അ​ന്യ​ഗ്ര​ഹ ജീ​വി​ക​ളു​ടെ ക​ഥ​പ​റ​യു​ന്ന നി​ര​വ​ധി ചി​ത്ര​ങ്ങ​ളാ​ണ് ഹോ​ളി​വു​ഡി​ല്‍ ഇ​റ​ങ്ങി​യി​ട്ടു​ള്ള​ത്. ഇ​തി​ല്‍ പ​ല​തി​ന്‍റെ​യും പ്ര​മേ​യം ഈ ​ജീ​വി​ക​ള്‍ ഭൂ​മി​യെ ല​ക്ഷ്യ​മാ​ക്കി നീ​ങ്ങു​ന്ന​തും അ​മേ​രി​ക്ക​യി​ലെ​ത്തു​ന്ന​തു​മാ​ണ്. അ​മേ​രി​ക്ക​യി​ലെ നെ​വാ​ഡ​യി​ലു​ള്ള ഏ​രി​യ 51ല്‍ ​അ​ന്യ​ഗ്ര​ഹ ജീ​വി​ക​ളു​ടെ എ​യ​ര്‍ ബേ​സ് ഉ​ണ്ടെ​ന്ന് വി​ശ്വ​സി​ക്കു​ന്ന​വ​രും കു​റ​വ​ല്ല.

അ​ന്യ​ഗ്ര​ഹ​ജീ​വി​ക​ളെ​യും പ​റ​ക്കും ത​ളി​ക​യെ​യും ക​ണ്ട​താ​യു​ള്ള വാ​ര്‍​ത്ത​ക​ള്‍ ലോ​ക​ത്തി​ന്‍റെ പ​ല ഭാ​ഗ​ങ്ങ​ളി​ല്‍ നി​ന്നും വ​രാ​റു​ണ്ട്. ഇ​ന്ത്യ​യി​ലു​മു​ണ്ട് ഇ​ത്ത​ര​ത്തി​ലു​ള്ള ഒ​രു പ്ര​ദേ​ശം. അ​താ​ണ് കി​ഴ​ക്ക​ന്‍ ല​ഡാ​ക്കി​നും അ​ക്സാ​യ് ചി​നി​നും (ചൈ​നീ​സ് അ​ധി​നി​വേ​ശ കാ​ഷ്മീ​ര്‍) ഇ​ട​യി​ല്‍ കാ​റ​ക്കോ​റം മ​ല​നി​ര​ക​ളു​ടെ ഭാ​ഗ​മാ​യി സ്ഥി​തി ചെ​യ്യു​ന്ന കോ​ങ്ക ലാ ​പാ​സ്. ഇ​ന്ത്യ​യും ചൈ​ന​യും ത​മ്മി​ലു​ള്ള ത​ര്‍​ക്ക​പ്ര​ദേ​ശ​മാ​യ യ​ഥാ​ര്‍​ഥ നി​യ​ന്ത്ര​ണ രേ​ഖ(Line of Actual Control - LAC)യി​ലാ​ണി​ത്.

1956ല്‍ ​ചൈ​ന പ്ര​സി​ദ്ധീ​ക​രി​ച്ച ഒ​രു ഭൂ​പ​ട​ത്തി​ല്‍, ചാ​ങ് ചെ​ന്‍​മോ താ​ഴ്‌​വ​ര​യി​ലെ കോ​ങ്ക പാ​സി​നെ ത​ങ്ങ​ളു​ടെ അ​തി​ര്‍​ത്തി​യാ​യി അ​വ​ര്‍ രേ​ഖ​പ്പെ​ടു​ത്തു​ക​യാ​യി​രു​ന്നു. 1959ഓ​ടെ ചൈ​നീ​സ് പ്ര​ധാ​ന​മ​ന്ത്രി​യാ​യി​രു​ന്ന ചൗ ​എ​ന്‍​ലാ​യ് ഇ​താ​ണ് ത​ങ്ങ​ളു​ടെ "പ​ര​മ്പ​രാ​ഗ​ത​മാ​യു​ള്ള അ​തി​ര്‍​ത്തി’ എ​ന്ന് പ്ര​ഖ്യാ​പി​ക്കു​ക​യും ചെ​യ്തു. ഇ​ന്ത്യ​യു​ടെ താ​ല്‍​പ​ര്യ​ങ്ങ​ള്‍​ക്ക് തീ​ര്‍​ത്തും വി​രു​ദ്ധ​മാ​യി​രു​ന്നു ഇ​ത്.

