ല്ല. ഒ​രു​വ​ട്ടം കൂ​ടി വീ​ഴു​ന്ന​തു​കൊ​ണ്ടു കു​ഴ​പ്പ​മു​ണ്ടോ എ​ന്നാ​യി രാ​ഹു​ല്‍. ഇ​ത്ര​യും വ​ലി​യ ഒ​രു വേ​ഷം അ​ദ്ദേ​ഹം വി​ശ്വ​സി​ച്ച് എ​ല്‍​പ്പി​ച്ച​ത് എ​ന്നെ​ക്കൊ​ണ്ടു ചെ​യ്യാ​ന്‍ പ​റ്റും എ​ന്നു​ള്ള​തു​കൊ​ണ്ടാ​ണ​ല്ലോ. ര​ണ്ടു ടേ​ക്കി​ല്‍ ആ ​സീ​ന്‍ ഓ​കെ​യാ​യി. ഒ​രു സി​നി​മ​യി​ലും മു​മ്പു ഞാ​ന്‍ ഫൈ​റ്റ് ചെ​യ്തി​രു​ന്നി​ല്ല. 55- 60 പ്രാ​യ​മാ​ണ് എ​ല്‍​സ​മ്മ​യ്ക്ക്. ഈ ​പ്രാ​യ​ത്തി​ല്‍ ഫൈ​റ്റ് സീ​നു​ക​ളു​ള്ള ഒ​രു ക​ഥാ​പാ​ത്രം അ​ടു​ത്തെ​ങ്ങും മ​റ്റൊ​ര​ഭി​നേ​ത്രി​യും ചെ​യ്തി​ട്ടു​ണ്ടാ​വി​ല്ല.

നി​ര​വ​ധി​യാ​ണ​ല്ലോ സൂ​ക്ഷ്മ​മാ​യ ഭാ​വ​പ്ര​ക​ട​ന​ങ്ങ​ള്‍..?

അ​ട​ച്ചി​ട്ട​മു​റി​യി​ല്‍ രോ​ഹ​ന്‍ ക​യ​റി എ​ന്ന് എ​ല്‍​സ​മ്മ​യ്ക്കു ബോ​ധ്യ​മാ​കു​ന്ന ഒ​രു സ​ന്ദ​ര്‍​ഭ​മു​ണ്ട് സി​നി​മ​യി​ല്‍. അ​പ്പോ​ള്‍ പെ​ട്ടെ​ന്നു​ണ്ടാ​യ ഭാ​വ​മാ​റ്റ​മൊ​ക്കെ ആ ​നി​മി​ഷ​ത്തി​ല്‍ അ​ങ്ങ​നെ വ​ന്നു​പോ​യ​താ​ണ്. രാ​ഹു​ല്‍ പ​റ​ഞ്ഞ​തു​ത​ന്ന​തും സീ​നി​ല്‍ ഞാ​ന്‍ കൊ​ടു​ത്ത​തും പൊ​രു​ത്ത​പ്പെ​ട്ട​തു തു​ട​ര്‍​ന്നു​ള്ള സീ​നു​ക​ള്‍ ചെ​യ്യാ​ന്‍ ഊ​ര്‍​ജ​മാ​യി. ക്ലൈ​മാ​ക്സി​ല്‍ പ്ര​ണ​വ് കൈ​ത​രു​ന്ന സീ​നി​ല്‍ ഞാ​ന്‍ പ്ര​ണ​വി​നെ നോ​ക്കി​യ​ശേ​ഷം പെ​ട്ടെ​ന്നു മു​ഖം താ​ഴ്ത്തി​യി​ട്ടാ​ണു കൈ​കൊ​ടു​ക്കു​ന്ന​ത്. ന​മ്മ​ള്‍ അ​റി​യാ​തെ ന​മ്മു​ടെ ശ​രീ​രം ചി​ല​ത് ആ​വ​ശ്യ​പ്പെ​ടി​ല്ലേ.

