രൂ​പ​ക​ല്പ​ന ജോ​ണ്‍ കോ

ഓ​സ്ട്രേ​ലി​യ​ൻ സൂ ​ഡി​സൈ​ന​റാ​യ ജോ​ണ്‍ കോ ​രൂ​പ​ക​ല്പ​ന നി​ർ​വ​ഹി​ച്ച പാ​ർ​ക്കാ​ണി​ത്. വ​നംവ​കു​പ്പി​ന്‍റെ 336 ഏ​ക്ക​ർ സ്ഥ​ല​ത്ത്, കാ​ടി​ന്‍റെ വ​ന്യ​ത ചോ​രാ​തെ പ​ക്ഷി-​മൃ​ഗാ​ദി​ക​ൾ​ക്ക് അ​നു​യോ​ജ്യ​മാ​യ 23 ആ​വാ​സ ഇ​ട​ങ്ങ​ൾ ഒ​രു​ക്കി​യി​രി​ക്കു​ന്നു.

ആ​ഫ്രി​ക്ക​ൻ സു​ളു ലാ​ൻ​ഡ് സോ​ണ്‍, ക​ൻ​ഹ സോ​ണ്‍, സൈ​ല​ന്‍റ് വാ​ലി സോ​ണ്‍, ഇ​ര​വി​പു​രം സോ​ണ്‍ തു​ട​ങ്ങി ഓ​രോ ഇ​ന​ത്തിനും വെ​വ്വേ​റെ ആ​വാ​സ വ്യ​വ​സ്ഥ​ക​ളു​ണ്ട്. രാ​ത്രി​യി​ൽ​മാ​ത്രം പു​റ​ത്തി​റ​ങ്ങു​ന്ന പ​ക്ഷി​ക​ൾ, ഉ​രു​ക്ക​ൾ എ​ന്നി​വ​യ്ക്കും പ്ര​ത്യേ​ക സോ​ണ്‍ ഉ​ണ്ട്. മാ​നു​ക​ൾ​ക്കാ​യി സ​ഫാ​രി പാ​ർ​ക്ക്, ഹോ​ളോ​ഗ്രാം സൂ, ​പെ​റ്റ് സൂ ​എ​ന്നി​വ​യു​മു​ണ്ട്. സ​ഞ്ചാ​രി​ക​ളി​ൽ​നി​ന്ന് അ​ക​ലം​പാ​ലി​ക്കാ​നും സു​ര​ക്ഷ​യു​റ​പ്പാ​ക്കാ​നും കി​ട​ങ്ങു​ക​ളു​ണ്ട്.

തൃ​ശൂ​ർ മൃ​ഗ​ശാ​ല​യി​ൽ​നി​ന്നു​ള്ള മൃ​ഗ​ങ്ങ​ൾ​ക്കു​പു​റ​മേ, ത​മി​ഴ്നാ​ട്-​ക​ർ​ണാ​ട​ക​യി​ൽ​നി​ന്ന് വെ​ള്ള​ക്ക​ടു​വ, മ​ഞ്ഞ അ​നാ​ക്കോ​ണ്ട എ​ന്നി​വ​യെ എ​ത്തി​ക്കും. വി​ദേ​ശ​ത്തു​നി​ന്ന് പ​ച്ച അ​നാ​ക്കോണ്ട, ജി​റാ​ഫ്, സീ​ബ്ര എ​ന്നി​വ​യും എ​ത്തും. നാ​ല​ര കി​ലോ​മീ​റ്റ​ർ ചു​റ്റി​ക്ക​റ​ങ്ങി കാ​ണാ​ൻ കാ​ഴ്ച​ക​ളു​ണ്ട്. അ​ഞ്ചു കേ​ന്ദ്ര​ങ്ങ​ളി​ൽ ക​ഫ​റ്റേ​രി​യ​യു​മു​ണ്ട്.

