"നീ​തി​ക്കു​വേ​ണ്ടി ക​ര​ഞ്ഞു​ഴ​ന്നീ​ട​വേ
ഗീ​ത ചൊ​ല്ലി​ക്കേ​ട്ടൊ​ര​ര്‍​ജു​ന​ന​ല്ല ഞാ​ന്‍
വീ​ണ്ടു​മീ മ​ണ്ണി​ല്‍ ജ​നി​ച്ചു വ​ള​ര്‍​ന്നൊ​രു
വേ​ദ​ന​കെ​ട്ടി​യ കൊ​ച്ചു​കൂ​ടാ​ണു ഞാ​ന്‍''

മ​ഹാ​ക​വി അ​യ്യ​പ്പ​പ്പ​ണി​ക്ക​രു​ടെ കു​രു​ക്ഷേ​ത്രം എ​ന്ന ക​വി​ത​യി​ലെ വ​രി​ക​ള്‍ ന​മ്മു​ടെ മ​ന​സി​ല്‍ മി​ക്ക​പ്പോ​ഴും തി​ള​ച്ചു​മ​റി​യാ​റു​ണ്ട്. എ​ന്നാ​ല്‍ നീ​തി​യു​ടെ പ​ക്ഷ​ത്തു​നി​ന്നു പോ​രാ​ടാ​നു​ള്ള ആ​ത്മീ​യ​ജ്വാ​ല എ​ത്ര​പേ​ര്‍​ക്കു​ണ്ട്?.

പു​റ​മ്പോ​ക്കു​ക​ളി​ലേ​ക്കു വ​ലി​ച്ചെ​റി​യ​പ്പെ​ടു​ക​യും ഉ​ണ്ണാ​നും ഉ​ടു​ക്കാ​നും കി​ട​ക്കാ​നും ചി​കി​ത്സി​ക്കാ​നും വ​ക​യി​ല്ലാ​തെ ക​ണ്ണീ​ര്‍​ക്ക​യ​ത്തി​ല്‍ മു​ങ്ങി​ത്താ​ഴു​ക​യും ചെ​യ്യു​ന്ന ഹ​ത​ഭാ​ഗ്യ​രെ കാ​ണു​മ്പോ​ള്‍ നി​സം​ഗ​ത​യോ​ടെ​യും നി​ര്‍​വി​കാ​ര​ത​യോ​ടെ​യും മു​ഖം​തി​രി​ച്ചു ക​ട​ന്നു​പോ​കാ​ന​ല്ലേ ന​മ്മു​ടെ പ്ര​വ​ണ​ത?.

ന​വ​മു​ത​ലാ​ളി​ത്തം ന​മ്മു​ടെ​മേ​ല്‍ അ​ടി​ച്ചേ​ല്പി​ച്ച ക​മ്പോ​ള​വ​ത്ക​ര​ണ​ത്തി​ന്‍റെ ഭോ​ഗ​പ​ര​ത​യി​ല്‍ ആ​റാ​ടു​മ്പോ​ള്‍ പാ​വ​പ്പെ​ട്ട​വ​രു​ടെ​യും ചൂ​ഷി​ത​രു​ടെ​യും രോ​ദ​നം കേ​ള്‍​ക്കാ​ന്‍ ന​മു​ക്കാ​വു​ന്നി​ല്ല. ഇ​വി​ടെ നീ​തി​യു​ടെ​യും ധ​ര്‍​മ​ത്തി​ന്‍റെ​യും തി​രി​നാ​ളം തെ​ളി​യി​ക്കാ​ന്‍ ആ​രു​ണ്ട്?

ബി​സി എ​ട്ടാം നൂ​റ്റാ​ണ്ടി​ന്‍റെ ഒ​ന്നാം പ​കു​തി​യി​ല്‍ ഇ​സ്ര​യേ​ല്‍ ദേ​ശ​ത്തെ ബ​ഥേ​ലി​ല്‍ വ​രേ​ണ്യ​വ​ര്‍​ഗ​ത്തി​ന്‍റെ അ​ഴി​മ​തി​ക്കും അ​ധാ​ര്‍​മി​ക​ത​യ്ക്കു​മെ​തി​രേ സിം​ഹ​ഗ​ര്‍​ജ​നം മു​ഴ​ക്കി ക​ട​ന്നു​വ​ന്ന തെ​ക്കോ​വാ​ക്കാ​ര​ന്‍ ആ​ട്ടി​ട​യ​നാ​യ ആ​മോ​സ് ഒ​രു പ്ര​കാ​ശ​ഗോ​പു​രം​പോ​ലെ ന​മ്മു​ടെ മു​ന്നി​ല്‍ ഉ​യ​ര്‍​ന്നു​നി​ല്‍​ക്കു​ന്നു. ആ​മോ​സി​ന്‍റെ പ്ര​വ​ച​ന​ങ്ങ​ള്‍ ഇ​ന്ന​ത്തെ സ​മൂ​ഹ​ത്തി​ല്‍ സാ​മൂ​ഹി​ക​നീ​തി​യു​ടെ പ​ട​വാ​ളാ​യി​ത്തീ​രാ​ന്‍ ന​മ്മെ പ്രാ​പ്ത​രാ​ക്കും.

