ത​ലേ​ന്നാ​യി​രു​ന്നു ക്രി​സ്മ​സ്. രാ​വി​ലെ ഏ​ഴി​ന് ഏ​റ്റു​മാ​നൂ​രി​ൽ​നി​ന്നു ക​ണ്ണൂ​രി​ലേ​ക്കു​ള്ള ബ​സി​ൽ ക​യ​റി​യ​പ്പോ​ൾ​മു​ത​ൽ വ​ഴി​യി​ലെ​ങ്ങും കെ​ടു​ത്താ​ൻ വൈ​കി​യ ന​ക്ഷ​ത്ര​ങ്ങ​ളു​ണ്ടാ​യി​രു​ന്നു. വൈ​കു​ന്നേ​രം അ​ഞ്ചി​ന് എ​ത്തേ​ണ്ടി​യി​രു​ന്ന ബ​സ് ക​ണ്ണൂ​രി​ലെ​ത്തി​യ​പ്പോ​ൾ രാ​ത്രി 9.30. ന​ല്ല ത​ണു​പ്പ്. ന​ക്ഷ​ത്ര​ങ്ങ​ൾ ന​ഗ​ര​ത്തോ​ടു ബ​ത്‌​ല​ഹേ​മി​ന്‍റെ ര​ഹ​സ്യ​ങ്ങ​ൾ പ​റ​യു​ക​യാ​ണ്.

അ​തി​ന്‍റെ കാ​ത​ൽ, ദൈ​വ​ത്തി​ന്‍റെ മ​നു​ഷ്യാ​വ​താ​ര​മാ​യി​രു​ന്നു. ആ​ട്ടി​ട​യ​ന്മാ​ർ ഉ​റ​ങ്ങാ​തി​രു​ന്ന, മാ​ലാ​ഖ​മാ​ർ പാ​ട്ടു​പാ​ടി​യി​രു​ന്ന ഒ​രു രാ​ത്രി​യെ​ക്കു​റി​ച്ച്. പ​ക്ഷേ, ഈ ​രാ​ത്രി​ക​ളി​ൽ ക​ണ്ണൂ​രി​ന്‍റെ മ​ല​ഞ്ചെ​രു​വു​ക​ളി​ലെ​യും സ​മ​ത​ല​ങ്ങ​ളി​ലെ​യും കാ​വു​ക​ളി​ലും കു​ടും​ബ​ക്ഷേ​ത്ര​ങ്ങ​ളി​ലും ഉ​റ​ങ്ങാ​തി​രു​ന്ന മ​നു​ഷ്യ​ർ, മ​റ്റൊ​രു കാ​ത്തി​രി​പ്പി​ലാ​യി​രു​ന്നു. മ​നു​ഷ്യ​ന്‍റെ ദൈ​വാ​വ​താ​രം..!

ദൈ​വ​ത്തി​ലെ​ത്തി മ​ട​ങ്ങു​ന്ന മ​നു​ഷ്യ​ൻ 

തെ​യ്യ​ത്തി​ന്‍റെ ക​ഥ​ക​ളും കാ​ഴ്ച​ക​ളും മ​ന​സി​നെ ത്ര​സി​പ്പി​ക്കു​ന്ന​തും, ഒ​രു നി​മി​ഷ​മെ​ങ്കി​ലും ശ​രീ​ര​ത്തെ​യും ബാ​ധി​ക്കു​ന്ന​തു​മാ​ണ്. നേ​രി​ട്ടു കാ​ണാ​നാ​ണ് ഇ​റ​ങ്ങി​യ​ത്. തെ​യ്യ​ത്തെ​ക്കു​റി​ച്ച് ശാ​സ്ത്രീ​യ-​മ​ത നി​ർ​വ​ച​ന​ങ്ങ​ളും ഐ​തി​ഹ്യ​ങ്ങ​ളു​മു​ണ്ട്. പ​ക്ഷേ, ആ ​നി​രീ​ക്ഷ​ണ​ങ്ങ​ളു​ടെ ഉ​ള്ള​ട​ക്ക​മെ​ന്തെ​ന്നാ​ൽ, മ​നു​ഷ്യ​ൻ ദൈ​വ​മാ​യി അ​വ​ത​രി​ക്കു​ന്നു എ​ന്നാ​ണ് തോ​ന്നി​യി​ട്ടു​ള്ള​ത്.

ജീ​വി​ച്ചി​രു​ന്ന​പ്പോ​ൾ മ​നു​ഷ്യ​നും മ​ര​ണ​ത്താ​ൽ ദൈ​വ​വു​മാ​യെ​ന്നു വി​ശ്വ​സി​ക്കു​ന്ന ആ​ത്മാ​വി​നെ, തെ​യ്യ​ക്കാ​ര​ൻ അ​ഥ​വാ ക​ളി​യാ​ട്ട​ക്കാ​ര​ൻ ത​ന്‍റെ ദേ​ഹ​ദേ​ഹി​ക​ളി​ലേ​ക്കു ക്ഷ​ണി​ച്ചു​വ​രു​ത്തു​ക​യാ​ണ്. ദീ​ർ​ഘ​നാ​ള​ത്തെ ഒ​രു​ക്ക​ത്തി​നൊ​ടു​വി​ൽ തോ​റ്റം​പാ​ട്ടു​ക​ളു​ടെ പ​രി​ണാ​മ​ന​ദി​ക​ളി​ൽ നി​മ​ഗ്ന​നാ​കു​ക​യും വേ​ഷ​ഭൂ​ഷാ​ദി​ക​ളി​ലും നോ​ന്പു​ധ്യാ​ന​ങ്ങ​ളി​ലും സ്വ​യം മ​റ​ക്കു​ക​യും ചെ​യ്യു​ന്ന​യാ​ൾ തെ​യ്യ​മാ​യി "ദൈ​വാ​വ​താ​ര’​മെ​ടു​ക്കു​ന്നു.