അ​ങ്ങ​നെ ചെ​യ്തു​പോ​യ​താ​ണ​ത്. അ​തു രാ​ഹു​ലി​നു ന​ന്നാ​യി ഇ​ഷ്ട​പ്പെ​ട്ടു. ഒ​രു ഇം​ഗ്ലീ​ഷ് പാ​ട്ട് ചേ​ര്‍​ത്ത് ആ ​സീ​ന്‍ എ​ന്നെ കാ​ണി​ച്ചു. അ​തി​ല്‍ ഞാ​ന്‍ മു​ഖ​വും ക​ണ്ണു​ക​ളും താ​ഴ്ത്തി​യി​രു​ന്നു. "ഇ​താ​ണ് ആ​ര്‍​ട്ടി​സ്റ്റ്’ എ​ന്നു രാ​ഹു​ല്‍ പ​റ​ഞ്ഞ​തു കേ​ട്ട​പ്പോ​ള്‍ വ​ല്ലാ​ത്തൊ​രു ഫീ​ലാ​യി​രു​ന്നു. "ഉ​ള്ളൊ​ഴു​ക്കി’​ലെ എ​ന്‍റെ ക​ഥാ​പാ​ത്ര​വും "കൊ​ണ്ട​ലി’​ലെ എ​ന്‍റെ മു​ഖ​ത്തി​ന്‍റെ ഡാ​ര്‍​ക്ക് മേ​ക്ക​പ്പു​മാ​ണ് ഇ​തി​ലേ​ക്കു വി​ളി​ക്കാ​ന്‍ പ്രേ​ര​ണ​യാ​യ​തെ​ന്നു രാ​ഹു​ല്‍ പ​റ​ഞ്ഞി​ട്ടു​ണ്ട്.

സി​നി​മ​യി​ലേ​ക്ക്...?

അ​ച്ഛ​ന്‍ കൊ​ച്ചി​ന്‍ ഷി​പ് യാ​ര്‍​ഡ് ജീ​വ​ന​ക്കാ​ര​ന്‍ സി. ​ആ​ര്‍. കു​മാ​ര​ന്‍. അ​മ്മ ശാ​ന്ത​മ്മ. പ്രീ​ഡി​ഗ്രി​കാ​ല​ത്താ​ണ് അ​ഭി​ന​യ​ത്തു​ട​ക്കം. ബ​ന്ധു ന​ളി​നി​യു​ടെ തൃ​പ്പൂ​ണി​ത്തു​റ ശ്രീ​ച​ക്ര നൃ​ത്ത​വി​ഹാ​റി​ല്‍ നാ​ര​ദ​മോ​ക്ഷം ബാ​ലെ​യി​ല്‍. പി​ന്നീ​ടാ​ണു നാ​ട​ക​ത്തി​ലെ​ത്തി​യ​ത്.

കോ​ട്ട​യം അ​ക്ഷ​യ, ചേ​ര്‍​ത്ത​ല സാ​ഗ​രി​ക, ച​ങ്ങ​നാ​ശേ​രി പ്ര​തി​ഭ, സൃ​ഷ്ടി തു​ട​ങ്ങി​യ സ​മി​തി​ക​ളി​ല്‍. സൃ​ഷ്ടി​യു​ടെ "ആ​ത്മ​നി​വേ​ദ​നം’ എ​ന്ന നാ​ട​ക​ത്തി​ല്‍ ഭ​ര്‍​ത്താ​വാ​യി വേ​ഷ​മി​ട്ട നാ​രാ​യ​ണ​ക്കു​റു​പ്പി​നെ പി​ന്നീ​ടു വി​വാ​ഹം​ചെ​യ്തു. ലി​ജോ ജോ​സ് പെ​ല്ലി​ശേ​രി​യു​ടെ "ജെ​ല്ലി​ക്കെ​ട്ടാ’​ണ് എ​ന്‍റെ ആ​ദ്യ സി​നി​മ. അ​തി​ല്‍ ബാ​ങ്ക് മാ​നേ​ജ​രു​ടെ ക​ഥാ​പാ​ത്രം. പി​ന്നീ​ടു "സാ​ജ​ന്‍ ബേ​ക്ക​റി’. ശ്ര​ദ്ധി​ക്ക​പ്പെ​ട്ട​തു ഫ​ഹ​ദി​ന്‍റെ "മ​ല​യ​ന്‍​കു​ഞ്ഞി’​ല്‍.

