മുംബൈ: ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു. പരിക്കേറ്റ ക്യാപ്റ്റന് ശുഭ്മന് ഗില്ലിന് പകരം കെ.എല്.രാഹുലാണ് ഇന്ത്യയെ നയിക്കുന്നത്. വൈസ് ക്യാപ്റ്റന് ശ്രേയസ് അയ്യര്ക്ക് പകരം തിലക് വര്മയും ടീമിലെത്തി. വിക്കറ്റ് കീപ്പര് റിഷഭ് പന്തും ടീമിലുണ്ട്.
സീനിയര് താരങ്ങളായ വിരാട് കോഹ്ലി, രോഹിത് ശര്മ എന്നിവര് ടീമില് സ്ഥാനം നിലനിര്ത്തി. പേസര്മാരായ ജസ്പ്രിത് ബുംറയ്ക്കും മുഹമ്മദ് സിറാജിനും വിശ്രമം അനുവദിച്ചു. മൂന്നു മത്സരങ്ങളടങ്ങിയ ഏകദിന പരമ്പരയിലെ ആദ്യ മത്സരം 30ന് റാഞ്ചിയിൽ നടക്കും. രണ്ടാം മത്സരം ഡിസംബർ മൂന്നിന് റായ്പുരിലും മൂന്നാം മത്സരം ആറിന് വിശാഖപട്ടണത്തും നടക്കും.
ഇന്ത്യന് ടീം: രോഹിത് ശര്മ, യശസ്വി ജയ്സ്വാള്, വിരാട് കോഹ്ലി, തിലക് വര്മ, കെ.എല്.രാഹുല്, റിഷഭ് പന്ത്, വാഷിംഗ്ടണ് സുന്ദര്, രവീന്ദ്ര ജഡേജ, കുല്ദീപ് യാദവ്, നിതീഷ് കുമാര് റെഡ്ഡി, ഹര്ഷിത് റാണ, റുതുരാജ് ഗെയ്കവാദ്, പ്രസിദ്ധ് കൃഷ്ണ, അര്ഷ്ദീപ് സിംഗ്, ധ്രുവ് ജുറല്.
Tags : odiseries southafrica india k.l.rahul captain rishabh pant virat kohli