ര​ണ്ടാം പി​ണ​റാ​യി സ​ർ​ക്കാ​രി​ന്‍റെ കാ​ല​ത്ത് സം​സ്ഥാ​ന​ത്തെ മൃ​ഗ​സം​ര​ക്ഷ​ണ-​ക്ഷീ​ര വി​ക​സ​ന​മേ​ഖ​ല മു​ന്നേ​റ്റ​ത്തി​ന്‍റെ പാ​ത​യി​ലാ​ണ്. ക​ർ​ഷ​കു​ടെ വീ​ട്ടു​പ​ടി​ക്ക​ൽ സേ​വ​നം, ഇ​രു​പ​ത്തി​നാ​ലു മ​ണി​ക്കൂ​റും പ്ര​വ​ർ​ത്തി​ക്കു​ന്ന മൃ​ഗാ​ശു​പ​ത്രി​ക​ൾ, സ​മ​ഗ്ര ക​ന്നു​കാ​ലി ഇ​ൻ​ഷ്വ​റ​ൻ​സ് പ​ദ്ധ​തി എ​ന്നി​വ എ​ടു​ത്തു​പ​റ​യാ​വു​ന്ന നേ​ട്ട​മാ​ണ്.

പാ​ലു​ത്പാ​ദ​ന​ക്ഷ​മ​ത​യി​ൽ സം​സ്ഥാ​നം ര​ണ്ടാം സ്ഥാ​ന​ത്ത് എ​ത്തി​യെ​ങ്കി​ലും ക്ഷീ​ര​ക​ർ​ഷ​ക​ർ തൃ​പ്ത​ര​ല്ല. ഉ​ത്പാ​ദ​ന​ച്ചെ​ല​വ് വ​ർ​ധി​ച്ച​തി​നാ​ൽ പാ​ൽ വി​ല വ​ർ​ധി​പ്പി​ക്ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം. അ​ന്താ​രാ​ഷ്ട്ര മൃ​ഗ​സം​ര​ക്ഷ​ണ ദി​ന​വും ദേ​ശീ​യ ക്ഷീ​ര ദി​ന​വും ആ​ച​രി​ക്കു​ന്ന അ​വ​സ​ര​ത്തി​ൽ മൃ​ഗ​സം​ര​ക്ഷ​ണ-​ക്ഷീ​ര വി​ക​സ​ന മ​ന്ത്രി ജെ. ​ചി​ഞ്ചു​റാ​ണി ക​ർ​ഷ​ക​ൻ മാ​സി​ക എ​ഡി​റ്റ​ർ ഇ​ൻ-​ചാ​ർ​ജ് സെ​ബി​ൻ ജോ​സ​ഫി​ന് ന​ൽ​കി​യ അ​ഭി​മു​ഖം.

സം​സ്ഥാ​ന​ത്തു മൃ​ഗ​സം​ര​ക്ഷ​ണം ഉ​റ​പ്പു​വ​രു​ത്താ​ൻ സ​ർ​ക്കാ​ർ സ്വീ​ക​രി​ച്ചി​രി​ക്കു​ന്ന പ്ര​ധാ​ന ന​ട​പ​ടി​ക​ൾ? ക​ന്നു​കാ​ലി​ക​ളു​ടെ​യും ക്ഷീ​ര​ക​ർ​ഷ​ക​രു​ടെ​യും എ​ണ്ണം കു​റ​യു​ന്നു സാ​ഹ​ച​ര്യ​ത്തി​ൽ വ​കു​പ്പ് സ്വീ​ക​രി​ച്ച ന​ട​പ​ടി​ക​ൾ?

ക​ർ​ഷ​ക​രു​ടെ ദീ​ർ​ഘ​നാ​ള​ത്തെ ആ​വ​ശ്യ​മാ​യി​രു​ന്നു വീ​ട്ടു​പ​ടി​ക്ക​ൽ സേ​വ​നം എ​ത്തി​ക്കു​ക എ​ന്ന​ത്. ഇ​തി​നാ​യി 76 ബ്ലോ​ക്ക് പ​ഞ്ചാ​യ​ത്തു​ക​ളി​ൽ മൊ​ബൈ​ൽ വെ​റ്റ​റി​ന​റി യൂ​ണി​റ്റു​ക​ൾ സ്ഥാ​പി​ച്ചു പ്ര​വ​ർ​ത്ത​നം ആ​രം​ഭി​ച്ചു.

12 ജി​ല്ലാ കേ​ന്ദ്ര​ങ്ങ​ളി​ൽ ആ​ധു​നി​ക ശ​സ്ത്ര​ക്രി​യാ സം​വി​ധാ​ന​ങ്ങ​ളോ​ടു കൂ​ടി​യ മൊ​ബൈ​ൽ സ​ർ​ജ​റി യൂ​ണി​റ്റു​ക​ൾ, 156 കേ​ന്ദ്ര​ങ്ങ​ളി​ൻ രാ​ത്രി​കാ​ല അ​ടി​യ​ന്തി​ര ചി​കി​ത്സാ സം​വി​ധാ​നം, ക​ന്നു​കു​ട്ടി പ​രി​പാ​ല​ന പ​ദ്ധ​തി, ഇ​ട​ത്ത​രം ഡ​യ​റി ഫാ​മു​ക​ൾ​ക്കാ​യി സ​മ​ഗ്ര ഫാം ​എ​യ്ഡ് പാ​ക്കേ​ജ്, 1962-കോ​ൾ സെ​ന്‍റ​ർ, 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന 31 മൃ​ഗാ​ശു​പ​ത്രി​ക​ൾ എ​ന്നി​വ ന​ട​പ്പി​ലാ​ക്കി.

ക​ർ​ഷ​ക​ർ​ക്ക് മൃ​ഗ​സം​ര​ക്ഷ​ണ വ​കു​പ്പി​ന്‍റെ ദു​ര​ന്ത​നി​വാ​ര​ണ ഫ​ണ്ടി​ൽ​നി​ന്നു ന​ൽ​കു​ന്ന ന​ഷ്ട​പ​രി​ഹാ​ര​തു​ക വ​ർ​ധി​പ്പി​ച്ചു. കൂ​ടു​ത​ൽ തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ന്ന​തി​നാ​യി ഫാം ​ലൈ​സ​ൻ​സിം​ഗ് ച​ട്ട​ങ്ങ​ൾ പ​രി​ഷ്ക​രി​ച്ചു. മൃ​ഗ​സം​ര​ക്ഷ​ണ പ്ര​വ​ർ​ത്ത​ന​ങ്ങ​ളു​ടെ എ​ല്ലാ വ​ശ​ങ്ങ​ളും ഡി​ജി​റ്റ​ലാ​യി സം​യോ​ജി​പ്പി​ക്കു​വാ​ൻ ന്ധ​ഇ-​സ​മൃ​ദ്ധ’ പ​ദ്ധ​തി, സം​രം​ഭ​ക​ത്വ വി​ക​സ​ന സെ​ൽ എ​ന്നി​വ സ്ഥാ​പി​ച്ചു.

