ക​പ്പ​ല്‍ ക​യ​റി​വ​ന്ന​തു​കൊ​ണ്ടാ​കാം കേ​ര​ള​ത്തി​ന്‍റെ ജ​ന​കീ​യ ഭ​ക്ഷ്യ വി​ഭ​വ​ത്തി​ന് ക​പ്പ​യെ​ന്നു പേ​രു വ​ന്ന​ത്. സൗ​ത്ത് അ​മേ​രി​ക്ക​യി​ലെ ബ്ര​സീ​ലി​ല്‍​നി​ന്ന് തി​രു​വി​താം​കൂ​റി​ലെ​ത്തി​യ​പ്പോ​ള്‍ ജ​ന​ങ്ങ​ള്‍ ക​പ്പ​യെ പൂ​ള​യെ​ന്നും കൊ​ള്ളി​യെ​ന്നും മ​ര​ച്ചീ​നി​യെ​ന്നു​മൊ​ക്കെ പ​ല പേ​രി​ല്‍ വി​ളി​ച്ചു.

മാ​നി​ഹോ​ട്ട് എ​സ്‌​കു​ലാ​ന്‍റ് ആ​ണ് ക​പ്പ​യു​ടെ ശാ​സ്ത്ര​നാ​മം എ​ന്നു പ​റ​ഞ്ഞാ​ല്‍ ക​പ്പ കൃ​ഷി ചെ​യ്യു​ന്ന​വ​ര്‍​ക്കും ക​പ്പ തി​ന്നു​ന്ന​വ​ര്‍​ക്കു​മൊ​ന്നും മ​ന​സി​ലാ​ക​ണ​മെ​ന്നി​ല്ല. എ​ന്താ​യാ​ലും അ​രി​യ്ക്കു ക്ഷാ​മ​മു​ണ്ടാ​യി​രു​ന്ന കാ​ല​ത്ത് കേ​ര​ളീ​യ​രു​ടെ വി​ശ​പ്പ​ക​റ്റി​യ വി​ഭ​വ​മാ​ണ് ക​പ്പ.

പു​തി​യ ത​ല​മു​റ​യ്ക്ക് ക​പ്പ പ്രി​യം കു​റ​ഞ്ഞെ​ങ്കി​ലും വി​ദേ​ശ​ങ്ങ​ളും സ്റ്റാ​ര്‍ ഹോ​ട്ട​ലു​ക​ളി​ലും ക​പ്പ തീ​റ്റ​ക്കാ​രു​ടെ എ​ണ്ണം കൂ​ടു​ക​യാ​ണ്. കേ​ര​ള​ത്തി​ല്‍ മൂ​ന്നു വ​ര്‍​ഷ​ത്തി​നു​ള്ളി​ല്‍ ക​പ്പ കൃ​ഷി വി​സ്തൃ​തി​യി​ല്‍ മു​ന്നേ​റ്റ​മു​ണ്ടെ​ന്ന​ത് ക​പ്പ പ്ര​താ​പം തി​രി​ച്ചു​വ​രു​ന്ന​തിന്‍റെ സൂ​ച​ന​യാ​കാം.

തി​രു​വി​താ​കൂ​റി​ല്‍ ദാ​രി​ദ്യ്ര​മു​ണ്ടാ​യി​രു​ന്ന കാ​ല​ത്ത് വി​ശാ​ഖം തി​രു​നാ​ള്‍ രാ​മ​വ​ര്‍​മ മ​ഹാ​രാ​ജാ​വാ​ണ് മ​ര​ച്ചീ​നി കൃ​ഷി ആ​രം​ഭി​ച്ച​തെ​ന്നാ​ണ് ച​രി​ത്രം. വ​റു​തി​യു​ടെ ആ​ക്കാ​ല​ത്ത് തി​യ​സോ​ഫി​ക്ക​ല്‍ സൊ​സൈ​റ്റി​യു​ടെ ഉ​ദ്ഘാ​ട​ന​ത്തി​നു കേ​ണ​ല്‍ ഓ​ള്‍​കോ​ട്ട് എ​ന്ന സാ​യി​പ്പ് തി​രു​വ​ന​ന്ത​പു​ര​ത്ത് എ​ത്തി​യെ​ന്നും ക്ഷാ​മം പ​രി​ഹ​രി​ക്കാ​ന്‍ മ​ര​ച്ചീ​നി കൃ​ഷി ആ​രം​ഭി​ക്കാ​ന്‍ ഓ​ള്‍​കോ​ട്ട് മ​ഹാ​രാ​ജാ​വി​നോ​ടു നി​ര്‍​ദേ​ശി​ച്ചു​വെ​ന്നു​മാ​ണ് പാ​രമ്പര്യം.

