കൊച്ചേട്ടന്‍റെ കത്ത്

സ്നേ​ഹ​മു​ള്ള ഡി​സി​എ​ൽ കു​ടും​ബാം​ഗ​ങ്ങ​ളേ,

മൂ​ന്ന് ആ​റു​ക​ൾ ചേ​ർ​ന്ന് ഒ​രു പു​ഴ​യൊ​ഴു​കു​ന്ന മ​ധ്യ​കേ​ര​ള​ത്തി​ലെ ഒ​രു പ​ട്ട​ണ​ത്തി​ൽ ക​ഴി​ഞ്ഞ​ദി​വ​സം ഒ​രു സം​ഭ​വം ന​ട​ന്നു. ആ ​പു​ഴ​യു​ടെ ഓ​രം ചേ​ർ​ന്ന് അ​ല്പം ഇ​ടു​ങ്ങി​യ ഒ​രു പാ​ത​യു​ണ്ട്. വ​ലി​യ ആ​ൾ​സ​ഞ്ചാ​ര​മി​ല്ലാ​ത്ത ആ ​വ​ഴി, ന​ഗ​ര​ത്തി​ലെ കോ​ള​ജി​ലും സ്കൂ​ളു​ക​ളി​ലും പ​ഠി​ക്കു​ന്ന ചി​ല വി​ദ്യാ​ർ​ഥി​ക​ളു​ടെ​യും യു​വാ​ക്ക​ളു​ടെ​യും വി​ഹാ​ര രം​ഗ​മാ​ണ്. പ്ര​ണ​യി​ക്കു​ന്ന​വ​രും പ്ര​ണ​യം ന​ടി​ച്ച് സ​ഹ​പാ​ഠി​യെ ചൂ​ഷ​ണം ചെ​യ്യാ​ൻ ആ​ഗ്ര​ഹി​ക്കു​ന്ന​വ​രും ഇ​ണ​ക​ളാ​യി ഓ​ടി​യ​ണ​യു​ന്ന സു​ര​ക്ഷി​ത​കേ​ന്ദ്ര​മാ​യി ഈ ​വ​ഴി മാ​റി​യി​ട്ടു​ണ്ട്. സ​ഹ​പാ​ഠി​യാ​വാം, ഫേ​സ്ബു​ക്കി​ലോ ഇ​ൻ​സ്റ്റ​ഗ്രാ​മി​ലോ പ​രി​ച​യ​പ്പെ​ട്ട അ​പ​രി​ചി​ത​രാ​വാം. കു​ണു​ങ്ങി​ക്കു​ഴ​ഞ്ഞും കു​ശ​ലം​പ​റ​ഞ്ഞും പ​ല​പ്പോ​ഴും പ​ല​രു​ടെ​യും കൗ​ശ​ല​ങ്ങ​ളു​ടെ ഇ​ര​ക​ളാ​യും പ​ല ആ​ൺ​കു​ട്ടി​ക​ളും പെ​ൺ​കു​ട്ടി​ക​ളും മാ​റു​ന്ന ഒ​രി​ടം​കൂ​ടി​യാ​ണ് ​പു​ഴ​ക്ക​ര​യി​ലു​ള്ള ഈ ​പ്ര​ണ​യ​പാ​ത!

ക​ഴി​ഞ്ഞ​ദി​വ​സം ഒ​രാ​ൺ​കു​ട്ടി​യും പെ​ൺ​കു​ട്ടി​യും​കൂ​ടി ഈ ​പു​ഴ​ക്ക​ര​പ്പാ​ത​യി​ലെ ഒ​രു മ​ര​ച്ചോ​ട്ടി​ലി​രു​ന്ന്, പ്ര​ണ​യ കേ​ളി​ക​ളാ​ടു​ക​യാ​യി​രു​ന്നു. അ​പ്പോ​ൾ ഒ​രു​പ​റ്റം കൊ​ടും​വി​ഷ​മു​ള്ള കു​ള​വി​ക​ൾ പാ​ഞ്ഞു​വ​ന്ന് പെ​ൺ​കു​ട്ടി​യെ കു​ത്തോ​ടു​കു​ത്ത്‍്! നീ ​എ​ൻ ജീ​വ​നാ​ണ്, പ്രാ​ണ​നാ​ണ് എ​ന്നൊ​ക്കെ പ​റ​ഞ്ഞു​കൊ​ണ്ടി​രു​ന്ന ആ​ൺ​കു​ട്ടി പെ​ൺ​കു​ട്ടി​യെ കു​ള​വി​ക​ൾ​ക്കു കു​ത്താ​ൻ കൊ​ടു​ത്തി​ട്ട് സ്വ​ന്തം പ്രാ​ണ​നും​കൊ​ണ്ടോ​ടി ര​ക്ഷ​പ്പെ​ട്ടു! മാ​താ​പി​താ​ക്ക​ളോ അ​ധ്യാ​പ​ക​രോ അ​റി​യാ​തെ കു​ട്ടി​ക​ളി​ൽ പ​ട​രു​ന്ന ഇ​ത്ത​രം പ​ക​ർ​ച്ച​വ്യാ​ധി​ക​ൾ​ക്കു​ള്ള പ്ര​തി​രോ​ധ കു​ത്തി​വ​യ്പ്പാ​ണ് കു​ള​വി​ക​ൾ ന​ട​ത്തി​യ​ത് എ​ന്നാ​ണ് രം​ഗം ദൂ​രെ​നി​ന്നു ക​ണ്ട​വ​ർ​ക്കു തോ​ന്നി​യ​ത്.