ക​ന്നു​കാ​ലി​ക​ളു​ടെ​യും ക​ർ​ഷ​ക​രു​ട​യും എ​ണ്ണം കു​റ​ഞ്ഞു വ​രു​ന്നു എ​ന്ന​ത് ഒ​രു വ​സ്തു​ത​യാ​ണെ​ങ്കി​ലും പാ​ലു​ത്പാ​ദ​ന​ത്തി​ൽ കു​റ​വ് വ​ന്നി​ട്ടി​ല്ല. വ​കു​പ്പ് മു​ഖേ​ന ന​ട​ത്തി​യി​ട്ടു​ള്ള വി​ക​സ​ന പ്ര​വ​ർ​ത്ത​ന​ങ്ങ​ളി​ലൂ​ടെ അ​ത്യു​ത്പാ​ദ​ന ശേ​ഷി​യു​ള്ള ഒ​രു ക​ന്നു​കാ​ലി സ​ന്പ​ത്തു ന​മു​ക്കു​ണ്ട് എ​ന്ന​തി​നു​ള്ള തെ​ളി​വ് കൂ​ടി​യാ​ണ​ത്.

തെ​രു​വു​നാ​യ ശ​ല്യ​വും പേ​വി​ഷ​ബാ​ധ​യും വ​ർ​ധി​ക്കു​ന്നു. മൃ​ഗ​സം​ര​ക്ഷ​ണ വ​കു​പ്പി​ന്‍റെ അ​ആ​ഇ സെ​ന്‍റ​റു​ക​ൾ ആ​രം​ഭി​ച്ചെ​ങ്കി​ലും പൊ​തു​ജ​ന​ങ്ങ​ളു​ടെ പി​ന്തു​ണ കു​റ​വാ​ണ്. തെ​രു​വു​നാ​യ ശ​ല്യം കു​റ​യ്ക്കാ​നും പേ​വി​ഷ ബാ​ധ​ത​ട​യാ​നു​മു​ള്ള ന​ട​പ​ടി​ക​ൾ?

സം​സ്ഥാ​ന​ത്തു 2019 സെ​ൻ​സ​സ് പ്ര​കാ​രം സം​സ്ഥാ​ന​ത്തെ തെ​രു​വ് നാ​യ​ക​ളു​ടെ എ​ണ്ണം 2.89 ല​ക്ഷ​വും വീ​ട്ടി​ൽ വ​ള​ർ​ത്തു​ന്ന നാ​യ്ക്ക​ളു​ടെ എ​ണ്ണം 8.3 ല​ക്ഷ​വും ആ​ണ്. നി​ല​വി​ൽ സം​സ്ഥാ​ന​ത്ത് അ​നി​മ​ൽ വെ​ൽ​ഫെ​യ​ർ ബോ​ർ​ഡ് ഓ​ഫ് ഇ​ന്ത്യ​യു​ടെ അ​നു​മ​തി​യു​ള്ള ആ​കെ 17 എ​ബി​സി കേ​ന്ദ്ര​ങ്ങ​ൾ വ​ള​രെ ന​ല്ല രീ​തി​യി​ൽ പ്ര​വ​ർ​ത്തി​ക്കു​ന്നു​ണ്ട്.

എ​ന്നാ​ലും തെ​രു​വ് നാ​യ്ക്ക​ളെ വ​ന്ധീ​ക​രി​ക്കു​ന്ന​തി​നു​ള്ള പു​തി​യ കേ​ന്ദ്ര​ങ്ങ​ൾ സ്ഥാ​പി​ക്കു​ന്ന​തി​നു പൊ​തു​ജ​ന​ങ്ങ​ളു​ടെ എ​തി​ർ​പ്പ് പ​ല സ്ഥ​ല​ങ്ങ​ളി​ലും വ​ള​രെ​യ​ധി​കം രൂ​ക്ഷ​മാ​ണ്. ഈ ​ഒ​രു സാ​ഹ​ച​ര്യ​ത്തി​ലാ​ണ് മൃ​ഗ​സം​ര​ക്ഷ​ണ വ​കു​പ്പി​ന്‍റെ​യും ത​ദ്ദേ​ശ സ്വ​യം​ഭ​ര​ണ വ​കു​പ്പി​ന്‍റെ​യും ആ​ഭി​മു​ഖ്യ​ത്തി​ൽ പോ​ർ​ട്ട​ബി​ൾ അ​ആ​ഇ കേ​ന്ദ്ര​ങ്ങ​ൾ സ്ഥാ​പി​ക്കു​ന്ന​തി​ന് തീ​രു​മാ​നി​ച്ച​ത്.

ആ​ദ്യ​ത്തെ പോ​ർ​ട്ട​ബി​ൾ എ​ബി​സി യൂ​ണി​റ്റ് തി​രു​വ​ന​ന്ത​പു​രം ജി​ല്ല​യി​ലെ നെ​ടു​മ​ങ്ങാ​ട് മു​നി​സി​പ്പാ​ലി​റ്റി പ​രി​ധി​യി​ൽ സ്ഥാ​പി​ക്കും. ഇ​ത്ത​ര​ത്തി​ൽ ഇ​ന്ത്യ​യി​ലെ ത​ന്നെ ആ​ദ്യ​ത്തെ ഒ​രു സം​രം​ഭ​മാ​ണി​ത്. ഇ​തു​കൂ​ടാ​തെ ഉ​ത്ത​ര​വാ​ദി​ത്വ​മു​ള്ള വ​ള​ർ​ത്തു​മൃ​ഗ ഉ​ട​മ​സ്ഥാ​വ​കാ​ശം ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ൽ​നി​ന്നു ലൈ​സ​ൻ​സ് മു​ഖേ​ന നേ​ടി​യെ​ടു​ത്ത് അ​വ​യെ വ​ള​ർ​ത്തു​ക എ​ന്ന​തു ന​മ്മു​ടെ നി​ത്യ​ജീ​വി​ത​ത്തി​ന്‍റെ ഭാ​ഗ​മാ​ക്കേ​ണ്ട​താ​യി​ട്ടു​ണ്ട്.

ന​മ്മു​ടെ വീ​ടു​ക​ളി​ലെ മാ​ലി​ന്യം പൊ​തു​സ്ഥ​ല​ങ്ങ​ളി​ലേ​യ്ക്ക് വ​ലി​ച്ചെ​റി​യാ​തി​രി​ക്കു​വാ​നും അ​തു ശാ​സ്ത്രീ​യ​മാ​യി സം​സ്ക​രി​ച്ച് അ​തു​വ​ഴി അ​വ​യെ ഭ​ക്ഷ​ണ​മാ​ക്കു​ന്ന തെ​രു​വ് നാ​യ്ക്ക​ളു​ടെ വം​ശ​വ​ർ​ധ​ന​വ് ത​ട​യു​വാ​നും ഓ​രോ പൗ​ര​നും ക​ഴി​യും.

