മുംബൈ: ഐസിസി അണ്ടര് 19 പുരുഷ ഏകദിന ലോകകപ്പിനുള്ള ഇന്ത്യന് ടീമില് രണ്ട് മലയാളികള്. കോട്ടയത്തുവേരുള്ള ഹൈദരാബാദിനായി ആഭ്യന്തരം കളിക്കുന്ന ആരോണ് ജോര്ജും കേരളത്തിനായി ആഭ്യന്തരം കളിക്കുന്ന മുഹമ്മദ് ഇനാനുമാണ് ഇന്ത്യന് ടീമില് ഇടംനേടിയ മലയാളികള്.
ആയുഷ് മാത്രെ നയിക്കുന്ന ടീമിന്റെ വൈസ് ക്യാപ്റ്റന് വിഹാന് മല്ഹോത്രയാണ്. ജനുവരി 15 മുതല് ഫെബ്രുവരി ആറ് വരെ സിംബാബ്വെയിലും നമീബിയയിലുമായാണ് ലോകകപ്പ് അരങ്ങേറുന്നത്.
അഞ്ച് തവണ ചാമ്പ്യന്മാരായ ഇന്ത്യ ഗ്രൂപ്പ് എയില് ന്യൂസിലന്ഡ്, ബംഗ്ലാദേശ്, അമേരിക്ക ടീമുകള്ക്കൊപ്പമാണ്. ജനുവരി 15ന് അമേരിക്കയ്ക്ക് എതിരേയാണ് ഇന്ത്യയുടെ ആദ്യ മത്സരം.
ലോകകപ്പിനു മുമ്പ് ഇന്ത്യ അണ്ടര് 19 ടീം ദക്ഷിണാഫ്രിക്കയ്ക്ക് എതിരേ മൂന്നു മത്സര ഏകദിനം കളിക്കും. വൈഭവ് സൂര്യവംശിയാണ് പരമ്പരയില് ഇന്ത്യയെ നയിക്കുക. ആയുഷ്, വിഹാന് എന്നിവര് പരിക്കിനുശേഷമുള്ള വിശ്രമത്തിലായതിനാല് ദക്ഷിണാഫ്രിക്കയ്ക്ക് എതിരേ കളിക്കുന്നില്ല.
Tags : Two Malayalis Indian team ICC Under-19 World Cup