ചി​ത​റി​ത്തെ​റി​ക്കു​ന്ന ഒ​രു കാ​ട്ട​രു​വി​യു​ടെ കു​ളി​രു പ​ക​രു​ന്ന ഈ​ണ​ങ്ങ​ൾ.. കേ​ൾ​ക്കാ​ൻ മാ​ത്ര​മു​ള്ള​ത​ല്ല, അ​നു​ഭ​വി​ക്കാ​ൻ​കൂ​ടി​യു​ള്ള​താ​ണെ​ന്നു​റ​പ്പി​ച്ചു ആ ​സം​ഗീ​തം... പ​ക​ര​ക്കാ​ർ ആ​രു​മി​ല്ലാ​ത്ത പ്ര​തി​ഭ​യാ​ണ് ആ ​ഈ​ണ​ങ്ങ​ൾ​ക്ക് ഹൃ​ദ​യം​കൊ​ണ്ട് ഒ​പ്പു​ചാ​ർ​ത്തി​യ​ത്- സ​ലി​ൽ ചൗ​ധ​രി... ബു​ധ​നാ​ഴ്ച അ​ദ്ദേ​ഹ​ത്തി​ന്‍റെ നൂ​റാം ജന്മവാ​ർ​ഷി​ക​മാ​യി​രു​ന്നു...

ആ​സാ​മി​ലെ കാ​സി​രം​ഗ​യ്ക്ക​ടു​ത്തു​ള്ള തേ​യി​ല​ത്തോ​ട്ട​ങ്ങ​ളി​ൽ മെ​ഡി​ക്ക​ൽ ഓ​ഫീ​സ​റാ​യി​രു​ന്ന ഡോ. ​ജ്ഞാ​നേ​ന്ദ്ര ചൗ​ധ​രി ബം​ഗാ​ളി​ലെ സ്വ​ന്തം ഗ്രാ​മ​ത്തി​ൽ​നി​ന്ന് ആ​റു​വ​യ​സു​കാ​ര​ൻ മ​ക​നെ​യും അ​ങ്ങോ​ട്ടു കൊ​ണ്ടു​പോ​യി. സ​ലി​ൽ എ​ന്ന ആ ​ബാ​ല​ന് അ​വി​ട​മൊ​രു വി​സ്മ​യ​ലോ​ക​മാ​യി​രു​ന്നു.

തോ​ട്ടം തൊ​ഴി​ലാ​ളി​ക​ൾ​ക്കു​വേ​ണ്ടി ചെ​റു നാ​ട​ക​ങ്ങ​ളും ക​ലാ​പ​രി​പാ​ടി​ക​ളും ഒ​രു​ക്കി​യി​രു​ന്ന പി​താ​വ് അ​വ​നെ പു​തി​യ ഈ​ണ​ങ്ങ​ൾ കേ​ൾ​പ്പി​ച്ചു. കാ​ടി​ന്‍റെ​യും മ​ല​ക​ളു​ടെ​യും സം​ഗീ​തം അ​വ​നി​ലേ​ക്ക് പ്ര​വ​ഹി​ച്ചു. അ​തൊ​രു ചെ​റി​യ തു​ട​ക്കം മാ​ത്ര​മാ​യി​രു​ന്നു. അ​ദ്ഭു​ത​ങ്ങ​ൾ പി​ന്നെ​യും അ​വ​നെ കാ​ത്തി​രി​ക്കു​ന്നു​ണ്ടാ​യി​രു​ന്നു.