1959ലെ ​കോ​ങ്ക ലാ ​സം​ഭ​വം ഇ​ന്ത്യ​ന്‍ സ്വാ​ത​ന്ത്ര്യാ​ന​ന്ത​ര ച​രി​ത്ര​ത്തി​ലെ ഒ​രു ക​റു​ത്ത ഏ​ടാ​യി. അ​തി​ര്‍​ത്തി​യി​ല്‍ പോ​സ്റ്റു​ക​ള്‍ സ്ഥാ​പി​ക്കാ​നാ​യി പോ​യ ഒ​രു ഇ​ന്ത്യ​ന്‍ പോ​ലീ​സ് പ​ട്രോ​ളിം​ഗ് സം​ഘ​ത്തി​നു നേ​രെ കോ​ങ്ക ലാ ​പാ​സി​ന​ടു​ത്തു​വ​ച്ച് യാ​തൊ​രു പ്ര​കോ​പ​ന​വു​മി​ല്ലാ​തെ ചൈ​നീ​സ് സൈ​ന്യം വെ​ടി​യു​തി​ര്‍​ത്തു. ഈ ​ഏ​റ്റു​മു​ട്ട​ലി​ല്‍ 10 ഇ​ന്ത്യ​ന്‍ പോ​ലീ​സു​കാ​ര്‍​ക്കാ​ണ് ജീ​വ​ന്‍ ന​ഷ്ട​മാ​യ​ത്.

മ​റ്റു ചി​ല​രെ ചൈ​ന ത​ട​വി​ലു​മാ​ക്കി. ഒ​രു ചൈ​നീ​സ് സൈ​നി​ക​നും കൊ​ല്ല​പ്പെ​ട്ടു. ഈ ​സം​ഭ​വ​മാ​ണ് 1962ലെ ​ഇ​ന്തോ-​ചൈ​ന യു​ദ്ധ​ത്തി​ലേ​ക്ക് കാ​ര്യ​ങ്ങ​ള്‍ കൊ​ണ്ടെ​ത്തി​ച്ച​ത്. ഈ ​യു​ദ്ധ​ത്തി​ല്‍ വ​ട​ക്ക​ന്‍ പ്ര​ദേ​ശം(​അ​ക്സാ​യ് ചി​ന്‍) ചൈ​ന പി​ടി​ച്ചെ​ടു​ക്കു​ക​യു​മാ​യി​രു​ന്നു.

1959ലെ ​ര​ക്ത​രൂ​ക്ഷി​ത സം​ഭ​വ​വും 1962ലെ ​യു​ദ്ധ​വും കോ​ങ്ക ലാ ​പാ​സി​നെ ഒ​രു സ​ങ്കീ​ര്‍​ണ​മാ​യ നി​യ​ന്ത്ര​ണ രേ​ഖ​യാ​ക്കി മാ​റ്റി. എ​ന്നാ​ല്‍ ഇ​ന്ന് ഒ​രു നി​ഗൂ​ഢ​കേ​ന്ദ്രം എ​ന്ന നി​ല​യി​ല്‍​കൂ​ടി​യാ​ണ് ഈ ​പ്ര​ദേ​ശം വാ​ര്‍​ത്ത​ക​ളി​ല്‍ ഇ​ടം​പി​ടി​ക്കു​ന്ന​ത്. ആ​ദ്യം പ​റ​ഞ്ഞ​തു പോ​ലെ, ഇ​വി​ടം അ​ന്യ​ഗ്ര​ഹ​ജീ​വി​ക​ളു​ടെ കേ​ന്ദ്ര​മാ​ണെ​ന്നും പ​റ​ക്കും ത​ളി​ക​ക​ള്‍ (UFOs) ഈ ​പ്ര​ദേ​ശ​ത്ത് കാ​ണാ​റു​ണ്ടെ​ന്നു​മാ​ണ് പ​റ​യ​പ്പെ​ടു​ന്ന​ത്.