സം​സ്ഥാ​ന​ത്ത് പാ​ലു​ത്പാ​ദ​നം വ​ർ​ധി​പ്പി​ക്കാ​നും പാ​ലു​ത്പാ​ദ​ന​ത്തി​ൽ സ്വ​യം പ​ര്യാ​പ്ത​ത നേ​ടു​ന്ന​തി​നും എ​ന്തൊ​ക്കെ പ​ദ്ധ​തി​ക​ൾ ആ​വി​ഷ്ക​രി​ച്ചു?

2024-25 വ​ർ​ഷം 55.92 കോ​ടി രൂ​പ ക്ഷീ​ര​മേ​ഖ​ല​യി​ലെ വി​വി​ധ പ​ദ്ധ​തി​ക​ൾ​ക്കാ​യി ചെ​ല​വ​ഴി​ച്ചു. മു​ൻ വ​ർ​ഷ​ങ്ങ​ളി​ൽ സ​ർ​ക്കാ​രി​ൽ​നി​ന്ന് അ​നു​വ​ദി​ച്ച തു​ക​യു​ടെ 95 ശ​ത​മാ​ന​ത്തോ​ളം ക​ർ​ഷ​ക​ക്ഷേ​മ​ത്തി​നാ​യി ഉ​പ​യോ​ഗ​പ്പെ​ടു​ത്തു​വാ​ൻ ക്ഷീ​ര​വി​ക​സ​ന​വ​കു​പ്പി​ന് സാ​ധി​ച്ചി​ട്ടു​ണ്ട്.

സ​ങ്ക​ര​യി​നം പ​ശു​ക്ക​ളു​ടെ പ്ര​തി​ദി​ന പാ​ലു​ത്പാ​ദ​ന ശേ​ഷി​യി​ൽ വ​ന്ന വ​ർ​ധ​ന​വി​ലൂ​ടെ പ​ശു​ക്ക​ളു​ടെ ഉ​ൽ​പാ​ദ​ന ക്ഷ​മ​ത​യി​ൽ കേ​ര​ള​ത്തി​ന് രാ​ജ്യ​ത്ത് ര​ണ്ടാം സ്ഥാ​നം കൈ​വ​രി​ക്കാ​ൻ ക​ഴി​ഞ്ഞു (ഒ​രു പ​ശു​വി​ന് ശ​രാ​ശ​രി പ്ര​തി​ദി​നം 10.79 ലി​റ്റ​ർ).

ക​ഴി​ഞ്ഞ അ​ഞ്ചു വ​ർ​ഷ​ത്തി​നി​ട​യി​ൽ 24,000ത്തോ​ളം പു​തി​യ ഉ​രു​ക്ക​ളെ ന​മ്മു​ടെ സ്റ്റോ​ക്കി​ൽ എ​ത്തി​ക്കു​വാ​ൻ ക​ഴി​ഞ്ഞ​ത് വ​ലി​യ നേ​ട്ട​മാ​ണ്. മി​ൽ​ക്ക് ഷെ​ഡ് ഡെ​വ​ല​പ്മെ​ന്‍റ് പ്രോ​ഗ്രാം, ക്ഷീ​ര​ഗ്രാ​മം പ​ദ്ധ​തി, കി​ടാ​രി പാ​ർ​ക്ക്, ക്ഷീ​ര​ല​യം/​ക്ഷീ​ര​തീ​രം പ​ദ്ധ​തി​ക​ൾ, ബാ​ങ്ക് ഇ​ന്‍റ​റ​സ്റ്റ് സ​ബ് വെ​ൻ​ഷ​ൻ സ്കീം, ​ഇ​ടു​ക്കി സ്പെ​ഷ​ൽ പാ​ക്കേ​ജ്, ഹെ​ർ​ഡ് ക്വാ​റ​ന്‍റെെ​ൻ കം ​ക്യാ​റ്റി​ൽ ട്രേ​ഡിം​ഗ് സെ​ന്‍റ​ർ എ​ന്നി​വ ന​ട​പ്പി​ലാ​ക്കി.

ക​ന്നു​കാ​ലി, കോ​ഴി​ത്തീ​റ്റ​യു​ടെ ഗു​ണ​നി​ല​വാ​രം ഉ​റ​പ്പാ​ക്കു​ന്ന​തി​ന് തീ​റ്റ ഗു​ണ​നി​ല​വാ​ര നി​യ​മം ന​ട​പ്പാ​ക്കു​ന്ന​ത് സം​ബ​ന്ധി​ച്ച്?

കേ​ര​ള ക​ന്നു​കാ​ലി, കോ​ഴി​വ​ർ​ഗ​തീ​റ്റ, ധാ​തു​ല​വ​ണ മി​ശ്രി​തം (നി​ർ​മാ​ണ​വും, സം​ഭ​ര​ണ​വും, വി​ത​ര​ണ​വും, വി​ല്പ​ന​യും നി​യ​ന്ത്രി​ക്ക​ലും ഗു​ണ​നി​ല​വാ​രം ഉ​റ​പ്പാ​ക്ക​ലും)-​ആ​ക്ട് 2023 ന​വം​ബ​ർ 12 തീ​യ​തി​യി​ൽ ഗ​വ​ർ​ണ​ർ അം​ഗീ​ക​രി​ച്ചി​രു​ന്നു. നി​യ​മ​വു​മാ​യി ബ​ന്ധ​പ്പെ​ട്ട ക​ര​ട് ച​ട്ട​ങ്ങ​ൾ നി​ല​വി​ൽ നി​യ​മ​വ​കു​പ്പി​ന്‍റെ പ​രി​ഗ​ണ​ന​യി​ലാ​ണ്.

ക​ന്നു​കാ​ലി വ​ള​ർ​ത്ത​ൽ ലാ​ഭ​ക​ര​മ​ല്ലെ​ന്നു പ​റ​ഞ്ഞ് ക​ർ​ഷ​ക​ർ ഈ ​മേ​ഖ​ല വി​ടു​ക​യാ​ണ്. ക്ഷീ​ര ക​ർ​ഷ​ക​ർ​ക്ക് ഉ​ത്പാ​ദ​ന ചെ​ല​വ് അ​നു​സ​രി​ച്ചു​ള്ള വി​ല ല​ഭി​ക്കാ​ൻ സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ള്ള ന​ട​പ​ടി​ക​ൾ?

