അ​റ​ബി​ക്ക​ട​ലി​ന്‍റെ ശാ​ന്ത​ത​യി​ലേ​ക്ക് നീ​ളു​ന്ന ബോ​ട്ടു​യാ​ത്ര അ​വ​സാ​നി​ക്കു​മ്പോ​ൾ പാ​റ​ക്കെ​ട്ടു​ക​ളി​ൽ കൊ​ത്തി​യെ​ടു​ത്ത ഒ​രു പു​രാ​ത​ന ലോ​ക​മാ​ണ് മു​ന്നി​ൽ അ​നാ​വ​ര​ണം ചെ​യ്യ​പ്പെ​ടു​ന്ന​ത്. ന​ഗ​ര​ത്തി​ര​ക്കി​ൽ​നി​ന്ന് അ​ല്പം മാ​റി, ച​രി​ത്ര​ത്തി​ന്‍റെ ആ​ഴ​ത്തി​ൽ മു​ങ്ങി​യ ഒ​രു അ​ത്ഭു​തം- എ​ല​ഫ​ന്‍റാ ഗു​ഹ​ക​ൾ.

മും​ബൈ ഗേ​റ്റ്‌​വേ ഓ​ഫ് ഇ​ന്ത്യ​യി​ൽ​നി​ന്ന് ഏ​ക​ദേ​ശം ഒ​രു മ​ണി​ക്കൂ​ർ ബോ​ട്ടു​യാ​ത്ര​യ്ക്ക​പ്പു​റ​മാ​ണ് എ​ല​ഫ​ന്‍റാ ദ്വീ​പ്. പ​ച്ച​പ്പും പാ​റ​യും ചേ​ർ​ന്ന ദ്വീ​പി​ലെ ഗു​ഹാ​സ​മു​ച്ച​യം ഇ​ന്ത്യ​യു​ടെ ശി​ല്പ​ക​ലാ-​ആ​ത്മീ​യ പാ​ര​മ്പ​ര്യ​ത്തി​ന്‍റെ ഉ​ദാ​ഹ​ര​ണ​മാ​യി നി​ല​കൊ​ള്ളു​ന്നു.

ച​രി​ത്രം

എ​ഡി അ​ഞ്ച്, ആ​റ് നൂ​റ്റാ​ണ്ടു​ക​ൾ​ക്കി​ട​യി​ൽ നി​ർ​മി​ക്ക​പ്പെ​ട്ട​തെ​ന്നു ക​രു​ത​പ്പെ​ടു​ന്ന ഈ ​ഗു​ഹ​ക​ൾ ആ​രു​ടെ നി​ർ​മി​തി​യാ​ണെ​ന്ന് ഇ​പ്പോ​ഴും അ​ജ്ഞാ​ത​മാ​ണ്. പ്ര​ധാ​ന​മാ​യും ശൈ​വ​സ​ങ്ക​ൽ​പ്പ​ങ്ങ​ളെ ആ​സ്പ​ദ​മാ​ക്കി​യാ​ണ് രൂ​പ​പ്പെ​ട്ടി​രി​ക്കു​ന്ന​ത്. പൂ​ർ​ണ​മാ​യും പാ​റ​യി​ൽ​നി​ന്ന് കൊ​ത്തി​യെ​ടു​ത്ത ക്ഷേ​ത്ര​സ​ങ്കേ​തം, അ​ന്ന​ത്തെ ശി​ല്പി​ക​ളു​ടെ സാ​ങ്കേ​തി​ക മി​ക​വി​നും ദാ​ർ​ശ​നി​ക ആ​ഴ​ത്തി​നും സാ​ക്ഷ്യ​മാ​ണ്.

ത്രി​മൂ​ർ​ത്തി

ഗു​ഹ​ക​ളി​ലെ ഏ​റ്റ​വും വി​സ്മ​യി​പ്പി​ക്കു​ന്ന ശി​ല്പം ഏ​ക​ദേ​ശം 20 അ​ടി ഉ​യ​ര​മു​ള്ള സ​ദാ​ശി​വ ത്രി​മൂ​ർ​ത്തി​യാ​ണ്. സൃ​ഷ്ടി, സ്ഥി​തി, സം​ഹാ​രം എ​ന്നി​ങ്ങ​നെ ശി​വ​ന്‍റെ മൂ​ന്നു ഭാ​വ​ങ്ങ​ൾ ശാ​ന്ത​വും ഗൗ​ര​വ​വും നി​റ​ഞ്ഞ മു​ഖ​ഭാ​വ​ങ്ങ​ളി​ലൂ​ടെ ഇ​വി​ടെ ഒ​രേ​സ​മ​യം അ​വ​ത​രി​ക്കു​ന്നു.

