ബ​ജ​റ്റ്‌ പ്ര​ഖ്യാ​പ​ന​ത്തെ നി​ക്ഷേ​പ​ക​ർ ഉ​റ്റു​നോ​ക്കു​ന്നു. ഫെ​ബ്രു​വ​രി ഒ​ന്നാം തി​യ​തി ഞാ​യ​റാ​ഴ്‌​ച ന​ട​ക്കു​ന്ന ബ​ജ​റ്റ്‌ പ്ര​ഖ്യാ​പ​ന ദി​ന​ത്തി​ൽ ഇ​ന്ത്യ​ൻ ഓ​ഹ​രി​വി​പ​ണി തു​റ​ന്നു പ്ര​വ​ർ​ത്തി​ക്കു​മെ​ന്ന​തു ഫ​ണ്ടു​ക​ളെ രം​ഗ​ത്തു സ​ജീ​വ​മാ​ക്കാം. മു​ന്നി​ലു​ള്ള ര​ണ്ടാ​ഴ്‌​ച മു​ൻ​നി​ര ഇ​ൻ​ഡ​ക്‌​സു​ക​ൾ താ​ഴ്‌​ന്ന ത​ല​ങ്ങ​ളി​ലേ​ക്ക്‌ ചാ​ഞ്ചാ​ടി​യാ​ൽ പു​തി​യ നി​ക്ഷേ​പ​ത്തി​ന് അ​വ​ർ അ​വ​സ​രം ക​ണ്ടെ​ത്താം.

ബോം​ബെ സെ​ൻ​സെ​ക്‌​സ്‌ അ​ഞ്ച്‌ പോ​യി​ന്‍റ് ന​ഷ്ട​ത്തി​ലും നി​ഫ്‌​റ്റി സൂ​ചി​ക 11 പോ​യി​ന്‍റ് നേ​ട്ട​ത്തി​ലു​മാ​ണു പി​ന്നി​ട്ട​വാ​രം.

വി​പ​ണി പു​തി​യ ദി​ശ ക​ണ്ടെ​ത്താ​നു​ള്ള ശ്ര​മ​ത്തി​ലാ​ണ്. വി​ദേ​ശ ഓ​പ്പ​റേ​റ്റ​ർ​മാ​ർ വി​ല്പ​ന​ക്കാ​രാ​ണെ​ങ്കി​ലും ക​ന​ത്ത നി​ക്ഷേ​പം വ​ഴി വി​പ​ണി​യു​ടെ അ​ടി​യൊ​ഴു​ക്ക്‌ ആ​ഭ്യ​ന്ത​ര ഫ​ണ്ടു​ക​ൾ ശ​ക്ത​മാ​ക്കു​ന്നു. സാ​ങ്കേ​തി​ക​മാ​യി നി​ഫ്‌​റ്റി സെ​ല്ല​ർ​മാ​ർ​ക്ക്‌ അ​നു​കൂ​ല​യെ​ങ്കി​ലും സൂ​ചി​ക​ക​യെ 25,280നു ​മു​ക​ളി​ൽ പി​ടി​ച്ചു​നി​ർ​ത്താ​നു​ള്ള ശ്ര​മ​ത്തി​ലാ​ണ് ബു​ൾ ഓ​പ്പ​റേ​റ്റ​ർ​മാ​ർ.

രൂ​പ അ​ഭി​മു​ഖീ​ക​രി​ക്കു​ന്ന സ​മ്മ​ർ​ദ​ങ്ങ​ളും ഇ​ന്ത്യ-യു​എ​സ്‌ വ്യാ​പാ​ര ച​ർ​ച്ച​യി​ലെ കാ​ല​താ​മ​സ​വും വി​ദേ​ശ ഇ​ട​പാ​ടു​കാ​രെ പു​തി​യ ബാ​ധ്യ​ത​ക​ളി​ൽ​നി​ന്നും അ​ക​റ്റു​ന്നു. ഒ​രു വ​ർ​ഷ​ത്തി​ൽ രൂ​പ​യ്ക്കു നേ​രി​ട്ട അ​ഞ്ച്‌ ശ​ത​മാ​നം മൂ​ല്യ ത​ക​ർ​ച്ച ത​ട​യാ​ൻ കേ​ന്ദ്ര ബാ​ങ്കി​നു ക​ഴി​ഞ്ഞി​ല്ല. അ​മേ​രി​ക്ക​ൻ ഭീ​ഷ​ണി​ക​ളെ മ​റി​ക​ട​ക്കാ​നും സാ​ന്പ​ത്തി​ക -വ്യ​വ​സാ​യി​ക മേ​ഖ​ല​യു​ടെ പു​രോ​ഗ​തി​ക്ക്‌ ഊ​ന്ന​ൽ ന​ൽ​ക്കു​ന്ന​തു​മാ​യ ബ​ജ​റ്റ്‌ പു​റ​ത്ത്‌ വ​രു​മെ​ന്ന നി​ഗ​മ​ന​ത്തി​ലാ​ണു പ്ര​ദേ​ശി​ക നി​ക്ഷേ​പ​ക​ർ.

