ന​വി മും​ബൈ: ഇ​ന്ത്യ-​ദ​ക്ഷി​ണാ​ഫ്രി​ക്ക ഏ​ക​ദി​ന വ​നി​താ ലോ​ക​ക​പ്പ് ഫൈ​ന​ൽ മ​ഴ​മൂ​ലം വൈ​കു​ന്നു. ന​വി മും​ബൈ​യി​ലെ ഡി.​വൈ.​പാ​ട്ടീ​ൽ സ്റ്റേ​ഡി​യം വേ​ദി​യാ​കു​ന്ന ക​ലാ​ശ​പ്പോ​രാ​ട്ടം ഉ​ച്ച​യ്ക്ക് 2.30-നാ​യി​രു​ന്നു തു​ട​ങ്ങേ​ണ്ടി​യി​രു​ന്ന​ത്.

എ​ന്നാ​ൽ ക​ന​ത്ത മ​ഴ​മൂ​ലം ടോ​സ് ന​ട​ത്താ​ൻ ക​ഴി​ഞ്ഞി​ല്ല. ക​ന​ത്ത മ​ഴ​യി​ൽ ഗ്രൗ​ണ്ടി​ലെ ഔ​ട്ട്ഫീ​ൽ​ഡി​ൽ വെ​ള്ള​ക്കെ​ട്ടും രൂ​പ​പ്പെ​ട്ടി​ട്ടു​ണ്ട്. മ​ഴ​മാ​റി​യാ​ലും ഓ​വ​ർ വെ​ട്ടി​ച്ചു​രു​ക്കി​യാ​കും ഫൈ​ന​ൽ ന​ട​ക്കു​ക എ​ന്നാ​ണ് സൂ​ച​ന.

ഇന്ന് ആര് ചാമ്പ്യൻമാരായാലും വനിതാ ലോകകപ്പ് ക്രിക്കറ്റിൽ അത് പുതിയ ചരിത്രമാകും. ര​ണ്ടു ത​വ​ണ ഫൈ​ന​ലി​ൽ കാ​ലി​ട​റി​യ ഇ​ന്ത്യ​യു​ടെ നീ​ല​പ്പ​ട സെ​മി​യി​ൽ അ​വി​സ്മ​ര​ണീ​യ ജ​യ​ത്തി​ലൂ​ടെയാണ് ഫൈ​ന​ൽ പ്ര​വേ​ശ​നം നേ​ടി​യ​ത്.

മ​റു​വ​ശ​ത്ത് ആ​ദ്യ​മാ​യി ഫൈ​ന​ൽ മ​ത്സ​ര​ത്തി​നി​റ​ങ്ങു​ന്ന ദ​ക്ഷി​ണാ​ഫ്രി​ക്ക​യും പ്ര​തീ​ക്ഷ​യു​ടെ തേ​രി​ലാ​ണ്. സെ​മി​യി​ൽ ശ​ക്ത​രാ​യ ഇം​ഗ്ല​ണ്ടി​നെ അ​ട്ടി​മ​റി​ച്ച് ഫൈ​ന​ലി​ൽ എ​ത്തി​യ​തി​ന്‍റെ ആ​ത്മ​വി​ശ്വാ​സ​ത്തി​ലാ​ണ​വ​ർ.

ഇ​ന്ത്യ​യു​ടെ മൂന്നാമത്തെ ഏ​ക​ദി​ന ലോ​ക​ക​പ്പ് ഫൈ​ന​ലാ​ണി​ത്. 2005-ലും 2017-ലു​മാ​ണ് ഇ​ന്ത്യ ഇ​തി​ന് മു​മ്പ് വ​നി​താ ഏ​ക​ദി​ന ലോ​ക​ക​പ്പി​ല്‍ ഫൈ​ന​ല്‍ ക​ളി​ച്ച​ത്. 2005ല്‍ ​ന​ട​ന്ന ഫൈ​ന​ലി​ല്‍ ഇ​ന്ത്യ​യെ തോ​ല്‍​പ്പി​ച്ച് ഓ​സ്ട്രേ​ലി​യ കി​രീ​ടം നേ​ടി. 2017ല്‍ ​ഇം​ഗ്ല​ണ്ടാ​ണ് ഇ​ന്ത്യ​യെ ക​ണ്ണീ​രു​കു​ടി​പ്പി​ച്ച​ത്.

Tags : ICC Women's World Cup final india south africa rain delay cricket