ട്രെ​യി​ൻ യാ​ത്ര​യ്ക്കി​ടെ സ​ഹ​യാ​ത്ര​ക്കാ​രെ​യും നി​യ​മ​വ്യ​വ​സ്ഥ​യെ​യും വെ​ല്ലു​വി​ളി​ച്ചു​കൊ​ണ്ട് പ​ര​സ്യ​മാ​യി പു​ക​വ​ലി​ച്ച റെ​യി​ൽ​വേ ജീ​വ​ന​ക്കാ​ര​ന്‍റെ ദൃ​ശ്യ​ങ്ങ​ൾ ഇ​പ്പോ​ൾ ഇ​ന്‍റ​ർ​നെ​റ്റി​ൽ വ​ൻ പ്ര​തി​ഷേ​ധ​ത്തി​ന് വ​ഴി​തെ​ളി​ച്ചി​രി​ക്കു​ക​യാ​ണ്.

'ക​ർ​ണാ​ട​ക പോ​ർ​ട്ട്‌​ഫോ​ളി​യോ' എ​ന്ന എ​ക്സ് ഹാ​ൻ​ഡി​ൽ വ​ഴി​യാ​ണ് ഈ ​ദൃ​ശ്യ​ങ്ങ​ൾ പു​റം​ലോ​ക​മ​റി​ഞ്ഞ​ത്. ട്രെ​യി​നി​നു​ള്ളി​ലി​രു​ന്ന് യാ​തൊ​രു നി​യ​ന്ത്ര​ണ​വു​മി​ല്ലാ​തെ പു​ക​വ​ലി​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ട സ​ഹ​യാ​ത്ര​ക്കാ​ർ മാ​ന്യ​മാ​യ രീ​തി​യി​ൽ ഇ​തി​നെ ചോ​ദ്യം ചെ​യ്തെ​ങ്കി​ലും, തി​ക​ച്ചും ധി​ക്കാ​ര​പ​ര​മാ​യ മ​റു​പ​ടി​യാ​ണ് ഇ​യാ​ളി​ൽ നി​ന്നു​ണ്ടാ​യ​ത്.

താ​ൻ റെ​യി​ൽ​വേ​യി​ലെ ഉ​ദ്യോ​ഗ​സ്ഥ​നാ​ണെ​ന്നും അ​തി​നാ​ൽ ത​ന്നെ ത​നി​ക്ക് എ​ന്ത് ചെ​യ്യാ​നും അ​ധി​കാ​ര​മു​ണ്ടെ​ന്നും ഇ​യാ​ൾ ആ​ക്രോ​ശി​ക്കു​ന്ന​ത് വീ​ഡി​യോ​യി​ൽ വ്യ​ക്ത​മാ​ണ്.

പു​ക​വ​ലി ത​ട​യാ​ൻ ശ്ര​മി​ച്ച​വ​രോ​ട് 'നി​ങ്ങ​ൾ​ക്കി​ഷ്ട​മു​ള്ള​ത് ചെ​യ്തോ​ളൂ' എ​ന്ന ഭീ​ഷ​ണി ക​ല​ർ​ന്ന സ്വ​ര​ത്തി​ലാ​ണ് ഇ​യാ​ൾ സം​സാ​രി​ച്ച​ത്. പൊ​തു​ഗ​താ​ഗ​ത സം​വി​ധാ​ന​ങ്ങ​ളി​ൽ പു​ക​വ​ലി​ക്കു​ന്ന​ത് നി​യ​മ​വി​രു​ദ്ധ​മാ​ണെ​ന്നി​രി​ക്കെ, നി​യ​മം സം​ര​ക്ഷി​ക്കാ​ൻ ബാ​ധ്യ​സ്ഥ​നാ​യ ഒ​രു സ​ർ​ക്കാ​ർ ഉ​ദ്യോ​ഗ​സ്ഥ​ൻ ത​ന്നെ ഇ​ത്ത​രം നി​യ​മ​ലം​ഘ​ന​ങ്ങ​ൾ ന​ട​ത്തു​ന്ന​ത് വ​ലി​യ സു​ര​ക്ഷാ ആ​ശ​ങ്ക​ക​ളാ​ണ് ഉ​യ​ർ​ത്തു​ന്ന​ത്.