കാ​ല​ഘ​ട്ടം

ജ​റോ​ബോ​വാം ര​ണ്ടാ​മ​ന്‍ രാ​ജാ​വ് ഇ​സ്ര​യേ​ല്‍ ഭ​രി​ക്കു​ന്ന കാ​ല​ഘ​ട്ടം (ബി​സി 783- 743) കാ​ര്‍​ഷി​ക-​വ്യ​വ​സാ​യ രം​ഗ​ങ്ങ​ളി​ല്‍ പു​രോ​ഗ​തി​യു​ണ്ടാ​യി. അ​ന്ത​ര്‍​ദേ​ശീ​യ വ്യാ​പാ​ര​ത്തി​ലൂ​ടെ സ​മ്പ​ത്ത് കു​ന്നു​കൂ​ടി. പ​ക്ഷേ ഈ ​ഭൗ​തി​കാ​ഭി​വൃ​ദ്ധി സ​മൂ​ഹ​ത്തി​ലെ ധ​നി​ക​രെ മാ​ത്ര​മേ സ​ഹാ​യി​ച്ചു​ള്ളൂ. ധ​നി​ക​രും ദ​രി​ദ്ര​രും ത​മ്മി​ലു​ള്ള വി​ട​വു വ​ര്‍​ധി​ച്ചു. ധ​നി​ക​ര്‍ ദ​രി​ദ്ര​രെ ചൂ​ഷ​ണം​ചെ​യ്ത് പീ​ഡി​പ്പി​ച്ചു.

ഈ ​ക​ഷ്ട​സ്ഥി​തി​യി​ലാ​ണ് നീ​തി-​ധ​ര്‍​മ​ങ്ങ​ളു​ടെ ത​മ്പു​രാ​നാ​യ യാ​ഹ്‌​വേ​യാ​യ ദൈ​വം അ​പ്ര​തി​രോ​ധ്യ​മാ​യ ആ​ത്മീ​യ-​ധാ​ര്‍​മി​ക ശ​ക്തി സ​മൂ​ഹ​ത്തി​ലേ​ക്കു തു​റ​ന്നു​വി​ട്ട​ത്. അ​ധ​ര്‍​മ​ത്തി​ന്‍റെ ഭോ​ഗ​ലാ​ല​സ​ത​യി​ല്‍ അ​മ​ര്‍​ന്നു​കി​ട​ന്ന മേ​ലാ​ള​വ​ര്‍​ഗ​ത്തി​ന് അ​വി​ട​ന്ന് ഒ​രു "ഷോ​ക്ക് ട്രീ​റ്റ്‌​മെ​ന്‍റ്' ന​ല്‍​കി. ആ​മോ​സി​നെ​പ്പോ​ലെ​യു​ള്ള പ​രു​ക്ക​ന്‍ സ്വ​ഭാ​വ​ക്കാ​രാ​യ വ്യ​ക്തി​ക​ളെ​യാ​ണ് ഈ ​ധ​ര്‍​മ​സ​മ​ര​ത്തി​ന് ന​ടു​നാ​യ​ക​ത്വം വ​ഹി​ക്കാ​ന്‍ ദൈ​വം നി​യോ​ഗി​ച്ച​ത്.

പേ​രി​ന്‍റെ അ​ര്‍​ഥം

ആ​മോ​സ് യൂ​ദാ​രാ​ജ്യ​ത്തെ തെ​ക്കോ​വാ​യി​ലാ​ണ് ജ​നി​ച്ച​ത്. ആ​ടു​മേ​യ്ക്ക​ലും ക​ന്നു​കാ​ലി വ​ള​ര്‍​ത്ത​ലും കൃ​ഷി​യു​മാ​യി​രു​ന്നു അ​യാ​ളു​ടെ തൊ​ഴി​ല്‍. ത​ന്‍റെ ജോ​ലി​ക്കി​ട​യി​ല്‍ സാ​ധാ​ര​ണ​ജ​ന​ങ്ങ​ളു​ടെ ദൈ​ന്യാ​വ​സ്ഥ കാ​ണാ​നും അ​തി​ല്‍ പ​ങ്കാ​ളി​യാ​വാ​നും ആ​മോ​സി​നു ക​ഴി​ഞ്ഞു.