അ​ന്ന​വി​ടെ ഡോ. ​മ​ലോ​ണി​യാ​ണ് ചീ​ഫ് മെ​ഡി​ക്ക​ൽ ഓ​ഫീ​സ​ർ. ഡോ​ക്ട​റു​ടെ ഗ്രാ​മ​ഫോ​ണ്‍ റെ​ക്കോ​ർ​ഡു​ക​ൾ സ​ലി​ലി​നെ പാ​ശ്ചാ​ത്യ സിം​ഫ​ണി​ക​ൾ കേ​ൾ​പ്പി​ച്ചു. സ്വ​ദേ​ശ​മാ​യ അ​യ​ർ​ല​ൻ​ഡി​ലേ​ക്കു മ​ട​ങ്ങു​ന്പോ​ൾ ആ ​ഡി​സ്കു​ക​ളൊ​ന്നും ഡോ​ക്ട​ർ കൊ​ണ്ടു​പോ​യി​ല്ല. സ​ലി​ൽ അ​വ​യി​ലൂ​ടെ സം​ഗീ​ത​സാ​ഗ​ര​ങ്ങ​ൾ ക​ട​ന്നു. ബീ​ഥോ​വ​നും മൊ​സാ​ർ​ട്ടും ചോ​പ്പി​നും അ​വ​ന് പു​തി​യ സ്വ​പ്ന​ങ്ങ​ൾ സ​മ്മാ​നി​ച്ചു. പു​ല്ലാ​ങ്കു​ഴ​ലി​ൽ അ​വ​ൻ ആ​സാ​മി​ന്‍റെ നാ​ടോ​ടി ഈ​ണ​ങ്ങ​ൾ വാ​യി​ച്ചു​തു​ട​ങ്ങി.

കോ​ള​ജി​ൽ പ​ഠി​ക്കാ​നെ​ത്തി​യ​തോ​ടെ സ്വ​ന്ത​മാ​യി പാ​ട്ടു​ക​ൾ​ക്ക് ഈ​ണ​മൊ​രു​ക്കി. സ​ലി​ലി​നെ, സ​ലി​ൽ ചൗ​ധ​രി​യെ ഈ​ണ​ങ്ങ​ളു​ടെ ലോ​കം സ്വ​ന്ത​മാ​ക്കി​യെ​ന്നും പ​റ​യാം. പ്രി​യ​പ്പെ​ട്ട സ​ലി​ൽ​ദാ​യു​ടെ ഉ​ദ​യം!

ഇ​പ്റ്റ​യു​ടെ വേ​ദി​ക​ൾ

ഉ​പ​രി​പ​ഠ​ന​ത്തി​നാ​യി 1944ൽ ​കോ​ൽ​ക്ക​ത്ത​യി​ൽ എ​ത്തി​യ സ​ലി​ൽ ചൗ​ധ​രി​യെ വ​ലി​യൊ​രു വേ​ദി ഹൃദയപൂർവം സ്വീകരിച്ചു- ഇ​ട​തു​പ​ക്ഷ ക​ലാ​കാ​രന്മാ​രു​ടെ കൂ​ട്ടാ​യ്മ​യാ​യ ഇ​പ്റ്റ (ഇ​ന്ത്യ​ൻ പീ​പ്പി​ൾ​സ് തി​യ​റ്റ​ർ അ​സോ​സി​യേ​ഷ​ൻ). ബ​ൽ​രാ​ജ് സാ​ഹ്നി, കൈ​ഫി ആ​സ്മി, കെ.​എ. അ​ബ്ബാ​സ് തു​ട​ങ്ങി​യ പ്ര​ഗ​ത്ഭ​ർ​ക്കൊ​പ്പം ഇ​പ്റ്റ​യു​ടെ മു​ൻ​നി​ര​യി​ൽ അ​ണി​ചേ​രാ​ൻ സ​ലി​ലി​നു ക​ഴി​ഞ്ഞു. ബം​ഗാ​ൾ ജ​ന​ത​യു​ടെ ഹൃ​ദ​യ​ത്തി​ൽ സ​മ​ര​ജ്വാ​ല​ക​ൾ ഉ​യ​ർ​ത്തി​യ ഒ​ട്ടേ​റെ ഗാ​ന​ങ്ങ​ൾ ഇ​പ്റ്റ​യ്ക്കു​വേ​ണ്ടി സ​ലി​ൽ ഒ​രു​ക്കി. പാ​ട്ടെ​ഴു​ത്തും ചി​ട്ട​പ്പെ​ടു​ത്ത​ലും ഒ​രു​പോ​ലെ അ​ദ്ദേ​ഹ​ത്തി​നു വ​ഴ​ങ്ങി.

