ഒടിടിയിൽ വമ്പൻ മലയാള ചിത്രങ്ങൾ റിലീസിനൊരുങ്ങുന്നു. മല​യാ​ളി​ക​ളു​ടെ പ്രി​യ​പ്പെ​ട്ട യു​വ​താ​രം പ്ര​ണ​വ് മോ​ഹ​ന്‍​ലാ​ലി​ന്‍റെ ഡീ​യെ​സ് ഈ​റെ, അ​ല്‍​ത്താ​ഫ് സ​ലീ​മി​ന്‍റെ ക​മ്യൂ​ണി​സ്റ്റ് പ​ച്ച, മലയാളം ഡബ് ചെയ്തെത്തിയ ര​ശ്മി​ക മ​ന്ദാ​ന​യു​ടെ ദി ​ഗേ​ള്‍​ഫ​ണ്ട് എ​ന്നീ ചി​ത്ര​ങ്ങ​ള്‍ ഒ​ടി​ടി​യി​ല്‍ സ്ട്രീ​മിംഗ് ആ​രം​ഭി​ച്ചു.

1. ഡീ​യെ​സ് ഈ​റെ

പ്ര​ണ​വ് മോ​ഹ​ന്‍​ലാ​ല്‍, സു​സ്മി​ത ഭ​ട്ട്, ജി​ബി​ന്‍ ഗോ​പി​നാ​ഥ്, ജ​യ കു​റു​പ്പ്, അ​രു​ണ്‍ അ​ജി​കു​മാ​ര്‍, ശ്രീ​ധ​ന്യ, സു​ധാ സു​കു​മാ​രി, ഷൈ​ന്‍ ടോം ​ചാ​ക്കോ എന്നിവർ കേന്ദ്രകഥാപാത്രങ്ങളാകുന്ന ചിത്രമാണ് ഡീയെസ് ഈറെ. സം​വി​ധാ​യ​ക​ന്‍ രാ​ഹു​ല്‍ സ​ദാ​ശി​വ​ന്‍. ഒരു മ​ണി​ക്കൂ​ര്‍ 53 മി​നി​റ്റ് ആണ് ഹൊ​റ​ര്‍ ത്രി​ല്ല​ര്‍ സി​നി​മ​യു​ടെ ദൈ​ര്‍​ഘ്യം. ജി​യോ​ഹോ​ട്ട്സ്റ്റാ​റിൽ ചിത്രം കാണാം.

ത​ന്നി​ഷ്ട​പ്ര​കാ​രം ജീ​വി​ക്കു​ന്ന ഒ​രു ഇ​ന്ത്യ​ന്‍-​അ​മേ​രി​ക്ക​ന്‍ വാ​സ്തു​ശി​ല്പി​യു​ടെ മ​ക​ന്‍ രോ​ഹ​ന്‍റെ (പ്ര​ണ​വ് അവതരിപ്പിക്കുന്ന ക​ഥാ​പാ​ത്രം) ക​ഥ​യാ​ണ് ഡീ​യെ​സ് ഈ​റെ പ​റ​യു​ന്ന​ത്. അ​യാ​ളുടെ കാമുകി, കനി മ​രി​ക്കു​മ്പോ​ള്‍ അ​യാ​ളു​ടെ സ​മ്പ​ന്ന ജീ​വി​തം ദു​രി​ത​പൂ​ര്‍​ണ​മാ​യി മാ​റു​ന്നു. സം​സ്‌​കാ​ര ച​ട​ങ്ങി​ല്‍ പങ്കെടുക്കാനെത്തിയ രോഹൻ അ​വ​ളു​ടെ ഓ​ര്‍​മ​യ്ക്കാ​യി മു​ടി​യി​ല്‍ ചൂ​ടു​ന്ന ക്ലി​പ്പ് എ​ടു​ത്ത് വീ​ട്ടി​ലേ​ക്ക് മ​ട​ങ്ങു​ന്നു.

