വ​ന്യ​ജീ​വി​ശ​ല്യം മൂ​ല​മു​ള്ള കൃ​ഷി​നാ​ശ​ത്തി​ന് തു​ച്ഛ​മാ​യ തു​ക ന​ഷ്ട​പ​രി​ഹാ​രം ന​ല്‍​കു​ന്ന വ​നം​വ​കു​പ്പി​നെ മു​ട്ടു​കു​ത്തി​ച്ച് ക​ര്‍​ഷ​ക​ന്‍റെ ഒ​റ്റ​യാ​ള്‍ നി​യ​മ​പോ​രാ​ട്ടം.

വ​യ​നാ​ട് പ​ന​മ​രം പ​ഞ്ചാ​യ​ത്തി​ലെ നീ​ര്‍​വാ​രം ഈ​സ്റ്റ് പ​രി​യാ​ര​ത്തെ പി.​ടി. വേ​ലാ​യു​ധ​ന്‍ ഹൈ​ക്കോ​ട​തി​യി​ല്‍ വ​നം​വ​കു​പ്പി​ന്‍റെ ന​ട​പ​ടി​ക​ള്‍ തു​റ​ന്നു കാ​ട്ടി​യ​തി​നെ​ത്തു​ട​ര്‍​ന്ന് കൃ​ഷി​ക​ളു​ടെ ആ​യു​സ് ക​ണ​ക്കി​ലെ​ടു​ത്ത് ന​ഷ്ട​പ​രി​ഹാ​ര നി​ര​ക്കു​ക​ള്‍ വ​ര്‍​ധി​പ്പി​ക്കു​ന്ന​തി​നാ​യി വി​ശ​ദ​മാ​യ നി​ര്‍​ദേ​ശം സ​മ​ര്‍​പ്പി​ക്കാ​ന്‍ വ​നം​വ​കു​പ്പ് പ്രി​ന്‍​സി​പ്പ​ല്‍ സെ​ക്ര​ട്ട​റി ചീ​ഫ് വൈ​ല്‍​ഡ് ലൈ​ഫ് വാ​ര്‍​ഡ​ന് നി​ര്‍​ദേ​ശം ന​ല്‍​കി.

വേ​ലാ​യു​ധ​ന്‍ ഉ​ന്ന​യി​ച്ച ആ​വ​ശ്യ​ങ്ങ​ളേ​റെ​യും ന്യാ​യ​മാ​ണെ​ന്നു ക​ണ്ട് വി​ഷ​യ​ത്തി​ല്‍ ഇ​ട​പെ​ട്ട് തീ​രു​മാ​ന​മെ​ടു​ക്കാ​ന്‍ ഹൈ​ക്കോ​ട​തി വ​നം​വ​കു​പ്പി​നു നി​ര്‍​ദേ​ശം ന​ല്‍​കു​ക​യാ​യി​രു​ന്നു. ഇ​തു​പ്ര​കാ​രം വേ​ലാ​യു​ധ​നു​മാ​യി ഹി​യ​റിം​ഗ് ന​ട​ത്തി​യ ശേ​ഷ​മാ​ണ് ന​ഷ്ട​പ​രി​ഹാ​ര തു​ക വ​ര്‍​ധി​പ്പി​ക്കു​മെ​ന്ന് സ​ര്‍​ക്കാ​ര്‍ അ​റി​യി​ച്ചി​രി​ക്കു​ന്ന​ത്.

2014 മു​ത​ല്‍ വി​വി​ധ സ​ര്‍​ക്കാ​ര്‍ ഓ​ഫീ​സു​ക​ളി​ല്‍​നി​ന്നും കൃ​ഷി​യു​മാ​യി ബ​ന്ധ​പ്പെ​ട്ട സ്ഥാ​പ​ന​ങ്ങ​ളി​ല്‍​നി​ന്നും ആ​ധി​കാ​രി​ക​മാ​യ രേ​ഖ​ക​ള്‍ ശേ​ഖ​രി​ച്ച് 2020ലാ​ണ് വേ​ലാ​യു​ധ​ന്‍ ഹൈ​ക്കോ​ട​തി​യെ സ​മീ​പി​ച്ച​ത്.

