ചെന്നൈ: ജൂണിയര് പുരുഷ ലോകകപ്പ് ഹോക്കിയിലെ ആദ്യ മത്സരത്തില് വമ്പന് ജയവുമായി പി.ആര്. ശ്രീജേഷ് പരിശീലിപ്പിക്കുന്ന ടീം ഇന്ത്യ.
പൂള് ബിയില് ചിലിയെ മറുപടിയില്ലാത്ത ഏഴ് ഗോളിന് ഇന്ത്യന് ജൂണിയര് സംഘം നിലംപരിശാക്കി. ലോകകപ്പിന്റെ ഉദ്ഘാടന ദിനത്തിലെ വമ്പന് ജയമാണ് ആതിഥേയര് കുറിച്ചതെന്നതും ശ്രദ്ധേയം.
ഇന്ത്യക്കായി റോഷന് കുജുര് (16, 21), ദില്രാജ് സിംഗ് (25, 34) എന്നിവര് ഇരട്ടഗോള് സ്വന്തമാക്കി. അജീത് യാദവ് (35), അന്മോൽ (48), ക്യാപ്റ്റന് രോഹിത് (60) എന്നിവരായിരുന്നു മറ്റു ഗോള് നേട്ടക്കാര്.
പൂള് ബിയിലെ ആദ്യ മത്സരത്തില് സ്വിറ്റ്സര്ലന്ഡ് 4-0ന് ഒമാനെ കീഴടക്കിയിരുന്നു. പൂള് എയിലെ മത്സരങ്ങളിൽ ജര്മനി 4-0ന് ദക്ഷിണാഫ്രിക്കയെയും അയര്ലന്ഡ് 4-3ന് കാനഡയെയും തോല്പ്പിച്ചു.
പൂള് ബിയിലെ രണ്ടാം മത്സരത്തില് ഇന്ത്യ ഇന്ന് ഒമാനെ നേരിടും. ഡിസംബര് രണ്ടിന് സ്വിറ്റ്സര്ലന്ഡിന് എതിരേയാണ് പൂളില് ഇന്ത്യയുടെ അവസാന മത്സരം. പൂളിലെ ഒന്നാം സ്ഥാനക്കാര് ക്വാര്ട്ടറിലേക്ക് മുന്നേറും. രണ്ടാം സ്ഥാനക്കാര്ക്ക് റാങ്കിംഗ് അടിസ്ഥാനത്തില് ക്വാര്ട്ടറില് പ്രവേശിക്കാം.
Tags : Junior Men's World Cup Hockey Team india