കു​ട്ട​നാ​ടി​ന്‍റെ ത​ന​തു​വി​ഭ​വ​ങ്ങ​ളി​ൽ പ​ല​തും ലോ​ക​പ്ര​ശ​സ്ത​മാ​ണ്. അ​തു കാ​ണാ​നും ആ​സ്വ​ദി​ക്കാ​നും വേ​ണ്ടി മൈ​ലു​ക​ൾ താ​ണ്ടി ക​ട​ൽ ക​ട​ന്നെ​ത്തു​ന്ന നി​ര​വ​ധി വി​ദേ​ശി​ക​ളു​ണ്ട്. കു​ട്ട​നാ​ട​ൻ താ​റാ​വും ക​രി​മീ​നും എ​ന്നു കേ​ട്ടാ​ൽ നാ​വി​ൽ വെ​ള്ള​മൂ​റാ​ത്ത​വ​രാ​യി ആ​രു​മി​ല്ല.

ത​ന​തു കു​ട്ട​നാ​ട​ൻ താ​റാ​വി​ന്‍റെ രു​ചി​യും ഗു​ണ​വും അ​ത്ര​യേ​റെ പ്ര​സി​ദ്ധ​വും അ​ന്യ​രാ​ജ്യ​ങ്ങ​ളി​ൽ​വ​രെ കീ​ർ​ത്തി കേ​ട്ട​തു​മാ​ണ്. കു​ട്ട​നാ​ട​ൻ താ​റാ​വി​ന​ങ്ങ​ളാ​യ ചാ​ര​യും ചെ​ന്പ​ല്ലി​യും ഓ​ള​പ്പ​ര​പ്പി​ൽ താ​ള​ത്തി​ൽ നീ​ന്തി ന​ട​ക്കു​ന്ന​തു​പോ​ലും ന​യ​നാ​ന​ന്ദ​ക​ര​മാ​ണ്.

ക​ഴി​ഞ്ഞ 28 വ​ർ​ഷ​മാ​യി കു​ട്ട​നാ​ട​ൻ താ​റാ​വി​ന്‍റെ മൊ​ത്ത ഉ​ത്പാ​ദ​ക​നാ​യി പേ​രെ​ടു​ത്ത് ആ​ളാ​ണ് ചെ​ന്നി​ത്ത​ല തൃ​പ്പെ​രു​ന്തു​റ മൂ​ന്നു​തെ​ങ്ങി​ൽ ഷോ​ബി ഫി​ലി​പ്പ് എ​ന്ന അ​ന്പ​ത്തി​യൊ​ന്പ​തു​കാ​ര​ൻ. ഇ​ഷ്ടി​ക ചൂ​ള​യി​ൽ​നി​ന്ന് ഒ​രു ചു​വ​ടു​മാ​റി താ​റാ​വ് കൃ​ഷി​യി​ലേ​ക്കും ഹാ​ച്ച​റി​യി​ലേ​ക്കും എ​ത്തി​യ​യാ​ളാ​ണ് ഇ​ദ്ദേ​ഹം.

ഇ​ന്നു ര​ണ്ടു ല​ക്ഷം താ​റാ​വി​ൻ കു​ഞ്ഞു​ങ്ങ​ളെ​വ​രെ വി​രി​യി​ച്ചി​റ​ക്കാ​ൻ സൗ​ക​ര്യ​മു​ള്ള ഹാ​ച്ച​റി​യു​ടെ ഉ​ട​മ​യാ​ണ്. തി​രു​വ​ല്ല മാ​വേ​ലി​ക്ക​ര റൂ​ട്ടി​ലൂ​ടെ യാ​ത്ര ചെ​യ്ത് ചെ​ന്നി​ത്ത​ല എ​ത്തി അ​വി​ടു​ന്ന് ഹ​രി​പ്പാ​ട് റൂ​ട്ടി​ൽ യാ​ത്ര ചെ​യ്യു​ന്പോ​ഴാ​ണ് വി​സ്താ​ര​മേ​റി​യ ചെ​ന്നി​ത്ത​ല പു​ഞ്ച.

ഇ​തി​ന്‍റെ മൂ​ന്നാം ബ്ലോ​ക്കി​ന്‍റെ പ​ടി​ഞ്ഞാ​റു ഭാ​ഗ​ത്തു​ള്ള തോ​ട്ടി​റ​ന്പി​ൽ മൂ​ന്നു​തെ​ങ്ങി​ൽ എ​ന്ന ത​ന്‍റെ വീ​ടി​നോ​ടു ചേ​ർ​ന്നാ​ണ് വി​ശാ​ല​മാ​യ ഹാ​ച്ച​റി ഒ​രു​ക്കി​യി​രി​ക്കു​ന്ന​ത്.