ഭ​ക്ത​രോ തെ​യ്യ​ത്തി​ന്‍റെ വേ​ഷ​ങ്ങ​ൾ​ക്കു​ള്ളി​ൽ ദൈ​വ​ത്തെ കാ​ണു​ന്നു. മ​ണി​ക്കൂ​റു​ക​ളു​ടെ അ​വ​താ​രം പൂ​ർ​ത്തി​യാ​ക്കി ക​ളി​യാ​ട്ട​ക്കാ​ര​ൻ മ​നു​ഷ്യ​നി​ലേ​ക്കു പു​ന​ര​വ​ത​രി​ക്കും​മു​ന്പ് ഭ​ക്ത​ർ സ​ങ്ക​ട​ങ്ങ​ളു​മാ​യെ​ത്തും. ഒ​രി​ക്ക​ൽ മ​നു​ഷ്യ​നാ​യി​രു​ന്ന തെ​യ്യ​ത്തി​ന് ത​ന്‍റെ മു​ന്നി​ലെ​ത്തു​ന്ന​വ​രു​ടെ പ്ര​ശ്ന​ങ്ങ​ൾ​കേ​ട്ട് സ​മാ​ധാ​നം പ​റ​യാ​ൻ എ​ളു​പ്പ​മാ​ണ്. അ​തി​നു കാ​ല​താ​മ​സ​വു​മി​ല്ല. കൈ​കൂ​പ്പി നി​ൽ​ക്കു​ന്ന​വ​രു​ടെ പ്രാ​ർ​ഥ​ന​യ്ക്ക് അ​പ്പോ​ൾ​ത​ന്നെ മ​റു​പ​ടി​യു​ണ്ട്. ഭ​ക്ത​രു​ടെ കൈ​ക​ൾ ഗ്ര​ഹി​ച്ചോ, ചേ​ർ​ത്തു​നി​ർ​ത്തി​യോ, ആ​ശ്ലേ​ഷി​ച്ചോ "ദൈ​വം’ ആ​ശ്വ​സി​പ്പി​ക്കും. വി​ശ്വാ​സം​കൊ​ണ്ടോ ക​ലാ​സ്വാ​ദ​നം​കൊ​ണ്ടോ സ​ങ്ക​ല്പ​ങ്ങ​ളാ​ലോ ഇ​ങ്ങ​നെ ക​രു​തി​യാ​ൽ തെ​യ്യം അ​തി​ശ​യ​ക​ര​മാ​യൊ​രു അ​നു​ഭ​വ​മാ​യി​രി​ക്കും.

ഡി​സം​ബ​ർ മു​ത​ൽ മാ​ർ​ച്ച് വ​രെ വ​ട​ക്ക​ൻ കേ​ര​ള​ത്തി​ലും ക​ർ​ണാ​ട​ക​ത്തി​ൽ ചി​ല​യി​ട​ങ്ങ​ളി​ലും തെ​യ്യ​ങ്ങ​ൾ സ​ജീ​വ​മാ​കും. രാ​ത്രി​യി​ലും പു​ല​ർ​ച്ചെ​യു​മാ​യി​ട്ടാ​ണ് കൂ​ടു​ത​ൽ തെ​യ്യ​ങ്ങ​ളും ഇ​റ​ങ്ങു​ന്ന​ത്. അ​തൊ​ന്നു നേ​രി​ൽ കാ​ണാ​നാ​ണ് ക​ണ്ണൂ​രി​ൽ ബ​സി​റ​ങ്ങി​യ​ത്. വൈ​കി​പ്പോ​യ​തി​നാ​ൽ ചെ​റു​താ​ഴ​ത്തേ​ക്കി​നി ബ​സി​ല്ല. ദീ​പി​ക​യു​ടെ പ​ത്രാ​ധി​പ​സ​മി​തി​യി​ലു​ണ്ടാ​യി​രു​ന്ന ഷി​ജു​വും സു​ഹൃ​ത്ത് ര​ജി​ത്തും കാ​റു​മാ​യെ​ത്തി. യാ​ത്ര​യ്ക്കി​ടെ ര​ണ്ടു​പേ​രും തെ​യ്യ​ങ്ങ​ളു​ടെ വി​ശേ​ഷ​ങ്ങ​ൾ പ​റ​ഞ്ഞു.

ചെ​റു​താ​ഴം പാ​ല​ക്കീ​ൽ ത​റ​വാ​ട് ദേ​വ​സ്ഥാ​നം കു​ടും​ബ​ക്ഷേ​ത്ര​ത്തി​ൽ ര​ണ്ടു രാ​ത്രി​ക്കും ര​ണ്ടു പ​ക​ലി​നു​മി​ടെ പ​ല​തു​ണ്ട് തെ​യ്യ​ങ്ങ​ൾ. ക​ണ്ട​നാ​ർ കേ​ള​ൻ, തൊ​ണ്ട​ച്ച​ൻ, ഗു​ളി​ക​ൻ, കു​ടി​വീ​ര​ൻ, കു​റ​ത്തി​യ​മ്മ, വി​ഷ്ണു​മൂ​ർ​ത്തി, കു​ണ്ടോ​ർ ചാ​മു​ണ്ടി, ക​തി​വ​ന്നൂ​ർ വീ​ര​ൻ... പ​ല തെ​യ്യ​ങ്ങ​ൾ ഒ​ന്നി​ച്ചു​കാ​ണാ​ൻ പ​റ്റു​ന്ന​തു ഭാ​ഗ്യം. ഒ​ന്നെ​ങ്കി​ലും കാ​ണ​ണ​മെ​ന്നേ ആ​ഗ്ര​ഹി​ച്ചി​രു​ന്നു​ള്ളു. ഉ​റ​ക്ക​മി​ള​ച്ചാ​ൽ എ​ല്ലാം കാ​ണാം.

കേ​ള​ൻ: ക​ർ​ഷ​ക​ന്‍റെ ദാ​രു​ണാ​ന്ത്യം 

ക്ഷേ​ത്ര​ത്തി​ന​ടു​ത്താ​ണ് ഷി​ജു​വി​ന്‍റെ​യും ര​ജി​ത്തി​ന്‍റെ​യും വീ​ട്. അ​വി​ടെ​യെ​ത്തി​യ​പ്പോ​ഴേ​ക്കും മൈ​ക്കി​ലൂ​ടെ തോ​റ്റം പാ​ടു​ന്ന​തു കേ​ൾ​ക്കാം. യാ​ത്ര​യ്ക്കി​ടെ ഭ​ക്ഷ​ണം​ക​ഴി​ച്ച​തു​കൊ​ണ്ട് ഒ​ന്നു കു​ളി​ക്കേ​ണ്ട താ​മ​സ​മേ​യു​ണ്ടാ​യി​രു​ന്നു​ള്ളു. ക്ഷേ​ത്ര​ത്തി​ലെ​ത്തി. പു​ല​ർ​ച്ചെ നാ​ലി​നു​ള്ള ച​ട​ങ്ങി​നു​വേ​ണ്ടി മു​ട്ടി​ത്ത​ടി​ക​ളി​ട്ട് ആ​ഴി കൂ​ട്ടി​ത്തു​ട​ങ്ങി​യി​ട്ടു​ണ്ട്. ആ​ത്മാ​ക്ക​ളു​ടെ ക​ളി​യാ​ട്ടം​പോ​ലെ പു​ക​ത്തൂ​ണു​ക​ൾ തു​റ​ന്ന മേ​ൽ​ക്കൂ​ര​പ്പ​ഴു​തി​ലൂ​ടെ സ്വ​ർ​ഗാ​രോ​ഹ​ണ​ത്തി​ലാ​ണ്.