ക്ഷീ​ര സം​ഘ​ങ്ങ​ളി​ൽ ക​ർ​ഷ​ക​ർ ന​ൽ​കു​ന്ന പാ​ലി​ന്‍റെ വി​ല നി​ശ്ച​യി​ക്കു​ന്ന​ത് സ​ർ​ക്കാ​ർ അം​ഗീ​കാ​ര​ത്തോ​ടെ മി​ൽ​മ രൂ​പീ​ക​രി​ക്കു​ന്ന പാ​ൽ​വി​ല ചാ​ർ​ട്ട് പ്ര​കാ​ര​മാ​ണ്.

നി​ല​വി​ൽ ക​ർ​ഷ​ക​ർ​ക്ക് പാ​ൽ​വി​ല ന​ൽ​കു​ന്ന​ത് 2022 ഡി​സം​ബ​റി​ലെ വി​ല ചാ​ർ​ട്ട് പ്ര​കാ​ര​മാ​ണ്. വ​ർ​ധി​ച്ച വേ​ത​ന നി​ര​ക്കും കാ​ലി​ത്തീ​റ്റ​യു​ടെ വി​ല വ​ർ​ധ​ന​വും മ​റ്റു പ്രാ​ദേ​ശി​ക തീ​റ്റ വ​സ്തു​ക്ക​ളു​ടെ ദൗ​ർ​ല​ഭ്യ​വും കാ​ര​ണം പാ​ലു​ൽ​പാ​ദ​ന ചെ​ല​വ് വ​ർ​ധി​ച്ചു വ​രി​ക​യാ​ണ്.

ഈ ​സാ​ഹ​ച​ര്യ​ത്തി​ൽ ക്ഷീ​ര​ക​ർ​ഷ​ക​ർ ഈ ​മേ​ഖ​ല​യി​ൽ​നി​ന്നു കൊ​ഴി​ഞ്ഞു​പോ​കു​ന്ന പ്ര​വ​ണ​ത കൂ​ടി വ​രു​ന്ന​താ​യി കാ​ണു​ന്നു. കേ​ര​ള​ത്തി​ന്‍റെ ആ​ഭ്യ​ന്ത​ര പാ​ലു​ത്പാ​ദ​ന​വും ഭ​ക്ഷ്യ​സു​ര​ക്ഷ​യും സം​ര​ക്ഷി​ക്കു​ന്ന​തി​നും ക്ഷീ​ര​ക​ർ​ഷ​ക​രെ ഈ ​മേ​ഖ​ല​യി​ൽ​നി​ല​നി​ർ​ത്തു​ന്ന​തി​നും കാ​ലോ​ചി​ത​മാ​യ വി​ല വ​ർ​ധ​ന​വ് അ​നി​വാ​ര്യ​മാ​ണെ​ന്ന് ക​ർ​ഷ​ക പ്ര​തി​നി​ധി​ക​ൾ, സ​ഹ​കാ​രി​ക​ൾ, സം​രം​ഭ​ക​ർ തു​ട​ങ്ങി​യ​വ​ർ വി​വി​ധ വേ​ദി​ക​ളി​ൽ ആ​വ​ശ്യം ഉ​ന്ന​യി​ച്ചി​ട്ടു​ള്ള​താ​ണ്.

ഇ​ക്കാ​ര്യം അ​നു​ഭാ​വ​പൂ​ർ​വം പ​രി​ഗ​ണി​ക്ക​ണ​മെ​ന്ന് ക്ഷീ​ര​വി​ക​സ​ന വ​കു​പ്പ് സ​ർ​ക്കാ​രി​ന് ശു​പാ​ർ​ശ സ​മ​ർ​പ്പി​ച്ചി​ട്ടു​ള്ള​തും പാ​ൽ​വി​ല ചാ​ർ​ട്ട് പ​രി​ഷ്ക​രി​ക്കു​ന്ന​തി​നാ​യു​ള്ള ന​ട​പ​ടി​ക​ൾ​ക്കാ​യി മി​ൽ​മ​യ്ക്ക് നി​ർ​ദ്ദേ​ശം ന​ൽ​കി​യി​ട്ടു​ള്ള​തു​മാ​ണ്.

വ​നി​ത​ക​ളേ​യും യു​വാ​ക്ക​ളേ​യും ക്ഷീ​ര​മേ​ഖ​ല​യി​ലേ​ക്ക് ആ​ക​ർ​ഷി​ക്കാ​നു​ള്ള പ​ദ്ധ​തി​ക​ൾ?

യു​വ സം​രം​ഭ​ക​രെ ആ​ക​ർ​ഷി​ക്കു​വാ​ൻ​വേ​ണ്ടി പ്ര​ത്യേ​ക 10 പ​ശു യൂ​ണി​റ്റ് പ​ദ്ധ​തി​യാ​യ സ്മാ​ർ​ട്ട് ഡ​യ​റി യൂ​ണി​റ്റു​ക​ൾ (ക്ഷീ​ര​യു​വ) ന​ട​പ്പി​ലാ​ക്കി വ​രു​ന്നു. ക്ഷീ​ര​വി​ക​സ​ന വ​കു​പ്പ് ന​ട​പ്പി​ലാ​ക്കു​ന്ന ക്ഷീ​ര​ക​ർ​ഷ​ക​ർ​ക്കാ​യു​ള്ള എ​ല്ലാ പ​ദ്ധ​തി​ക​ൾ​ക്കും വ​നി​ത​ക​ൾ​ക്ക് പ്രാ​മു​ഖ്യം ല​ഭി​ക്കു​ന്ന രീ​തി​യി​ലാ​ണ് വ​കു​പ്പി​ന്‍റെ ഓ​ണ്‍​ലൈ​ൻ പോ​ർ​ട്ട​ലാ​യ ക്ഷീ​ര​ശ്രീ സം​വി​ധാ​നം ചെ​യ്തി​രി​ക്കു​ന്ന​ത്.

പാ​ലു​ത്പാ​ദ​നം വ​ർ​ധി​പ്പി​ക്കു​ന്ന​തി​ന് വേ​ണ്ടി സെ​ക്സ് സോ​ൾ​ട്ട​ഡ് സെ​മ​ൻ ടെ​ക്നോ​ള​ജി ഉ​ൾ​പ്പെ​ടെ​യു​ള്ള ആ​ധു​നി​ക സാ​ങ്കേ​തി​ക വി​ദ്യ​ക​ൾ ന​ട​പ്പി​ലാ​ക്കാ​ൻ വ​കു​പ്പ് സ്വീ​ക​രി​ക്കു​ന്ന ന​ട​പ​ടി​ക​ൾ ഏ​തൊ​ക്കെ​യാ​ണ്?