വി​രി​യി​ക്കു​ന്ന​ത് ര​ണ്ടു​ല​ക്ഷം മു​ട്ട

1997 ൽ ​മൂ​ന്നു സെ​ക്ട​റു​ക​ളി​ലാ​യി 62,000 മു​ട്ട​ക​ൾ​വ​രെ വി​രി​യി​ച്ചെ​ടു​ക്കാ​ൻ സൗ​ക​ര്യ​മു​ള​ള ഇ​ട​ത്ത​രം ഹാ​ച്ച​റി​യാ​യി തു​ട​ങ്ങി​യ​താ​ണ് ഇ​പ്പോ​ൾ 12 സെ​ക്ട​റു​ക​ളി​ലാ​യി 2 ല​ക്ഷം മു​ട്ട വ​രെ വി​രി​യി​ക്കാ​ൻ സൗ​ക​ര്യ​മു​ള്ള​താ​യി മാ​റ്റി​യെ​ടു​ത്ത​ത്.

പു​ഞ്ച​പ്പാ​ട​ത്തെ കൃ​ഷി​പോ​ലെ​ത​ന്നെ വ്യ​ത്യ​സ്ത​മാ​ണ് പു​ഞ്ച​പ്പാ​ട​ത്ത് ജീ​വി​ക്കു​ന്ന കു​ട്ട​നാ​ട​ൻ താ​റാ​വും. സ​മ​യം നോ​ക്കി വി​ത്തു വി​ത​ക്കും എ​ന്ന പോ​ലെ​യാ​ണ് താ​റാം​മു​ട്ട വി​രി​യി​ച്ച് കു​ഞ്ഞി​നെ ഇ​റ​ക്കു​ന്ന​ത്.

സാ​ധാ​ര​ണ​യാ​യി ചി​ങ്ങ​ക്കു​ഞ്ഞ്, വൃ​ശ്ചി​ക​ക്കു​ഞ്ഞ്, കും​ഭ​ക്കു​ഞ്ഞ് എ​ന്നി​ങ്ങ​നെ മൂ​ന്ന് ത​വ​ണ​യാ​ണ് കു​ഞ്ഞു​ങ്ങ​ളെ വി​രി​യി​ക്കു​ക. മ​ല​യാ​ള​മാ​സ​ങ്ങ​ൾ അ​ടി​സ്ഥാ​ന​പ്പെ​ടു​ത്തി​യാ​ണ് ഓ​രോ വി​രി​യി​ക്ക​ലും.

താ​റാ​വു ക​ർ​ഷ​ക​രു​ടെ താ​റാ​വ് വ​ള​ർ​ത്തി വേ​ർ​തി​രി​ച്ച് മാ​റ്റു​ന്ന​തി​നു​ള്ള മൂ​ന്ന് മാ​സ കാ​ലാ​വ​ധി കൂ​ടി ക​ണ​ക്കാ​ക്കി​യാ​ണ് മു​ട്ട​വി​രി​യി​ക്ക​ൽ. മ​ഴ​ക്കാ​ല​ത്തു കു​ഞ്ഞു​ങ്ങ​ളെ വി​രി​യി​ക്കാ​റി​ല്ല. അ​താ​ണ് കും​ഭം ക​ഴി​ഞ്ഞാ​ൽ വീ​ണ്ടും ചി​ങ്ങം​വ​രെ കാ​ത്തി​രി​ക്കു​ന്ന​ത്.

കു​ട്ട​നാ​ട്ടി​ൽ​നി​ന്നു ത​മി​ഴ്നാ​ട്ടി​ൽ കൊ​ണ്ടു​പോ​യി വ​ള​ർ​ത്തു​ന്ന ചെ​ന്പ​നും ചാ​ര​യും ഇ​ന​ങ്ങ​ളു​ടെ മു​ട്ട​യാ​ണ് പ്ര​ധാ​ന​മാ​യും ഹാ​ച്ച​റി​യി​ലേ​ക്ക് ഉ​പ​യോ​ഗി​ക്കു​ന്ന​ത്. ന​ന​വു പ​റ്റാ​ത്ത മു​ട്ട​യാ​ണ് വി​രി​യി​ക്കു​ന്ന​തി​നാ​യി തെ​ര​ഞ്ഞെ​ടു​ക്കു​ന്ന​ത്.