ക​ണ്ട​നാ​ർ കേ​ള​ന്‍റെ തെ​യ്യം കെ​ട്ടു​ന്ന​യാ​ൾ അ​ണി​യ​റ​യി​ൽ ഒ​രു പാ​യ​യി​ൽ കി​ട​ക്കു​ന്നു. കോ​ല​ക്കാ​ര​ൻ ച​മ​യ​ങ്ങ​ള​ണി​യി​ക്കു​ന്നു. തെ​യ്യ​ക്കാ​ര​ന്‍റെ ക​ണ്ണു​ക​ൾ തു​റ​ന്നി​രു​ന്നെ​ങ്കി​ലും മ​റ്റേ​തോ ലോ​ക​ത്തെ കാ​ഴ്ച​ക​ൾ മാ​ത്രം കാ​ണു​ന്ന​തു​പോ​ലെ. തീ​യി​ൽ വെ​ന്തു​മ​രി​ച്ച ക​ഠി​നാ​ധ്വാ​നി​യാ​യ ഒ​രു ക​ർ​ഷ​ക​ന്‍റെ പു​ന​ർ​ജ​നി​യു​ടെ ഓ​ർ​മ​യാ​ണ് കേ​ള​ന്‍റേ​ത്. ആ ​ജീ​വി​ത​ത്തി​ലൂ​ടെ​യും മ​ര​ണ​ത്തി​ലൂ​ടെ​യും തെ​യ്യ​ക്കാ​ര​ൻ ക​ട​ന്നു​പോ​കു​ക​യാ​കാം.

അ​ണി​യ​റ​യി​ൽ കേ​ള​ൻ പു​ന​ർ​ജ​നി​ക്കും​മു​ന്പ് ആ ​ക​ഥ വാ​യി​ച്ചു. ഏ​ഴി​മ​ല​യ്ക്ക​ടു​ത്ത് കു​ന്ന​രു​വി​ലെ മേ​ലേ​ട​ത്തു ത​റ​വാ​ട്ട​മ്മ​യാ​യ ച​ക്കി​യ​മ്മ​യ്ക്കു മ​ക്ക​ളി​ല്ലാ​യി​രു​ന്നു. വ​യ​നാ​ട​ൻ കാ​ട്ടി​ൽ​നി​ന്നു കി​ട്ടി​യ അ​നാ​ഥ​ബാ​ല​നെ അ​വ​ർ കേ​ള​നെ​ന്നു പേ​രി​ട്ടു സ്വ​ന്ത​മെ​ന്ന​പോ​ലെ വ​ള​ർ​ത്തി. ല​ക്ഷ​ണ​മൊ​ത്ത ക​ർ​ഷ​ക​നാ​യി അ​വ​ൻ വ​ള​ർ​ന്നു. വി​ത​ച്ച നി​ല​ങ്ങ​ളി​ലെ​ല്ലാം നൂ​റു മേ​നി. നാ​ടു സ​ന്പ​ത്സ​മൃ​ദ്ധ​മാ​യി. പൂ​ങ്കു​ന​ത്തെ നാ​ലു കാ​ടു​ക​ളും​കൂ​ടി കൃ​ഷി​യോ​ഗ്യ​മാ​ക്കാ​ൻ ത​റ​വാ​ട്ട​മ്മ മ​ക​നോ​ടു പ​റ​ഞ്ഞു.

അ​വ​ൻ പ​ണി​യാ​യു​ധ​ങ്ങ​ളു​മാ​യി പു​റ​പ്പെ​ട്ടു. വെ​ട്ടി​ത്തെ​ളി​ച്ച കാ​ടു​ക​ൾ​ക്കെ​ല്ലാം തീ​യി​ട്ടു. ക​ള്ളി​ന്‍റെ ല​ഹ​രി ത​ല​യ്ക്കു പി​ടി​ച്ചി​രു​ന്ന കേ​ള​ൻ കാ​ടു​ക​ൾ​ക്കു നാ​ലു​വ​ശ​ത്തു​നി​ന്നും തീ​യി​ട്ട​ശേ​ഷം സാ​ഹ​സി​ക​മാ​യി പു​റ​ത്തു​ക​ട​ക്കു​ക​യാ​യി​രു​ന്നു. നാ​ലാം കാ​ട്ടി​ൽ​നി​ന്നു പു​റ​ത്തു​ക​ട​ക്കാ​ൻ അ​യാ​ൾ​ക്കു ക​ഴി​ഞ്ഞി​ല്ല. വെ​ട്ടാ​തെ നി​ർ​ത്തി​യി​രു​ന്ന ക​രി​നെ​ല്ലി​മ​ര​ത്തി​ൽ അ​യാ​ൾ ക​യ​റി. പ​ക്ഷേ, അ​തി​ലു​ണ്ടാ​യി​രു​ന്ന ക​ളീ​യ​ൻ, ക​രി​വേ​ല​ൻ എ​ന്നീ സ​ർ​പ്പ​ങ്ങ​ൾ ചൂ​ടു സ​ഹി​ക്കാ​നാ​കാ​തെ കേ​ള​ന്‍റെ നെ​ഞ്ചി​ൽ ചു​റ്റി​വ​രി​ഞ്ഞു കൊ​ത്തി. ക​രി​നാ​ഗ​ങ്ങ​ളു​മാ​യി കേ​ള​ൻ തീ​യി​ൽ​വീ​ണു വെ​ന്തു​മ​രി​ച്ചു.

ശി​വ​ന്‍റെ മ​ക​നും വ​യ​നാ​ട്ട് കു​ല​വ​ൻ ദൈ​വ​വു​മാ​യ തൊ​ണ്ട​ച്ച​ൻ നാ​യാ​ട്ടു ക​ഴി​ഞ്ഞു മ​ട​ങ്ങ​വേ ക​രി​ഞ്ഞു​കി​ട​ന്ന കേ​ള​നെ വി​ല്ലു​കൊ​ണ്ട് തൊ​ട്ടു. കേ​ള​ൻ പു​ന​ർ​ജ​നി​ച്ചു. ഞാ​ൻ ക​ണ്ട നീ​യി​നി ക​ണ്ട​നാ​ർ കേ​ള​നെ​ന്നു തൊ​ണ്ട​ച്ച​ൻ വി​ളി​ക്കു​ക​യും ചെ​യ്തു. ചെ​ണ്ട​യി​ൽ വീ​ണ കോ​ലു​ക​ളെ കേ​ള​ൻ ബാ​ധി​ക്കു​ന്നോ, തോ​റ്റം മു​റു​കി.