പ്രി​യ കൂ​ട്ടു​കാ​രേ, കു​ള​വി​ക്കു​ത്തു കൊ​ണ്ട​വ​ര​ല്ല, അ​ത് ക​ണ്ട​വ​ർ ഇ​തു പ​റ​ഞ്ഞ​പ്പോ​ൾ, ഇ​ത് "കൊ​ച്ചേ​ട്ട​ന്‍റെ ക​ത്തി'​ലൂ​ടെ എ​ല്ലാ ഡി​സി​എ​ൽ കൂ​ട്ടു​കാ​രെ​യും അ​റി​യി​ക്ക​ണം എ​ന്നെ​നി​ക്കു തോ​ന്നി. എ​ന്താ​യി​രി​ക്ക​ണം ഈ ​ക​ത്തി​ന്‍റെ ത​ല​ക്കെ​ട്ട് എ​ന്നു ചി​ന്തി​ച്ചു. ര​ണ്ടു ശീ​ർ​ഷ​ക​ങ്ങ​ൾ മ​ന​സി​ൽ വ​ന്നു. "കൗ​മാ​ര​ത്തി​ന്‍റെ കൂ​ത്തും കു​ള​വി​യു​ടെ കു​ത്തും' എ​ന്ന​താ​ണ് ആ​ദ്യം​വ​ന്ന​ത്. എ​ന്നാ​ൽ, കാ​മു​ക​ൻ കാ​ലു​നാ​ലും പ​റി​ച്ചോ​ടു​ന്പോ​ൾ ഒ​റ്റ​യ്ക്കു​നി​ന്ന് നി​ല​വി​ളി​ച്ചു​കൊ​ണ്ട്, മു​ഖ​ത്തും ത​ല​യി​ലും കു​ള​വി​യു​ടെ കു​ത്തു​കൊ​ള്ളു​ന്ന ആ ​പെ​ൺ​കു​ട്ടി ഒ​രു മ​ക​ളാ​ണ​ല്ലോ എ​ന്ന് ഞാ​നോ​ർ​ത്തു. അ​പ്പോ​ൾ മ​ക​ൾ സ്കൂ​ളി​ൽ​നി​ന്നും വ​രു​ന്ന​തും​നോ​ക്കി വീ​ട്ടി​ൽ ഒ​രു പാ​വം അ​മ്മ കാ​ത്തി​രി​പ്പു​ണ്ടാ​കു​മ​ല്ലോ എ​ന്നും ഓ​ർ​ത്തു. മ​ക​ൾ​ക്ക് മു​ഖ​ത്ത് കു​ള​വി​ക്കു​ത്തു കി​ട്ടു​ന്പോ​ൾ അ​മ്മ​യു​ടെ അ​ക​ത്ത്, അ​മ്മ​യു​ടെ മ​ന​സി​ലും കു​ത്തു​ന്നു​ണ്ടാ​വു​മ​ല്ലോ. മ​ക​ളു​ടെ ച​തി​യു​ടെ​യും സ്നേ​ഹ രാ​ഹി​ത്യ​ത്തി​ന്‍റെ​യും ധി​ക്കാ​ര​ത്തി​ന്‍റെ​യും കു​ള​വി​ക​ൾ... മാ​താ​പി​താ​ക്ക​ളു​ടെ ഹൃ​ദ​യ​ത്തി​ലേ​ക്ക് എ​ന്നും ഇ​ത്ത​രം കു​ള​വി​ക​ളെ അ​യയ്​ക്കു​ന്ന മ​ക്ക​ളു​ടെ എ​ണ്ണം കൂ​ടി​വ​രി​ക​യാ​ണ് എ​ന്ന് തോ​ന്നി​പ്പോ​കു​ന്നു...