കു​ട്ട​നാ​ടി​ന്‍റെ പ​ശ്ചാ​ത്ത​ല​ത്തി​ൽ ന​ന​വു പ​റ്റാ​ത്ത മു​ട്ട ല​ഭ്യ​മ​ല്ല എ​ന്ന​തു​കൊ​ണ്ടാ​ണ് മു​ട്ട​യ്ക്കു ത​മി​ഴ്നാ​ട്ടി​ലെ കു​ട്ട​നാ​ട​ൻ പൈ​തൃ​ക​മു​ള്ള ചെ​ന്പ​നെ​യും ചാ​ര​യെ​യും ആ​ശ്ര​യി​ക്കേ​ണ്ടി​വ​രു​ന്ന​ത്. ഇ​തു​മൂ​ലം ഒ​രു മു​ട്ട​യ്ക്കു ശ​രാ​ശ​രി 11 രൂ​പ വി​ല ന​ല്കി​യാ​ണ് ഹാ​ച്ച​റി​യി​ലേ​ക്കു കൊ​ണ്ടു​വ​രു​ന്ന​ത്.

കു​ട്ട​നാ​ട​ൻ താ​റാ​വ് ക​ർ​ഷ​ക​രാ​ണ് പ്ര​ധാ​ന​മാ​യും ഷോ​ബി​യു​ടെ ഹാ​ച്ച​റി​യി​ൽ​നി​ന്നും കു​ഞ്ഞു​ങ്ങ​ളെ വാ​ങ്ങു​ന്ന​ത്. ര​ണ്ടു​ല​ക്ഷം കു​ഞ്ഞു​ങ്ങ​ളെ​വ​രെ വി​രി​യി​ക്കാ​ൻ സൗ​ക​ര്യം ഉ​ണ്ടെ​ങ്കി​ലും മു​ട്ട​യി​ൽ പ​കു​തി​യും വി​രി​യാ​റി​ല്ല എ​ന്ന​തു​കൊ​ണ്ട് ഒ​രി​ക്ക​ൽ​പോ​ലും എ​ല്ലാ സെ​ക്ട​റു​ക​ളും പൂ​ർ​ണ​മാ​യും ഉ​പ​യോ​ഗി​ക്കാ​റി​ല്ല.

2014ന് ​മു​ൻ​പ് ധാ​രാ​ളം താ​റാ​വു​ക​ർ​ഷ​ക​ർ കു​ട്ട​നാ​ട്ടി​ൽ ഉ​ണ്ടാ​യി​രു​ന്നു. എ​ന്നാ​ൽ, ആ ​വ​ർ​ഷ​ത്തെ പ​ക്ഷി​പ്പ​നി​യോ​ടു കൂ​ടി പ​ല​രും താ​റാ​വു​കൃ​ഷി​യി​ൽ​നി​ന്നു പി​ൻ​മാ​റു​ക​യു​ണ്ടാ​യി. കു​ട്ട​നാ​ട​ൻ താ​റാ​വ് ക​ർ​ഷ​ക​രി​ൽ പ​ല​രും 5000 മു​ത​ൽ 10,000 വ​രെ താ​റാ​വു​കു​ഞ്ഞു​ങ്ങ​ളെ​യാ​ണ് ഒ​രേ​സ​മ​യം ആ​വ​ശ്യ​പ്പെ​ടു​ന്ന​ത്.

25,000 താ​റാ​വി​ൻ കു​ഞ്ഞു​ങ്ങ​ളെ​വ​രെ ഒ​ന്നി​ച്ചു വി​രി​യി​ച്ചു​ന​ല്കി​യ അ​വ​സ​ര​ങ്ങ​ളു​മു​ണ്ട്. 9798 കാ​ല​ഘ​ട്ട​ത്തി​ൽ ഹാ​ച്ച​റി ആ​രം​ഭി​ച്ച കാ​ല​ഘ​ട്ടം മു​ത​ലു​ള്ള താ​റാ​വു​ക​ർ​ഷ​ക​ർ ഷോ​ബി​യെ വി​ട്ടു​പി​രി​യാ​തെ ഇ​ന്നും ആ​വ​ശ്യ​ക്കാ​രാ​യു​ണ്ട്.

എ​ന്നാ​ൽ, പ​ല ക​ർ​ഷ​ക​രും പ​ക്ഷി​പ്പ​നി​യു​ടേ​യും കോ​വി​ഡി​ന്േ‍​റ​യും കാ​ല​ത്ത് ഈ ​തൊ​ഴി​ൽ അ​വ​സാ​നി​പ്പി​ച്ച് മ​റ്റു ജോ​ലി​ക​ളി​ലേ​യ്ക്ക് മാ​റി​യി​ട്ടു​ണ്ട്. ഹാ​ച്ച​റി​യി​ൽ മു​ട്ട​വി​രി​യി​ക്കു​ന്ന​തി​ൽ സാ​ധാ​ര​ണ കാ​ല​ങ്ങ​ളി​ലെ ന​ഷ്ട​സാ​ധ്യ​ത 50% ആ​ണ്.