2023 ആ​ഗ​സ്റ്റി​ൽ തി​രു​വ​ന​ന്ത​പു​രം, കൊ​ല്ലം ജി​ല്ല​ക​ളി​ലാ​യി ആ​രം​ഭി​ച്ച പ​ദ്ധ​തി നി​ല​വി​ൽ എ​ല്ലാ ജി​ല്ല​ക​ളി​ലും ന​ട​പ്പി​ലാ​ക്കി വ​രു​ന്നു. ഈ ​പ​ദ്ധ​തി​യി​ലൂ​ടെ ക​ർ​ഷ​ക​രു​ടെ കൈ​വ​ശ​മു​ള്ള ഉ​ത്പാ​ദ​ന​ക്ഷ​മ​ത കൂ​ടി​യ തെ​ര​ഞ്ഞെ​ടു​ക്ക​പ്പെ​ട്ട ഉ​രു​ക്ക​ളി​ൽ വ​ർ​ധി​ച്ച ജ​നി​ത​ക​മൂ​ല്യ​മു​ള്ള ലിം​ഗ നി​ർ​ണ​യം ന​ട​ത്തി​യ ബീ​ജ​മാ​ത്ര​ക​ൾ ഉ​പ​യോ​ഗി​ച്ച് കൃ​ത്രി​മ ബീ​ജാ​ധാ​നം ന​ട​ത്തി. 90% കൃ​ത്യ​ത​യോ​ടെ പ​ശു​ക്കു​ട്ടി​ക​ളെ മാ​ത്രം ഉ​ത്പാ​ദി​പ്പി​ക്കു​ക​യും അ​തു​വ​ഴി വ​ർ​ധി​ത ഗു​ണ​മേ·​യു​ള്ള ക​ന്നു​കാ​ലി​ക​ളെ സൃ​ഷ്ടി​ക്കാ​നും സാ​ധി​ക്കും.

മൃ​ഗ​സം​ര​ക്ഷ​ണം വീ​ട്ടു​പ​ടി​ക്ക​ൽ എ​ത്തി​ക്കാ​ൻ വ​കു​പ്പ് ശ്ര​മി​ക്കു​ന്പോ​ഴും ആ​വ​ശ്യ​ത്തി​നു ജീ​വ​ന​ക്കാ​രി​ല്ലാ​ത്ത​തു പ്ര​ശ്നം സൃ​ഷ്ടി​ക്കു​ന്നി​ല്ലേ? മൃ​ഗാ​ശു​പ​ത്രി​ക​ളി​ൽ ഡോ​ക്ട​ർ​മാ​രു​ടെ ഒ​ഴി​വു​ക​ൾ സം​ബ​ന്ധി​ച്ച് ചി​ല പ​രാ​തി​ക​ൾ ഉ​ണ്ട്. ഒ​ഴി​വ് നി​ക​ത്തു​ന്ന​തി​നു വ​കു​പ്പ് സ്വീ​ക​രി​ച്ച ന​ട​പ​ടി​ക​ൾ എ​ന്തെ​ല്ലാ​മാ​ണ്?

നി​ല​വി​ൽ കേ​ന്ദ്ര​സ​ർ​ക്കാ​രി​ന്‍റെ സ​ഹാ​യ​ത്തോ​ടു​കൂ​ടി 29 മൊ​ബൈ​ൽ വെ​റ്റ​റി​ന​റി യൂ​ണി​റ്റു​ക​ളും കേ​ര​ള പു​ന​നി​ർ​മാ​ണ ഫ​ണ്ട് ഉ​പ​യോ​ഗ​പ്പെ​ടു​ത്തി സം​സ്ഥാ​ന സ​ർ​ക്കാ​ർ കൊ​ണ്ടു​വ​ന്ന 47 മൊ​ബൈ​ൽ യൂ​ണി​റ്റു​ക​ളു​മാ​യി കൂ​ടി​ച്ചേ​ർ​ത്ത് 76 ബ്ലോ​ക്കു​ക​ളി​ൽ മൊ​ബൈ​ൽ വെ​റ്റ​റി​ന​റി യൂ​ണി​റ്റു​ക​ൾ പ്ര​വ​ർ​ത്തി​ക്കു​ന്നു​ണ്ട്.

ജീ​വ​ന​ക്കാ​രെ കൃ​ത്യ​മാ​യി നി​യോ​ഗി​ക്കു​ന്ന​തി​നാ​യി ഓ​രോ ജി​ല്ല​യി​ലും ജീ​വ​ന​ക്കാ​രെ നി​യ​മി​ക്കു​ന്ന​തി​നാ​യി ന​ട​പ​ടി​ക​ൾ പൂ​ർ​ത്തീ​ക​രി​ച്ച് വെ​യി​റ്റിം​ഗ് ലി​സ്റ്റ് ഉ​ൾ​പ്പെ​ടെ ത​യാ​റാ​ക്കി​യി​ട്ടു​ണ്ട്.

മി​ൽ​മ​യും മ​റ്റു സ​ഹ​ക​ര​ണ സം​ഘ​ങ്ങ​ളും നേ​രി​ടു​ന്ന പ്ര​ധാ​ന വെ​ല്ലു​വി​ളി​ക​ൾ?

ഇ​ട​ത്ത​ട്ടു​കാ​രു​ടെ ചൂ​ഷ​ണം​കൊ​ണ്ട് ബു​ദ്ധി​മു​ട്ടി​യി​രു​ന്ന ഒ​രു ക്ഷീ​ര​ക​ർ​ഷ​ക സ​മൂ​ഹം കേ​ര​ള​ത്തി​ൽ ഉ​ണ്ടാ​യി​രു​ന്നു. അ​തി​ൽ​നി​ന്നൊ​രു മാ​റ്റം ഉ​ണ്ടാ​കു​ന്ന​ത് ഈ ​മേ​ഖ​ല​യി​ലേ​ക്കു സ​ഹ​ക​ര​ണ പ്ര​സ്ഥാ​നം ക​ട​ന്നു​വ​ന്ന​തോ​ടു കൂ​ടി​യാ​ണ്.

എ​ന്നാ​ൽ, ആ​ഗോ​ള​വ​ത്ക​ര​ണ​ത്തി​ന്‍റെ​യും ഉ​ദാ​ര​വ​ത്ക​ര​ണ​ത്തി​ന്‍റെ​യും ഈ ​കാ​ല​ഘ​ട്ട​ത്തി​ൽ ക്ഷീ​ര സ​ഹ​ക​ര​ണ പ്ര​സ്ഥാ​ന​ങ്ങ​ളും പ്ര​തി​സ​ന്ധി​ക​ൾ നേ​രി​ട്ടു​കൊ​ണ്ടി​രി​ക്കു​ക​യാ​ണ്. താ​ര​ത​മ്യേ​ന ഉ​ത്പാ​ദ​ന​ച്ചെ​ല​വു കൂ​ടി​യ കേ​ര​ള​ത്തി​ൽ ഉ​ത്പാ​ദി​പ്പി​ക്കു​ന്ന പാ​ലി​ന് അ​ന്യ​സം​സ്ഥാ​ന​ങ്ങ​ളി​ൽ​നി​ന്നു വ​രു​ന്ന വി​ല​കു​റ​ഞ്ഞ പാ​ൽ വ​ലി​യൊ​രു പ്ര​തി​സ​ന്ധി സൃ​ഷ്ടി​ക്കു​ന്നു​ണ്ട്.

