കൊച്ചി: വി-ഗാർഡ് ഇൻഡസ്ട്രീസ് ലിമിറ്റഡിന്റെ സിഎസ്ആർ പ്രവർത്തനങ്ങളുടെ ഭാഗമായി ട്രാൻസ്ജെൻഡർ സമൂഹത്തിനായി സൗജന്യ ചർമരോഗ നിർണയ മെഡിക്കൽ ക്യാമ്പ് സംഘടിപ്പിച്ചു. സമവേഷ - ഇൻക്ലൂഷൻ വിത്ത് ഡിഗ്നിറ്റി എന്ന പദ്ധതിയുടെ ഭാഗമായി ചമ്പക്കര സെന്റ് ജയിംസ് ചർച്ച് പാരിഷ് ഹാളിലാണ് ക്യാമ്പ് നടത്തിയത്.
ട്രാൻസ്ജെൻഡർ വ്യക്തികളുടെ ക്ഷേമം ഉറപ്പാക്കുക, അവരെ സമൂഹത്തിന്റെ മുഖ്യധാരയിലേക്ക് എത്തിക്കുക, പാർശ്വവത്കരണം ഇല്ലാതാക്കുക എന്നിവ ലക്ഷ്യമാക്കിയാണ് പദ്ധതി നടപ്പാക്കുന്നത്. വെൽഫെയർ സർവീസസ് എറണാകുളവുമായി സഹകരിച്ച് വി-ഗാർഡ് നടപ്പാക്കുന്ന പദ്ധതിയിൽ ഇടപ്പള്ളി എംഎജെ ഹോസ്പിറ്റലിലെ മെഡിക്കൽ സംഘം ക്യാമ്പിന് നേതൃത്വം നൽകി.
ചടങ്ങിൽ അധ്യക്ഷത വഹിച്ച ഡോ. റീന മിഥുൻ ചിറ്റിലപ്പിള്ളി, ക്രിസ്മസ് ആഘോഷങ്ങളുടെ ഭാഗമായി പങ്കെടുത്തവർക്ക് ഭക്ഷണക്കിറ്റുകളും കേക്കുകളും വിതരണം ചെയ്തു.
പദ്ധതിയുടെ ഭാഗമായി വി-ഗാർഡ് ഇതിനകം വിവിധ മെഡിക്കൽ ക്യാമ്പുകളും ബോധവത്കരണ ക്ലാസുകളും നടത്തി വരുന്നുണ്ടെന്ന് ഡോ. റീന മിഥുൻ ചിറ്റിലപ്പിള്ളി പറഞ്ഞു.
Tags : V-Guard Recruitment Scheme Conducted Medical Camp Transgender