ആ​മോ​സ് എ​ന്ന പേ​രി​ന്‍റെ അ​ര്‍​ഥം "ഭാ​രം വ​ഹി​ക്കു​ന്ന​വ​ന്‍' എ​ന്നാ​ണ്. പാ​വ​പ്പെ​ട്ട​വ​ന്‍ പീ​ഡി​പ്പി​ക്ക​പ്പെ​ട്ട​തു​മൂ​ലം യാ​ഹ്‌​വേ​യാ​യ ദൈ​വ​ത്തി​ന്‍റെ ഹൃ​ദ​യ​ത്തി​നേ​റ്റ മു​റി​വി​ന്‍റെ ഭാ​ര​വും, പാ​വ​പ്പെ​ട്ട​വ​രു​മാ​യി താ​ദാ​ത്മ്യ​പ്പ​ട്ട​തി​ലൂ​ടെ അ​വ​ര്‍ അ​നു​ഭ​വി​ക്കു​ന്ന ക​ഷ്ട​പ്പാ​ടി​ന്‍റെ ഭാ​ര​വും ഹൃ​ദ​യ​ത്തി​ല്‍ പേ​റി​യ പ്ര​വാ​ച​ക​നാ​യി​രു​ന്നു ആ​മോ​സ്.

ഒ​രേ​സ​മ​യം ദൈ​വ​ത്തി​ന്‍റെ വേ​ദ​ന​യും ദ​രി​ദ്ര​ജ​ന​ത​യു​ടെ വേ​ദ​ന​യും ഉ​ള്‍​ത്ത​ട​ത്തി​ല്‍ പേ​റി​യ ക​രു​ണാ​മ​യ​നാ​യ വി​പ്ല​വ​കാ​രി. തെ​ക്ക​ന്‍​നാ​ട്ടു​കാ​ര​നാ​യി​രു​ന്നെ​ങ്കി​ലും വ​ട​ക്ക​ന്‍ ഇ​സ്ര​യേ​ലി​ല്‍ പോ​യി പ്ര​വാ​ച​ക ശു​ശ്രൂ​ഷ നി​ര്‍​വ​ഹി​ക്കാ​നാ​ണ് അ​യാ​ള്‍ നി​യോ​ഗി​ക്ക​പ്പെ​ട്ട​ത്.

അ​ന്ത​ര്‍​ദേ​ശീ​യ നീ​തി

ആ​മോ​സി​ന്‍റെ പു​സ്ത​ക​ത്തി​ന്‍റെ ആ​ദ്യ​ഭാ​ഗം അ​ന്ത​ര്‍​ദേ​ശീ​യ നീ​തി​യു​ടെ വി​ളം​ബ​ര​മാ​ണ് (ആ​മോ 1:3-2:3). ഇ​സ്ര​യേ​ലി​നു ചു​റ്റു​പാ​ടു​മു​ള്ള രാ​ജ്യ​ങ്ങ​ള്‍ അ​ന്താ​രാ​ഷ്ട്ര നി​യ​മ​ങ്ങ​ള്‍ പാ​ലി​ക്കാ​തെ യു​ദ്ധ​ത്തി​ലേ​ര്‍​പ്പെ​ട്ടു ചെ​യ്തു​കൂ​ട്ടി​യ പാ​ത​ക​ങ്ങ​ളാ​ണ് അ​ന്ത​ര്‍​ദേ​ശീ​യ​രം​ഗ​ത്തെ അ​നീ​തി​ക​ളാ​യി ഇ​വി​ടെ വി​വ​രി​ക്കു​ന്ന​ത്.

സാ​ധാ​ര​ണ പൗ​ര​ന്മാ​ര്‍​ക്കു​ണ്ടാ​യ കൊ​ടി​യ മ​ര്‍​ദ​നം, മ​നു​ഷ്യ​ക്ക​ട​ത്ത്, അ​ടി​മ​ക്ക​ച്ച​വ​ടം, സ​ഹോ​ദ​ര​ങ്ങ​ളോ​ടു​ള്ള അ​വി​ശ്വ​സ്ത​ത, ഗ​ര്‍​ഭി​ണി​ക​ളു​ടെ ഉ​ദ​രം​പി​ള​ര്‍​ന്ന നി​ന്ദ്യ​മാ​യ പ്ര​വൃ​ത്തി, മൃ​ത​ദേ​ഹ​ത്തോ​ടു​ള്ള അ​വ​ഹേ​ള​നം മു​ത​ലാ​യ​വ​യാ​ണ് അ​ന്ത​ര്‍​ദേ​ശീ​യ​രം​ഗ​ത്തെ അ​നീ​തി​ക​ള്‍. മ​ത​രം​ഗ​ത്തെ​യോ ആ​രാ​ധ​നാ​രം​ഗ​ത്തെ​യോ പാ​ളി​ച്ച​ക​ള​ല്ല, മ​നു​ഷ്യ​ബ​ന്ധ​ത്തി​ലെ സാ​ഹോ​ദ​ര്യ​ധ്വം​സ​ന​മാ​ണ് ആ​മോ​സ് എ​ടു​ത്തു​കാ​ട്ടു​ന്ന അ​നീ​തി​ക​ളെ​ന്ന​ത് ശ്ര​ദ്ധേ​യ​മാ​ണ്. ഇ​വ​യ്‌​ക്കെ​ല്ലാം ശി​ക്ഷ​യു​ണ്ടാ​കു​മെ​ന്ന് ആ​മോ​സ് മു​ന്ന​റി​യി​പ്പു​ന​ല്‍​കു​ന്നു.