അ​താ​യ​ത് 25,000 കു​ഞ്ഞു​ങ്ങ​ളെ വി​രി​യി​ച്ചെ​ടു​ക്ക​ണ​മെ​ങ്കി​ൽ 50,000 മു​ട്ട​ക​ളെ​ങ്കി​ലും ആ​വ​ശ്യം വ​രും. സാ​ധാ​ര​ണ അ​ട​വ​ച്ച് കു​ഞ്ഞു​ങ്ങ​ളെ ഇ​റ​ക്കു​ന്ന​തു പോ​ലെ ത​ന്നെ 28 ദി​വ​സ​ങ്ങ​ൾ കൊ​ണ്ടാ​ണ് ഇ​വി​ടേ​യും മു​ട്ട​വി​രി​യി​ക്കു​ന്ന​ത്.

പ​കു​തി​യോ​ളം മു​ട്ട​ക​ൾ വി​രി​യാ​തെ കേ​ടാ​യി പോ​കാ​റു​ണ്ട്. ന​ഷ്ട​സാ​ധ്യ​ത ക​ണ​ക്കി​ലെ​ടു​ത്താ​ണ് ഡി​മാ​ൻ​ഡ് അ​നു​സ​രി​ച്ച് മു​ട്ട​ക​ൾ ഹാ​ച്ച​റി​യി​ലേ​ക്ക് എ​ടു​ക്കു​ന്ന​ത്.

തി​രി​ച്ച​ടി​ക​ളി​ലും ത​ള​രാ​തെ

2014 മു​ത​ൽ പ​ല വ​ർ​ഷ​ങ്ങ​ളി​ലും ല​ക്ഷ​ക്ക​ണ​ക്കി​ന് മു​ട്ട​ക​ൾ ആ​ണ് പ​ക്ഷി​പ്പ​നി​യു​ടെ പേ​രി​ൽ ന​ശി​പ്പി​ച്ചു ക​ള​യേ​ണ്ടി​വ​ന്ന​ത്. അ​ങ്ങ​നെ ന​ശി​പ്പി​ച്ച​പ്പോ​ഴെ​ല്ലാം ന​ഷ്ടം പ​തി​ൻ​മ​ട​ങ്ങാ​യി​രു​ന്നു. പ​തി​നൊ​ന്നു രൂ​പ പ്ര​കാ​രം വാ​ങ്ങു​ന്ന മു​ട്ട​ക്ക് ന​ഷ്ട​പ​രി​ഹാ​രം ല​ഭി​ക്കു​ന്ന​ത് വെ​റും അ​ഞ്ചു രൂ​പ മാ​ത്രം. അ​തും പ​കു​തി​ക്ക് മാ​ത്ര​മേ ല​ഭി​ക്കു.

ഉ​ദാ​ഹ​ര​ണ​മാ​യി ഒ​രു ല​ക്ഷം മു​ട്ട ന​ശി​പ്പി​ക്കാ​ൻ മൃ​ഗ​സം​ര​ക്ഷ​ണ വ​കു​പ്പ് ഉ​ത്ത​ര​വി​ട്ടാ​ൽ അ​ൻ​പ​തി​നാ​യി​രം മു​ട്ട​യ്ക്ക് മാ​ത്ര​മേ അ​ഞ്ചു രൂ​പ പ്ര​കാ​ര​മു​ള​ള ന​ഷ്ട​പ​രി​ഹാ​രം ല​ഭി​ക്കു. അ​താ​യ​ത് 11 ല​ക്ഷം രൂ​പ​യ്ക്ക് ന​ഷ്ട​പ​രി​ഹാ​രം ല​ഭി​ക്കു​ന്ന​ത് കേ​വ​ലം 2.5 ല​ക്ഷം രൂ​പ മാ​ത്രം.

2014, 2016, 2017, 2019 തു​ട​ങ്ങി​യ വ​ർ​ഷ​ങ്ങ​ളി​ൽ ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ടം ഉ​ണ്ടാ​യ​ത്. കൂ​ടാ​തെ പ​ക്ഷി​പ്പ​നി​യു​ടെ പേ​രി​ൽ ഓ​രോ കാ​ല​ത്തും ഓ​രോ വ​ർ​ഷ​ത്തോ​ളം വീ​തം ഹാ​ച്ച​റി അ​ട​ച്ചി​ടേ​ണ്ടി​യും വ​ന്നു.