ഒ​രു ല​ക്ഷ​ത്തോ​ളം രൂ​പ സ്വ​ന്തം പോ​ക്ക​റ്റി​ല്‍​നി​ന്നു ചെ​ല​വ​ഴി​ച്ചു വേ​ലാ​യു​ധ​ന്‍ ന​ട​ത്തി​യ പോ​രാ​ട്ടം കേ​ര​ള​ത്തി​ലെ ക​ര്‍​ഷ​ക​ര്‍​ക്കെ​ല്ലാം ഗു​ണ​ക​ര​മാ​കും. പ​ക്ഷെ അ​തു​കൊ​ണ്ടു മാ​ത്രം വേ​ലാ​യു​ധ​ന്‍ തൃ​പ്ത​ന​ല്ല. ത​നി​ക്കു ഉ​ചി​ത​മാ​യ തു​ക ന​ഷ്ട​പ​രി​ഹാ​രം ല​ഭി​ക്കാ​ന്‍ കോ​ട​തി​യി​ല്‍ അ​പ്പീ​ല്‍ ന​ല്‍​കു​മെ​ന്ന് അ​ദ്ദേ​ഹം​പ​റ​ഞ്ഞു.

പൊ​ളി​ച്ച​ടു​ക്കി​യ​ത് വ​നം​വ​കു​പ്പി​ന്‍റെ വാ​ദ​ങ്ങ​ള്‍

വ​ന്യ​ജീ​വി​ശ​ല്യം രൂ​ക്ഷ​മാ​യ പ്ര​ദേ​ശ​മാ​ണ് പ​രി​യാ​രം. ക​ഷ്ട​പ്പെ​ട്ടു ന​ട്ടു​ന​ന​ച്ചു​വ​ള​ര്‍​ത്തു​ന്ന വി​ള​ക​ള്‍ ഒ​റ്റ​രാ​ത്രി​കൊ​ണ്ടു കാ​ട്ടാ​ന​ക​ള്‍ ച​വി​ട്ടി​യ​ര​യ്ക്കു​ന്ന​തി​നു ല​ഭി​ക്കു​ന്ന തു​ച്ഛ​മാ​യ തു​ക കൊ​ണ്ട് എ​ങ്ങ​നെ ക​ര്‍​ഷ​ക​ര്‍​ക്ക് ജീ​വി​ക്കാ​ന്‍ ക​ഴി​യു​മെ​ന്ന ചി​ന്ത​യി​ല്‍​നി​ന്നാ​ണ് വേ​ലാ​യു​ധ​ന്‍ കോ​ട​തി​യെ സ​മീ​പി​ക്കാ​ന്‍ തീ​രു​മാ​നി​ച്ച​ത്.

2008 മു​ത​ല്‍ 2020 വ​രെ​യു​ള്ള കാ​ല​യ​ള​വി​ല്‍ വേ​ലാ​യു​ധ​ന്‍റെ 375ല​ധി​കം തെ​ങ്ങു​ക​ള്‍ കാ​ട്ടാ​ന ന​ശി​പ്പി​ച്ചി​രു​ന്നു. ഇ​ക്കാ​ര്യം ഹ​ര്‍​ജി​യി​ല്‍ പ്ര​ത്യേ​കം ചൂ​ണ്ടി​ക്കാ​ട്ടി​യി​രു​ന്നു.

1980ലെ ​വ​ന്യ​ജീ​വി ആ​ക്ര​മ​ണ​ത്തി​ന് ഇ​ര​യാ​യ​വ​ര്‍​ക്കു​ള്ള ന​ഷ്ട​പ​രി​ഹാ​ര നി​യ​മ​പ്ര​കാ​രം പു​റ​പ്പെ​ടു​വി​ച്ച 08.01.2015ലെ ​സ​ര്‍​ക്കാ​ര്‍ ഉ​ത്ത​ര​വ് പ്ര​കാ​രം അ​നു​വ​ദി​ക്കു​ന്ന ന​ഷ്ട​പ​രി​ഹാ​രം വ​ള​രെ തു​ച്ഛ​മാ​ണെ​ന്ന് വേ​ലാ​യു​ധ​ന്‍ കോ​ട​തി​യെ ധ​രി​പ്പി​ച്ചു.