സാ​മൂ​ഹി​ക​നീ​തി

അ​ന്ത​ര്‍​ദേ​ശീ​യ നീ​തി​യെ​പ്പ​റ്റി പ​രാ​മ​ര്‍​ശി​ച്ച ശേ​ഷം ഇ​സ്ര​യേ​ല്‍ സ​മൂ​ഹ​ത്തി​ല്‍ ന​ട​മാ​ടു​ന്ന കൊ​ടി​യ അ​ധ​ര്‍​മ​ങ്ങ​ളി​ലേ​ക്കാ​ണ് ആ​മോ​സ് വി​ര​ല്‍​ചൂ​ണ്ടു​ന്ന​ത്. ഈ ​അ​ധ​ര്‍​മ​ങ്ങ​ളെ മൊ​ത്ത​ത്തി​ല്‍ സാ​മൂ​ഹി​ക​മാ​യ അ​നീ​തി​ക​ള്‍ എ​ന്നു​വി​ളി​ക്കാം.

സാ​മൂ​ഹി​ക നീ​തി​യെ കു​റി​ക്കാ​ന്‍ ആ​മോ​സ് ര​ണ്ടു ഹീ​ബ്രു പ​ദ​ങ്ങ​ള്‍ ഉ​പ​യോ​ഗി​ക്കു​ന്നു: മി​ഷ്പാ​ത്ത്, സ്സെ​ദാ​ക്കാ. ചി​ല വാ​ക്യ​ങ്ങ​ളി​ല്‍ ഈ ​ര​ണ്ടു പ​ദ​ങ്ങ​ളും ഒ​ന്നി​ച്ച് ഉ​പ​യോ​ഗി​ച്ചി​ട്ടു​ണ്ട് (5:7, 5:24, 6:12). ക​രു​ണ​യി​ല്‍ കു​തി​ര്‍​ന്ന നീ​തി​യാ​ണ് മി​ഷ്പാ​ത്ത്. പാ​വ​പ്പെ​ട്ട​വ​ര്‍​ക്ക് ന​ഷ്ട​പ്പെ​ട്ടു​പോ​യ അ​വ​കാ​ശ​ങ്ങ​ള്‍ തി​രി​ച്ചു​ന​ല്‍​കി അ​വ​രെ കൈ​പി​ടി​ച്ച് ഉ​യ​ര്‍​ത്തു​ന്ന​താ​ണ് മി​ഷ്പാ​ത്ത്. പാ​വ​ങ്ങ​ളോ​ടു പ​ക്ഷം ചേ​രു​ന്ന​തും അ​വ​രു​ടെ വി​മോ​ച​ന​ത്തി​നാ​യി ജീ​വി​തം സ​മ​ര്‍​പ്പി​ക്കു​ന്ന​തു​മാ​ണ് മി​ഷ്പാ​ത്ത്. സ്സെ​ദാ​ക്കാ​യെ ധ​ര്‍​മം എ​ന്നു വി​വ​ര്‍​ത്ത​നം​ചെ​യ്യു​ന്ന​താ​ണ് ഉ​ചി​തം.

മി​ഷ്പാ​ത്ത്, സ്സെ​ദാ​ക്കാ എ​ന്നീ ര​ണ്ടു​പ​ദ​ങ്ങ​ള്‍ ഒ​ന്നി​ച്ചു​പ​യോ​ഗി​ക്കു​മ്പോ​ള്‍ സാ​മൂ​ഹി​ക​നീ​തി എ​ന്ന അ​ര്‍​ഥം ല​ഭി​ക്കും. പ​ല കാ​ര​ണ​ങ്ങ​ളാ​ല്‍ സ​മൂ​ഹ​ത്തി​ന്‍റെ പി​ന്നാ​മ്പു​റ​ങ്ങ​ളി​ലേ​ക്കു ത​ള്ള​പ്പെ​ട്ട​വ​രെ പ്ര​ത്യേ​കം സ​ഹാ​യി​ച്ച്, കൈ​കൊ​ടു​ത്തു​യ​ര്‍​ത്തി സ​മൂ​ഹ​ത്തി​ന്‍റെ മു​ഖ്യ​ധാ​ര​യി​ലേ​ക്ക് കൊ​ണ്ടു​വ​രാ​നു​ള്ള സാ​മൂ​ഹി​ക​മാ​യ ഉ​ത്ത​ര​വാ​ദി​ത്വ​മാ​ണ് സാ​മൂ​ഹി​ക​നീ​തി.