""പും ​പു​നം ചു​ട്ട​ക​രിം പു​ന​ത്തി​ൽ
കാ​ട്ടി​ൽ ക​രി​ക​രം മു​ക​ളി​ലേ​റി
കാ​ട്ടി​ൽ ക​രു​വേ​ല മൂ​ർ​ഖ​ൻ വ​ന്ന്
മാ​ർ​വ്വി​ൽ ക​ടി​ച്ചു വി​ഷം ചൊ​രി​ഞ്ഞു
അ​ഗ്നി​യി​ൽ വീ​ണി​ട്ടു​ഴ​ലു​ന്നേ​രം
മ​റ്റാ​രു​മി​ല്ല സ​ഖി​യെ​നി​ക്ക്
ക​ണ്ടു​ട​ൻ മേ​ലേ​ട​ത്ത​മ്മ​യ​പ്പോ​ൾ
വാ​ഴ്ക വ​ള​ർ​ക നീ ​ക​ണ്ട​ൻ​കേ​ളാാാ...’’

അ​ണി​യ​റ​യി​ൽ ക​ണ്ട​നാ​ർ കേ​ള​ൻ ദൈ​വ​മാ​യി​ക്കൊ​ണ്ടി​രി​ക്കു​ക​യാ​ണ്.
പു​റ​ത്ത് തോ​റ്റം​പാ​ട്ടു​കാ​ർ​ക്കും ചെ​ണ്ട​ക്കാ​ർ​ക്കു​മ​പ്പു​റ​ത്ത് മ​ണി​ക്കൂ​റു​ക​ളാ​യി എ​രി​യു​ന്ന തീ​യി​ലേ​ക്ക് വീ​ണ്ടും വി​റ​കു​വീ​ണു. കേ​ര​ള​ത്തി​ന്‍റെ പ​ല​യി​ട​ങ്ങ​ളി​ൽ​നി​ന്നും ചെ​റു​താ​ഴ​ത്തെ​ത്തി​യ സ്ത്രീ​പു​രു​ഷ​ന്മാ​ർ ദൈ​വാ​വ​താ​ര​ത്തി​നാ​യി കാ​ത്തി​രു​ന്നു. ത​ണു​പ്പ് അ​ങ്ങേ​യ​റ്റ​മാ​യി​രു​ന്നെ​ങ്കി​ലും ക്ഷേ​ത്ര​പ​രി​സ​രം തീ​യി​ലും പു​ക​യി​ലും വെ​ന്തു. ഒ​രു​നി​മി​ഷം... അ​ണി​യ​റ​യു​ടെ ക​വാ​ട​ത്തി​ൽ നി​ഗൂ​ഢ​മാ​യ ഒ​ര​ല​ർ​ച്ച.

തോ​റ്റം​വി​ളി കേ​ട്ടു​കേ​ട്ട്, കാ​ല​യ​വ​നി​ക നീ​ക്കി, മ​ര​ണ​ത്ത​ണു​പ്പി​നെ വ​ക​ഞ്ഞ് "ദൈ​വം’ വ​ന്നു... ക​ണ്ട​നാ​ർ കേ​ള​ൻ! അ​ണി​യ​റ​യി​ൽ​നി​ന്നെ​ഴു​ന്നേ​റ്റ​യാ​ൾ പു​റ​ത്തേ​ക്കോ​ടി. ആ​ളു​ന്ന അ​ഗ്നി​ക്കും നീ​റു​ന്ന മ​നു​ഷ്യ​ർ​ക്കു​മി​ട​യി​ലൂ​ടെ... തെ​യ്യം! അ​സാ​ധാ​ര​ണ​മാ​യൊ​രു ഭാ​വ​ത്തോ​ടെ നെ​ഞ്ചി​ലെ നാ​ഗ​ങ്ങ​ളു​മാ​യി കേ​ള​ൻ തീ​യ്ക്കു ചു​റ്റും ന​ട​ന്നു. വൈ​കി​യി​ല്ല കേ​ള​ൻ പൂ​ങ്കു​ന​ത്തെ കാ​ട്ടു​തീ​ക്കു മു​ക​ളി​ലൂ​ടെ​യെ​ന്ന​പോ​ലെ തീ​ക്കു​ണ്ഡം മ​റി​ക​ട​ന്നു. ജ​നം സ്ത​ബ്ധ​രാ​യി. ചെ​ണ്ട​കൊ​ട്ട് ഉ​ച്ച​സ്ഥാ​യി​യി​ലാ​യി. കേ​ള​ൻ അ​ഗ്നി​ക്കു​മു​ക​ളി​ലൂ​ടെ അ​മാ​നു​ഷി​ക​നാ​യി ചാ​ടി​യോ​ടു​ക​യാ​ണ്.

ശ്വാ​സം പി​ടി​ച്ചേ ക​ണ്ടു​നി​ൽ​ക്കാ​നാ​കൂ. കാ​മ​റ​ക​ളും മൊ​ബൈ​ൽ​ഫോ​ണു​ക​ളും അ​ഗ്‌​നി​നാ​ള​ങ്ങ​ൾ​ക്ക​പ്പു​റ​ത്ത് മി​ന്നാ​മി​നു​ങ്ങി​ൻ കൂ​ട്ട​ങ്ങ​ളാ​യി. കൂ​പ്പി​യ കൈ​ക​ളു​മാ​യി നി​ൽ​ക്കു​ന്ന ഭ​ക്ത​രു​ടെ മു​ഖം ചു​വ​ന്നു​തു​ടു​ത്തു. കേ​ള​ൻ തീ ​കോ​രി​യെ​റി​ഞ്ഞും ച​വി​ട്ടി​ത്തെ​റി​പ്പി​ച്ചും കു​തി​ച്ചു​ചാ​ടി​യും മ​റ്റൊ​രു ലോ​ക​ത്താ​ണ്. അ​ഗ്നി​കു​ണ്ഡം മ​റി​ക​ട​ക്കു​ന്പോ​ൾ ര​ണ്ടു​പേ​ർ കൈ​ക​ളി​ൽ പി​ടി​ച്ച് ഒ​പ്പ​ത്തി​നൊ​പ്പം ഓ​ടി​ക്കൊ​ണ്ടി​രു​ന്നു. ചി​ല​പ്പോ​ൾ കേ​ള​ൻ അ​വ​രു​ടെ കൈ​ക​ൾ ത​ട്ടി​മാ​റ്റി ത​നി​യെ തീ​യി​ലേ​ക്കോ​ടി. സ​മ​യ​ത്തി​നൊ​പ്പം അ​ഗ്നി​യും ചാ​ന്പ​ലാ​ക​വേ ക​ണ്ട​നാ​ർ കേ​ള​ൻ ഭ​ക്ത​രു​ടെ സ​മീ​പ​ത്തെ​ത്തി.

