ന്യൂയോര്ക്ക്: മലയാള സിനിമയുടെ ബഹുമുഖ പ്രതിഭയായിരുന്ന നടനും തിരക്കഥാകൃത്തുമായ ശ്രീനിവാസന്റെ വിയോഗത്തിൽ ഫൊക്കാന എംപവര് ടീം അനുശോചിച്ചു.
ശ്രീനിവാസന്റെ ജീവിതവും ചിന്തകളും മലയാളി സമൂഹത്തിനും സംഘടനകൾക്കും ഇന്നും വഴികാട്ടിയാണെന്ന് പ്രസിഡന്റ് സ്ഥാനാർഥിയായ ലീല മാരേട്ട് പറഞ്ഞു.
അദ്ദേഹത്തിന്റെ കലാസൃഷ്ടികളേക്കാൾ അപ്പുറം, വ്യക്തിജീവിതത്തിലൂടെ അദ്ദേഹം മുന്നോട്ടുവെച്ച മനുഷ്യത്വവും മതസൗഹാർദവും ഓർക്കപ്പെടേണ്ടതാണെന്നും ലീല മാരേട്ട് അഭിപ്രായപ്പെട്ടു.
ശ്രീനിവാസന്റെ കഥാപാത്രങ്ങൾ പലപ്പോഴും സാമൂഹികമായി ഒറ്റപ്പെട്ട വ്യക്തികളുടെ ശബ്ദമായി മാറിയതായും അവർ കൂട്ടിച്ചേർത്തു.
ഫൊക്കാന പോലുള്ള സംഘടനകൾക്ക് ശ്രീനിവാസന്റെ മൂല്യങ്ങൾ പ്രായോഗികമായി ഉൾക്കൊള്ളാൻ കഴിയണമെന്നും അവർ ആവശ്യപ്പെട്ടു.
Tags : Fokana Team Empower Sreenivasan USA