പ​ക്ഷേ, ക​നി​യു​ടെ ആ​ത്മാ​വ് അ​വ​നെ വേ​ട്ട​യാ​ടാ​ന്‍ തു​ട​ങ്ങു​ന്നു. അ​വ​ന്‍റെ മു​ടി​യി​ല്‍ ത​ലോ​ടു​ക​യും, ചി​ല​ങ്ക​യു​ടെ ശ​ബ്ദം പു​റ​പ്പെ​ടു​വി​ക്കു​ക​യും ക​ഴു​ത്തു ഞെ​രി​ച്ച് കൊ​ല്ലാ​ന്‍ പോ​ലും അ​വ​നെ പ്രേ​രി​പ്പി​ക്കു​ക​യും ചെ​യ്യു​ന്നു. പ​രി​ഭ്രാ​ന്ത​നാ​യ രോ​ഹ​ന്‍, മ​ന്ത്ര​വാ​ദി​യാ​യ മ​ധു​സൂ​ദ​ന​ന്‍ പോ​റ്റി​യു​ടെ സ​ഹാ​യ​ത്തോ​ടെ ഉ​ത്ത​ര​ങ്ങ​ള്‍ തേ​ടു​ന്നു. രോ​ഹ​ന്‍ പ്രേ​ത​ബാ​ധ​യി​ല്‍​നി​ന്ന് ര​ക്ഷ​പ്പെ​ടു​മോ, എ​ന്തി​നാ​ണ് അ​വ​നെ ദു​ഷ്ടാ​ത്മാ​വ് ല​ക്ഷ്യ​മി​ടു​ന്ന​തെ​ന്നും ഡീ​യെ​സ് ഈ​റെ പ​റ​യു​ന്നു.

2. ക​മ്യൂ​ണി​സ്റ്റ് പ​ച്ച

അൽത്താഫ് സലിം, സ​ജി​ന്‍ ചെ​റു​ക​യി​ല്‍, സ​ക്ക​റി​യ, ര​ഞ്ജി കാ​ങ്കോ​ല്‍ തുടങ്ങിയവർ പ്രധാനകഥാപാത്രങ്ങളാകുന്ന ചിത്രമാണ് കമ്യൂണിസ്റ്റ് പച്ച അഥവാ അപ്പ. ഷ​മീം മൊ​യ്തീ​ന്‍ ആണ് ചിത്രത്തിന്‍റെ സംവിധായകൻ. സൈന പ്ലേയിൽ ചിത്രം കാണാം.

​കോ​വി​ഡ്-19 മ​ഹാ​മാ​രി​യു​ടെ സ​മ​യ​ത്ത്, നി​ര​വ​ധി പ്ര​ശ്‌​ന​ങ്ങ​ളെ​ത്തു​ട​ര്‍​ന്ന് നി​രാ​ശ​ബാ​ധി​ത​നാ​യ വാ​ഹിദ് എ​ന്ന ചെ​റു​പ്പ​ക്കാ​രന്‍റെ ക​ഥ​യാ​ണ് ക​മ്യൂ​ണി​സ്റ്റ് പ​ച്ച പ​റ​യു​ന്ന​ത്. നാ​ട്ടി​ലേ​ക്കു മ​ട​ങ്ങി​യ വാ​ഹി​ദ് തന്‍റെ പ​ഴ​യ സു​ഹൃ​ത്തു​ക്ക​ളു​മാ​യി വീ​ണ്ടും ഒ​ന്നി​ക്കു​മ്പോ​ള്‍, സ​മൂ​ഹ​ത്തി​നു​ള്ളി​ലെ അ​ന്ത​ര്‍​ലീ​ന​മാ​യ സം​ഘ​ര്‍​ഷ​ങ്ങ​ളെ നേ​രി​ടേ​ണ്ടി​വ​രു​ന്നു.