രാ​ജാ​വ് ആ​വ​ശ്യ​പ്പെ​ട്ട​ത​നുസ​രി​ച്ച് ഓ​ള്‍​കോ​ട്ട് ബ്ര​സീ​ലി​ല്‍ നി​ന്നു മ​ര​ച്ചീ​നി ക​ന്പ് എ​ത്തി​ച്ച് തി​രു​വ​ന​ന്ത​പു​ര​ത്ത് ത​രി​ശു കി​ട​ന്ന കു​ന്നി​ല്‍ ക​പ്പ ക​ന്പ് ന​ട്ടു. 1883 ജൂ​ലൈ​യി​ലാ​യി​രു​ന്നു ആ ​മ​ഹാ​സം​ഭ​വം.

അ​ന്നു ക​പ്പ ന​ട്ട ത​രി​ശി​ടം ഇ​പ്പോ​ള്‍ ന​ഗ​ര​ത്തി​ല്‍ ജ​വാ​ഹ​ര്‍ ന​ഗ​ര്‍ എ​ന്ന​റി​യ​പ്പെ​ടു​ന്നു. ജൂ​ലൈ​യി​ല്‍ മ​ര​ച്ചീ​നി കൃ​ഷി ആ​രം​ഭി​ച്ച​തിന്‍റെ ഓ​ര്‍​മ പു​തു​ക്കാ​നാ​ണ് ജൂ​ലൈ 31 മ​ര​ച്ചീ​നി​ദി​നം അ​ഥ​വാ ക​പ്പ ദി​ന​മാ​യി ആ​ച​രി​ക്കു​ന്ന​ത്.

അ​ഞ്ചു വ​ര്‍​ഷ​മേ വി​ശാ​ഖം തി​രു​നാ​ള്‍ ഭ​രി​ച്ചു​ള്ളു​വെ​ങ്കി​ലും അ​ഞ്ഞൂ​റാ​ണ്ട് ഭ​ര​ണ​ത്തി​ന്‍റെ നേ​ട്ട​മാ​ണ് ക​പ്പ സ​മ്മാ​നി​ച്ച​ത്. ക​പ്പ നാ​ട്ടി​ല്‍ ന​ന്നാ​യി വി​ള​യു​മെ​ന്നു ക​ണ്ടതോ​ടെ മ​ഹാ​രാ​ജാ​വ് ബ​ര്‍​മ എ​ന്ന മ​ല​യ​യി​ല്‍ നി​ന്നു പു​തി​യ ഇ​നം മ​ര​ച്ചീ​നി​ക​ള്‍ എ​ത്തി​ച്ചു. അ​ത്ത​ര​ത്തി​ല്‍ രു​ചി​യി​ലും വി​ള​വി​ലും തൂ​ക്ക​ത്തി​ലും വ്യ​ത്യ​സ്ത​മാ​യ ഒ​ട്ടേ​റെ ഇ​നം ക​പ്പ​ക​ള്‍ പ​ല സ്ഥ​ല​ങ്ങ​ളി​ല്‍ പ്ര​ച​രി​ച്ചു.

ഇ​ന്നു​ള്ള​തും കാ​ല​ത്തി​നു കൈ​മോ​ശം വ​ന്ന​തു​മാ​യ നൂ​റി​നം ക​പ്പ​ക​ള്‍ കേ​ര​ള​ത്തി​ലു​ണ്ടാ​യി എ​ന്ന​തും കൗ​തു​കം. വ്യ​ക്തി​ക​ളും കു​ടും​ബ​ങ്ങ​ളു​മൊ​ക്കെ പ​ല​യി​നം ക​പ്പ​ക​ള്‍ വി​ക​സി​പ്പി​ച്ച​വ​രാ​യു​ണ്ട്. ആ​മ്പ​ക്കാ​ട​ന്‍ തൊ​മ്മി, മു​ള​മൂ​ട്ടി​ല്‍ കു​ടും​ബം വ​ക മു​ള​മൂ​ട​ന്‍ വെ​ള്ള തു​ട​ങ്ങി പ​ല​യി​ന​ങ്ങ​ള്‍.

