കൊച്ചേട്ടന്‍റെ കത്ത്

സ്നേ​ഹ​മു​ള്ള ഡി​സി​എ​ൽ കൂ​ട്ടു​കാ​രേ,

ഒ​രു ദി​വ​സം അ​തി​സ​ന്പ​ന്ന​നാ​യ ഒ​രു മ​നു​ഷ്യ​ൻ റോ​ഡി​ലൂ​ടെ ന​ട​ക്കു​ന്പോ​ൾ, ഒ​രു ഭി​ക്ഷ​ക്കാ​ര​നെ ക​ണ്ടു. അ​ടു​ത്തു​ചെ​ന്ന് അ‍​യാ​ളോ​ടു ചോ​ദി​ച്ചു, ""നീ ​എ​ങ്ങ​നെ​യാ​ണ് ഒ​രു ഭി​ക്ഷ​ക്കാ​ര​നാ​യ​ത്?'' ഭി​ക്ഷ​ക്കാ​ര​ൻ പ​റ​ഞ്ഞു, ""ഒ​രു ജോ​ലി​ക്കു വേ​ണ്ടി ഞാ​ൻ അ​ല​യാ​ത്ത ഇ​ട​മി​ല്ല, മു​ട്ടാ​ത്ത വാ​തി​ലു​ക​ളി​ല്ല, ഒ​ന്നും കി​ട്ടാ​തെ​യാ​യ​പ്പോ​ൾ, പി​ച്ച തെ​ണ്ടു​ക​യ​ല്ലാ​തെ മ​റ്റു വ​ഴി​യി​ല്ലാ​തെ വ​ന്നു. താ​ങ്ക​ൾ എ​നി​ക്ക് ഒ​രു ജോ​ലി ത​ന്നാ​ൽ, ഞാ​ൻ ഭി​ക്ഷാ​ട​നം നി​ർ​ത്തി​ക്കോ​ളാം!''

അ​പ്പോ​ൾ ആ ​ധ​നി​ക​ൻ പ​റ​ഞ്ഞു, ""ഞാ​ൻ നി​ന്നെ എ​ന്‍റെ ബി​സി​ന​സ് പാ​ർ​ട്ണ​ർ ആ​ക്കാം. ന​മു​ക്ക് ഒ​രു​മി​ച്ചു വ​ള​രാം.'' ഭി​ക്ഷ​ക്കാ​ര​ന്‍റെ ഹൃ​ദ​യം നി​ശ്ച​ല​മാ​യ​തു​പോ​ലെ തോ​ന്നി! ഒ​രു​തു​ള്ളി വെ​ള്ളം കൊ​തി​ച്ച​വ​ന് ഒ​രു കി​ണ​ർ​ത​ന്നെ കി​ട്ടി​യ അ​നു​ഭ​വം! ധ​ന​വാ​ൻ പ​റ​ഞ്ഞു, ""എ​നി​ക്ക് ധാ​രാ​ളം നെ​ൽ​വ​യ​ൽ ഉ​ണ്ട്. ഞാ​ൻ ഓ​രോ ദി​വ​സ​വും ലോ​റി​യി​ൽ നി​റ​യെ ധാ​ന്യം നി​ന​ക്കു ത​രാം. നീ ​അ​തു കൊ​ണ്ടു​പോ​യി വി​റ്റാ​ൽ മ​തി. മാ​സാ​വ​സാ​നം ന​മു​ക്ക് ലാ​ഭം വീ​തി​ച്ചെ​ടു​ക്കാം.'' ഭി​ക്ഷ​ക്കാ​ര​ൻ അ​കാം​ക്ഷ​യോ​ടെ ചോ​ദി​ച്ചു. ""എ​നി​ക്ക് എ​ത്ര ശ​ത​മാ​നം ലാ​ഭ​വി​ഹി​ത​മാ​ണ് അ​ങ്ങ് ത​രു​ന്ന​ത്. പ​ത്തോ, അ​തോ അ​ഞ്ചു ശ​ത​മാ​ന​മോ?'' അ​പ്പോ​ഴും ധ​ന​വാ​ൻ ഭി​ക്ഷ​ക്കാ​ര​നെ ഞെ​ട്ടി​ച്ചു. ""ഞാ​ൻ 90 ശ​ത​മാ​നം നി​ന​ക്കു ത​രും. എ​നി​ക്ക് 10 ശ​ത​മാ​നം മ​തി.'' ഭി​ക്ഷ​ക്കാ​ര​ൻ ആ​ന​ന്ദാ​തി​രേ​ക​ത്താ​ൽ ധ​ന​വാ​ന്‍റെ മു​ന്നി​ൽ മു​ട്ടു​കു​ത്തി, പാ​ദം തൊ​ട്ടു​മു​ത്തി​ക്ക​ര​ഞ്ഞു.