3. ദി ​ഗേ​ള്‍​ഫ്ര​ണ്ട് (മ​ല​യാ​ളം-​ഡ​ബ്)

ര​ശ്മി​ക മ​ന്ദാ​ന, ദീ​ക്ഷി​ത് ഷെ​ട്ടി, അ​നു ഇ​മ്മാ​നു​വ​ല്‍, രാ​ഹു​ല്‍ ര​വീ​ന്ദ്ര​ന്‍, റാ​വു ര​മേ​ഷ്, രോ​ഹി​ണി മൊ​ല്ലേ​ട്ടി എന്നിവർ പ്രധാന കഥാപാത്രങ്ങളാകുന്ന റൊമാന്‍റിക് ഡ്രാമ നെറ്റ്ഫ്ളിക്സിൽ സ്ട്രീമിംഗ് ആരംഭിച്ചു. രാഹുൽ രവീന്ദ്രനാണ് ചിത്രത്തിന്‍റെ സം​വി​ധാ​യ​ക​ന്‍.

ര​ശ്മി​ക മ​ന്ദാ​ന പ്ര​ധാ​ന വേ​ഷ​ത്തി​ല്‍ എ​ത്തു​ന്ന പ്ര​ണ​യ​ചി​ത്ര​മാ​ണ് ദി ​ഗേ​ള്‍​ഫ്ര​ണ്ട്. അ​ച്ഛ​ന്‍റെ കീ​ഴി​ല്‍ വ​ള​ര്‍​ന്ന ഭൂ​മാ​ദേ​വി എ​ന്ന പെ​ണ്‍​കു​ട്ടി ഇം​ഗ്ലീ​ഷ് സാ​ഹി​ത്യ​ത്തി​ല്‍ ബി​രു​ദാ​ന​ന്ത​ര ബി​രു​ദം നേ​ടു​ന്ന​തി​നാ​യി ഹൈ​ദ​രാ​ബാ​ദി​ലെ കോ​ള​ജി​ല്‍ ചേ​രു​ന്ന​താ​ണ് സി​നി​മ​യു​ടെ ഇ​തി​വൃ​ത്തം. അ​തേ കോ​ള​ജി​ലെ വി​ദ്യാ​ര്‍​ഥി​യാ​യ വി​ക്ര​മു​മാ​യി ഭൂ​മ​യ്ക്കു സൗ​ഹൃ​ദ​മു​ണ്ടാ​കു​ന്നു. തു​ട​ക്ക​ത്തി​ല് ഭൂ​മ മ​ടി​ച്ചെ​ങ്കി​ലും പി​ന്നീ​ട് ഇ​രു​വ​രും പ്ര​ണ​യ​ത്തി​ലാ​കു​ന്നു. താ​മ​സി​യാ​തെ, വി​ക്രം പ്ര​ശ്‌​ന​ക്കാ​ര​നാ​ണെ​ന്ന് ഭൂ​മ മ​ന​സി​ലാ​ക്കു​ന്നു. തു​ട​ര്‍​ന്ന്, വി​ഷ​ലി​പ്ത​മാ​യ ബ​ന്ധ​ത്തി​ല്‍​നി​ന്ന് ഭൂ​മ​യ്ക്ക് മോ​ച​നം നേ​ടേ​ണ്ടി​വ​രു​ന്ന പ്ര​ക്ഷു​ബ്ധ​മാ​യ യാ​ത്ര​യാ​ണ് സി​നി​മ പ​റ​യു​ന്ന​ത്. ഈ ​റി​ലീ​സു​ക​ള്‍​ക്ക് പു​റ​മേ, മ​റ്റ് നി​ര​വ​ധി ദ​ക്ഷി​ണേ​ന്ത്യ​ന്‍ സി​നി​മ​ക​ളും ഈ ​ആ​ഴ്ച ഒ​ടി​ടി​യി​ല്‍ എ​ത്തു​ന്നു​ണ്ട്.

Tags : OTT Pranav Mohanlal Releases this week