സാ​മൂ​ഹി​ക​മാ​യ അ​നീ​തി​യു​ടെ മേ​ഖ​ല​ക​ള്‍

അ​ഞ്ചു മേ​ഖ​ല​ക​ളി​ലാ​ണ് ആ​മോ​സ് സാ​മൂ​ഹി​കാ​നീ​തി ദ​ര്‍​ശി​ച്ച​ത്. പാ​വ​പ്പെ​ട്ട​വ​രെ അ​ടി​ച്ച​മ​ര്‍​ത്തു​ന്ന​താ​ണ് ഒ​ന്നാ​മ​ത്തെ മേ​ഖ​ല. ""അ​വ​ര്‍ നീ​തി​മാ​ന്മാ​രെ വെ​ള്ളി​ക്കും ഒ​രു ജോ​ടി ചെ​രി​പ്പി​നു സാ​ധു​ക്ക​ളെ​യും വി​ല്‍​ക്കു​ന്നു. പാ​വ​പ്പെ​ട്ട​വ​രു​ടെ ത​ല മ​ണ്ണി​ല്‍ ച​വി​ട്ടി​മെ​തി​ക്കു​ന്നു. ദ​രി​ദ്ര​രെ വ​ഴി​യി​ല്‍​നി​ന്നു ത​ള്ളി​മാ​റ്റു​ന്നു. അ​പ്പ​നും മ​ക​നും ഒ​രേ യു​വ​തി​യെ പ്രാ​പി​ക്കു​ന്നു. പ​ണ​യം കി​ട്ടി​യ വ​സ്ത്രം​ധ​രി​ച്ച് ഓ​രോ ബ​ലി​പീ​ഠ​ത്തി​നും അ​രി​കി​ല്‍ അ​വ​ര്‍ ശ​യി​ക്കു​ന്നു. പി​ഴ​യാ​യി ഈ​ടാ​ക്കി​യ മ​ദ്യം ദേ​വാ​ല​യ​ത്തി​ല്‍​വ​ച്ച് പാ​നം​ചെ​യ്യു​ന്നു'' (ആ​മോ 2:6-8).

നീ​തി​ന്യാ​യ കോ​ട​തി​യി​ലെ അ​ഴി​മ​തി​യാ​ണ് ആ​മോ​സ് ചൂ​ണ്ടി​ക്കാ​ണി​ക്കു​ന്ന അ​ടു​ത്ത മേ​ഖ​ല (ആ​മോ 5:10,12,15). ധ​നി​ക​ര്‍ കൈ​ക്കൂ​ലി​കൊ​ടു​ത്ത് കോ​ട​തി​വി​ധി ത​ങ്ങ​ള്‍​ക്ക​നു​കൂ​ല​മാ​യി അ​ട്ടി​മ​റി​ക്കു​ന്ന​തി​നാ​ല്‍ പാ​വ​പ്പെ​ട്ട​വ​ര്‍​ക്ക് നീ​തി​പീ​ഠ​ങ്ങ​ളി​ല്‍​നി​ന്ന് നീ​തി ല​ഭി​ക്കു​ന്നി​ല്ല. ക​ച്ച​വ​ട​ക്കാ​ര്‍ നേ​രും നെ​റി​യു​മി​ല്ലാ​തെ ക​ള്ള​ത്തു​ലാ​സും ക​ള്ള​ക്ക​ട്ടി​ക​ളും ഉ​പ​യോ​ഗി​ച്ച് ക​ച്ച​വ​ടം​ചെ​യ്ത് പാ​വ​പ്പെ​ട്ട​വ​രെ കൊ​ള്ള​യ​ടി​ക്കു​ന്ന​താ​ണ് അ​നീ​തി​യു​ടെ മ​റ്റൊ​രു മേ​ഖ​ല (ആ​മോ 8:4-6). ധ​നി​ക​ര്‍ ചു​റ്റു​പാ​ടു​മു​ള്ള ദ​രി​ദ്ര​രെ അ​വ​ഗ​ണി​ച്ചു​കൊ​ണ്ട് സു​ഖ​ലോ​ലു​പ​ജീ​വി​തം ന​യി​ക്കു​ന്ന​ത് പ്ര​ക​ട​മാ​യ അ​നീ​തി​ത​ന്നെ​യാ​ണ്.