ത​ന്നെ സ​മീ​പി​ച്ച​വ​ർ സ​മ്മാ​നി​ച്ച കാ​ണി​ക്ക സ്വീ​ക​രി​ച്ച് സ​ങ്ക​ട​ങ്ങ​ൾ കേ​ട്ടു. ചി​ല ര​ഹ​സ്യ​ങ്ങ​ൾ തെ​യ്യം അ​ങ്ങോ​ട്ടു പ​റ​ഞ്ഞു. തെ​യ്യം വേ​ദ​ന​ക​ൾ മാ​യ്ക്കു​മെ​ന്നു വാ​ക്കു​കൊ​ടു​ത്ത​പ്പോ​ൾ ഭ​ക്ത​രു​ടെ ക​ണ്ണു​ക​ൾ നി​റ​ഞ്ഞു. എ​ല്ലാ​വ​രെ​യും ആ​ശ്വ​സി​പ്പി​ച്ചു, ക​രം ഗ്ര​ഹി​ച്ചു, ആ​ലിം​ഗ​നം ചെ​യ്തു.

ചെ​റു​താ​ഴ​ത്തും സൂ​ര്യ​ൻ ഉ​ദി​ച്ചു. കു​ടും​ബ​ക്ഷേ​ത്ര​ത്തി​ലെ ച​ട​ങ്ങു​ക​ൾ​ക്കൊ​ടു​വി​ൽ കേ​ള​ൻ മ​നു​ഷ്യ​നാ​യി തി​രി​ച്ചു​വ​ന്നു​കൊ​ണ്ടി​രു​ന്നു. വേ​ഷ​ങ്ങ​ൾ അ​ഴി​ക്ക​പ്പെ​ട്ടു. മ​നു​ഷ്യ​ർ സ​മാ​ധാ​ന​ത്തോ​ടെ താ​ന്താ​ങ്ങ​ളു​ടെ വീ​ടു​ക​ളി​ലേ​ക്കു മ​ട​ങ്ങി. മി​ക്ക​വ​രും മ​ട​ങ്ങി​വ​രും; ക​തി​വ​ന്നൂ​ർ വീ​ര​ൻ ഉ​ൾ​പ്പെ​ടെ​യു​ള്ള തെ​യ്യ​ങ്ങ​ളൊ​ക്കെ ദൈ​വ​പ്പി​റ​വി​ക്കൊ​രു​ങ്ങു​ക​യാ​ണ്. പ​ക​ൽ മു​ഴു​വ​ൻ തോ​റ്റം​പാ​ട്ടു​ക​ളും തെ​യ്യ​ങ്ങ​ളും കാ​ണാ​ൻ ആ​ളു​ക​ൾ ഒ​ഴു​കി​യെ​ത്തി. രാ​ത്രി​യി​ൽ ക​തി​വ​ന്നൂ​ർ വീ​ര​ന്‍റെ തോ​റ്റം​പാ​ട്ടു​ക​ൾ​കേ​ട്ട് ഇ​ത്തി​രി ഉ​റ​ങ്ങി. പു​ല​ർ​ച്ചെ മൂ​ന്നി​ന് എ​ഴു​ന്നേ​റ്റ് തെ​യ്യ​പ്പ​റ​ന്പി​ലേ​ക്കു ന​ട​ന്നു.

ക​തി​വ​ന്നൂ​ർ വീ​ര​നും ചെ​മ്മ​ര​ത്തി​യും

"ക​ളി​യാ​ട്ടം' സി​നി​മ ക​ണ്ട​തു​മു​ത​ൽ ക​തി​വ​ന്നൂ​ർ വീ​ര​നെ നേ​രി​ൽ കാ​ണ​ണ​മെ​ന്ന് ആ​ഗ്ര​ഹി​ച്ച​താ​ണ്. ക​തി​വ​ന്നൂ​ർ വീ​ര​നെ​ന്ന തെ​യ്യം മ​ന്ദ​പ്പ​നെ​ന്ന മ​നു​ഷ്യ​നി​ൽ​നി​ന്നാ​ണ് തു​ട​ങ്ങി​യ​ത്. ക​ണ്ണൂ​രി​നും ത​ളി​പ്പ​റ​ന്പി​നു​മി​ട​യി​ലു​ള്ള മ​ങ്ങാ​ട്ട് മേ​ത്ത​ളി ത​റ​വാ​ട്ടി​ലാ​യി​രു​ന്നു ജ​ന​നം. തീ​യ സ​മു​ദാ​യ​ത്തി​ൽ പെ​ട്ട യോ​ദ്ധാ​വ്. ത​ന്‍റെ കൃ​ഷി​യി​ട​ങ്ങ​ളി​ൽ പ​ണി​യെ​ടു​ക്കാ​തെ ആ​യു​ധാ​ഭ്യാ​സ​വും പാ​വ​ങ്ങ​ളോ​ടു​ള്ള സ​ന്പ​ർ​ക്ക​വു​മാ​യി ക​റ​ങ്ങി​ന​ട​ക്കു​ന്ന​വ​നു ചോ​റു​കൊ​ടു​ക്കേ​ണ്ടെ​ന്ന് അ​ച്ഛ​ൻ അ​മ്മ​യോ​ടു പ​റ​ഞ്ഞ​തോ​ടെ മ​ന്ദ​പ്പ​ൻ വീ​ടു​വി​ട്ടി​റ​ങ്ങി.