അ​തി​നാ​ൽ, "കു​ള​വി കു​ത്തി; മ​ക​ളു​ടെ മു​ഖ​ത്തും അ​മ്മ​യു​ടെ അ​ക​ത്തും' എ​ന്ന് ശീ​ർ​ഷ​കം കൊ​ടു​ക്കാ​മെ​ന്നു തീ​രു​മാ​നി​ച്ചു. നി​ങ്ങ​ൾ​ക്ക് ഏ​താ​ണ് കൂ​ടു​ത​ൽ ഉ​ചി​ത​മെ​ന്നു തോ​ന്നു​ന്ന​ത്?

കൂ​ട്ടു​കാ​രേ, കൂ​ട്ടു​കാ​ർ നി​ങ്ങ​ൾ​ക്കു വേ​ണം, ന​ല്ല സൗ​ഹൃ​ദ​ബ​ന്ധ​ങ്ങ​ൾ, സ​ഹ​പാ​ഠി​ക​ളോ​ടു​ള്ള അ​ന്ത​സു​ള്ള ഇ​ട​പെ​ട​ലു​ക​ൾ, സ​ഹ​പ്ര​വ​ർ​ത്ത​ന​ങ്ങ​ൾ എ​ല്ലാം ന​ല്ല വ്യ​ക്തി​ത്വ​വി​കാ​സ​ത്തി​ന് ആ​വ​ശ്യ​മാ​ണ്. എ​ന്നാ​ൽ, സ്വ​ന്തം നി​ല​യും വി​ല​യും മ​റ​ന്ന്, ക​ട​മ​യും ഉ​ത്ത​ര​വാ​ദി​ത്ത​ങ്ങ​ളും പ​ണ​വും ജീ​വി​ത​ല​ക്ഷ്യ​വും മ​റ​ന്ന് മാ​താ​പി​താ​ക്ക​ള​റി​യാ​തെ ച​ങ്ങാ​തി​ക്കെ​ണി​ക​ളി​ൽ സ്വ​യം കു​രു​ക്കി​യി​ടു​ന്ന​വ​ർ​ക്ക് പ്ര​തി​രോ​ധ​കു​ത്തി​വ​യ്പു​ക​ൾ ന​ൽ​കാ​ൻ ചി​ല​പ്പോ​ൾ ദൈ​വം​ത​ന്നെ വി​ഷ​ക്കു​ള​വി​ക​ളെ പ​റ​ഞ്ഞു​വി​ട്ടെ​ന്നു​വ​രും!

ന​മു​ക്ക് ഈ ​ജീ​വി​തം​ത​ന്ന​ത് ദൈ​വ​മാ​ണ്. മാ​താ​പി​താ​ക്ക​ളി​ലും അ​ധ്യാ​പ​ക​രി​ലും​കൂ​ടി​യാ​ണ് ഈ ​ദൈ​വം ന​മു​ക്കു പ്ര​ത്യ​ക്ഷ​പ്പെ​ടു​ന്ന​ത്. അ​തി​നാ​ൽ, മാ​താ​പി​താ​ക്ക​ളു​ടെ വി​യ​ർ​പ്പി​ന്‍റെ വി​ല​യു​ണ്ടു വ​ള​രു​ന്ന മ​ക്ക​ളാ​രും അ​വ​ര​റി​യാ​തെ സ്വ​കാ​ര്യ​ബ​ന്ധ​ങ്ങ​ളും സൗ​ഹൃ​ദ​ങ്ങ​ളും സൂ​ക്ഷി​ക്കു​ന്ന​ത് എ​ങ്ങ​നെ ശ​രി​യാ​കും? മാ​താ​പി​താ​ക്ക​ളറി​യാ​ത്ത യാ​ത്ര​ക​ളും അ​പ​ക​ടം വ​രു​ത്തും. അ​തി​നാ​ൽ, ക​ള്ളം​വെ​ടി​യാം, ഉ​ള്ളം വെ​ടി​പ്പാ​ക്കാം. കു​ള​വി​ക്കൂ​ടു​ക​ളി​ലേ​ക്ക് വി​നോ​ദ​യാ​ത്ര വേ​ണ്ട.

ആ​ശം​സ​ക​ളോ​ടെ,

സ്വ​ന്തം കൊ​ച്ചേ​ട്ട​ൻ

Tags : DCL