കൊ​ച്ചി: ആ​യാ​സ​മു​ള്ള​തി​നെ അ​നാ​യാ​സം കീ​ഴ​ട​ക്കു​ന്ന​തി​ലെ ത്രി​ൽ ഒ​ന്നു വേ​റെ ത​ന്നെ. ആ ​ത്രി​ല്ലി​നെ തൊ​ട്ട​റി​ഞ്ഞ​തി​ന്‍റെ ആ​ഹ്ലാ​ദ​ത്തി​ലാ​ണ് കൊ​ച്ചി​യി​ലെ ഈ ​ഐ​ആ​ര്‍​എ​സ് ഉ​ദ്യോ​ഗ​സ്ഥ​ന്‍. ലോ​ക​ത്തി​ലെ ഏ​റ്റ​വും ബു​ദ്ധി​മു​ട്ടേ​റി​യ കാ​യി​ക ഇ​ന​ങ്ങ​ളി​ലൊ​ന്നാ​യ മ​ലേ​ഷ്യ​ന്‍ ട്ര​യാ​ത്ത​ല​ണ്‍ നി​ശ്ചി​ത​സ​മ​യ​ത്തി​നു​ള്ളി​ല്‍ പൂ​ര്‍​ത്തി​യാ​ക്കി​യ ഇ​ദ്ദേ​ഹ​ത്തി​ന് മ​ലേ​ഷ്യ​ന്‍ അ​യ​ണ്‍​മാ​ന്‍ പ​ട്ടം സ്വ​ന്തം. കൊ​ച്ചി​യി​ലെ ജി​എ​സ്ടി ആ​ന്‍​ഡ് ക​സ്റ്റം​സ് അ​ഡീ. ക​മ്മീ​ഷ​ണ​ര്‍ ജോ​മി ജേ​ക്ക​ബാ​ണ് അ​പൂ​ര്‍​വ​നേ​ട്ടം ത​ന്‍റെ പേ​രി​ലാ​ക്കി​യ​ത്. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍നി​ന്ന് 607 പേ​ര്‍ പ​ങ്കെ​ടു​ത്ത മ​ത്സ​ര​ത്തി​ലാ​ണ് ഈ ​നേ​ട്ടം.

മലഞ്ചെരിവിലൂടെ സൈക്കിളിൽ

ക​ട​ലി​ലും മ​ല​ഞ്ചെ​രി​വി​ലും റോ​ഡി​ലു​മാ​യി മൂ​ന്നു ഘ​ട്ട​ങ്ങ​ളി​ലാ​യാ​ണ് ട്ര​യാ​ത്ത​ല​ണ്‍ പൂ​ര്‍​ത്തി​യാ​ക്കി​യ​ത്. ക​ട​ലി​ല്‍ 3.8 കി​ലോ​മീ​റ്റ​ര്‍ നീ​ന്ത​ല്‍, 180 കി​ലോ​മീ​റ്റ​ര്‍ മ​ല​ഞ്ചെ​രു​വി​ലൂ​ടെ സൈ​ക്കി​ളിം​ഗ്, 42.2 കി​ലോ​മീ​റ്റ​ര്‍ ഫു​ള്‍ മാ​ര​ത്ത​ണ്‍ എ​ന്നി​വ​യാ​യി​രു​ന്നു മ​ലേ​ഷ്യ​ന്‍ അ​യ​ണ്‍​മാ​ന്‍ കി​രീ​ട​നേ​ട്ട​ത്തി​ലേ​ക്കു​ള്ള ക​ഠി​ന​വ​ഴി​ക​ള്‍. ഇ​ത്ര​യും 17 മ​ണി​ക്കൂ​റി​നു​ള്ളി​ലാ​ണ് പൂ​ര്‍​ത്തി​യാ​ക്കേ​ണ്ട​ത്. എ​ന്നാ​ല്‍, ജോ​മിക്ക് ഇ​തി​നു വേ​ണ്ടി​വ​ന്ന​ത് 14.19 മ​ണി​ക്കൂ​ര്‍ മാ​ത്രം. മ​ലേ​ഷ്യ​ന്‍ ട്ര​യാ​ത്ത​ല​ണ്‍ കേ​ര​ള​ത്തി​ല്‍നി​ന്നു​ള്ള മ​ത്സ​രാ​ര്‍​ഥി ജോ​മി മാ​ത്ര​മാ​യി​രു​ന്നു. നി​ശ്ചി​ത സ​മ​യ​ത്തി​നു​ള്ളി​ല്‍ പൂ​ര്‍​ത്തി​യാ​ക്കി​യ​ത് 705ല്‍ 35 ​പേ​രാ​ണ്.