അ​വ​ര്‍ ര​മ്യ​ഹ​ര്‍​മ്യ​ങ്ങ​ളി​ല്‍ വ​സി​ച്ചു​കൊ​ണ്ട് സു​ഖ​ഭോ​ഗ​ങ്ങ​ളി​ല്‍ മു​ഴു​കു​ന്നു. തൊ​ട്ട​ടു​ത്തു താ​മ​സി​ക്കു​ന്ന ദ​രി​ദ്ര​ന്‍റെ ക​ണ്ണീ​രു​കാ​ണാ​ന്‍ അ​വ​ര്‍​ക്കു ക​ണ്ണി​ല്ല (4:1-3, 3:15, 5:11). ദ​രി​ദ്ര​നെ ച​വി​ട്ടി​യ​ര​ച്ചു​കൊ​ണ്ട് ചെ​ത്തി​യൊ​രു​ക്കി​യ മാ​ളി​ക​ക​ള്‍ പ​ണി​താ​ല്‍ അ​വി​ടെ അ​വ​ര്‍​ക്കു വ​സി​ക്കാ​നാ​വി​ല്ലെ​ന്ന് ആ​മോ​സ് മു​ന്ന​റി​യി​പ്പു ന​ല്‍​കു​ന്നു. മ​ത​മേ​ഖ​ല​യി​ലെ അ​ധ​ര്‍​മ​മാ​ണ് ആ​മോ​സ് ചൂ​ണ്ടി​ക്കാ​ണി​ക്കു​ന്ന അ​ഞ്ചാ​മ​ത്തെ അ​നീ​തി​യു​ടെ മേ​ഖ​ല. നീ​തി​യും ധ​ര്‍​മ​വും പു​ല​ര്‍​ത്താ​തെ, പാ​വ​പ്പെ​ട്ട​വ​രെ പീ​ഡി​പ്പി​ച്ചു​കൊ​ണ്ടും അ​ന്യാ​യ​മാ​ര്‍​ഗ​ത്തി​ല്‍ പ​ണം ക​വ​ര്‍​ന്നെ​ടു​ത്തു​കൊ​ണ്ടും തി​രു​നാ​ളു​ക​ള്‍ ആ​ച​രി​ച്ചാ​ല്‍, ദൈ​വം അ​തു സ്വീ​ക​രി​ക്ക​യി​ല്ലെ​ന്ന് ആ​മോ​സ് തീ​ര്‍​ത്തു​പ​റ​ഞ്ഞു.

""നി​ങ്ങ​ളു​ടെ ഉ​ത്സ​വ​ങ്ങ​ളോ​ട് എ​നി​ക്കു വെ​റു​പ്പാ​ണ്. അ​വ​ജ്ഞ​യാ​ണ്. നി​ങ്ങ​ളു​ടെ മ​ഹാ​സ​മ്മേ​ള​ന​ങ്ങ​ളി​ല്‍ എ​നി​ക്കു പ്ര​സാ​ദ​മി​ല്ല. നി​ങ്ങ​ളു​ടെ ദ​ഹ​ന​ബ​ലി​ക​ളും ധാ​ന്യ​ബ​ലി​ക​ളും ഞാ​ന്‍ സ്വീ​ക​രി​ക്കു​ക​യി​ല്ല. നി​ങ്ങ​ളു​ടെ ഗാ​ന​ങ്ങ​ളു​ടെ ശ​ബ്ദം എ​നി​ക്കു കേ​ള്‍​ക്കേ​ണ്ട. നീ​തി ജ​ലം​പോ​ലെ ഒ​ഴു​ക​ട്ടെ. ധ​ര്‍​മം വ​റ്റാ​ത്ത നീ​ര്‍​ച്ചാ​ലു​പോ​ലെ​യും'' (ആ​മോ 5:21-24).

സാ​മൂ​ഹി​ക നീ​തി​ക്കെ​തി​രേ, പാ​വ​പ്പെ​ട്ട​വ​രു​ടെ അ​വ​കാ​ശ​ങ്ങ​ള്‍​ക്കെ​തി​രേ ധ​നി​ക​വ​ര്‍​ഗം ചെ​യ്തു​കൂ​ട്ടു​ന്ന ഏ​ഴു തി​ന്മ​ക​ള്‍ ആ​മോ​സ് അ​വ​ത​രി​പ്പി​ക്കു​മ്പോ​ള്‍ അ​വ ഇ​ന്ന​ത്തെ സ​മൂ​ഹ​ത്തെ ജീ​ര്‍​ണ​ത​യി​ലാ​ഴ്ത്തു​ന്ന തി​ന്മ​ക​ള്‍ ത​ന്നെ​യാ​ണ് നാം ​തി​രി​ച്ച​റി​യും.

അ​വ ഇ​ങ്ങ​നെ സം​ഗ്ര​ഹി​ക്കാം: മ​നു​ഷ്യാ​വ​കാ​ശ ലം​ഘ​നം, മ​നു​ഷ്യ​ക്ക​ട​ത്ത്, ദ​രി​ദ്ര​രെ അ​ടി​മ​ക​ളാ​ക്കു​ന്ന സാ​മൂ​ഹി​ക വ്യ​വ​സ്ഥി​തി, പാ​വ​പ്പെ​ട്ട​വ​രു​ടെ വ​ള​ര്‍​ച്ച​യെ പ്ര​തി​രോ​ധി​ക്കു​ന്ന ദു​ഷ്‌​കൃ​ത്യ​ങ്ങ​ള്‍, ലൈം​ഗി​ക മ​ണ്ഡ​ല​ത്തി​ലെ കു​റ്റ​കൃ​ത്യ​ങ്ങ​ള്‍, പാ​വ​പ്പെ​ട്ട​വ​രു​ടെ വ​സ്തു​വ​ക​ക​ള്‍ കൈ​യേ​റു​ന്ന ഹീ​ന​കൃ​ത്യം, പാ​വ​പ്പെ​ട്ട​വ​രെ ഞെ​രു​ക്കി​ക്കൊ​ണ്ട് സു​ഖ​ഭോ​ഗ​ങ്ങ​ളി​ല്‍ ര​മി​ക്കു​ന്ന ധ​നി​ക​രു​ടെ ആ​ഡം​ബ​ര​ജീ​വി​തം.