നി​ഫ്റ്റി​യി​ലെ നീ​ക്കം

സാ​ങ്കേ​തി​ക​മാ​യി ബു​ള്ളി​ഷ്‌ മ​നോ​ഭാ​വ​ത്തി​ൽ​നി​ന്നും ദു​ർ​ബ​ലാ​വ​സ്ഥ​യി​ലേ​ക്ക്‌ വി​പ​ണി താ​ത്കാ​ലി​ക​മാ​യി മു​ഖം തി​രി​ക്കു​മെ​ന്നു ക​ഴി​ഞ്ഞ വാ​രം സൂ​ച​ന ന​ൽ​കി​യ​താ​ണ്. നി​ഫ്‌​റ്റി 25,683നി​ന്നും 26,872 പോ​യി​ന്‍റ് വ​രെ ക​യ​റി​യ വേ​ള​യി​ൽ ഉ​ട​ലെ​ടു​ത്ത വി​ല്പ​ന സ​മ്മ​ർ​ദ​ത്തി​ൽ സൂ​ചി​ക 25,472ലേ​ക്ക്‌ ഇ​ടി​ഞ്ഞെ​ങ്കി​ലും ക്ലോ​സിം​ഗി​ൽ 25,694 പോ​യി​ന്‍റി​ലാ​ണ്.

നി​ഫ്‌​റ്റി​ക്ക്‌ ആ​ദ്യ താ​ങ്ങ്‌ 25,486 പോ​യി​ന്‍റി​ലാ​ണ്, വി​ല്പ​ന സ​മ്മ​ർ​ദ​ത്തി​ൽ ഇ​തു ന​ഷ്‌​ട​പ്പെ​ട്ടാ​ൽ 25,279ലേ​ക്ക്‌ പ​രീ​ക്ഷ​ണം ന​ട​ത്താം. തി​രി​ച്ചു​വ​ര​വി​നു ശ്ര​മി​ച്ചാ​ൽ 25,896 - 26,079 നെ ​ല​ക്ഷ്യ​മാ​ക്കും. ബ​ജ​റ്റ്‌ വി​പ​ണി​ക്ക്‌ അ​നു​കൂ​ല​മാ​യാ​ൽ മാ​ർ​ച്ച്‌ ഒ​ന്നി​നു നി​ഫ്‌​റ്റി 26,479നു ​മു​ക​ളി​ൽ ഇ​ടം​പി​ടി​ക്കും.

നി​ഫ്‌​റ്റി​യു​ടെ ച​ല​ന​ങ്ങ​ൾ വി​ല​യി​രു​ത്തി​യാ​ൽ ഡെ​യ്‌​ലി ചാ​ർ​ട്ടി​ൽ സൂ​പ്പ​ർ ട്രെ​ൻ​ഡും പാ​രാ​ബോ​ളി​ക് എ​സ്‌​എ​ആ​റും എംഎ​സി​ഡി​യും സെ​ല്ല​ർ​മാ​ർ നേ​ട്ട​മാ​ക്കാം. അ​തേ​സ​മ​യം, ഇ​ൻ​ഡി​ക്കേ​റ്റ​റു​ക​ൾ പ​ല​തും ഓ​വ​ർ സോ​ൾ​ഡാ​യ​ത്‌ വാ​ര​ത്തി​ന്‍റെ ര​ണ്ടാം പ​കു​തി​യി​ൽ തി​രി​ച്ചു​വ​ര​വി​ന് അ​വ​സ​ര​മൊ​രു​ക്കാം.

നി​ഫ്റ്റി ജ​നു​വ​രി ഫ്യൂ​ച്ചേ​ഴ്‌​സ്‌ 25,788ൽ​നി​ന്നും 25,694ലേ​ക്ക്‌ താ​ഴ്‌​ന്നു. നി​ല​വി​ലെ ച​ല​ന​ങ്ങ​ൾ ക​ണ​ക്കി​ലെ​ടു​ത്താ​ൽ മു​ൻ​വാ​രം സൂ​ചി​പ്പി​ച്ച 25,550 - 25,250ലേ​ക്ക്‌ ദു​ർ​ബ​ല​മാ​കാം. അ​തേ​സ​മ​യം, ഒ​രു പു​ൾ ബാ​ക്ക്‌ റാ​ലി​ക്കു മു​തി​ർ​ന്നാ​ൽ 26,500 - 26,750നെ ​ല​ക്ഷ്യ​മാ​ക്കും. ഇ​തി​നി​ട​യി​ൽ വി​പ​ണി​യി​ലെ ഓ​പ്പ​ൺ ഇ​ന്‍റ​റ​സ്റ്റ്‌ 169 ല​ക്ഷം ക​രാ​റു​ക​ളി​ൽ​നി​ന്ന് 166 ല​ക്ഷ​മാ​യി.