മ​ഹാ​രാ​ജാ​വി​നോ​ടു​ള്ള ക​ട​പ്പാ​ട് അ​റി​യി​ച്ച് ശീ​വി​ശാ​ഖം എ​ന്ന ഒ​രി​നം ക​പ്പ​യും കേ​ര​ള​ത്തി​ല്‍ പ്ര​ചാ​ര​ത്തി​ലു​ണ്ട്. ക​പ്പ​കൊ​ണ്ട് എ​ത്ര​യെ​ത്ര വി​ഭ​വ​ങ്ങ​ള്‍ നാം ​ക​ഴി​ക്കു​ന്നു.

ചെ​ണ്ട ക്ക​പ്പ, ക​പ്പ​പ്പു​ഴ​ക്ക് എ​ന്നി​വ കൂ​ടാ​തെ ഉ​ണ​ക്കു​ക​പ്പ​യും വെ​ള്ളു​ക​പ്പ​യും ക​പ്പ ചി​പ്‌​സു​മൊ​ക്കെ മ​ല​യാ​ളി​ക്ക് പ്രി​യം. ക​പ്പ പ​റി​ച്ച് അ​രി​ഞ്ഞു വാ​ട്ടി ഉ​ണ​ക്കു​ന്ന ക​പ്പ​വാ​ട്ട് വ​ലി​യൊ​രു കാ​ര്‍​ഷി​ക ഉ​ത്സ​വ​മാ​ണ്.

വാ​ട്ടി​യെ​ടു​ത്ത ക​പ്പ നാ​ലു​ണ​ങ്ങി​ക്ക​ഴി​ഞ്ഞാ​ല്‍ ആ​റേ​ഴു മാ​സം വീ​ട്ടി​ല്‍ ക​രു​തി​വ​ച്ച് വേ​വി​ക്കാം. ക​പ്പ​യും മീ​നും, ക​പ്പ​യും പോ​ത്തും എ​ന്ന​ത് മ​ല​യാ​ളി​ക​ളു​ടെ രു​ചി​ക്കൂ​ട്ടാ​യി ത​ല​മു​റ​ക​ള്‍ ആ​സ്വ​ദി​ക്കു​ന്നു. ലോ​ക​ത്താ​കെ ആ​റാ​യി​ര​ത്തി​ല​ധി​കം മ​ര​ച്ചീ​നി ഇ​ന​ങ്ങ​ളു​ണ്ടെ ന്നാ​ണ് ക​ണ​ക്ക്.

കൊ​ളം​ബി​യ​യി​ല്‍ പ്ര​വ​ര്‍​ത്തി​ക്കു​ന്ന അ​ന്ത​ര്‍​ദേ​ശീ​യ ഉ​ഷ്ണ​മേ​ഖ​ലാ കൃ​ഷി കേ​ന്ദ്ര​ത്തി​ലാ​ണ് ഇ​ത്ര​യേ​റെ ക​പ്പ ഇ​ന​ങ്ങ​ള്‍ സം​ര​ക്ഷി​ച്ചി​രി​ക്കു​ന്ന​ത്. ഇ​ന്ത്യ​യി​ല്‍ മ​ര​ച്ചീ​നി​യു​ടെ അം​ഗീ​കൃ​ത ജ​നി​ത​ക​ശേ​ഖ​ര സം​ഭ​ര​ണി തി​രു​വ​ന​ന്ത​പു​രം സി​ടി​സി​ആ​ര്‍​ഐ ആ​ണ്.

രാ​ജ്യ​ത്തി​ന​ക​ത്തും പു​റ​ത്തു​മു​ള്ള ആ​യി​ര​ത്തി മു​ന്നൂ​റി​ല​ധി​കം മ​ര​ച്ചീ​നി ഇ​ന​ങ്ങ​ള്‍ ഇ​വി​ടെ സം​ര​ക്ഷി​ക്കു​ന്നു​ണ്ട്.

Tags : Tapioca Agriculture