വ​നം​വ​കു​പ്പി​ല്‍​നി​ന്ന് ല​ഭി​ക്കു​ന്ന ന​ഷ്ട​പ​രി​ഹാ​രം യ​ഥാ​ര്‍​ഥ ന​ഷ്ട​ത്തെ അ​പേ​ക്ഷി​ച്ച് വ​ള​രെ കു​റ​വാ​ണെ​ന്നാ​യി​രു​ന്നു അ​ദ്ദേ​ഹം സ​മ​ർ​ഥി​ച്ച​ത്. എ​ന്നാ​ല്‍ പ​ര​മാ​വ​ധി ന​ഷ്ട​പ​രി​ഹാ​ര​ത്തു​ക 50,000 രൂ​പ​യി​ല്‍​നി​ന്ന് യ​ഥാ​ക്ര​മം 2012ലും 2018​ലും 75,000 രൂ​പ​യാ​യും 1,00,000 രൂ​പ​യാ​യും വ​ര്‍​ധി​പ്പി​ച്ച​തി​നാ​ല്‍ ഹ​ര്‍​ജി​ക്കാ​ര​ന്‍റെ പ​രാ​തി പ​രി​ഹ​രി​ക്ക​പ്പെ​ട്ടു​വെ​ന്നാ​ണ് സ​ര്‍​ക്കാ​ര്‍ കോ​ട​തി​യെ അ​റി​യി​ച്ച​ത്.

പ​ക്ഷെ ഒ​രു തെ​ങ്ങി​ന് 770 രൂ​പ എ​ന്ന ക​ണ​ക്കി​ല്‍ ന​ഷ്ട​പ​രി​ഹാ​രം നി​ശ്ച​യി​ച്ച​തി​നെ​യാ​ണ് ഹ​ര്‍​ജി​ക്കാ​ര​ന്‍ പ്ര​ധാ​ന​മാ​യും ചോ​ദ്യം ചെ​യ്യു​ന്ന​തെ​ന്ന് കോ​ട​തി നി​രീ​ക്ഷി​ച്ചു.

ഇ​ന്ത്യ​ന്‍ ഇ​ന്‍​സ്റ്റി​റ്റ്യൂ​ട്ട് ഓ​ഫ് സ്‌​പൈ​സ​സ് റി​സ​ര്‍​ച്ച് ന​ല്‍​കി​യ വി​വ​ര​ങ്ങ​ള്‍ പ്ര​കാ​രം ഒ​രു തെ​ങ്ങി​ന്‍റെ ആ​യു​സ് 80 മു​ത​ല്‍ 90 വ​ര്‍​ഷം വ​രെ​യാ​ണെ​ന്നും ഇ​ത് പ​രി​ഗ​ണി​ക്കാ​തെ​യാ​ണ് ന​ഷ്ട​പ​രി​ഹാ​രം നി​ശ്ച​യി​ച്ച​തെ​ന്നും ഹ​ര്‍​ജി​ക്കാ​ര​ന്‍ ചൂ​ണ്ടി​ക്കാ​ട്ടി.