ഇ​ന്ത്യ​യു​ടെ "ഏ​രി​യ 51’ എ​ന്നും ഈ ​സ്ഥ​ല​ത്തെ വി​ശേ​ഷി​പ്പി​ക്കാ​റു​ണ്ട്. ത​ദ്ദേ​ശീ​യ​രും ഇ​വി​ടെ ജോ​ലി ചെ​യ്യു​ന്ന സൈ​നി​ക​രും വി​ചി​ത്ര​മാ​യ പ്ര​കാ​ശ​ങ്ങ​ളും പ​റ​ക്കും​ത​ളി​ക​ക​ളും ഇ​വി​ടെ ക​ണ്ടി​ട്ടു​ള്ള​താ​യി അ​വ​കാ​ശ​വാ​ദ​ങ്ങ​ളു​മു​ണ്ട്. പ​ര്‍​വ​ത​ങ്ങ​ളു​ടെ ഉ​ള്‍​ഭാ​ഗ​ത്ത് അ​ന്യ​ഗ്ര​ഹ​ജീ​വി​ക​ളു​ടെ ര​ഹ​സ്യ​കേ​ന്ദ്ര​ങ്ങ​ളു​ള്ള​താ​യാ​ണ് ല​ഡാ​ക്കി ഗ്രാ​മീ​ണ​ര്‍ വി​ശ്വ​സി​ക്കു​ന്ന​ത്.

ഈ ​വ​ഴി ക​ട​ന്നു പോ​യി​ട്ടു​ള്ള കൈ​ലാ​സ​മാ​ന​സ സ​രോ​വ​ര്‍ തീ​ര്‍​ഥാ​ട​ക​രി​ല്‍ പ​ല​രും ത​ങ്ങ​ള്‍ പ​റ​ക്കും ത​ളി​ക ക​ണ്ട​താ​യി അ​വ​കാ​ശ​പ്പെ​ടാ​റു​മു​ണ്ട്.

അ​തേ​സ​മ​യം ത​ദ്ദേ​ശീ​യ​രാ​യ ജ​ന​ത ഇ​ത് വി​ശു​ദ്ധ​മാ​യ ഒ​രു കാ​ര്യ​മാ​യാ​ണ് കാ​ണു​ന്ന​ത്. പ്രാ​ചീ​ന ടി​ബ​റ്റ​ന്‍-​ല​ഡാ​ക്കി ഐ​തി​ഹ്യ​ങ്ങ​ള​നു​സ​രി​ച്ച് ഉ​യ​ര്‍​ന്ന പ​ര്‍​വ​ത​ങ്ങ​ളു​ടെ മു​ക​ളി​ല്‍ താ​മ​സി​ക്കു​ന്ന അ​സാ​ധാ​ര​ണ ക​ഴി​വു​ക​ളു​ള്ള ആ​ളു​ക​ളാ​ണി​വ​രെ​ന്നും അ​പൂ​ര്‍​വ​മാ​യി മാ​ത്ര​മാ​ണ് അ​വ​ര്‍ മ​നു​ഷ്യ​ര്‍​ക്കു മു​മ്പി​ല്‍ പ്ര​ത്യ​ക്ഷ​പ്പെ​ടു​ന്ന​തെ​ന്നു​മാ​ണ് വി​ശ്വാ​സം. അ​തേ​സ​മ​യം ചി​ല ബു​ദ്ധ സ​ന്ന്യാ​സി​മാ​രു​ടെ വി​ശ്വാ​സ​മ​നു​സ​രി​ച്ച് ഇ​ത്ത​രം പ്ര​കാ​ശ​ങ്ങ​ള്‍ ദൈ​വ​ത്തി​ന്‍റെ ഊ​ര്‍​ജ​മാ​ണ്.

ഐ​തി​ഹ്യ​ങ്ങ​ള്‍ ധാ​രാ​ള​മു​ണ്ടെ​ങ്കി​ലും ഭൂ​മി​ശാ​സ്ത്ര​പ​ര​മാ​യ ചി​ല പ്ര​ത്യേ​ക​ത​ക​ളാ​ണ് ഇ​ത്ത​രം പ്ര​കാ​ശ​ങ്ങ​ള്‍​ക്ക് കാ​ര​ണ​മെ​ന്നാ​ണ് ശാ​സ്ത്ര​കാ​ര​ന്മാ​രു​ടെ വി​ശ​ദീ​ക​ര​ണം. ഭൗ​മ​പ​ര​മാ​യും പ്ര​തി​രോ​ധ​പ​ര​മാ​യും ത​ന്ത്ര​പ്ര​ധാ​ന പ്ര​ദേ​ശ​മാ​യ​തി​നാ​ല്‍ പ്ര​ത്യേ​ക അ​നു​മ​തി​യോ​ടു കൂ​ടി മാ​ത്ര​മേ ഇ​വി​ടെ സാ​ധാ​ര​ണ​ക്കാ​ര്‍​ക്ക് പ്ര​വേ​ശ​നം സാ​ധ്യ​മാ​വൂ.

അ​ജി​ത് ജി. ​നാ​യ​ർ

Tags : Sunday deepika