ധ​ന​വാ​ൻ പ​റ​ഞ്ഞ​തു​പോ​ലെ​ത​ന്നെ ചെ​യ്തു. പി​റ്റേ​ദി​വ​സം​ത​ന്നെ ന​ല്ല വ​സ്ത്ര​ങ്ങ​ൾ വാ​ങ്ങി ന​ൽ​കി. ഒ​പ്പം ലോ​റി​ക്ക​ണ​ക്കി​ന് ധാ​ന്യ​ങ്ങ​ളും. ഓ​രോ ദി​വ​സം ക​ഴി​യും​തോ​റും ഭി​ക്ഷ​ക്കാ​ര​ന്‍റെ അ​വ​സ്ഥ മാ​റി​വ​ന്നു. അ​യാ​ളു​ടെ പ​ക്ക​ൽ പ​ണം കു​ന്നു​കൂ​ടി. അ​യാ​ൾ ആ​ഹ്ലാ​ദ​നൃ​ത്തം ച​വി​ട്ടി! മാ​സാ​വ​സാ​ന​മാ​യി. ഭി​ക്ഷ​ക്കാ​ര​നാ​യി​രു​ന്ന​യാ​ൾ കി​ട്ടി​യ പ​ണ​മെ​ല്ലാം കൂ​ട്ടി​വ​ച്ചു. ധ​ന​വാ​ൻ ത​ന്‍റെ 10 ശ​ത​മാ​നം വി​ഹി​തം വാ​ങ്ങാ​ൻ വ​ന്നു. അ​പ്പോ​ൾ ന​മ്മു​ടെ മു​ൻ​ഭി​ക്ഷ​ക്കാ​ര​ന്‍റെ മ​ന​സി​ൽ ആ​ർ​ത്തി​യും അ​ഹ​ന്ത​യും കു​ന്നു​കൂ​ടി. അ​യാ​ൾ ഇ​ങ്ങ​നെ ചി​ന്തി​ച്ചു.

""ഞാ​ന​ല്ലേ, രാ​പ​ക​ൽ അ​ധ്വാ​നി​ച്ച​ത്, മു​ത​ലാ​ളി ഒ​ന്നും അ​റി​ഞ്ഞി​ട്ടേ​യി​ല്ല. എ​ന്‍റെ വി​യ​ർ​പ്പ്, എ​ന്‍റെ കി​ത​പ്പ്, അ​തി​നാ​ൽ മു​ത​ലാ​ളി​ക്ക് 10 ശ​ത​മാ​ന​മെ​ന്ന​ല്ല, ഒ​ന്നും കൊ​ടു​ക്കേ​ണ്ട ആ​വ​ശ്യ​മി​ല്ല.'' ആ ​ധ​ന​വാ​ൻ വ​ന്ന് അ​വ​ന്‍റെ വാ​തി​ലി​ൽ മു​ട്ടി​ക്കൊ​ണ്ടി​രു​ന്നു. എ​ന്നാ​ൽ, അ​യാ​ൾ വാ​തി​ൽ തു​റ​ന്നി​ല്ല!

പ്രി​യ കൂ​ട്ടു​കാ​രേ, ന​മ്മ​ളും പ​ല​പ്പോ​ഴും ഇ​ങ്ങ​നെ​യാ​ണ്. 2026 എ​ന്ന ഒ​രു പു​തു​വ​ർ​ഷ​ത്തി​ലേ​ക്ക് ന​മ്മ​ൾ ക​ട​ന്നു​ക​ഴി​ഞ്ഞു. ന​മ്മ​ൾ എ​ങ്ങ​നെ ഇ​തു​പോ​ലെ വ​ള​ർ​ന്നു, ന​മ്മ​ൾ എ​ങ്ങ​നെ ഇ​ന്നു​വ​രെ എ​ത്തി എ​ന്നു ചി​ന്തി​ച്ചാ​ൽ ഈ ​ക​ഥ​യു​ടെ പൊ​രു​ൾ ഉ​ള്ളി​ൽ തെ​ളി​യും!