അ​തി​ല്‍ അ​നി​ക്കു​ട്ട​ന്‍റെ അ​മ്മ, ശാ​ന്ത​മ്മ. അ​തി​ന്‍റെ ഷൂ​ട്ട് ക​ഴി​ഞ്ഞ​പ്പോ​ഴാ​ണു "പാ​ല്‍​തൂ ജാ​ന്‍​വ​റി’​ലേ​ക്കും "ഉ​ള്ളൊ​ഴു​ക്കി’​ലേ​ക്കും വി​ളി​ച്ച​ത്. "പാ​ല്‍​തൂ ജാ​ന്‍​വ​റി’​ല്‍ ജോ​ണി ആ​ന്‍റ​ണി​യു​ടെ ഭാ​ര്യ​വേ​ഷം. ഉ​ള്ളൊ​ഴു​ക്കി​ല്‍ പാ​ര്‍​വ​തി​യു​ടെ അ​മ്മ​വേ​ഷം. "കൊ​ണ്ട​ലി’​ല്‍ രാ​ജ് ബി. ​ഷെ​ട്ടി​യു​ടെ​യും പെ​പ്പെ​യു​ടെ​യും അ​മ്മ​വേ​ഷം. പി​ന്നീ​ടു "ക്രി​സ്റ്റി’, ‘ക്രി​സ്റ്റ​ഫ​ര്‍’, "അ​യ​ല്‍​വാ​ശി’. "പേ​രി​ല്ലൂ​ര്‍ പ്രീ​മി​യ​ര്‍ ലീ​ഗ്’ വെ​ബ്സീ​രീ​സി​ല്‍ വി​ജ​യ​രാ​ഘ​വ​ന്‍റെ ഭാ​ര്യാ​വേ​ഷം. ക്രി​സ്റ്റ​ഫ​റി​ല്‍ മ​മ്മൂ​ക്ക​യു​മാ​യി കോം​ബി​നേ​ഷ​നു​ണ്ട്. "സൂ​ക്ഷ്മ​ദ​ര്‍​ശി​നി’​യി​ല്‍ ബേ​സി​ലി​നെ പ​ഠി​പ്പി​ച്ച ടീ​ച്ച​റി​ന്‍റെ വേ​ഷം. "പൊ​ന്‍​മാ​നി’​ല്‍ സ​ജി​ന്‍റെ അ​മ്മ​യാ​യി അ​ഭി​ന​യി​ച്ചു. ലൂ​സി​യ​മ്മ എ​ന്ന ക​ഥാ​പാ​ത്രം. "ഗ​ര്‍​ര്‍’ സി​നി​മ​യി​ല്‍ ചാ​ക്കോ​ച്ച​ന്‍റെ അ​മ്മ​വേ​ഷം. "ഓ​ഫീ​സ​ര്‍ ഓ​ണ്‍ ഡ്യൂ​ട്ടി’​യി​ല്‍ മ​നോ​ജ് കെ.​യു​വി​ന്‍റെ ഭാ​ര്യാ​വേ​ഷം. "ഉ​ള്ളൊ​ഴു​ക്ക്’ ക​ണ്ടി​ട്ടാ​ണ് "ഹൃ​ദ​യ​പൂ​ര്‍​വ’​ത്തി​ലെ ല​ത​ച്ചേ​ച്ചി​യാ​കാ​ന്‍ സ​ത്യ​ന്‍​സാ​ര്‍ വി​ളി​ച്ച​ത്.

നാ​ട​ക​വും സി​നി​മ​യും സ്വാ​ധീ​നി​ക്കു​ന്ന​ത്...?

സി​നി​മ​യി​ലെ ക​ഥാ​പാ​ത്ര​ങ്ങ​ള്‍​ക്കു കൃ​ത്യ​മാ​യ മോ​ഡു​ലേ​ഷ​നി​ല്‍ ശ​ബ്ദം കൊ​ടു​ക്കു​ന്ന​തി​നു നാ​ട​ക​പ​രി​ച​യം സ​ഹാ​യി​ച്ചു. ഇ​തി​ല്‍ വ​ച​ന​ങ്ങ​ളും ആ​ത്മ​ഭാ​ഷ​ണ​വും അ​വ​ത​രി​പ്പി​ക്കാ​ന്‍ അ​തു തു​ണ​യാ​യി.