ഈ ​ഒ​രു സൗ​ക​ര്യം മു​ത​ലാ​ക്കി ധാ​രാ​ളം സ്വ​കാ​ര്യ സം​രം​ഭ​ക​രും അ​ന്യ​സം​സ്ഥാ​ന​ങ്ങ​ളി​ൽ നി​ന്നു കു​റ​ഞ്ഞ വി​ല​യ്ക്ക് പാ​ൽ വാ​ങ്ങി കേ​ര​ള​ത്തി​ൽ വി​പ​ണ​നം ന​ട​ത്തു​ന്നു​ണ്ട്. ഗു​ണ​മേ·​യു​ടെ കാ​ര്യ​ത്തി​ൽ യാ​തൊ​രു ശ്ര​ദ്ധ​യും ന​ൽ​കാ​തെ​യാ​ണ് ഇ​ത്ത​ര​ത്തി​ലു​ള്ള പാ​ൽ ക​ച്ച​വ​ടം പു​രോ​ഗ​മി​ക്കു​ന്ന​ത്. മി​ക​ച്ച ലാ​ഭ​മു​ള്ള​തു​കൊ​ണ്ട്ക​ച്ച​വ​ട​ക്കാ​ർ​ക്കും ഇ​ത്ത​രം പാ​ൽ​വി​ൽ​പ​ന ന​ട​ത്തു​ന്ന​തി​ൽ താ​ല്പ​ര്യം കൂ​ടു​ത​ലാ​ണ്.

ഇ-​സ​മൃ​ദ്ധ ഉ​ൾ​പ്പെ​ടെ മൃ​ഗ​സം​ര​ക്ഷ​ണ മേ​ഖ​ല​യി​ൽ ഡി​ജി​റ്റ​ൽ​വ​ത്ക​ര​ണ​ത്തി​നു പ​ദ്ധ​തി​ക​ൾ വ​കു​പ്പ് ആ​വി​ഷ്ക​രി​ച്ചി​ട്ടു​ണ്ട്, ഇ​ത്ത​രം പ​ദ്ധ​തി​ക​ളെ​ക്കു​റി​ച്ചു വി​ശ​ദ​മാ​ക്കാ​മോ?

കേ​ര​ള​ത്തി​ലെ മൃ​ഗ​സം​ര​ക്ഷ​ണ പ്ര​വ​ർ​ത്ത​ന​ങ്ങ​ളു​ടെ എ​ല്ലാ വ​ശ​ങ്ങ​ളും ഡി​ജി​റ്റ​ലാ​യി സം​യോ​ജി​പ്പി​ക്കാ​നാ​ണ് ന്ധ​ഇ-​സ​മൃ​ദ്ധ’ പ​ദ്ധ​തി വ​ഴി ല​ക്ഷ്യ​മി​ടു​ന്ന​ത്. പൈ​ല​റ്റ് അ​ടി​സ്ഥാ​ന​ത്തി​ൽ പ​ത്ത​നം​തി​ട്ട ജി​ല്ല​യി​ൽ ന​ട​പ്പി​ലാ​ക്കി​യ ഈ ​പ​ദ്ധ​തി​യു​ടെ സേ​വ​നം എ​ല്ലാ ജി​ല്ല​ക​ളി​ലെ​യും ചി​കി​ത്സാ സ്ഥാ​പ​ന​ങ്ങ​ളി​ലേ​ക്കും വ്യാ​പി​പ്പി​ച്ചി​ട്ടു​ണ്ട്.

7.525 കോ​ടി രൂ​പ ചെ​ല​വ​ഴി​ച്ചു റീ​ബി​ൽ​ഡ് കേ​ര​ള പ​ദ്ധ​തി​യി​ൽ ഉ​ൾ​പ്പെ​ടു​ത്തി ഡി​ജി​റ്റ​ൽ യൂ​ണി​വേ​ഴ്സി​റ്റി​യു​ടെ സാ​ങ്കേ​തി​ക സ​ഹാ​യ​ത്തോ​ടു​കൂ​ടി​യാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്. മൊ​ബൈ​ൽ ആ​പ്ലി​ക്കേ​ഷ​ൻ​വ​ഴി ക​ർ​ഷ​ക​ർ​ക്കു ചി​കി​ത്സാ സേ​വ​ന​ങ്ങ​ൾ മു​ൻ​കൂ​ട്ടി ബു​ക്ക് ചെ​യ്യാ​നും ആ​രോ​ഗ്യ സ​ർ​ട്ടി​ഫി​ക്ക​റ്റു​ക​ൾ ല​ഭ്യ​മാ​ക്കാ​നും മൃ​ഗ​പ​രി​പാ​ല​ന​വു​മാ​യി ബ​ന്ധ​പ്പെ​ട്ടു​ള്ള മ​റ്റു സേ​വ​ന​ങ്ങ​ളെ​ല്ലാം​ത​ന്നെ വി​ര​ൽ​ത്തു​ന്പി​ൽ ല​ഭ്യ​മാ​ക്കാ​നും സാ​ധി​ക്കും.

അ​ടി​യ​ന്ത​ര​ഘ​ട്ട​ങ്ങ​ളി​ൽ ക​ർ​ഷ​ക​രു​ടെ വീ​ട്ടു​പ​ടി​ക്ക​ൽ ചി​കി​ത്സാ സേ​വ​നം ന​ൽ​കു​ന്ന മൊ​ബൈ​ൽ വെ​റ്റ​റി​ന​റി യൂ​ണി​റ്റു​ക​ളു​ടെ സേ​വ​ന​വും ഈ ​മൊ​ബൈ​ൽ ആ​പ്ലി​ക്കേ​ഷ​ൻ വ​ഴി ബു​ക്ക് ചെ​യ്യു​വാ​ൻ സാ​ധി​ക്കും.

മൃ​ഗ​ങ്ങ​ളി​ൽ​നി​ന്നു മ​നു​ഷ്യ​രി​ലേ​ക്കു പ​ക​രു​ന്ന ജ​ന്തു ജ​ന്യ​രോ​ഗ​ങ്ങ​ൾ വ​ർ​ധി​ച്ചു​വ​രു​ന്ന സാ​ഹ​ച​ര്യ​മു​ണ്ട്. ഈ ​ഘ​ട്ട​ത്തി​ൽ മൃ​ഗ​സം​ര​ക്ഷ​ണ വ​കു​പ്പി​നു കീ​ഴി​ൽ ജ​ന്തു​ജ​ന്യ രോ​ഗ​നി​വാ​ര​ണ​ത്തി​നു ന​ട​ത്തു​ന്ന പ്ര​വ​ർ​ത്ത​ന​ങ്ങ​ൾ വി​ശ​ദ​മാ​ക്കാ​മോ?

