ഓസ്ലോ: ഫിഫ 2026 ലോകകപ്പ് യോഗ്യതയിലേക്ക് ഒരു ചുവടുകൂടി വച്ച് എര്ലിംഗ് ഹാലണ്ടിന്റെ നോര്വെ. യൂറോപ്യന് യോഗ്യതയില് ഗ്രൂപ്പ് ഐയില് നോര്വെ 4-1ന് എസ്റ്റോണിയയെ തകര്ത്തതോടെയാണിത്. മത്സരത്തില് അലക്സാണ്ടര് സോര്ലോത്തും (50, 52), എര്ലിംഗ് ഹാലണ്ടും (56, 62) ഇരട്ടഗോള് സ്വന്തമാക്കി. ഗ്രൂപ്പിലെ മറ്റൊരു മത്സരത്തില് ഇറ്റലി 2-0ന് മോള്ഡോവയെ തോല്പ്പിച്ചു.
ഗ്രൂപ്പില് അഞ്ച് മത്സരങ്ങള് പൂര്ത്തിയായപ്പോള് 21 പോയിന്റുമായി നോര്വെ ഒന്നാം സ്ഥാനത്തു തുടരുന്നു. രണ്ടാമതുള്ള ഇറ്റലിക്ക് 18 പോയിന്റുണ്ട്. ഗ്രൂപ്പില്നിന്നു നേരിട്ടുള്ള ലോകകപ്പ് ടിക്കറ്റിനായി നോര്വെയും ഇറ്റലിയും ഏറ്റുമുട്ടും.
ചുരുങ്ങിയത് 10-0ന് എങ്കിലും നോര്വെയെ തോല്പ്പിച്ചാല് മാത്രമേ ഗ്രൂപ്പ് ചാമ്പ്യന്മാരായ ഇറ്റലിക്ക് ലോകകപ്പ് ടിക്കറ്റ് കരസ്ഥമാക്കാന് സാധിക്കൂ. അല്ലെങ്കില് 1998നുശേഷം നോര്വെ ആദ്യമായി ലോകകപ്പ് കളിക്കും. തുടര്ച്ചയായ മൂന്നാം തവണയും ലോകകപ്പിനെത്തിയേക്കില്ലെന്ന ഭീഷണിയിലാണ് ഇറ്റലി.
Tags : Erling Erling Haaland Norway Foodball