ക​ർ​ണാ​ട​ക​ത്തി​ലെ കു​ട​കു​മ​ല​ക​ളി​ൽ ക​ച്ച​വ​ട​ത്തി​നു പോ​കു​ന്ന കൂ​ട്ടു​കാ​രോ​ടൊ​ത്ത് പു​റ​പ്പെ​ട്ടെ​ങ്കി​ലും മ​ന്ദ​പ്പ​ന്‍റെ അ​ച്ഛ​നെ ഭ​യ​ന്ന അ​വ​ർ അ​വ​നെ വ​ഴി​യി​ൽ ഉ​റ​ക്കി​ക്കി​ട​ത്തി​യ​ശേ​ഷം പോ​യി. ത​നി​ച്ചു യാ​ത്ര​തു​ട​ർ​ന്ന അ​യാ​ൾ ക​തി​വ​ന്നൂ​രി​ൽ (ഇ​ന്ന​ത്തെ വി​രാ​ജ്പേ​ട്ട​യ്ക്ക​ടു​ത്ത്) അ​മ്മാ​വ​ന്‍റെ വീ​ട്ടി​ലെ​ത്തി. അ​വ​ര​വ​നെ സം​ര​ക്ഷി​ച്ചു. മ​ന്ദ​പ്പ​ന്‍ കൃ​ഷി​ചെ​യ്തും കാ​ലി​വ​ള​ർ​ത്തി​യും എ​ള്ളാ​ട്ടി എ​ണ്ണ വി​റ്റും പ​ണ​മു​ണ്ടാ​ക്കി. ഇ​തി​നി​ടെ അ​ന്യ​ജാ​തി​ക്കാ​രി​യാ​യ ചെ​മ്മ​ര​ത്തി​യെ പ്ര​ണ​യി​ച്ച​ത് അ​മ്മാ​വ​ന് ഇ​ഷ്ട​മാ​യി​ല്ലെ​ങ്കി​ലും വി​വാ​ഹം ക​ഴി​ച്ചു​കൊ​ടു​ത്തു. ഒ​രി​ക്ക​ൽ എ​ണ്ണ​ക്ക​ച്ച​വ​ടം ക​ഴി​ഞ്ഞ് വൈ​കി​യെ​ത്തി​യ മ​ന്ദ​പ്പ​നോ​ട് ചെ​മ്മ​ര​ത്തി സ്നേ​ഹം പ​രി​ഭ​വ​വും രോ​ഷ​വു​മാ​ക്കി ചോ​റി​നു പ​ക​രം ത​ല​ച്ചോ​റു​ണ്ണാ​ൻ പ​റ​ഞ്ഞു.

പി​ന്നെ ക​റി​യി​ല്ലാ​തെ ചോ​റു കൊ​ടു​ത്തു. ഭ​ക്ഷ​ണം ക​ഴി​ക്ക​വേ, കാ​ലി​ക​ളെ​യും കാ​ർ​ഷി​കോ​ത്പ​ന്ന​ങ്ങ​ളും മോ​ഷ്ടി​ക്കു​ന്ന കു​ട​ക​രു​ടെ പ​ട​വി​ളി​കേ​ട്ടു മ​ന്ദ​പ്പ​ൻ ചാ​ടി​യെ​ഴു​ന്നേ​റ്റു പു​റ​പ്പെ​ട്ടു. പ​രി​ഭ​വം പ​റ​ഞ്ഞു​തീ​ർ​ക്കാ​ൻ സ​മ​യം കി​ട്ടും​മു​ന്പ് വീ​ണ്ടും വീ​ട്ടി​ൽ​നി​ന്നി​റ​ങ്ങി​യ മ​ന്ദ​പ്പ​നെ ചെ​മ്മ​ര​ത്തി ""കു​ട​ക​രു​ടെ പ​ട​യി​ൽ കൊ​ത്തി​പ്പോ​ട്ടെ’’ എ​ന്നു ശ​പി​ക്കു​ക​യും ചെ​യ്തു. പ​ട​യി​ൽ ജ​യി​ച്ചെ​ങ്കി​ലും മ​ട​ങ്ങി​വ​രു​ന്ന​തി​നി​ടെ​യാ​ണ് മ​ന്ദ​പ്പ​ൻ ത​ന്‍റെ ചെ​റു​വി​ര​ൽ അ​റ്റു​പോ​യെ​ന്നും മോ​തി​രം ന​ഷ്ട​മാ​യെ​ന്നു​മ​റി​ഞ്ഞ​ത്.

ത​നി​ച്ചു പ​ട​ക്ക​ള​ത്തി​ലേ​ക്കു മ​ട​ങ്ങി​യ മ​ന്ദ​പ്പ​നെ തോ​റ്റു​മ​ട​ങ്ങി​യ കു​ട​ക​ർ തി​രി​ച്ചെ​ത്തി നൂ​റ്റെ​ട്ടു തു​ണ്ട​മാ​ക്കി വെ​ട്ടി​നു​റു​ക്കി. മ​ന്ദ​പ്പ​ന്‍റെ ചി​ത ക​ത്തി​യെ​രി​യ​വേ ചു​റ്റും നി​ന്ന​വ​രോ​ടു ചെ​മ്മ​ര​ത്തി പ​റ​ഞ്ഞു, "നോ​ക്കൂ, ന​ട്ടു​ച്ച​ക്കൊ​രു ന​ക്ഷ​ത്ര​മു​ദി​ച്ചി​രി​ക്കു​ന്നു'. എ​ല്ലാ​വ​രും ആ​കാ​ശ​ത്തേ​ക്കു നോ​ക്ക​വേ കു​റ്റ​ബോ​ധ​ത്താ​ൽ നീ​റി​നി​ന്ന ചെ​മ്മ​ര​ത്തി ചി​ത​യി​ൽ​ചാ​ടി ജീ​വ​നൊ​ടു​ക്കി. പി​ന്നീ​ട് പു​ഴ​യി​ൽ കു​ളി​ക്കു​ന്ന മ​ന്ദ​പ്പ​നെ​യും ചെ​മ്മ​ര​ത്തി​യെ​യും​ക​ണ്ട കൂ​ട്ടു​കാ​ര​നാ​ണ് അ​വ​രു​ടെ ആ​ത്മാ​വി​നെ തെ​യ്യ​മാ​ക്കി​യ​ത്. കു​ട​കി​ൽ തു​ട​ങ്ങി​യ തെ​യ്യം പി​ന്നീ​ട് കേ​ര​ള​ത്തി​ലു​മെ​ത്തി.

