തി​രു​വ​ന​ന്ത​പു​രം: കേ​ന്ദ്ര തെ​ര​ഞ്ഞെ​ടു​പ്പ് ക​മ്മീ​ഷ​ൻ ന​ട​പ്പി​ലാ​ക്കി​യ സമ്പൂ​ർ​ണ വോ​ട്ട​ർ​പ​ട്ടി​ക ശു​ദ്ധീ​ക​ര​ണ പ്ര​ക്രി​യ​യാ​യ എ​സ്ഐ​ആ​റിൽ കുരുങ്ങി വോട്ട് നഷ്ടമാകാതിരിക്കാനുള്ള തീവ്രശ്രമത്തിൽ രാഷ്‌ട്രീയ പാർട്ടികൾ. അ​നു​കൂല​മാ​യി നിൽക്കുന്ന വോട്ടർമാരെയും അനുകൂലമാകാൻ സാധ്യതയുള്ളവരെയും വോട്ടർ പട്ടികയിൽ നിലനിർത്താനും ഉൾപ്പെടുത്താനും കൊണ്ടുപിടിച്ച ശ്രമമാണ് രാഷ്‌ട്രീയ പാർട്ടികൾ നടത്തിവരുന്നത്.

തദ്ദേശ തെരഞ്ഞെടുപ്പ് കഴിഞ്ഞതോടെ പാർട്ടികൾ എസ്ഐആർ പ്രശ്നങ്ങളിലേക്ക് സജീവശ്രദ്ധ തിരിച്ചിരിക്കുകയാണ്. പാർട്ടികളുടെ ബൂത്ത് ലെവൽ ഏജന്‍റുമാർ സജീവമായി രംഗത്തിറങ്ങിയത് ബിഎൽഒമാർക്കും ആശ്വാസമായിട്ടുണ്ട്. കണ്ടുമുട്ടാനാകാത്തവരുടെയും സ്ഥലത്ത് ഇല്ലാത്തവരുടെയും പ്രശ്നങ്ങളിൽ രാഷ്‌ട്രീയ പ്രവർത്തകർ ഇടപെടുന്നുണ്ട്.
സം​സ്ഥാ​ന​ത്ത് നി​യ​മ​സ​ഭ മ​ണ്ഡ​ല അ​ടി​സ്ഥാ​ന​ത്തി​ൽ 24,437 പോ​ളിം​ഗ് ബൂ​ത്തു​ക​ളു​ണ്ട്. എ​ല്ലാ ബൂ​ത്തു​ക​ളി​ലും വി​വി​ധ രാ​ഷ​ട്രീ​യ പാ​ർ​ട്ടി​ക​ളു​ടെ പ്ര​തി​നി​ധി​ക​ളാ​യി ബൂ​ത്ത് ലെ​വ​ൽ ഏ​ജ​ന്‍റു​മാ​രെ ആ​വ​ശ്യ​മു​ണ്ട്.

തെ​ര​ഞ്ഞെ​ടു​പ്പ് പ്ര​ക്രി​യ സു​താ​ര്യ​മാ​യി ന​ട​ത്താ​നാ​ണ് തെ​ര​ഞ്ഞെ​ടു​പ്പ് ക​മ്മീ​ഷ​ൻ ബി​എ​ൽ​എമാ​രു​ടെ സേ​വ​നംകൂ​ടി ആ​വ​ശ്യ​പ്പെ​ട്ടി​രി​ക്കു​ന്ന​ത്. രാ​ഷ്‌ട്രീയ പാ​ർ​ട്ടി നേ​തൃ​ത്വം കേ​ന്ദ്ര തെ​ര​ഞ്ഞെ​ടു​പ്പ് ക​മ്മീ​ഷനു ന​ൽ​കി​യ പ​ട്ടി​ക അ​നു​സ​രി​ച്ച് ഓ​രോ പാ​ർ​ട്ടി​ക​ളു​ടെ​യും ബി​എ​ൽ​എമാ​ർ​ക്കു തെ​ര​ഞ്ഞെ​ടു​പ്പ് ക​മ്മീ​ഷ​ൻ അം​ഗീ​കാ​രം ന​ൽ​കി​യി​ട്ടു​ണ്ട്.
സം​സ്ഥാ​ന​ത​ല​ത്തി​ൽ ബി​എ​ൽ​എ​മാ​രാ​യി സി​പി​എം- 21,346, സി​പി​ഐ-5,120, ഇ​ന്ത്യ​ൻ നാ​ഷ​ണ​ൽ കോ​ണ്‍​ഗ്ര​സ്- 20,278, മു​സ്‌ലിം​ലീ​ഗ്- 4,286, ബി​ജെ​പി- 7,249 എ​ന്ന ക​ണ​ക്കി​നാ​ണ് ബി​എ​ൽ​എമാ​ർ​ക്കു തെ​ര​ഞ്ഞെ​ടു​പ്പ് ക​മ്മീ​ഷ​ൻ അം​ഗീ​കാ​രം ന​ൽ​കി​യി​രി​ക്കു​ന്ന​ത്.

Tags : SIR SIR KERALA votes political party cpm congress bjp BLO BLA