ഇ​തു ക​ണ​ക്കി​ലെ​ടു​ത്ത കോ​ട​തി ഒ​രു തെ​ങ്ങി​ന് 770 രൂ​പ എ​ന്ന​ത് ശ​രി​യ​ല്ലെ​ന്നും മ​റ്റൊ​രു സ​ര്‍​ക്കാ​ര്‍ ഏ​ജ​ന്‍​സി മ​രം ഏ​റ്റെ​ടു​ക്കു​മ്പോ​ള്‍ ഒ​രു തെ​ങ്ങി​ന് 12,000 രൂ​പ​യി​ല​ധി​കം ന​ല്‍​കു​ന്നു​ണ്ടെ​ന്നും നി​രീ​ക്ഷി​ച്ചു. അ​തി​നാ​ല്‍ തെ​ങ്ങി​ന്‍റെ ന​ഷ്ട​പ​രി​ഹാ​ര​ത്തു​ക സ​ര്‍​ക്കാ​ര്‍ പു​നഃ​പ​രി​ശോ​ധി​ക്കേ​ണ്ട​താ​ണെ​ന്ന് കോ​ട​തി അ​ഭി​പ്രാ​യ​പ്പെ​ട്ടു.

ന​ഷ്ട​പ​രി​ഹാ​ര​ത്തി​ന്‍റെ ഉ​യ​ര്‍​ന്ന പ​രി​ധി നി​ശ്ച​യി​ച്ച​തി​നെ​യും ഹ​ര്‍​ജി​ക്കാ​ര​ന്‍ ചോ​ദ്യം ചെ​യ്തു. വേ​ലാ​യു​ധ​ന്‍ ഇ​തി​ന​കം ന​ഷ്ട​പ​രി​ഹാ​രം കൈ​പ്പ​റ്റി​യ​തി​നാ​ല്‍ ഹ​ര്‍​ജി നി​ല​നി​ല്‍​ക്കി​ല്ലെ​ന്നാ​യി​രു​ന്നു സ​ര്‍​ക്കാ​രി​ന്‍റെ വാ​ദം. ഇ​ത് കോ​ട​തി ത​ള്ളി.

കൂ​ടാ​തെ ന​ഷ്ട​പ​രി​ഹാ​രം നി​ശ്ച​യി​ച്ച​തി​ലെ യു​ക്തി​ര​ഹി​ത​മാ​യ കാ​ര്യ​ങ്ങ​ള്‍ ചൂ​ണ്ടി​ക്കാ​ട്ടി ഹ​ര്‍​ജി​ക്കാ​ര​ന് നി​യ​മ​പോ​രാ​ട്ടം തു​ട​രാ​മെ​ന്നും കോ​ട​തി വ്യ​ക്ത​മാ​ക്കി.

ഹി​യ​റിം​ഗി​നൊ​ടു​വി​ല്‍ അ​നു​കൂ​ല തീ​രു​മാ​നം

കോ​ട​തി നി​ര്‍​ദേ​ശ​ത്തെ​ത്തു​ട​ര്‍​ന്ന് വേ​ലാ​യു​ധ​ന്‍ വ​നം​വ​കു​പ്പി​ന് ന​ല്‍​കി​യ നി​വേ​ദ​ന​ത്തി​ന്‍റെ അ​ടി​സ്ഥാ​ന​ത്തി​ല്‍ 2025 സെ​പ്റ്റം​ബ​ര്‍ മൂ​ന്നി​ന് ഹി​യ​റിം​ഗ് ന​ട​ത്തി. വ​നം വ​കു​പ്പ് ആ​സ്ഥാ​ന​ത്തെ ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ല്‍ അ​ണ്ട​ര്‍ സെ​ക്ര​ട്ട​റി ന​ട​ത്തി​യ ഹി​യ​റിം​ഗി​ല്‍ ഹ​ര്‍​ജി​ക്കാ​ര​ന് വേ​ണ്ടി മ​ക​ന്‍ പി.​ടി.​വി​കാ​സാ​ണ് ഹാ​ജ​രാ​യ​ത്.