ചെ​റു​താ​ഴ​ത്തെ ക്ഷേ​ത്ര​മു​റ്റ​ത്ത് ചെ​മ്മ​ര​ത്തി ഒ​രു പീ​ഠ​ത്തി​ലെ തീ​നാ​ള​ങ്ങ​ളാ​യി ക​ത്തി​യെ​രി​യു​ന്നു. ക​തി​വ​ന്നൂ​ർ വീ​ര​നാ​യ തെ​യ്യം ചെ​മ്മ​ര​ത്തി​ക്കു ചു​റ്റം തോ​റ്റം​പാ​ടി ന​ട​ക്കു​ക​യാ​ണ്.

ക​ളി​യാ​ട്ടം സി​നി​മ​യി​ലെ പാ​ട്ടു​വ​രി​ക​ൾ നെ​ഞ്ചി​ലി​രു​ന്നു​പി​ട​ച്ചു:
""ക​തി​വ​നൂ​ർ വീ​ര​നേ
നോ​മ്പു നോ​റ്റി​രു​ന്നു
മാ​മ​യി​ൽ​പ്പീ​ലി​പോ​ൽ
അ​ഴ​കോ​ലും ചെ​മ്മ​ര​ത്തി
പൂ​ങ്കോ​ഴി ക​ര​ഞ്ഞു
ക​ളി​ത്തോ​ഴി​യു​റ​ങ്ങി
അ​വ​ൾ മാ​ത്ര​മു​ണ്ണാ​തെ​യു​റ​ങ്ങാ​തെ ക​ഴി​ഞ്ഞു
വി​ല്ലാ​ളി​വീ​ര​നെ ഒ​രു​നോ​ക്കു കാ​ണു​വാ​ൻ
നൊ​മ്പ​രം പൂ​ണ്ട​വ​ൾ മ​നം​നൊ​ന്തു​പി​ട​ഞ്ഞു..’’

ചെ​മ്മ​ര​ത്തി​ത്ത​റ​യ്ക്കു​ചു​റ്റും ന​ട​ന്നു ക​തി​വ​ന്നൂ​ർ വീ​ര​ൻ വി​തു​ന്പു​ക​യാ​ണോ?
അ‍​യാ​ളു​ടെ മു​ഖം​മാ​റി. പ​ഴ​യ യു​ദ്ധ​സ്മ​ര​ണ​ക​ളി​ൽ അ​ഭ്യാ​സ​മു​റ​ക​ൾ പു​റ​ത്തെ​ടു​ത്തു. ഉ​ട​വാ​ൾ ആ​കാ​ശ​ത്തെ​റി​ഞ്ഞു​പി​ടി​ച്ചു. ഉ​റു​മി​വീ​ശി ചാ​ടി​മ​റി​ഞ്ഞു. കാ​ഴ്ച​ക്കാ​ർ ഉ​റ​ക്ക​ച്ച​ട​വു​മ​റ​ന്ന് കൈ​ക​ൾ​കൂ​പ്പി. ചെ​ണ്ട​ക്കാ​രു​ടെ പേ​ശി​ക​ൾ വ​ലി​ഞ്ഞു​മു​റു​കി. ക​തി​വ​ന്നൂ​ർ വീ​ര​ൻ ക്ഷേ​ത്ര​പ​രി​സ​ര​ത്തെ യു​ദ്ധ​ക്ക​ള​മാ​ക്കി. ചെ​മ്മ​ര​ത്തി​ത്ത​റ​യി​ൽ തീ​നാ​ള​ങ്ങ​ൾ നൃ​ത്തം​ചെ​യ്തു.

അ​ഭ്യാ​സ​ങ്ങ​ൾ​ക്കി​ടെ അ​യാ​ൾ ചെ​മ്മ​ര​ത്തി​ക്ക​ടു​ത്തെ​ത്തി. ക​ൺ​മു​ന്നി​ൽ ക​ലാ​പ​രി​പാ​ടി​യ​ല്ല. ആ​ളു​ക​ൾ കൈ​യ​ടി​ക്കു​ക​യോ ആ​ർ​പ്പു​വി​ളി​ക്കു​ക​യോ ചെ​യ്തി​ല്ല. ദൈ​വാ​വ​താ​ര​ത്തി​നു ചു​റ്റും ആ​ദ​ര​വു​ക​ളോ​ടെ നി​ന്നു. വെ​ളി​ച്ചം​വീ​ഴു​ന്പോ​ഴേ​ക്കും ആ​ളു​ക​ൾ ക​തി​വ​ന്നൂ​ർ വീ​ര​ന്‍റെ മു​ന്നി​ൽ ന​മ്ര​ശി​ര​സ്ക​രാ​യി നി​ൽ​ക്കു​ക​യാ​യി​രു​ന്നു.

തെ​യ്യം എ​ല്ലാ​വ​രു​ടെ​യും അ​ടു​ത്തെ​ത്തി. ത​നി​ക്ക​റി​യാ​മ​ല്ലോ നി​ങ്ങ​ളു​ടെ പ്ര​ശ്ന​ങ്ങ​ളെ​ന്ന് ആ​ശ്വ​സി​പ്പി​ച്ചു. ഭ​ക്ത​രു​ടെ ക​ഷ്ട​ങ്ങ​ൾ തെ​യ്യം ഏ​റ്റെ​ടു​ത്തു. നി​ങ്ങ​ൾ​ക്കൊ​രു വി​ജ​യം കാ​ത്തു​വ​ച്ചി​ട്ടു​ണ്ടെ​ന്നും വൈ​കി​ല്ലെ​ന്നും ചി​ല​രോ​ടു പ​റ​ഞ്ഞു. പ​രീ​ക്ഷ​യ്ക്കു ന​ന്നാ​യി പ​ഠി​ക്ക​ണ​മെ​ന്നും അ​ച്ഛ​നെ​യും അ​മ്മ​യെ​യും ക​ണ്ണീ​രു​കു​ടി​പ്പി​ക്ക​രു​തെ​ന്നും കു​ട്ടി​ക​ളോ​ടു പ​തി​ഞ്ഞ സ്വ​ര​ത്തി​ൽ ഉ​പ​ദേ​ശി​ച്ചു. സ​മാ​ധാ​ന​മാ​യ​വ​ർ മ​ട​ങ്ങി​യ​പ്പോ​ൾ ബാ​ക്കി​യു​ള്ള​വ​ർ ജീ​വി​ത​ഭാ​ര​ങ്ങ​ളു​മാ​യി തി​ക്കി​ത്തി​ര​ക്കി.