ഈ ​ഭൂ​മി​യി​ലേ​ക്കു മ​നു​ഷ്യ​രാ​യി പി​റ​ന്ന​പ്പോ​ൾ ന​മ്മ​ളും ആ ​പി​ച്ച​ക്കാ​ര​നെ​പ്പോ​ലെ​ത​ന്നെ സ്വ​ന്ത​മാ​യി ഒ​ന്നു​മി​ല്ലാ​ത്ത​വ​രാ​യി​രു​ന്നു. പൂ​ർ​ണ​മാ​യി മ​റ്റു​ള്ള​വ​രെ ആ​ശ്ര​യി​ക്കേ​ണ്ട​വ​രു​മാ​യി​രു​ന്നു. ന​മ്മ​ൾ വീ​ണ​പ്പോ​ൾ കൈ​പി​ടി​ച്ച് എ​ണീ​ൽ​പ്പി​ച്ച​തും ആ​വ​ശ്യ​ങ്ങ​ൾ വ​ന്ന​പ്പോ​ൾ ന​മ്മു​ടെ കൈ​നി​റ​ച്ചു ന​ൽ​കി ന​മ്മെ വ​ള​രാ​ൻ സ​ഹാ​യി​ച്ച​തും ന​മ്മു​ടെ സൃ​ഷ്ടാ​വാ​യ ന​ല്ല ദൈ​വ​മാ​ണ്! ന​മ്മു​ടെ സ്നേ​ഹ​സ​ന്പ​ന്ന​രാ​യ മാ​താ​പി​താ​ക്ക​ളി​ലൂ​ടെ​യും സ​ഹോ​ദ​ര​ങ്ങ​ളി​ലൂ​ടെ​യും അ​ധ്യാ​പ​ക​രി​ലൂ​ടെ​യും കൂ​ട്ടു​കാ​ര​നി​ലൂ​ടെ​യു​മാ​ണ് ദൈ​വം കാ​ലാ​കാ​ല​ങ്ങ​ളി​ൽ ന​മ്മെ പ​രി​പാ​ലി​ച്ചു വ​ള​ർ​ത്തി​യ​ത്! ഇ​ന്നു ന​മ്മ​ൾ​ക്കു​ണ്ട് എ​ന്ന് ന​മ്മ​ൾ അ​ഭി​മാ​നി​ക്കു​ന്ന ന​മ്മു​ടെ ജീ​വ​ൻ, ന​മ്മു​ടെ വി​ശ്വാ​സം, സ്വ​ഭാ​വം, ജീ​വി​ത മൂ​ല്യ​ങ്ങ​ൾ, ന​മ്മ​ൾ സ്വ​ന്ത​മാ​ക്കി​യ നേ​ട്ട​ങ്ങ​ൾ, അ​റി​വ്, വി​പു​ല​മാ​യ സൗ​ഹൃ​ദ​വ​ല​യം എ​ല്ലാം ന​മു​ക്കെ​ങ്ങ​നെ കി​ട്ടി? എ​ല്ലാം ന​മ്മ​ൾ ഉ​ണ്ടാ​ക്കി​യ​താ​ണോ? ന​മ്മു​ടെ ഈ ​ശ​രീ​രം, സു​ന്ദ​ര​മാ​യ മു​ഖം, വി​ട​ർ​ന്ന മി​ഴി​ക​ൾ, തു​റ​ന്ന പു​ഞ്ചി​രി, ന​മ്മു​ടെ വി​വി​ധ ക​ഴി​വു​ക​ൾ, എ​ല്ലാം ദൈ​വം ഈ ​മ​ർ​ത്ത്യ​ജ​ന്മം ന​മു​ക്കു ന​ൽ​കി​യ​തു​കൊ​ണ്ടു മാ​ത്ര​മ​ല്ലേ?

അ​തെ കൂ​ട്ടു​കാ​രേ, ന​മ്മെ നാ​മാ​ക്കാ​ൻ‌ ദൈ​വ​ത്തി​ന്‍റെ പ്ര​തി​നി​ധി​ക​ളാ​യി ന​മ്മു​ടെ ജീ​വി​ത​ത്തി​ലേ​ക്കു വ​ന്ന​വ​രെ ന​മ്മ​ൾ മ​റ​ക്ക​രു​ത്. അ​വ​രി​ലൂ​ടെ ല​ഭി​ച്ച​തെ​ല്ലാം ന​മ്മ​ൾ എ​ന്നും സ്മ​രി​ക്ക​ണം. പു​തു​വ​ത്സ​ര​ത്തി​ൽ ന​മ്മു​ടെ ജീ​വി​ത​ത്തി​ന്‍റെ പ​ത്തു​ശ​ത​മാ​നം ന​മു​ക്കു മ​റ്റു​ള്ള​വ​ർ​ക്കാ​യി മാ​റ്റി​വ​യ്ക്കാം. അ​ങ്ങ​നെ, ദൈ​വ​ത്തി​ന് എ​ന്നും ന​ന്ദി പ്ര​ക​ടി​പ്പി​ച്ച് ജീ​വി​ക്കാം. ഏ​വ​ർ​ക്കും പു​തു​വ​ത്സ​രാ​ശം​സ​ക​ൾ,

സ്വ​ന്തം കൊ​ച്ചേ​ട്ട​ൻ

Tags : DCL