പ്ര​കൃ​തി​ദ​ത്ത വെ​ളി​ച്ച​വും നി​ഴ​ലും ചേ​ർ​ന്ന് ശി​ല്പ​ത്തി​ന് ന​ൽ​കു​ന്ന ജീ​വ​ൻ, കാ​ണി​ക​ളെ വി​സ്മ​യി​പ്പി​ക്കും.

ക​ഥ​പ​റ​യു​ന്ന ശി​ല്പ​ങ്ങ​ൾ

ശി​ല്പ​ക​ല​യും ആ​ത്മീ​യ​ത​യും കൈ​കോ​ർ​ക്കു​ന്ന ഗു​ഹാ​സ​മു​ച്ച​യ​ത്തി​ലെ വി​വി​ധ ശി​ല്പ​ങ്ങ​ൾ ആ​രെ​യും അ​മ്പ​ര​പ്പി​ക്കും. അ​ർ​ധ​നാ​രീ​ശ്വ​ര​ൻ, ന​ട​രാ​ജ​ൻ, ഗം​ഗാ​ധ​ര​ൻ... എ​ല്ലാം ക​ഥ​പ​റ​യു​ന്ന ശി​ല്പ​ങ്ങ​ൾ. മ​ത​വി​ശ്വാ​സം മാ​ത്ര​മ​ല്ല, മ​നു​ഷ്യ​നും ദൈ​വ​വും ത​മ്മി​ലു​ള്ള ബ​ന്ധ​ത്തി​ന്‍റെ ക​ലാ​ത്മ​ക അ​വ​ത​ര​ണ​വു​മാ​ണ് ഇ​വ.

യു​നെ​സ്കോ അം​ഗീ​കാ​രം

1987ൽ ​യു​നെ​സ്കോ ലോ​ക പൈ​തൃ​ക പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​തോ​ടെ എ​ല​ഫ​ന്‍റാ ഗു​ഹ​ക​ൾ​ക്ക് ആ​ഗോ​ള ശ്ര​ദ്ധ ല​ഭി​ച്ചു. സം​ര​ക്ഷ​ണ പ്ര​വ​ർ​ത്ത​ന​ങ്ങ​ൾ തു​ട​രു​ന്നു​ണ്ടെ​ങ്കി​ലും, കാ​ല​ത്തി​ന്‍റെ​യും കാ​ലാ​വ​സ്ഥ​യു​ടെ​യും ആ​ഘാ​തം ശി​ല്പ​ങ്ങ​ളി​ൽ കാ​ണാം. പോ​ർ​ച്ചു​ഗീ​സു​കാ​രാ​ണ് ശി​ല്പ​ങ്ങ​ൾ ന​ശി​പ്പി​ച്ച​തെ​ന്ന് സെ​ക്യൂ​രി​റ്റി ഗൈ​ഡു​ക​ൾ വി​ശ​ദ​മാ​ക്കു​ന്നു​ണ്ടെ​ങ്കി​ലും ച​രി​ത്ര​പ​ര​മാ​യി അ​തി​ന് സാ​ധു​ത​യി​ല്ല.

ച​രി​ത്രം അ​നു​ഭ​വി​ക്കാം

ഗു​ഹ​യ്ക്കു​ള്ളി​ലേ​ക്ക് കാ​ൽ​വ​യ്ക്കു​ന്ന നി​മി​ഷം​മു​ത​ൽ പാ​റ​യ്ക്കു​ള്ളി​ലെ ത​ണു​പ്പും ശാ​ന്ത​ത​യും മ​ന​സി​നെ മ​റ്റൊ​രു കാ​ല​ത്തേ​ക്ക് കൊ​ണ്ടു​പോ​കും. കാ​മ​റ​ക്ക​ണ്ണി​ലൂ​ടെ മാ​ത്ര​മ​ല്ല, ഹൃ​ദ​യ​ത്തി​ലൂ​ടെ​യാ​ണ് ഈ ​ഇ​ടം കാ​ണേ​ണ്ട​ത്. ച​രി​ത്രം ഇ​വി​ടെ വാ​യി​ക്കാ​ന​ല്ല അ​നു​ഭ​വി​ക്കാ​നാ​ണ് ന​മ്മെ പ്രേ​രി​പ്പി​ക്കു​ക. ഗു​ഹ​ക​ൾ കാ​ണു​ന്ന​തി​നൊ​പ്പം, ദ്വീ​പി​ന്‍റെ പ്ര​കൃ​തി​സൗ​ന്ദ​ര്യ​വും ആ​സ്വ​ദി​ക്കാം. ഇ​തൊ​രു യാ​ത്ര​യ​ല്ല, ഒ​രു ച​രി​ത്ര​സ​ന്ദ​ർ​ശ​നം​ത​ന്നെ.

Tags : Sunday deepika