സി​നി​മ​യാ​ണ് എ​ന്നെ കു​റ​ച്ച് സ്വ​ത​ന്ത്ര​യാ​ക്കി​യ​ത്. മു​മ്പ് എ​നി​ക്കു​വേ​ണ്ടി പ്ര​തി​ക​രി​ക്കു​ക​യോ സം​സാ​രി​ക്കു​ക​യോ ചെ​യ്യു​ന്ന ഒ​രാ​ള്‍ ആ​യി​രു​ന്നി​ല്ല. സി​നി​മ​യി​ല്‍ വ​ന്ന​പ്പോ​ള്‍ എ​ന്‍റെ കാ​ര്യ​ങ്ങ​ള്‍ പ​റ​യാ​ന്‍ ഞാ​ന്‍ മാ​ത്ര​മേ​യു​ള്ളൂ എ​ന്നു തി​രി​ച്ച​റി​ഞ്ഞു. ഇ​ന്ന​തു വേ​ണം, ഇ​ന്ന​തു വേ​ണ്ടാ എ​ന്നു പ​റ​യാ​നു​ള്ള ഇ​ച്ഛാ​ശ​ക്തി കി​ട്ടി​യ​തു സി​നി​മ​യി​ലെ​ത്തി​യ​ശേ​ഷ​മാ​ണ്.

അ​ഭി​ന​യം, ജീ​വി​തം-​പു​തി​യ വി​ശേ​ഷ​ങ്ങ​ള്‍..?

അ​ഖി​ല്‍ സ​ത്യ​ന്‍റെ "സ​ര്‍​വം മാ​യ’ റി​ലീ​സാ​യി. അ​തി​ല്‍ അ​ജു​വി​ന്‍റെ അ​മ്മ​വേ​ഷം. ഇ​പ്പോ​ള്‍ അ​ഭി​ന​യി​ക്കു​ന്ന​തു ലാ​ല്‍ സാ​റി​ന്‍റെ മ​ക​ള്‍ വി​സ്മ​യ​യു​ടെ "തു​ട​ക്കം’ എ​ന്ന സി​നി​മ​യി​ല്‍. സം​വി​ധാ​നം ജൂ​ഡ് ആ​ന്‍റ​ണി. ന​രി​പ്പ​റ്റ രാ​ജു മാ​ഷി​ന്‍റെ സം​വി​ധാ​ന​ത്തി​ല്‍ "ഇ​ടു​ക്കി​യു​ടെ ച​രി​ത്രം-​തോ​റ്റ​വ​രു​ടെ യു​ദ്ധ​ങ്ങ​ള്‍’ എ​ന്ന ഡോ​ക്യു​ഫി​ക്്ഷ​ന്‍ നാ​ട​ക​വും ചെ​യ്യു​ന്നു. അ​തി​ല്‍ മ​റി​യ എ​ന്ന ക​ഥാ​പാ​ത്രം. കി​ട്ടു​ന്ന ക​ഥാ​പാ​ത്ര​ങ്ങ​ള്‍ ന​ന്നാ​യി ചെ​യ്യാ​നാ​വ​ണം.

കാ​ര​ണം, അ​വ​യി​ലേ​റെ​യും ഉ​ള്‍​ക്കാ​മ്പു​ള്ള വേ​ഷ​ങ്ങ​ള്‍ ത​ന്നെ. ഏ​റെ​യും പ്രാ​യ​മു​ള്ള അ​മ്മ വേ​ഷ​ങ്ങ​ള്‍. അ​മ്മ​മാ​രു​ടെ പെ​രു​മാ​റ്റ​രീ​തി​ക​ള്‍ ഏ​ക​ദേ​ശം ഒ​രേ​പൊ​ലെ​യാ​ണ​ല്ലോ. പ​ക്ഷേ, ഒ​രേ മാ​ന​റി​സ​ങ്ങ​ള്‍ പി​ടി​ക്കാ​തെ, ഒ​രേ ടൈ​പ്പാ​യി പോ​കാ​തെ മാ​റ്റി​മാ​റ്റി ചെ​യ്യാ​നാ​ണ് എ​പ്പോ​ഴും ശ്ര​ദ്ധി​ക്കു​ന്ന​ത്. ഭ​ര്‍​ത്താ​വി​നും മ​ക്ക​ളാ​യ കാ​ര്‍​ത്തി​ക, കീ​ര്‍​ത്ത​ന, കാ​ശി​നാ​ഥ​ന്‍ എ​ന്നി​വ​ര്‍​ക്കു​മൊ​പ്പം ക​ട്ട​പ്പ​ന​യി​ലാ​ണ് എ​ന്‍റെ താ​മ​സം.

Tags : jaya actress interview star chat