ടാ​ഗോ​ർ, പ​ങ്ക​ജ് മ​ല്ലി​ക്, ജ്യോ​തി​രീ​ന്ദ്ര മി​ത്ര തു​ട​ങ്ങി​യ​വ​രാ​യി​രു​ന്നു സ​ലി​ലി​നു പ്ര​ചോ​ദ​നം. ക​വി​ത​യു​ടെ​യും സം​ഗീ​ത​ത്തി​ന്‍റെ​യും ക​ന​ൽ ജ്വ​ലി​ച്ച കാ​ലം. അ​ദ്ദേ​ഹ​മൊ​രു​ക്കി​യ സി​നി​മാ​പ്പാ​ട്ടു​ക​ൾ​ക്കും ഏ​റെ​യു​യ​ര​ത്തി​ലാ​ണ് അ​ന്ന​ത്തെ ഗാ​ന​ങ്ങ​ളു​ടെ സ്ഥാ​നം. റെ​ക്കോ​ർ​ഡ് ചെ​യ്യ​പ്പെ​ടാ​തെ​പോ​യെ അ​സം​ഖ്യം ഗാ​ന​ങ്ങ​ളും അ​ക്കൂ​ട്ട​ത്തി​ലു​ണ്ട്. സ്വാ​ത​ന്ത്ര്യ​സ​മ​ര​വു​മാ​യി ബ​ന്ധ​പ്പെ​ട്ട് അ​ദ്ദേ​ഹം ഒ​രു​ക്കി​യ പാ​ട്ടു​ക​ളു​ടെ വ​രി​ക​ൾ അ​ത്യ​ന്തം തീ​ക്ഷ്ണ​മാ​യി​രു​ന്ന​തി​നാ​ൽ പ​ല​പ്പോ​ഴും വേ​ദി​ക​ളി​ൽ അ​വ​ത​രി​പ്പി​ക്കു​ന്ന​തി​നു​മു​ന്പ് സെ​ൻ​സ​റിം​ഗി​നു വി​ധേ​യ​മാ​ക്കാ​റു​ണ്ടായിരുന്നു.

ബം​ഗാ​ൾ ക്ഷാ​മ​കാ​ല​ത്തും ര​ണ്ടാം ലോ​ക​​യു​ദ്ധ​കാ​ല​ത്തും അ​ഭ​യാ​ർ​ഥി​ക​ളു​ടെ ക​ഷ്ട​പ്പാ​ടു​ക​ൾ ക​ണ്ട​റി​ഞ്ഞ് അ​ദ്ദേ​ഹ​ത്തി​ന്‍റെ മ​ന​സു​ല​ഞ്ഞു. സാ​ധാ​ര​ണ​ക്കാ​രു​ടെ അ​തി​ജീ​വ​ന​പ്പോ​രാ​ട്ട​ങ്ങ​ൾ​ക്കൊ​പ്പം നി​ല​യു​റ​പ്പി​ച്ചു. സു​ന്ദ​ർ​ബ​ൻ​സി​ൽ ഒ​ളി​വി​ൽ ക​ഴി​ഞ്ഞ സ​മ​യ​ത്തും ഗ്രാ​മീ​ണ​ർ​ക്കാ​യി പാ​ട്ടു​ക​ളും നാ​ട​ക​ങ്ങ​ളു​മെ​ഴു​തി.

സി​നി​മ​യി​ൽ

"പ​രി​ബൊ​ർ​ത്ത​ൻ' എ​ന്ന ബം​ഗാ​ളി ചി​ത്ര​ത്തി​ലൂ​ടെ 1949ൽ ​സ​ലി​ൽ ചൗ​ധ​രി സി​നി​മ​യി​ലെ​ത്തി. ഇ​തി​ഹാ​സ​തു​ല്യ​നാ​യ സം​വി​ധാ​യ​ക​ൻ ബി​മ​ൽ റോ​യി​ക്ക് ഒ​രു ക​ഥ​യു​ടെ ആ​ശ​യം വി​വ​രി​ച്ചു​ന​ൽ​കി​യ സ​ലി​ലി​നെ അ​ദ്ദേ​ഹ​ത്തി​നു ന​ന്നാ​യി ബോ​ധി​ച്ചു. "ദോ ​ബി​ഗാ സ​മീ​ൻ' (1953) എ​ന്ന ചി​ത്ര​ത്തി​ന് പാ​ട്ടു​ക​ളൊ​രു​ക്കാ​ൻ അ​ങ്ങ​നെ അ​വ​സ​ര​മെ​ത്തി. ഇ​ന്ത്യ​ൻ സി​നി​മ​യി​ലെ നാ​ഴി​ക​ക്ക​ല്ലാ​യി ആ ​ചി​ത്രം മാ​റി. അ​തി​ലെ ഹ​രി​യാ​ലി സാ​വ​ൻ ഡോ​ൽ ബ​ജാ​താ ആ​യാ എ​ന്ന പാ​ട്ട് സൂ​പ്പ​ർ ഹി​റ്റാ​യി.

