ന്യൂഡൽഹി: ട്വന്‍റി-20 ലോകകപ്പ് ക്രിക്കറ്റിൽ കാനഡയ്ക്കെതിരെ യുഎഇയ്ക്ക് 151 റണ്‍സ് വിജയലക്ഷ്യം. ടോസ് നേടി ബാറ്റിംഗിനിറങ്ങിയ കാനഡ 20 ഓവറിൽ ഏഴ് വിക്കറ്റ് നഷ്ടത്തിൽ 150 റണ്‍സെടുത്തു.

കാനഡയ്ക്കായി ഹർഷ് താക്കർ അർധ സെഞ്ചുറി നേടി. 41 പന്തിൽ മൂന്ന് സിക്സും രണ്ട് ഫോറും ഉൾപ്പെടെ 50 റണ്‍സാണ് ഹർഷ് നേടിയത്. നവനീത് ധാലിവാൾ 28 പന്തിൽ 34 റണ്‍സും നേടി.

ശ്രേയസ് മോവ്വ 21 റണ്‍സ് നേടിയപ്പോൾ ക്യാപ്റ്റൻ ദിൽപ്രീത് ഖജ്‌വ 11 റണ്‍സിന് പുറത്തായി. മറ്റാരും രണ്ടക്കം പോലും കടന്നില്ല.

യുഎഇയ്ക്കായി ജുനൈദ് സിദ്ദിഖ് അഞ്ച് വിക്കറ്റ് വീഴ്ത്തി.

Tags : Canada vs United Arab Emirates Canada United Arab Emirates ICC Men's T20 World Cup cricket