15 ല​ക്ഷം ലി​റ്റ​ർ വെ​ള്ളം ഉ​ൾ​ക്കൊ​ള്ളാ​വു​ന്ന ക്ര​മീ​ക​ര​ണ​ങ്ങ​ൾ പാ​ർ​ക്കി​ലു​ണ്ട്. ദി​വ​സ​വും ഏ​ഴു​ല​ക്ഷം ലി​റ്റ​ർ വെ​ള്ള​മാ​ണ് ആ​വ​ശ്യം. 500 കെ​വി സ​ബ്സ്റ്റേ​ഷ​നു പു​റ​മേ സോ​ളാ​ർ സം​വി​ധാ​ന​വും വൈ​ദ്യു​തി​ക്കാ​യി ഒ​രു​ക്കി. പാ​ർ​ക്ക് തു​റ​ക്കു​ന്ന​തോ​ടെ തൃ​ശൂ​ർ ടൂ​റി​സം കോ​റി​ഡോ​റി​ന്‍റെ പ്ര​ധാ​ന​പ്പെ​ട്ട ഇ​ട​മാ​യി പു​ത്തൂ​ർ മാ​റും.

പാ​ർ​ക്ക് നി​ർ​മി​ക്കാ​ൻ പ്ലാ​ൻ ഫ​ണ്ടി​ൽ​നി​ന്ന് 40 കോ​ടി​യും കി​ഫ്ബി​യി​ൽ​നി​ന്ന് ര​ണ്ടാം​ഘ​ട്ട​ത്തി​ന് 122 കോ​ടി​യും മൂ​ന്നാം​ഘ​ട്ട​ത്തി​നു 208.5 കോ​ടി​യു​മ​ട​ക്കം 370.5 കോ​ടി​യാ​ണ് അ​നു​വ​ദി​ച്ച​ത്.

കോയുടെ വരവ്

സു​വോ​ള​ജി​ക്ക​ൽ പാ​ർ​ക്കി​ന് ആ​ധു​നി​ക മാ​സ്റ്റ​ർ പ്ലാ​ൻ ത​യാ​റാ​ക്കി​യ​ത് ജോ​ണ്‍ കോ​യാ​യി​രു​ന്നു. 2012 ​മാ​ർ​ച്ച് ര​ണ്ടി​നു പു​ത്തൂ​രി​ലെ സ്ഥ​ലം ജോ​ൺ കോ ​സ​ന്ദ​ർ​ശി​ച്ചു. അ​ദ്ദേ​ഹ​ത്തി​ന്‍റെ നി​ർ​ദേ​ശം പ​രി​ഗ​ണി​ച്ച് ആ​ധു​നി​ക കാ​ല​ത്തി​ന് അ​നു​യോ​ജ്യ​മാ​യ മാ​സ്റ്റ​ർ പ്ലാ​ൻ രൂ​പ​ക​ല്പ​ന ചെ​യ്തു.

2012 ജൂ​ണ്‍ എ​ട്ടി​നു കേ​ന്ദ്ര മൃ​ഗ​ശാ​ല അ​ഥോ​റി​റ്റി സെ​ക്ര​ട്ട​റി ബി.​എ​സ്. ബോ​ണാ​ൾ നി​ർ​ദി​ഷ്ട​സ്ഥ​ലം സ​ന്ദ​ർ​ശി​ച്ചു. 2012 ഓ​ഗ​സ്റ്റ് 28നു ​സു​വോ​ള​ജി​ക്ക​ൽ പാ​ർ​ക്ക് മാ​സ്റ്റ​ർ പ്ലാ​നി​നു സെ​ൻ​ട്ര​ൽ സൂ ​അ​ഥോ​റ​റ്റി അം​ഗീ​കാ​രം ന​ൽ​കി.

ഹി​പ്പോ മു​ത​ൽ മ​യി​ൽ​വ​രെ

തൃ​ശൂ​ർ മൃ​ഗ​ശാ​ല​യി​ൽ​നി​ന്ന് സു​വോ​ള​ജി​ക്ക​ൽ പാ​ർ​ക്കി​ലേ​ക്കു മാ​റ്റു​ക ഹി​പ്പ​പ്പൊ​ട്ടാ​മ​സ് മു​ത​ൽ മ​യി​ൽ​വ​രെ. 419 പ​ക്ഷി​മ്യ​ഗാ​ദി​ക​ളാ​ണ് മൃ​ഗ​ശാ​ല​യി​ലു​ള്ള​ത്. ഇ​രു​നൂ​റി​ല​ധി​കം പ​ക്ഷി​ക​ളെ​യും മൃ​ഗ​ങ്ങ​ളെ​യും മാ​റ്റി​ക്ക​ഴി​ഞ്ഞു.