പ്ര​ധാ​ന​പ്പെ​ട്ട ജ​ന്തു​ജ​ന്യ​രോ​ഗ​ങ്ങ​ളാ​യ പേ​വി​ഷ​ബാ​ധ, എ​ലി​പ്പ​നി, ക്ഷ​യം, ബ്രൂ​സ​ല്ലോ സി​സ്, ആ​ന്ത്രാ​ക്സ് എ​ന്നി​വ​യു​ടെ രോ​ഗ​നി​ർ​ണ​യ​ത്തി​നു​ള്ള സൗ​ക​ര്യ​ങ്ങ​ൾ പാ​ലോ​ട് പ്ര​വ​ർ​ത്തി​ക്കു​ന്ന മൃ​ഗ​സം​ര​ക്ഷ​ണ വ​കു​പ്പി​ന്‍റെ സ്റ്റേ​റ്റ് റ​ഫ​റ​ൽ ല​ബോ​റ​ട്ട​റി​യാ​യ ട​ക​അ​ഉ -ൽ ​ല​ഭ്യ​മാ​ണ്.

പേ​വി​ഷ​ബാ​ധ രോ​ഗ നി​ർ​ണ​യ​ത്തി​നു​ള്ള സൗ​ക​ര്യം വ​കു​പ്പി​ന്‍റെ തി​രു​വ​ന​ന്ത​പു​രം, പ​ത്ത​നം​തി​ട്ട, പാ​ല​ക്കാ​ട്, ക​ണ്ണൂ​ർ എ​ന്നി​വി​ട​ങ്ങ​ളി​ലെ റീ​ജി​യ​ണ​ൽ ലാ​ബു​ക​ളി​ലും കൊ​ല്ലം ജി​ല്ലാ ലാ​ബി​ലും ല​ഭ്യ​മാ​ണ്. കൂ​ടാ​തെ ര​ണ്ടു വെ​റ്റ​റി​ന​റി കോ​ളേ​ജു​ക​ളി​ലും പേ​വി​ഷ ബാ​ധ​നി​ർ​ണ​യം ന​ട​ത്തി വ​രു​ന്നു.

വി​ഷ​ൻ 2031 എ​ന്ന ആ​ശ​യ​ത്തി​ന് സ​ർ​ക്കാ​ർ രൂ​പം ന​ൽ​കി​യി​ട്ടു​ണ്ട്. മൃ​ഗ​സം​ര​ക്ഷ​ണ മേ​ഖ​ല​യി​ൽ വി​ഷ​ൻ 2031 മാ​യി ബ​ന്ധ​പ്പെ​ട്ട് മ​ന്ത്രി​ക്കു പ​ങ്കു​വ​യ്ക്കാ​നു​ള്ള പ്ര​തീ​ക്ഷ​ക​ളും ആ​ശ​യ​ങ്ങ​ളും എ​ന്തെ​ല്ലാ​മാ​ണ്?

2031ൽ ​കേ​ര​ള​ത്തി​ലെ മൃ​ഗ​ചി​കി​ത്സ​യി​ലും ക്ഷീ​ര മേ​ഖ​ല​യി​ലും അ​ഭി​മു​ഖീ​ക​രി​ക്കേ​ണ്ടി വ​രു​ന്ന വെ​ല്ലു​വി​ളി​ക​ൾ മു​ൻ​കൂ​ട്ടി കാ​ണു​ക​യും പാ​ൽ ഉ​ത്പാ​ദ​ന​ത്തി​ലും മു​ട്ട, മാം​സം എ​ന്നി​വ​യു​ടെ ഉ​ത്പാ​ദ​ന​ത്തി​ലും സ്വ​യം പ​ര്യാ​പ്ത​മാ​യ ഒ​രു കേ​ര​ളം സാ​ധ്യ​മാ​വു​ക​യും വ​ർ​ധി​ച്ചു​വ​രു​ന്ന ജ​ന്തു​ജ​ന്യ രോ​ഗ​ങ്ങ​ളെ പ്ര​തി​രോ​ധി​ക്കു​ന്ന​തി​നു​ള്ള സ​മ​ഗ്ര​മാ​യ പ​ദ്ധ​തി​ക​ൾ ആ​വി​ഷ്ക​രി​ക്കു​ന്ന​തി​നും ല​ക്ഷ്യം വ​ച്ചു​കൊ​ണ്ടു​ള്ള ഒ​രു സ​മീ​പ​ന​രേ​ഖ ത​യാ​റാ​ക്കു​ന്ന​തി​ന് ഒ​രു സെ​മി​നാ​ർ കൊ​ല്ലം ജി​ല്ല​യി​ൽ ന​ട​ത്തു​ന്ന​തി​ന് തീ​രു​മാ​നി​ച്ചി​ട്ടു​ണ്ട്.

ഈ ​രം​ഗ​ത്തെ വി​ദ​ഗ്ധ​ർ പ​ങ്കെ​ടു​ക്കു​ന്ന ചാ​ന​ൽ ച​ർ​ച്ച​ക​ൾ വ​ഴി ഉ​രു​ത്തി​രി​യു​ന്ന ആ​ശ​യ​ങ്ങ​ൾ മി​ഷ​ൻ 2031 ന​യ സ​മീ​പ​ന രേ​ഖ​യി​ൽ ഇ​ടം പി​ടി​ക്കും. തെ​രു​വു​നാ​യ ശ​ല്യ​ത്തി​നും പേ​വി​ഷ​ബാ​ധ ത​ട​യു​ന്ന​തി​നും ശാ​ശ്വ​ത​മാ​യ പ​രി​ഹാ​രം കാ​ണാ​ൻ വി​വി​ധ വ​കു​പ്പു​ക​ളു​ടെ കൂ​ട്ടാ​യ്മ​യും പൊ​തു​ജ​ന​ങ്ങ​ളു​ടെ സ​ഹ​ക​ര​ണ​വും ആ​വ​ശ്യ​മാ​ണ്.

1962 എ​ന്ന നാ​ല​ക്ക ന​ന്പ​റി​ൽ വി​ളി​ച്ചാ​ൽ ക​ർ​ഷ​ക​രു​ടെ വീ​ട്ടു​പ​ടി​ക്ക​ൽ സേ​വ​നം എ​ത്തി​ക്കു​ന്ന​തി​ന് നി​ല​വി​ൽ സം​വി​ധാ​നം ഒ​രു​ക്കി​യി​ട്ടു​ണ്ട്, പ​ക്ഷേ ഈ ​പ​ദ്ധ​തി​യി​ൽ ക​ർ​ഷ​ക​ർ​ക്ക് സേ​വ​നം ന​ൽ​കാ​ൻ നി​ഷ്ക​ർ​ഷി​ച്ചി​രി​ക്കു​ന്ന ഫീ​സ് കൂ​ടു​ത​ലാ​ണെ​ന്ന പ​രാ​തി​യു​ണ്ട്. ക​ർ​ഷ​ക​രു​ടെ വീ​ട്ടു​പ​ടി​ക്ക​ൽ ഉ​ള്ള സേ​വ​നം പൂ​ർ​ണ​മാ​യും സൗ​ജ​ന്യ​മാ​ക്കാ​ൻ ക​ഴി​യി​ല്ലേ ?