ട്രെ​യി​ൻ പോ​ലു​ള്ള അ​ട​ഞ്ഞ സ്ഥ​ല​ങ്ങ​ളി​ൽ പു​ക​വ​ലി​ക്കു​ന്ന​ത് സ​ഹ​യാ​ത്ര​ക്കാ​രാ​യ കു​ട്ടി​ക​ളു​ടെ​യും മു​തി​ർ​ന്ന​വ​രു​ടെ​യും ആ​രോ​ഗ്യ​ത്തെ ദോ​ഷ​ക​ര​മാ​യി ബാ​ധി​ക്കു​മെ​ന്ന് മാ​ത്ര​മ​ല്ല, തീ​പി​ടു​ത്തം പോ​ലു​ള്ള വ​ൻ ദു​ര​ന്ത​ങ്ങ​ൾ​ക്ക് വ​രെ കാ​ര​ണ​മാ​യേ​ക്കാം.

ഒ​രു റെ​യി​ൽ​വേ ജീ​വ​ന​ക്കാ​ര​ൻ എ​ന്ന നി​ല​യി​ൽ യാ​ത്ര​ക്കാ​ർ​ക്ക് മാ​തൃ​ക​യാ​കേ​ണ്ട വ്യ​ക്തി, സ്വ​ന്തം പ​ദ​വി ദു​രു​പ​യോ​ഗം ചെ​യ്ത് യാ​ത്ര​ക്കാ​രെ ഭ​യ​പ്പെ​ടു​ത്താ​ൻ ശ്ര​മി​ച്ച​ത് സോ​ഷ്യ​ൽ മീ​ഡി​യ​യി​ൽ ക​ടു​ത്ത വി​മ​ർ​ശ​ന​ത്തി​ന് കാ​ര​ണ​മാ​യി. സം​ഭ​വം വി​വാ​ദ​മാ​യ​തോ​ടെ റെ​യി​ൽ​വേ അ​ധി​കൃ​ത​ർ ഇ​തി​ൽ നേ​രി​ട്ട് ഇ​ട​പെ​ട്ടി​ട്ടു​ണ്ട്.

റെ​യി​ൽ​വേ സേ​വാ വി​ഭാ​ഗം ത​ങ്ങ​ളു​ടെ ഔ​ദ്യോ​ഗി​ക പേ​ജി​ലൂ​ടെ പ​രാ​തി​ക്കാ​ര​നോ​ട് സം​ഭ​വ​ത്തി​ന്‍റെ തീ​യ​തി, ട്രെ​യി​ൻ ന​മ്പ​ർ, പി​എ​ൻ​ആ​ർ ന​മ്പ​ർ തു​ട​ങ്ങി​യ കൃ​ത്യ​മാ​യ വി​വ​ര​ങ്ങ​ൾ ആ​വ​ശ്യ​പ്പെ​ട്ടു.

കു​റ്റ​ക്കാ​ര​നാ​യ ഉ​ദ്യോ​ഗ​സ്ഥ​നെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന് അ​ധി​കൃ​ത​ർ ഉ​റ​പ്പു​ന​ൽ​കി​യി​ട്ടു​ണ്ട്. ബം​ഗ​ളൂ​രു പോ​ലീ​സും ഈ ​സം​ഭ​വ​ത്തി​ൽ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

പൊ​തു​മു​ത​ൽ ഉ​പ​യോ​ഗി​ക്കു​മ്പോ​ൾ പു​ല​ർ​ത്തേ​ണ്ട സാ​മാ​ന്യ മ​ര്യാ​ദ​ക​ളും ച​ട്ട​ങ്ങ​ളും ആ​ർ​ക്കും ലം​ഘി​ക്കാ​നാ​വി​ല്ലെ​ന്നും, നി​യ​മ​ത്തി​ന് മു​ന്നി​ൽ എ​ല്ലാ​വ​രും തു​ല്യ​രാ​ണെ​ന്നും തെ​ളി​യി​ക്കു​ന്ന ന​ട​പ​ടി​ക​ളു​ണ്ടാ​ക​ണ​മെ​ന്നാ​ണ് ജ​ന​ങ്ങ​ൾ ആ​വ​ശ്യ​പ്പെ​ടു​ന്ന​ത്.

Tags : ViralVideo IndianRailways CaughtOnCam TrendingNews SocialMediaOutrage