ഹി​പ്പോ-​മൂ​ന്ന്, പു​ലി-​ഒ​ന്ന്, സിം​ഹം- ഒ​ന്ന്, മു​ത​ല- മൂ​ന്ന്, പാ​ന്പു​ക​ൾ, മാ​നു​ക​ൾ, മ​യി​ലു​ക​ളെ​യാ​ണ് ഇ​നി മാ​റ്റാ​നു​ള്ള​ത്. സിം​ഹ​വും ക​ടു​വ​ക​ളും പ്രാ​യ​മാ​യ​വ​യാ​ണ്. പാ​ർ​ക്കി​ലേ​ക്കു വി​ദേ​ശ​ത്തു​നി​ന്ന് പ​ക്ഷി​മൃ​ഗാ​ദി​ക​ളെ​ത്താ​ൻ കു​റ​ഞ്ഞ​ത് അ​ഞ്ചു​മാ​സം കാ​ത്തി​രി​ക്ക​ണം.

ജി​റാ​ഫ്, സീ​ബ്ര, ആ​ഫ്രി​ക്ക​ൻ മാ​ൻ, മ​ക്കാ​വോ, അ​നാ​ക്കോ​ണ്ട എ​ന്നി​ങ്ങ​നെ 35 ഇ​നം മൃ​ഗ​ങ്ങ​ളെ എ​ത്തി​ക്കാ​ൻ ടെ​ൻ​ഡ​ർ ന​ട​പ​ടി തു​ട​ങ്ങി. മൂ​ന്ന് ഏ​ജ​ൻ​സി​ക​ൾ താ​ത്പ​ര്യം അ​റി​യി​ച്ചി​ട്ടു​ണ്ട്. ടെ​ൻ​ഡ​ർ പൂ​ർ​ത്തി​യാ​യാ​ൽ കേ​ന്ദ്ര സൂ ​അ​ഥോ​റി​റ്റി​യു​ടെ അ​നു​മ​തി തേ​ടും.

ആ​ദ്യ​ഘ​ട്ട​ത്തി​ൽ വി​ദ്യാ​ർ​ഥി​ക​ൾ​ക്ക് മു​ൻ​ഗ​ണ​ന

ഉ​ദ്ഘാ​ട​ന​ത്തി​നു​ശേ​ഷം പാ​ർ​ക്കി​ലേ​ക്കു നി​യ​ന്ത്രി​ത അ​ള​വി​ൽ പ്ര​വേ​ശ​നം അ​നു​വ​ദി​ക്കു​മെ​ന്നു ഡ​യ​റ​ക്ട​ർ ബി.​എ​ൻ. നാ​ഗ​രാ​ജ്. പാ​ർ​ക്കി​ന്‍റെ ഔ​ദ്യോ​ഗി​ക വെ​ബ്സെ​റ്റി​ലൂ​ടെ ഓ​ണ്‍​ലൈ​നാ​യി അ​പേ​ക്ഷ ന​ൽ​ക​ണം.

വി​ദാ​ർ​ഥി​ക​ൾ​ക്ക് ആ​ദ്യ​ഘ​ട്ട​ത്തി​ൽ മു​ൻ​ഗ​ണ​ന ന​ൽ​കും. ജ​നു​വ​രി​മു​ത​ൽ പൂ​ർ​ണ​മാ​യും പ്ര​വേ​ശ​നം അ​നു​വ​ദി​ക്കും.

പു​ത്തൂ​രി​നു വി​ക​സ​ന​സാ​ധ്യ​ത​ക​ൾ

പാ​ർ​ക്ക് തു​റ​ക്കു​ന്ന​തോ​ടെ പു​ത്തൂ​രി​നു വി​ക​സ​ന​സാ​ധ്യ​ത​ക​ൾ ഏ​റെ. കാ​ർ​ഷി​ക​മേ​ഖ​ല​യാ​യ പു​ത്തൂ​രി​ലെ ചെ​റു​കി​ട​സം​രം​ഭ​ങ്ങ​ൾ, ടൂ​റി​സം എ​ന്നി​വ കു​തി​ക്കും. പു​ത്തൂ​രി​ന്‍റെ സ്വ​പ്ന​പ​ദ്ധ​തി​യാ​യ കാ​യ​ൽ ടൂ​റി​സം സ​ർ​ക്കാ​രി​ന്‍റെ പ​രി​ഗ​ണ​ന​യി​ലാ​ണ്.