സ​മ​ത്വ​വും സാ​ഹോ​ദ​ര്യ​വും ത​ക​ര്‍​ന്നു​കൊ​ണ്ടി​രി​ക്കു​ന്ന ഒ​രു സ​മൂ​ഹ​ത്തി​ല്‍ നീ​തി​പു​ല​രു​ന്നു​ണ്ടെ​ന്നു പ​റ​യാ​നാ​വു​മോ? സ​മ്പ​ന്ന​രും ദ​രി​ദ്ര​രും ത​മ്മി​ലു​ള്ള വി​ട​വ് ഭീ​ക​ര​മാം​വി​ധം വ​ര്‍​ധി​ച്ചു​കൊ​ണ്ടി​രി​ക്കു​മ്പോ​ള്‍ ന​മ്മു​ടെ രാ​ഷ്ട്രം സാ​മ്പ​ത്തി​ക​മാ​യ ഉ​ത്ക​ര്‍​ഷം നേ​ടു​ന്നു​ണ്ടെ​ന്നു പ​റ​യാ​നാ​വു​മോ? വ​ര്‍​ഗീ​യ ധ്രു​വീ​ക​ര​ണ​വും മ​ത​സ്പ​ര്‍​ധ​യും ഭ​യാ​ന​ക​മാം​വി​ധം വ​ള​രു​ന്നി​ട​ത്ത്, ജാ​തി​യു​ടെ​യും മ​ത​ത്തി​ന്‍റെ​യും പേ​രി​ല്‍ മ​നു​ഷ്യ​ര്‍ ത​മ്മി​ല​ടി​ക്കു​ന്നി​ട​ത്ത് ക്ഷേ​മ​രാ​ഷ്ട്ര​മു​ണ്ടെ​ന്നു പ​റ​യാ​നാ​വു​മോ? ദ​ളി​ത​രും ന്യൂ​ന​പ​ക്ഷ​ങ്ങ​ളും ഭീ​തി​യു​ടെ മു​ള്‍​മു​ന​യി​ല്‍ ക​ഴി​യു​ന്നി​ട​ത്ത് മ​തേ​ത​ര സ​മ​ഭാ​വ​ന​യും സാ​ഹോ​ദ​ര്യ​വു​മു​ണ്ടെ​ന്നു പ​റ​യാ​നാ​വു​മോ?

ചി​ല മ​ത​ച​ര്യ​ക​ളു​ടെ പേ​രി​ല്‍ ആ​ള്‍​ക്കൂ​ട്ട കൊ​ല​പാ​ത​ക​ങ്ങ​ള്‍ അ​ര​ങ്ങേ​റു​ന്നി​ട​ത്ത് നീ​തി​പൂ​ര്‍​വ​മാ​യ സാ​മൂ​ഹി​ക വ്യ​വ​സ്ഥി​തി​യു​ണ്ടെ​ന്നു പ​റ​യാ​നാ​വു​മോ? അം​ബ​ര​ചും​ബി​ക​ളാ​യ ദേ​വാ​ല​യ​ങ്ങ​ളും ക്ഷേ​ത്ര​ങ്ങ​ളും മി​നാ​ര​ങ്ങ​ളും പ​ണി​തു​യ​ര്‍​ത്തു​ക​യും അ​തി​നു​വേ​ണ്ടി നി​ര്‍​ബ​ന്ധ പി​രി​വു ന​ട​ത്തു​ക​യും മ​താ​ഘോ​ഷ​ങ്ങ​ള്‍ പൊ​ടി​പൊ​ടി​ക്കു​ക​യും ചെ​യ്യു​മ്പോ​ഴും ദ​രി​ദ്ര​ന്‍റെ ആ​ര്‍​ത്ത​നാ​ദം കേ​ള്‍​ക്കാ​തി​രി​ക്കാ​ന്‍ ചെ​വി​പൊ​ത്തു​ന്നെ​ങ്കി​ല്‍ നാം ​ഈ​ശ്വ​ര​വി​ശ്വാ​സി​ക​ളാ​ണെ​ന്നു പ​റ​യാ​നാ​വു​മോ? "മാ​ധ​വ​സേ​വ മാ​ന​വ​സേ​വ'​യാ​ണെ​ന്ന തി​രി​ച്ച​റി​വി​ലേ​ക്ക് നാം ​വ​ള​രു​ന്ന​തെ​പ്പോ​ള്‍?