സെ​ൻ​സെ​ക്സിന്‍റെ ലക്ഷ്യം

സെ​ൻ​സെ​ക്‌​സ്‌ 83,576ൽനി​ന്നും കൂ​ടു​ത​ൽ മു​ന്നേ​റാ​നാ​വാ​തെ 84,117 വ​രെ എ​ത്തി​യ ഘ​ട്ട​ത്തി​ലെ വി​ല്പ​ന സ​മ്മ​ർ​ദ​ത്തി​ൽ 82,858ലേ​ക്ക്‌ ഇ​ടി​ഞ്ഞെങ്കി​ലും വാ​രാ​ന്ത്യം 83,570 പോ​യി​ന്‍റി​ലാ​ണ്. വി​പ​ണി​ക്ക്‌ ഈ ​വാ​രം 84,174ലാ​ണ് ആ​ദ്യ പ്ര​തി​രോ​ധം, ഇ​തു മ​റി​ക​ട​ന്നാ​ൽ 84,778നെ ​ല​ക്ഷ്യ​മാ​ക്കും. അ​തേ​സ​മ​യം, വി​ല്പ​ന സ​മ്മ​ർ​ദം തു​ട​ർ​ന്നാ​ൽ 82,909 – 82,248ലെ ​താ​ങ്ങ്‌ പ്ര​തീ​ക്ഷി​ക്കാം.

ആ​ഭ്യ​ന്ത​ര ഫ​ണ്ടു​ക​ൾ നിക്ഷേപ​ക​രാ​യി മൊ​ത്തം 16,173.69 കോ​ടി രൂ​പ​യു​ടെ ഓ​ഹ​രി​ക​ൾ ശേ​ഖ​രി​ച്ചു. ര​ണ്ടാ​ഴ്‌​ച​ക​ളി​ലെ അ​വ​രു​ടെ വാ​ങ്ങ​ൽ 33,768.27 കോ​ടി രൂ​പ​യാ​ണ്. വി​ദേ​ശ ഓ​പ്പ​റേ​റ്റ​ർ​മാ​ർ വി​ല്പ​ന​യ്ക്കുത​ന്നെ മു​ൻ​തൂ​ക്കം ന​ൽ​കി, 14,265.58 കോ​ടി രൂ​പ​യു​ടെ ഓ​ഹ​രി​ക​ൾ വി​റ്റു.

രൂ​പ​യ്ക്കു ത​ക​ർ​ച്ച, സ്വ​ർ​ണ വി​ല​യി​ൽ മു​ന്നേ​റ്റം

രൂ​പ​യു​ടെ മൂ​ല്യത്ത​ക​ർ​ച്ച തു​ട​രു​ന്നു. രൂ​പ 90.21ൽ​നി​ന്നും 91.09ലേ​ക്ക്‌ ദു​ർ​ബ​ല​മാ​യ ശേ​ഷം വാ​രാ​ന്ത്യം അ​ല്പം മി​ക​വി​ൽ 90.66ലാ​ണ്. നി​ല​വി​ലെ സ്ഥി​തി​യി​ൽ 91.34 വ​രെ ദു​ർ​ബ​ല​മാ​കാം, ക​രു​ത്തി​നു ശ്ര​മി​ച്ചാ​ൽ 90.25 - 89.94ൽ ​ത​ട​സ​മു​ണ്ട്‌. രാ​ജ്യാ​ന്ത​ര സ്വ​ർ​ണ വി​ലയിൽ മു​ന്നേ​റ്റം.

ന്യൂ​യോ​ർ​ക്കി​ൽ ട്രോ​യ്‌ ഔ​ൺ​സി​നു 4509 ഡോ​ള​റി​ൽ​നി​ന്നും 4549 ഡോ​ള​റി​ലെ റി​ക്കാ​ർ​ഡ്‌ ത​ക​ർ​ത്ത്‌ 4639 വ​രെ സ​ഞ്ച​രി​ച്ചു. ബു​ൾ ഓ​പ്പ​റേ​റ്റ​ർ​മാ​രു​ടെ ശ​ക്ത​മാ​യ സ്വാ​ധീ​ന​ത്തി​ൽ റി​ക്കാ​ർ​ഡി​നു മു​ക​ളി​ൽ ഔ​ൺ​സി​നു 90 ഡോ​ള​റി​ന്‍റെ കു​തി​പ്പ് ന​ട​ത്തി വാ​രാ​ന്ത്യം 4595 ഡോ​ള​റി​ലാ​ണ്. ബു​ള്ളി​ഷ്‌ മ​നോ​ഭാ​വം ക​ണ​ക്കി​ലെ​ടു​ത്താ​ൽ 4724 ഡോ​ള​ർ വ​രെ റാ​ലി തു​ട​രാം. ഡെ​യ്‌​ലി, വീ​ക്കി​ലി ചാ​ർ​ട്ടു​ക​ൾ വി​ല​യി​രു​ത്തി​യാ​ൽ വീ​ണ്ടും ഒ​രു 750 ഡോ​ള​ർ റാ​ലി​ക്കു​ള്ള ക​രു​ത്ത്‌ ക​ണ്ടെ​ത്താ​നാ​വും.

Tags : Investors' eyes budget