ത​ന്‍റെ വീ​ടി​നോ​ടു ചേ​ർ​ന്നു​ള്ള വി​സ്താ​ര​മേ​റി​യ പു​ര​യി​ട​ത്തി​ൽ വി​വി​ധ ത​രം പ​ക്ഷി​ക​ളെ വ​ള​ർ​ത്തു​ന്ന ഷോ​ബി ഒ​രു മി​ക​ച്ച താ​റാ​വു​ക​ർ​ഷ​ക​ൻ കൂ​ടി​യാ​ണ്. സാ​ധാ​ര​ണ​യാ​യി ഓ​രോ സീ​സ​ണി​ലും അ​യ്യാ​യി​ര​ത്തി​ല​ധി​കം താ​റാ​വു​ക​ളെ ഇ​ദ്ദേ​ഹം വ​ള​ർ​ത്തി​യി​രു​ന്നു.

അ​ടു​ത്ത കാ​ല​ത്ത് തെ​രു​വു​നാ​യ്ക്ക​ളു​ടെ ആ​ക്ര​മ​ണ​ത്തി​ൽ 600ൽ ​അ​ധി​കം താ​റാ​വു​ക​ളാ​ണ് ഇ​ദ്ദേ​ഹ​ത്തി​ന് ന​ഷ്ട​പ്പെ​ട്ട​ത്. നാ​ലു തൊ​ഴി​ലാ​ളി​ക​ൾ താ​റാ​വ് വ​ള​ർ​ത്ത​ലി​നും ര​ണ്ട് പേ​ർ ഹാ​ച്ച​റി​യി​ലെ സ​ഹാ​യി​ക​ളാ​യും എ​ന്നും എ​പ്പോ​ഴും നി​ഴ​ലാ​യി കൂ​ടെ​യു​ള്ള​താ​ണ് ഹാ​ച്ച​റി​യു​ടേ​യും താ​റാ​വ് വ​ള​ർ​ത്ത​ലി​നും പി​ന്നി​ലു​ള്ള ര​ഹ​സ്യം.

ഇ​തൊ​രു പോ​രാ​ട്ട​മാ​ണ്. കു​ട്ട​നാ​ടി​ന്‍റെ ത​ന​ത് ഇ​ന​ങ്ങ​ൾ അ​തു​പോ​ലെ സം​ര​ക്ഷി​ക്ക​പ്പെ​ട​ണ​മെ​ന്ന ആ​ഗ്ര​ഹ​വും താ​റാ​വ് വ​ള​ർ​ത്ത​ലി​നോ​ടു​ള്ള അ​ഭി​നി​വേ​ശ​വും ഒ​ന്നി​ച്ച് ചേ​ർ​ന്നി​രി​ക്കു​ന്ന ഷോ​ബി​ക്ക് ഇ​ട​ക്കാ​ല​ങ്ങ​ളി​ലു​ണ്ടാ​കു​ന്ന അ​പ്ര​തീ​ക്ഷി​ത ന​ഷ്ട​ങ്ങ​ൾ ക​ണ്ട് പി​ൻ​തി​രി​യാ​ൻ തോ​ന്നി​യി​ട്ടി​ല്ല.

കാ​ര​ണം ഇ​തൊ​രു പോ​രാ​ട്ട​മാ​യാ​ണ് ഷോ​ബി കാ​ണു​ന്ന​ത്. കേ​ന്ദ്ര- സം​സ്ഥാ​ന സ​ർ​ക്കാ​രു​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും ഭാ​ഗ​ത്തു​നി​ന്നും കു​റ​ച്ചു​കൂ​ടി സ​ഹാ​യ ഇ​ട​പെ​ട​ൽ ഉ​ണ്ടാ​കു​മെ​ന്നാ​ണ് ഇ​ദ്ദേ​ഹ​ത്തി​ന്‍റെ പ്ര​തീ​ക്ഷ.

ഭാ​ര്യ ഷീ​ന​യും മ​ക്ക​ളാ​യ ഷി​ബി​ൻ (ജ​ർ​മ്മ​നി), ഷി​ജോ (ബി​ടെ​ക് വി​ദ്യാ​ർ​ഥി) എ​ന്നി​വ​രും ഷോ​ബി​യു​ടെ താ​റാ​വു കൃ​ഷി​ക്കും ഹാ​ച്ച​റി​ക്കും പ്രോ​ത്സാ​ഹ​ന​വും പി​ന്തു​ണ​യാ​യി എ​പ്പോ​ഴും കൂ​ടെ​യു​ണ്ട്.

ഷോ​ബി: ഫോ​ണ്‍ 9446119432

Tags : Agriculture