ന​മ്മു​ടെ പ്ര​ത്യേ​ക തെ​ര​ഞ്ഞെ​ടു​പ്പും സാ​മ്പ​ത്തി​ക സ​മൃ​ദ്ധി​യും പാ​വ​പ്പെ​ട്ട​വ​രെ മോ​ചി​പ്പി​ക്കാ​ന്‍ ദൈ​വം ക​നി​ഞ്ഞു​ന​ല്‍​കി​യി​രി​ക്കു​ന്ന​താ​ണെ​ന്ന ബോ​ധ്യം ആ​മോ​സി​നു​ണ്ടാ​യി​രു​ന്നു (3:2). ക​ര്‍​ത്താ​വി​ന്‍റെ ദി​ന​ത്തെ​ക്കു​റി​ച്ചു​ള്ള പ്ര​ത്യ​യ​ശാ​സ്ത്ര​വും (5:18-20), പു​റ​പ്പാ​ടി​ന്‍റെ അ​ന​ന്യ​ത​യെ​ക്കു​റി​ച്ചു​ള്ള പ്ര​ത്യ​യ​ശാ​സ്ത്ര​വും (9:7) ത​കി​ടം​മ​റി​ച്ചു​കൊ​ണ്ട് എ​ല്ലാ മ​നു​ഷ്യ​രും തു​ല്യ​രാ​ണെ​ന്നും മ​നു​ഷ്യ​ന്‍റെ മേ​ന്മ പാ​വ​പ്പെ​ട്ട​വ​രെ ശു​ശ്രൂ​ഷി​ക്കു​ന്ന​തി​ല്‍ മാ​ത്ര​മാ​ണെ​ന്നും ആ​മോ​സ് പ്ര​ഘോ​ഷി​ച്ച​പ്പോ​ള്‍ ഒ​രു പു​തു​യു​ഗ​ത്തി​നു​വേ​ണ്ടി​യു​ള്ള ആ​ഭേ​രി അ​ദ്ദേ​ഹം മു​ഴ​ക്കു​ക​യാ​യി​രു​ന്നു.

സം​ഘ​ട്ട​നം

സാ​മൂ​ഹി​ക​നീ​തി​ക്കു​വേ​ണ്ടി​യു​ള്ള ആ​മോ​സി​ന്‍റെ പ്ര​വ​ച​ന​ങ്ങ​ളെ ബ​ഥേ​ലി​ലെ പു​രോ​ഹി​ത​നാ​യ അ​മ​സി​യാ നേ​രി​ട്ടെ​തി​ര്‍​ത്തു (7:10-17). ആ​മോ​സ് ധീ​ര​മാ​യി ചെ​റു​ത്തു​നി​ന്നു. അ​മ​സി​യാ പ​ല​പ്രാ​വ​ശ്യം ആ​മോ​സി​നെ പ്ര​ഹ​രി​ച്ചു. അ​മ​സി​യാ​യു​ടെ മ​ക​ന്‍ കു​ന്ത​മെ​റി​ഞ്ഞ് ആ​മോ​സി​നെ കൊ​ല​പ്പെ​ടു​ത്തി​യെ​ന്നാ​ണ് ഇ​സ്ര​യേ​ല്‍​ക്കാ​രു​ടെ​യി​ട​യി​ലെ പാ​ര​മ്പ​ര്യം.

സ്ഥാ​പ​നാ​ത്മ​ക​ത​യു​ടെ വ​ക്താ​ക്ക​ള്‍ സ​ത്യ​പ്ര​വാ​ച​ക​ര്‍​ക്കെ​തി​രേ തി​രി​യും. സ്ഥാ​പ​ന​ത്തി​ന്‍റെ ജീ​ര്‍​ണ​ത മ​റ​നീ​ക്കി​ക്കാ​ണി​ക്കു​ക​യും സ്ഥാ​പ​ന​ത്തി​ന്‍റെ ശു​ദ്ധീ​ക​ര​ണ​ത്തി​നു​വേ​ണ്ടി വ​ച​ന​ത്തി​ന്‍റെ വാ​ള്‍ ചു​ഴ​റ്റു​ക​യും ചെ​യ്യു​ന്ന​തു​കൊ​ണ്ടാ​ണ്, സ്ഥാ​പ​ന​ത്തി​ന്‍റെ വ​ക്താ​ക്ക​ള്‍ പ്ര​വാ​ച​ക​നെ​തി​രേ തി​രി​യു​ന്ന​ത്.

ര​ക്ത​രൂ​ക്ഷി​ത​മാ​യ പോ​രാ​ട്ട​ത്തി​ല്‍ പ്ര​വാ​ച​ക​ന്‍ മൃ​തി​പ്പെ​ട്ടെ​ന്നു​വ​രും. എ​ന്നാ​ല്‍ അ​വ​ര്‍ കൊ​ളു​ത്തി​യ ന​വോ​ത്ഥാ​ന​ത്തി​ന്‍റെ അ​ഗ്നി കെ​ടാ​തെ ക​ത്തി​ജ്വ​ലി​ക്കു​ക​ത​ന്നെ ചെ​യ്യും.

Tags : Sunday deepika