1944-45 കാ​ല​ത്ത് ബം​ഗാ​ളി ക​ർ​ഷ​ക​ത്തൊ​ഴി​ലാ​ളി​ക​ളു​ടെ വി​ള​വെ​ടു​പ്പു​വേ​ള​യ്ക്ക് ഒ​രു​ക്കി​യ ഉ​രു ത​ക ത​ക ത​കി​ന എ​ന്ന മ​നോ​ഹ​ര​മാ​യ നാ​ട​ൻ ഈ​ണ​ത്തി​ന്‍റെ അ​തേ ആ​വി​ഷ്കാ​ര​മാ​യി​രു​ന്നു സി​നി​മ​യി​ലെ പാ​ട്ട്. ഒ​രേ ഈ​ണം പ​ല​ ഭാ​ഷ​ക​ളി​ൽ അ​തി​സു​ന്ദ​ര​മാ​യി ഇ​ണ​ക്കാ​ൻ അ​ദ്ദേ​ഹ​ത്തി​നു ക​ഴി​ഞ്ഞു. ഓ​രോ ഭാ​ഷ​ക​ളി​ലെ​യും പാ​ട്ടു​ക​ൾ ഓ​രോ അ​നു​ഭ​വ​ങ്ങ​ൾ പ​ക​ർ​ന്നു.

നാ​ടോ​ടി സം​ഗീ​തം, ശാ​സ്ത്രീ​യ സം​ഗീ​ത ശ​ക​ല​ങ്ങ​ൾ, വെ​സ്റ്റേ​ണ്‍ ഓ​ർ​ക്ക​സ്ട്രേ​ഷ​ൻ- ഇ​വ​യു​ടെ അ​തി​സൂ​ക്ഷ്മ​വും അ​സാ​ധാ​ര​ണ​വു​മാ​യ മി​ശ്ര​ണ​മാ​ണ് സ​ലി​ൽ ചൗ​ധ​രി​യു​ടെ ഈ​ണ​ങ്ങ​ളി​ൽ അ​നു​ഭ​വി​ക്കാ​നാ​വു​ക. ഒ​രു​പ​ക്ഷേ മ​റ്റാ​രെ​ക്കൊ​ണ്ടും സാ​ധ്യ​മാ​വാ​ത്ത അ​ദ്ഭു​ത​പ്ര​വൃ​ത്തി!

ഹി​ന്ദി, ബം​ഗാ​ളി, മ​ല​യാ​ളം, ക​ന്ന​ഡ, ത​മി​ഴ്, തെ​ലു​ഗ്, ഒ​ഡി​യ, ആ​സാ​മീ​സ്, ഗു​ജ​റാ​ത്തി, മ​റാ​ത്തി എ​ന്നി​ങ്ങ​നെ തു​ട​ങ്ങി 13 ഭാ​ഷ​ക​ളി​ൽ അ​ദ്ദേ​ഹം പാ​ട്ടു​ക​ളു​ണ്ടാ​ക്കി. 75 ഹി​ന്ദി സി​നി​മ​ക​ൾ, 41 ബം​ഗാ​ളി, 27 മ​ല​യാ​ളം സി​നി​മ​ക​ളും! മ​ല​യാ​ള​ത്തി​ൽ ചെ​മ്മീ​നി​ൽ തു​ട​ങ്ങി തു​ന്പോ​ളി ക​ട​പ്പു​റം വ​രെ അ​ദ്ദേ​ഹം കാ​തി​ൽ തേന്മഴ​യാ​യൊ​ഴു​ക്കി​യ പാ​ട്ടു​ക​ൾ!!
ഒ​രു ഭാ​ഷ​യി​ലെ​യും ഒ​രു പാ​ട്ടും മ​റ​ന്നു​പോ​കു​ക അ​സാ​ധ്യം.

