ഖാ​ർ​ഗോ​ൺ (മ​ധ്യ​പ്ര​ദേ​ശ്): 100 രൂ​പ വി​ല​വ​രു​ന്ന ഗോ​ത​മ്പ് മോ​ഷ്ടി​ച്ച കേ​സി​ൽ 45 വ​ർ​ഷ​ത്തി​നു ശേ​ഷം പ്ര​തി​യെ പോ​ലീ​സ് പി​ടി​കൂ​ടി. മ​ധ്യ​പ്ര​ദേ​ശി​ലെ ഖാ​ർ​ഗോ​ൺ ജി​ല്ല​യി​ലാ​ണു ​സം​ഭ​വം. 1980ൽ ​ന​ട​ന്ന മോ​ഷ​ണ​ക്കേ​സി​ലെ പ്ര​തി​യാ​യ സ​ലിം (65) ആ​ണ് ഇ​പ്പോ​ൾ നി​യ​മ​ത്തി​നു മു​ന്നി​ല​ക​പ്പെ​ട്ട​ത്.

   1980ൽ ​ബാ​ൽ​ക്കാ​വാ​ഡ പോ​ലീ​സ് സ്റ്റേ​ഷ​ൻ പ​രി​ധി​യി​ലെ ബാ​ൽ​സ​മു​ണ്ടി​ലാണ് കേ​സി​നാ​സ്പ​ദ​മാ​യ സം​ഭ​വം. അ​ന്ന് 20 കാരനായിരുന്ന സ​ലീ​മും മ​റ്റ് ആ​റു സു​ഹൃ​ത്തു​ക്ക​ളും ചേ​ർ​ന്നു പാ​ട​ത്തു​നി​ന്നു ഗോ​ത​മ്പ് മോ​ഷ്ടി​ക്കു​ക​യാ​യി​രു​ന്നു. അക്കാലത്ത് ഒ​രു ക്വി​ന്‍റ​ൽ ഗോ​ത​മ്പി​ന് ഏകദേശം115 രൂ​പ​യാ​യി​രു​ന്നു വി​ല.

    മോ​ഷ​ണ​ത്തി​നു പി​ന്നാ​ലെ സ​ലി​മും കു​ടും​ബ​വും ഗ്രാ​മം വി​ട്ടു. അ​യ​ൽ ജി​ല്ല​യാ​യ ധ​റി​ലേ​ക്കു താ​മ​സം മാ​റി​യ സലിം അ​വി​ടെ ഒ​രു ക​ട ന​ട​ത്തി ശാ​ന്ത​മാ​യ ജീ​വി​തം ന​യി​ച്ചുവ​രി​ക​യാ​യി​രു​ന്നു. ക​ഴി​ഞ്ഞ 45 വ​ർ​ഷ​മാ​യി പോ​ലീ​സ് രേ​ഖ​ക​ളി​ൽ ഇ​യാ​ൾ പി​ടി​കി​ട്ടാ​പ്പു​ള്ളിയാ​യി​രു​ന്നു.

   പ​ഴ​യ കേ​സു​ക​ൾ തീ​ർ​പ്പാ​ക്കു​ന്ന​തി​നാ​യി മ​ധ്യ​പ്ര​ദേ​ശ് പോ​ലീ​സ് ജ​നു​വ​രി ഒന്നു മു​ത​ൽ 31 വ​രെ ന​ട​ത്തി​യ പ്ര​ത്യേ​ക പ​രി​ശോ​ധ​ന​യി​ലാ​ണ് സ​ലിം കു​ടു​ങ്ങി​യ​ത്. പ​ഴ​യ വാ​റന്‍റുക​ൾ പ​രി​ശോ​ധി​ക്കു​ന്ന​തി​നി​ടെ​യാ​ണ് ഈ ​കേ​സ് വീ​ണ്ടും പോലീസിന്‍റെ ശ്ര​ദ്ധ​യി​ൽ​പ്പെ​ട്ട​ത്. സ​ലീ​മി​നൊ​പ്പം മോ​ഷ​ണ​ത്തി​ൽ പ​ങ്കെ​ടു​ത്ത ഒ​രാ​ളി​ൽനി​ന്നു ല​ഭി​ച്ച സൂ​ച​ന​യാ​ണ് ഇ​യാ​ളെ ക​ണ്ടെ​ത്താ​ൻ സ​ഹാ​യി​ച്ച​തെ​ന്നു പോലീസ് പ​റ​ഞ്ഞു.

Tags : stealing wheat arrest theft police case