വ​ന്യ​ജീ​വി ആ​ക്ര​മ​ണം മൂ​ല​മു​ണ്ടാ​യ യ​ഥാ​ര്‍​ഥ ന​ഷ്ട​വും വ​നം​വ​കു​പ്പി​ല്‍​നി​ന്ന് ല​ഭി​ച്ച കു​റ​ഞ്ഞ ന​ഷ്ട​പ​രി​ഹാ​ര​വും അ​ദ്ദേ​ഹം വി​ശ​ദീ​ക​രി​ച്ചു. തെ​ങ്ങി​ന്‍റെ ആ​യു​സ് പ​രി​ഗ​ണി​ക്കാ​തെ​യാ​ണ് വ​നം​വ​കു​പ്പ് നി​ര​ക്ക് നി​ശ്ച​യി​ക്കു​ന്ന​തെ​ന്നും പ​വ​ര്‍ ഗ്രി​ഡ് പോ​ലു​ള്ള സ്ഥാ​പ​ന​ങ്ങ​ള്‍ കൂ​ടു​ത​ല്‍ തു​ക ന​ല്‍​കു​ന്നു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

നി​ല​വി​ലു​ള്ള സ​ര്‍​ക്കാ​ര്‍ ഉ​ത്ത​ര​വ് പ്ര​കാ​രം ഹ​ര്‍​ജി​ക്കാ​ര​ന് അ​ര്‍​ഹ​മാ​യ തു​ക ന​ല്‍​കി​യി​ട്ടു​ണ്ടെ​ന്നും അ​തി​ല​ധി​കം തു​ക ന​ല്‍​കാ​ന്‍ നി​ല​വി​ലെ വ്യ​വ​സ്ഥ​ക​ള്‍ അ​നു​വ​ദി​ക്കു​ന്നി​ല്ലെ​ന്നും വ​നം​വ​കു​പ്പ് അ​റി​യി​ച്ചു.

എ​ങ്കി​ലും കൃ​ഷി​നാ​ശ​ത്തി​നു​ള്ള ന​ഷ്ട​പ​രി​ഹാ​രം വ​ര്‍​ധി​പ്പി​ക്കാ​നു​ള്ള നി​ര്‍​ദേ​ശം സ​ര്‍​ക്കാ​രി​ന്‍റെ പ​രി​ഗ​ണ​ന​യി​ലാ​ണെ​ന്ന് ഉ​ന്ന​ത വ​ന​പാ​ല​ക​ര്‍ ഹി​യ​റിം​ഗി​ല്‍ വ്യ​ക്ത​മാ​ക്കി.

വേ​ലാ​യു​ധ​ന്‍റെ നി​യ​മ​യു​ദ്ധ​ത്തെ​ത്തു​ട​ര്‍​ന്ന് ന​ഷ്ട​പ​രി​ഹാ​ര തു​ക വ​ര്‍​ധ​ന​വ് പ​രി​ഗ​ണി​ക്കു​ന്ന​തി​നു പു​റ​മെ, ഹ​ര്‍​ജി​ക്കാ​ര​ന്‍റെ​യും മ​റ്റ് ക​ര്‍​ഷ​ക​രു​ടെ​യും കൃ​ഷി​യി​ട​ങ്ങ​ള്‍ വ​ന്യ​ജീ​വി​ക​ളി​ല്‍​നി​ന്ന് സം​ര​ക്ഷി​ക്കാ​ന്‍ ന​ട​പ​ടി​യെ​ടു​ക്കാ​നും ഹ​ര്‍​ജി​ക്കാ​ര​ന് ല​ഭി​ക്കാ​ന്‍ ബാ​ക്കി​യു​ള്ള തു​ക‍ ഉ​ണ്ടെ​ങ്കി​ല്‍ അ​ത് ഉ​ട​ന്‍ ന​ല്‍​കാ​നും വ​നം​വ​കു​പ്പ് പ്രി​ന്‍​സി​പ്പ​ല്‍ സെ​ക്ര​ട്ട​റി ചീ​ഫ് വൈ​ല്‍​ഡ് ലൈ​ഫ് വാ​ര്‍​ഡ​ന് നി​ര്‍​ദേ​ശം ന​ല്‍​കി. ഇ​തു സം​ബ​ന്ധി​ച്ച ഉ​ത്ത​ര​വ് അ​ഞ്ചു ദി​വ​സം മു​മ്പാ​ണ് ഇ​റ​ക്കി​യ​ത്.

Tags : Todays Story Velayudhan Forest Department