ഗു​ളി​ക​ൻ, കു​ടി​വീ​ര​ൻ, കു​റ​ത്തി​യ​മ്മ, വി​ഷ്ണു​മൂ​ർ​ത്തി, കു​ണ്ടോ​ർ ചാ​മു​ണ്ടി... ഓ​രോ​രു​ത്ത​രും രാ​പ്പ​ക​ലു​ക​ളി​ലെ ദൈ​വാ​വ​താ​ര​ങ്ങ​ൾ​ക്കൊ​ടു​വി​ൽ മ​നു​ഷ്യ​രാ​യി മ​ട​ങ്ങി. അ​ടു​ത്ത തെ​യ്യ​ക്കാ​ലം​വ​രെ അ​വ​ർ മ​നു​ഷ്യ​രാ​യി, കൃ​ഷി​ക്കാ​രും വ്യാ​പാ​രി​ക​ളും രാ​ഷ്ട്രീ​യ​ക്കാ​രും ഡ്രൈ​വ​ർ​മാ​രു​മാ​യി ക​ഠി​നാ​ധ്വാ​നം​ചെ​യ്ത്, വി​ശ​പ്പും വി​യ​ർ​പ്പും അ​നു​ഭ​വി​ച്ച് ജീ​വി​ക്കും. ഒ​ക്കെ മ​നു​ഷ്യ​ർ​ക്കു പ​റ​ഞ്ഞി​ട്ടു​ള്ള​താ​ണ്.

മ​ല​ബാ​റി​ന്‍റെ ദൈ​വാ​ന്വേ​ഷ​ണ​ങ്ങ​ൾ 

പ​ര​സ്പ​രം സാ​ര​മി​ല്ലെ​ന്നു പ​റ​ഞ്ഞും സ​ഹാ​യി​ച്ചും ചേ​ർ​ത്ത​ണ​ച്ചും ജീ​വി​ക്കു​ന്പോ​ൾ മ​നു​ഷ്യ​ർ മ​നു​ഷ്യ​രി​ൽ ദൈ​വ​ത്തെ കാ​ണു​ക​യാ​ണ്. ഉ​ട​യാ​ട​ക​ൾ​ക്ക​പ്പു​റ​ത്ത് അ​വ​ർ​ക്കു മ​നു​ഷ്യ​സാ​ദൃ​ശ്യ​മാ​ണ്. തോ​റ്റു​പോ​യ മ​നു​ഷ്യ​രാ​ണോ ദൈ​വ​മാ​കു​ന്ന​ത്? തോ​ൽ​വി​ക​ളെ അ​തി​ജീ​വി​ക്കാ​നു​ള്ള ശ്ര​മ​ത്തി​നി​ടെ​യാ​ണോ മ​നു​ഷ്യ​ർ തെ​യ്യ​ങ്ങ​ളാ​കു​ന്ന​ത് ? നി​ങ്ങ​ളി​ല്ലാ​തെ ജീ​വി​ക്കാ​ൻ ഞ​ങ്ങ​ൾ​ക്കാ​കു​ന്നി​ല്ലെ​ന്നു മ​നു​ഷ്യ​ൻ ദൈ​വ​ത്തോ​ടു പ​റ​യു​ക​യാ​ണോ? അ​തോ സ്വ​യം ദൈ​വ​മാ​യി പ​ര​ന്പ​രാ​ഗ​ത ദൈ​വ​ങ്ങ​ളെ വെ​ല്ലു​വി​ളി​ക്കു​ക​യാ​ണോ? പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ വൈ​കു​ന്ന ദൈ​വ​ങ്ങ​ൾ​ക്കു പ​ക​രം, പ്രാ​ർ​ഥ​ന​യ്ക്കൊ​പ്പം പ​രി​ഹാ​ര​വും ആ​ശ്വാ​സ​വും ന​ൽ​കു​ന്ന ദൈ​വ​ത്തെ മ​നു​ഷ്യ​ൻ സൃ​ഷ്ടി​ക്കു​ക​യാ​ണോ? ഒ​രു​ത്ത​രം​കൊ​ണ്ട് എ​ല്ലാ​വ​ർ​ക്കും മ​തി​യാ​കി​ല്ല. ഓ​രോ​രു​ത്ത​ർ​ക്കും ഓ​രോ ഉ​ത്ത​ര​ങ്ങ​ൾ കി​ട്ടി​യേ​തീ​രൂ. മ​ല​ബാ​റി​ന്‍റെ അ​ന്വേ​ഷ​ണ​ങ്ങ​ൾ മ​നു​ഷ്യ​നി​ൽ​നി​ന്നു ദൈ​വ​ത്തി​ലേ​ക്കു​ള്ള ദൂ​രം കു​റ​യ്ക്കു​ക​യാ​വാം.

ക്ഷേ​ത്ര​പ​രി​സ​രം വി​ജ​ന​മാ​യി​ത്തു​ട​ങ്ങി. തെ​യ്യ​ങ്ങ​ളും കോ​ലം വ​ര​യ്ക്കു​ന്ന​വ​രു​മി​ല്ലാ​തെ അ​ണി​യ​റ ശൂ​ന്യ​മാ​യി​ക്കി​ട​ന്നു. തെ​യ്യ​മൊ​ഴി​ഞ്ഞ ദേ​ഹ​ങ്ങ​ൾ​പോ​ലെ ചി​ല​ർ ഉ​റ​ങ്ങി​ക്കി​ട​ന്നു. ഞ​ങ്ങ​ൾ ന​ട​ന്ന വ​യ​ലു​ക​ളി​ൽ ത​ണു​പ്പ് ഒ​രു ക്രി​സ്മ​സ് പു​ല​രി​യി​ലെ​ന്ന​പോ​ലെ ശു​ഭ്ര​വ​സ്ത്ര​ധാ​രി​ക​ളാ​യ മാ​ലാ​ഖ​മാ​രാ​യി. ഞ​ങ്ങ​ൾ​ക്കും ഒ​രു ചി​രി സ​മ്മാ​നി​ച്ച്, തോ​ളി​ലൊ​രു ഭാ​ണ്ഡ​വു​മാ​യി ഇ​ന്ന​ല​ത്തെ ക​ണ്ട​നാ​ർ കേ​ള​ൻ മ​ഞ്ഞി​ലൂ​ടെ ന​ട​ന്നു​മ​റ​ഞ്ഞു. ദൈ​വം മ​നു​ഷ്യ​നാ​യി അ​വ​ത​രി​ച്ച​തി​ന്‍റെ അ​റി​യി​പ്പാ​യി ചെ​റു​താ​ഴ​ത്ത് ക​ട​ലാ​സു​ന​ക്ഷ​ത്ര​ങ്ങ​ൾ കെ​ടാ​തെ​നി​ന്നു.

Tags : divine incarnation man sunday deepika