ഭാ​ഷ​യു​ടെ​യും നാ​ടി​ന്‍റെ​യും അ​തി​ർ​ത്തി​ക​ൾ​ക്ക​പ്പു​റ​മൊ​ഴു​കു​ന്ന, മ​നോ​ഹ​ര​മാ​യ, എ​ന്നാ​ൽ ശ​ക്തി​യു​ള്ള, ഒ​രി​ക്ക​ലും പ്ര​വ​ചി​ക്കാ​ൻ ക​ഴി​യാ​ത്ത​വി​ധ​മു​ള്ള ഈ​ണ​ങ്ങ​ൾ- അ​താ​യി​രു​ന്നു സ​ലി​ൽ ചൗ​ധ​രി​ക്ക് സ്വ​ന്തം പാ​ട്ടു​ക​ൾ. ഇ​ഷ്ട​ങ്ങ​ൾ കൂ​ട്ടി​യി​ണ​ക്കി അ​തി​ൽ​നി​ന്ന് പു​തി​യ​തൊ​ന്ന് സൃ​ഷ്ടി​ക്ക​ൽ അ​ദ്ദേ​ഹം മാ​യാ​ജാ​ലം​പോ​ലെ ചെ​യ്തു. പി​യാ​നോ​യും പു​ല്ലാ​ങ്കു​ഴ​ലും എ​സ്രാ​ജും മാ​ന്ത്രി​ക​നെ​പ്പോ​ലെ വാ​യി​ച്ചു. മൊ​സാ​ർ​ട്ടി​ന്‍റെ പു​ന​ർ​ജന്മമാ​ണ് താ​നെ​ന്ന് അ​ദ്ദേ​ഹം ത​മാ​ശ​യാ​യി പ​റ​യാ​റു​ണ്ടെ​ന്ന് മ​ക​ൾ അ​ന്ത​ര ചൗ​ധ​രി ഒ​രി​ക്ക​ൽ പ​റ​ഞ്ഞി​ട്ടു​ണ്ട്.

സാ​ഗ​ര​മേ ശാ​ന്ത​മാ​ക നീ...

"ക​ഥ​യെ​ഴു​ത്ത്, ക​വി​ത​ക​ൾ, ഓ​ർ​ക്ക​സ്ട്രേ​ഷ​ൻ, സി​നി​മാ​പ്പാ​ട്ടു​ക​ൾ.. ഇ​തി​ൽ​നി​ന്നെ​ല്ലാം ഏ​തു തെ​ര​ഞ്ഞെ​ടു​ക്ക​ണ​മെ​ന്ന് എ​നി​ക്ക​റി​യി​ല്ല. ആ ​നി​മി​ഷം എ​ന്‍റെ മാ​ന​സി​കാ​വ​സ്ഥ​യ്ക്കു ചേ​രും​വി​ധം സൃ​ഷ്ടി​പ​ര​മാ​യി​രി​ക്കാ​ൻ ശ്ര​മി​ക്കു​ക​യാ​ണ് എ​ന്‍റെ പ​തി​വ്'- സ​ലി​ൽ​ദാ ഒ​രു പ​ത്ര​പ്ര​വ​ർ​ത്ത​ക​നോ​ടു പ​റ​ഞ്ഞ​താ​ണി​ത്. ഒ​രു​പ​ക്ഷേ ഒ​ന്നി​ൽ​മാ​ത്രം ഒ​തു​ങ്ങി​നി​ൽ​ക്കാ​നു​ള്ള അ​നി​ഷ്ടം​ത​ന്നെ​യാ​ക​ണം അ​ദ്ദേ​ഹ​ത്തെ ഒ​രു മ​ഹാ​പ്ര​തി​ഭ​യാ​ക്കി​യ​ത്.

എ​ല്ലാ മേ​ഖ​ല​ക​ളി​ലും അ​ദ്ദേ​ഹം തൊ​ട്ട​ത് ഹൃ​ദ​യം​കൊ​ണ്ടാ​യി​രു​ന്നു. അ​തു​കൊ​ണ്ടു​ത​ന്നെ ഇ​ന്നും അ​ദ്ദേ​ഹം സൃ​ഷ്ടി​ച്ച ഈ​ണ​ങ്ങ​ൾ ഹൃ​ദ​യം​തൊ​ടു​ന്നു.., ജീ​വി​തം തൊ​ടു​ന്നു.. ഒ​രു ശാ​ന്ത​സാ​ഗ​രം​പോ​ലെ...

Tags : sunday deepika