മൊ​ബൈ​ൽ വെ​റ്റ​റി​ന​റി യൂ​ണി​റ്റു​ക​ൾ നി​ല​വി​ൽ ര​ണ്ട് ബ്ലോ​ക്കു​ക​ൾ​ക്കൊ​ന്ന് എ​ന്ന നി​ല​യ്ക്കാ​ണ് സ​ജ്ജീ​ക​രി​ച്ചി​ട്ടു​ള്ള​ത്. സ​മീ​പ​ഭാ​വി​യി​ൽ ത​ന്നെ എ​ല്ലാ ബ്ലോ​ക്കു​ക​ളി​ലും മൊ​ബൈ​ൽ വെ​റ്റ​റി​ന​റി സേ​വ​നം (ങ​ഢ​ഡ)​ല​ഭ്യ​മാ​ക്കും. അ​ടി​യ​ന്ത​ര മി​ക​ച്ച ചി​കി​ത്സാ സേ​വ​നം എ​ന്ന നി​ല​യ്ക്കാ​ണ് മൊ​ബൈ​ൽ വെ​റ്റ​റി​ന​റി യൂ​ണി​റ്റ് പ​ദ്ധ​തി ആ​രം​ഭി​ച്ചി​ട്ടു​ള്ള​ത്.

അ​ടി​യ​ന്ത​ര​മ​ല്ലാ​ത്ത സാ​ഹ​ച​ര്യ​ത്തി​ൽ മൃ​ഗ​ചി​കി​ത്സ​ക്ക് എ​ല്ലാ ഗ്രാ​മ​പ​ഞ്ചാ​യ​ത്തി​ലും മൃ​ഗ​സം​ര​ക്ഷ​ണ വ​കു​പ്പി​ന് മൃ​ഗാ​ശു​പ​ത്രി​ക​ൾ ഉ​ണ്ട്. അ​വി​ടെ സൗ​ജ​ന്യ ചി​കി​ത്സ​യാ​ണ് ന​ൽ​കു​ന്ന​ത്. മൃ​ഗാ​ശു​പ​ത്രി​യു​ടെ പ്ര​വ​ർ​ത്ത​ന സ​മ​യം രാ​വി​ലെ 9 മു​ത​ൽ വൈ​കു​ന്നേ​രം മൂ​ന്നു വ​രെ​യാ​ണ്.

ഈ ​സ​മ​യ​ത്തി​നു​ശേ​ഷം ക​ർ​ഷ​ക​രു​ടെ മൃ​ഗ​ങ്ങ​ൾ​ക്ക് അ​ടി​യ​ന്ത​ര​ചി​കി​ത്സ ന​ൽ​കേ​ണ്ട രോ​ഗ​ങ്ങ​ൾ വ​ന്നാ​ൽ എ​ത്ര​യും പെ​ട്ടെ​ന്ന് മ​രു​ന്നു​ക​ൾ സ​ഹി​തം ഡോ​ക്ട​റു​ടെ സേ​വ​നം വീ​ട്ടു​പ​ടി​ക്ക​ൽ എ​ത്തി​ക്കാ​നാ​ണ് ഈ ​പ​ദ്ധ​തി.

ക​ർ​ഷ​ക​ൻ നേ​രി​ട്ട് ഒ​രു ഡോ​ക്ട​റെ വി​ളി​ക്കു​മ്പോ​ൾ ഡോ​ക്ട​ർ ഫീ​സ്, മ​രു​ന്നി​ന്‍റെ ചെ​ല​വ്, വ​ണ്ടി വാ​ട​ക ന​ൽ​കേ​ണ്ടി​വ​രും. ആ ​ചെ​ല​വ് ക​ണ​ക്കി​ലെ​ടു​ക്കു​മ്പോ​ൾ MVU ഫീ​സ് അ​ധി​ക​മാ​ണെ​ന്ന് പ​റ​യാ​നാ​വി​ല്ല. എ​ന്നി​രു​ന്നാ​ലും ഫീ​സ് കു​റ​യ്ക്ക​ണ​മെ​ന്ന നി​ർ​ദേ​ശം ന​ൽ​കി​യി​ട്ടു​ണ്ട്.

അ​രു​മ മൃ​ഗ​ങ്ങ​ളു​ടെ ചി​കി​ത്സ​യ്ക്ക് സ​ർ​ക്കാ​ർ മൃ​ഗാ​ശു​പ​ത്രി​ക​ളി​ലും കു​റേ​ക്കൂ​ടി ആ​ധു​നി​ക​മാ​യ സൗ​ക​ര്യ​ങ്ങ​ൾ ഒ​രു​ക്കേ​ണ്ട​ത​ല്ലേ?

കോ​വി​ഡ്കാ​ല​ത്തി​നു ശേ​ഷം അ​രു​മ മൃ​ഗ​ങ്ങ​ളു​ടെ വ​ർ​ധ​ന​വ് ഉ​ണ്ടാ​യി​ട്ടു​ണ്ടെ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. മൃ​ഗാ​ശു​പ​ത്രി​ക​ളി​ൽ അ​രു​മ മൃ​ഗ​ങ്ങ​ൾ​ക്ക് ചി​കി​ത്സ ന​ൽ​കു​ന്നു​ണ്ട്. കൂ​ടാ​തെ 50ഓ​ളം വെ​റ്റ​റി​ന​റി പോ​ളി ക്ലി​നി​ക്കു​ക​ളും ജി​ല്ലാ കേ​ന്ദ്ര​ങ്ങ​ളും വ​കു​പ്പി​ലു​ണ്ട്.

കൂ​ടാ​തെ അ​ത്യാ​ധു​നി​ക സ​ജ്ജീ​ക​ര​ണ​ങ്ങ​ളോ​ടു​കൂ​ടി​യ മ​ൾ​ട്ടി സ്പെ​ഷാ​ലി​റ്റി വെ​റ്റ​റി​ന​റി​കേ​ന്ദ്രം തി​രു​വ​ന​ന്ത​പു​രം കു​ട​പ്പ​ന​ക്കു​ന്നി​ൽ പ്ര​വ​ർ​ത്തി​ക്കു​ന്നു.

Tags : J. Chinchu Rani Minister Karshakan