പോഖറ (നേപ്പാള്): ഐസിസി അണ്ടര് 19 പുരുഷ ലോകകപ്പിനു പിന്നാലെ ഇന്ത്യന് കൗമാരം മറ്റൊരു ട്രോഫികൂടി രാജ്യത്ത് എത്തിച്ചു.
സാഫ് അണ്ടര് 19 വനിതാ ഫുട്ബോളിലാണ് ഇന്ത്യയുടെ കൗമാരാരവും വീണ്ടും ഉയര്ന്നത്. ഇന്നലെ പോഖറയിലെ രംഗശാല സ്റ്റേഡിയത്തില് അരങ്ങേറിയ ഫൈനലില് ഇന്ത്യ 4-0ന് ബംഗ്ലാദേശിനെ കീഴടക്കിയാണ് കപ്പുയര്ത്തിയത്.
ജുലന് നോങ്മൈഥേം (42), എലിസബത്ത് ലെഘറ (63, പെനാല്റ്റി), പേള് ഫെര്ണാണ്ടസ് (68), അന്വിത രഘുരാമന് (83) എന്നിവരാണ് ഇന്ത്യക്കായി വലകുലുക്കിയത്. ലീഗ് റൗണ്ടില് ഇരുടീമും ഏറ്റുമുട്ടിയപ്പോള് ബംഗ്ലാദേശ് 2-0ന്റെ ജയം നേടിയിരുന്നു. അതിന്റെ കണക്കു തീര്ത്തുള്ള ജയമാണ് ഫൈനലില് ഇന്ത്യന് പെണ്കൊടികള് സ്വന്തമാക്കിയത്.
Tags : Women's SAFF Cup India win Football