ന​ഗ​ര​സ​ഞ്ച​യ​ന പ​ദ്ധ​തി​യി​ലു​ൾ​പ്പെ​ടു​ത്തി ക​ഴി​ഞ്ഞ ബ​ജ​റ്റി​ൽ പ​ദ്ധ​തി​ക്കു സം​സ്ഥാ​ന​സ​ർ​ക്കാ​ർ തു​ക വ​ക​യി​രു​ത്തി. മ​രോ​ട്ടി​ച്ചാ​ൽ ഓ​ല​ക്ക​യം വെ​ള്ള​ച്ചാ​ട്ടം ടൂ​റി​സം പ​ദ്ധ​തി​യി​ൽ ഉ​ൾ​പ്പെ​ടു​ത്താ​നു​ള്ള നീ​ക്ക​വും ആ​രം​ഭി​ച്ചു.

സു​വോ​ള​ജി​ക്ക​ൽ പാ​ർ​ക്ക് യാ​ഥാ​ർ​ഥ്യ​മാ​യ​തി​ൽ സ​ന്തോ​ഷ​മെ​ന്നു ഫ്ര​ണ്ട്സ് ഓ​ഫ് സൂ ​സെ​ക്ര​ട്ട​റി എം. ​പീ​താം​ബ​ര​ൻ പ​റ​യു​ന്നു. മൃ​ഗ​ങ്ങ​ൾ​ക്കു മെ​ച്ച​പ്പെ​ട്ട ആ​വാ​സ​വ്യ​വ​സ്ഥ​യു​ണ്ട്. മു​പ്പ​തു​വ​ർ​ഷ​ത്തെ പ​രി​ശ്ര​മ​ങ്ങ​ൾ​ക്കാ​ണു ഫ​ല​മു​ണ്ടാ​കു​ന്ന​ത്.

ദീ​പി​ക​യും രാ​ഷ്ട്ര​ദീ​പി​ക​യും 1995 മു​ത​ൽ നി​ര​വ​ധി വാ​ർ​ത്ത​ക​ൾ പ്ര​സി​ദ്ധീ​ക​രി​ച്ചു. മാ​ധ്യ​മ​ങ്ങ​ളു​ടെ സ​ഹ​ക​ര​ണം ല​ഭി​ച്ച​താ​ണ് പ​ക്ഷി​മൃ​ഗാ​ദി​ക​ൾ​ക്കു മി​ക​ച്ച ആ​വാ​സ​യി​ട​ങ്ങ​ൾ സാ​ധ്യ​മാ​വാ​ൻ ഇ​ട​യാ​ക്കി​യ​തെ​ന്നും അ​ദ്ദേ​ഹം പ​റ​ഞ്ഞു.

വൈ​ലോ​പ്പി​ള്ളി​ ക​വി​ത​യി​ൽ തു​ട​ക്കം

തൃ​ശൂ​ർ മൃ​ഗ​ശാ​ല​യു​ടെ ശ​താ​ബ്ദി​വേ​ള​യി​ൽ തെ​രു​വു​നാ​യ്ക്ക​ളു​ടെ ആ​ക്ര​മ​ണ​ത്തി​ൽ കൃ​ഷ്ണ​മൃ​ഗ​ങ്ങ​ൾ ചാ​കാ​നി​ട​യാ​യി. ഇ​തി​ൽ മ​നം​നൊ​ന്താ​ണ് മ​ഹാ​ക​വി വൈ​ലോ​പ്പി​ള്ളി ശ്രീ​ധ​ര​മേ​നോ​ൻ "കൃ​ഷ്ണ​മൃ​ഗ​ങ്ങ​ൾ' എ​ന്ന ക​വി​ത​യെ​ഴു​തി​യ​ത്.

ക​വി​ത ച​ർ​ച്ച​യാ​യ​യോ​ടെ കൂ​ടു​ത​ൽ സൗ​ക​ര്യ​മു​ള്ള സ്ഥ​ല​ത്തേ​ക്കു മൃ​ഗ​ശാ​ല മാ​റ്റാ​നു​ള്ള നീ​ക്ക​ത്തി​നു തു​ട​ക്ക​മാ​വു​ക​യാ​യി​രു​ന്നു. പി​ന്തു​ണ​യു​മാ​യി ഫ്ര​ണ്ട്സ് ഓ​ഫ് സൂ ​എ​ന്ന സം​ഘ​ട​ന​യും രൂ​പീ​ക​രി​ച്ചു. 1994ൽ ​മു​ഖ്യ​മ​ന്ത്രി കെ. ​ക​രു​ണാ​ക​ര​ൻ മൃ​ഗ​ശാ​ല​മാ​റ്റ​ത്തി​നു നി​ർ​ദേ​ശം ന​ൽ​കി.