മൂന്നു മാസം പെരിയാറിൽ

സാ​ഹ​സി​ക​യാ​ത്ര​ക​ളോ​ടു​ള്ള ഇ​ഷ്ട​മാ​ണ് ല​ങ്കാ​വി​യി​ല്‍ ന​ട​ന്ന ട്ര​യാ​ത്ത​ല​ണി​ലേ​ക്കെ​ത്തി​ച്ച​ത്. നേ​ര​ത്തെ ഡെ​ന്മാ​ര്‍​ക്കി​ല്‍ ന​ട​ന്ന ട്ര​യാ​ത്ത​ല​ണി​ലും മ​ത്സ​രി​ച്ചു കോ​പ്പ​ന്‍​ഹേ​ഗ​ന്‍ അ​യ​ണ്‍​മാ​ന്‍ പ​ട്ടം നേ​ടി​യി​ട്ടു​ണ്ട്. മൂ​ന്നു മാ​സ​ത്തോ​ളം പെ​രി​യാ​റി​ലും പു​തു​വൈ​പ്പി​ലെ ക​ട​ലി​ലും കൂ​ടാ​തെ, സൈ​ക്കി​ളിം​ഗി​ലും തീ​വ്ര​പ​രി​ശീ​ല​നം പൂ​ര്‍​ത്തി​യാ​ക്കി​യാ​ണ് മ​ലേ​ഷ്യ​യി​ലേ​ക്കു തി​രി​ച്ച​ത്. റാ​ന്നി സ്വ​ദേ​ശി​യാ​യ ജോ​മി കൊ​ച്ചി കാ​ക്ക​നാ​ടാ​ണ് സ്ഥി​ര​താ​മ​സം. ഡോ. ​അ​നു ഉ​ണ്ണി​യാ​ണു ഭാ​ര്യ. ജോ ​ആ​നും ജോ​ര്‍​ദ​നും മ​ക്ക​ളാ​ണ്.
യൂ​റോ​പ്പി​ലെ അ​യ​ണ്‍​മാ​ന്‍ മ​ത്സ​ര​ങ്ങ​ളേ​ക്കാ​ള്‍ ക​ഠി​ന​മാ​ണ് മ​ലേ​ഷ്യ​യി​ലേ​തെ​ന്നു ജോ​മി പ​റ​യു​ന്നു. ക​ഠി​ന​പ​രി​ശീ​ല​ന​വും നി​ശ്ച​യ​ദാ​ര്‍​ഢ്യ​വും ല​ക്ഷ്യ​ബോ​ധ​വും കൃ​ത്യ​മെ​ങ്കി​ല്‍ അ​സാ​ധ്യ​മെ​ന്നു ക​രു​തു​ന്ന​തു പ​ല​തും നേ​ടി​യെ​ടു​ക്കാ​മെ​ന്നും അ​ദ്ദേ​ഹ​ത്തി​ന്‍റെ ഓ​ര്‍​മ​പ്പെ​ടു​ത്ത​ല്‍.

Tags : Malayali IRS man wins tough Malaysian Ironman title Run swimming cycling Ranni Kochi customs officer Ironman triathlon