സൂ ​ആ​ൻ​ഡ് മ്യൂ​സി​യം വ​കു​പ്പും വ​നം​വ​ക​പ്പു​മാ​യു​ള്ള ത​ർ​ക്കം പ​ദ്ധ​തി വൈ​കി​ച്ചു. 2006ൽ ​കെ.​പി. രാ​ജേ​ന്ദ്ര​ൻ വ​നം​മ​ന്ത്രി​യാ​യ​പ്പോ​ൾ പു​ത്തൂ​രി​ലേ​ക്കു മാ​റ്റാ​ൻ ന​ട​പ​ടി തു​ട​ങ്ങി. 2010 ജൂ​ലൈ അ​ഞ്ചി​നു ആ​ധു​നി​ക​മൃ​ഗ​ശാ​ല​യു​ടെ നി​ർ​മാ​ണ​വും ചു​റ്റു​മ​തി​ലി​ന്‍റെ ശി​ലാ​സ്ഥാ​പ​ന​വും അ​ന്ന​ത്തെ മു​ഖ്യ​മ​ന്ത്രി വി.​എ​സ്. അ​ച്യു​താ​ന​ന്ദ​ൻ നി​ർ​വ​ഹി​ച്ചു.

വ​നം​വ​കു​പ്പി​ന്‍റെ ഉ​ട​ക്കി​ൽ വീ​ണ്ടും നി​ർ​മാ​ണം മു​ട​ങ്ങി. 2011ൽ ​ഉ​മ്മ​ൻ​ചാ​ണ്ടി മു​ഖ്യ​മ​ന്ത്രി​യാ​യ​പ്പോ​ൾ നി​ർ​മാ​ണം വ​നം​വ​കു​പ്പി​നെ ഏ​ൽ​പ്പി​ച്ചു. 2013 മാ​ർ​ച്ച് 16ന് ​ഉ​മ്മ​ൻ​ചാ​ണ്ടി നി​ർ​മാ​ണോ​ദ്ഘാ​ട​നം ന​ട​ത്തി. വീ​ണ്ടും ന​ട​പ​ടി​ക​ൾ ഇ​ഴ​ഞ്ഞു.

2016ൽ ​പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തി​ൽ പാ​ർ​ക്കി​നെ അ​ഭി​മാ​ന​പ​ദ്ധ​തി​യാ​ക്കി ഉ​യ​ർ​ത്തി​ക്കാ​ട്ടാ​ൻ തീ​രു​മാ​നി​ച്ചു.കി​ഫ്ബി ഫ​ണ്ട് അ​നു​വ​ദി​ച്ചു. നി​ർ​മാ​ണം വേ​ഗ​ത്തി​ലാ​യി. 2023 ഒ​ക്ടോ​ബ​ർ ര​ണ്ടി​നു വ​ന്യ​ജീ​വി​വാ​രാ​ഘോ​ഷ​ങ്ങ​ളു​ടെ ഉ​ദ്ഘാ​ട​നം പാ​ർ​ക്കി​ൽ ന​ട​ന്നു.

അ​ന്നു​ത​ന്നെ തൃ​ശൂ​ർ മൃ​ഗ​ശാ​ല​യി​ൽ​നി​ന്നു മ​യി​ലു​ക​ളെ എ​ത്തി​ച്ചു. പ​ല​യി​ട​ങ്ങ​ളി​ൽ​നി​ന്ന് പി​ടി​കൂ​ടി​യ ക​ടു​വ​ക​ളും പു​ലി​ക​ളും പാ​ർ​ക്കി​ലെ​ത്തി. 2025 ഓ​ഗ​സ്റ്റ് 10ന് ​മാ​ൻ സ​ഫാ​രി പാ​ർ​ക്കി​ന്‍റെ നി​ർ​മാ​ണ ഉ​ദ്ഘാ​ട​നം മന്ത്രി കെ. ​രാ​ജ​ൻ നി​ർ​വ​ഹി​ച്ചു.

Tags : Puthur Zoological Park Thrissur