ഓ​സ്ട്രേ​ലി​യ​യു​ടെ തെ​ക്ക​ൻ തീ​ര​ത്തെ ഫി​ലി​പ് ഐ​ല​ൻ​ഡ് കേ​വ​ലം ഒ​രു ഭൂ​പ്ര​ദേ​ശ​മ​ല്ല, പ്ര​കൃ​തി ഒ​രു​ക്കി​വ​ച്ച അ​തി​ഗം​ഭീ​ര​മാ​യൊ​രു നാ​ട​ക​വേ​ദി​യാ​ണ്. അ​വി​ടെ തി​ര​ശീ​ല ഉ​യ​രു​ന്ന​ത് സൂ​ര്യ​ൻ പ​ടി​ഞ്ഞാ​റ​ൻ ക​ട​ലി​ൽ മു​ങ്ങി​ത്താ​ഴു​മ്പോ​ഴാ​ണ്...

അ​ല​റു​ന്ന അ​റ്റ്‌​ലാ​ന്‍റി​ക് സ​മു​ദ്രം ശാ​ന്ത​മാ​യി വ​ന്ന് ഫി​ലി​പ്പ് ഐ​ല​ൻ​ഡി​നെ ചും​ബി​ക്കു​ന്ന കാ​ഴ്ച മ​ന​സി​നെ ത​ണു​പ്പി​ക്കും. ഈ ​ദ്വീ​പി​ന്‍റെ ഹൃ​ദ​യ​മി​ടി​പ്പ് അ​നു​ഭ​വി​ക്കാ​ൻ സാ​ധി​ക്കു​ന്ന​ത് സൂ​ര്യ​ൻ അ​സ്ത​മി​ച്ച് ലോ​കം നി​ശ​ബ്ദ​മാ​കു​മ്പോ​ഴാ​ണ്.. അ​വി​ടെ​യാ​ണ് ലോ​ക​ത്തി​ലെ പെ​ൻ​ഗ്വി​ൻ വ​ക​ഭേ​ദ​ങ്ങ​ളി​ലെ ഏ​റ്റ​വും ചെ​റി​യ "ലി​റ്റി​ൽ പെ​ൻ​ഗ്വി​നു’​ക​ളു​ടെ "പ​രേ​ഡ്’ അ​ര​ങ്ങേ​റു​ന്ന​ത്...

മെ​ൽ​ബ​ണി​ൽ​നി​ന്നു സ​മ്മ​ർ​ലാ​ൻ​ഡ് ബീ​ച്ചി​ലെ​ത്തി ഞ​ങ്ങ​ളാ "പെ​ൻ​ഗ്വി​ൻ പ​രേ​ഡി’​നാ​യി കാ​ത്തി​രു​ന്നു.. പ​ക​ലി​ന്‍റെ വെ​ളി​ച്ചം പ​തി​യേ പി​ൻ​വാ​ങ്ങു​ന്ന​തു​നോ​ക്കി ബീ​ച്ചി​ലെ ത​ണു​ത്ത മ​ണ​ൽ​ത്ത​രി​ക​ളി​ൽ ഇ​രു​ന്ന​പ്പോ​ൾ ശ​രീ​ര​മാ​കെ ആ ​ത​ണു​പ്പി​ൽ വി​റ​യ്ക്കാ​ൻ തു​ട​ങ്ങി...

പ​ക​ലി​ന്‍റെ ചൂ​ടി​ൽ​നി​ന്ന് ത​ണു​പ്പി​ലേ​ക്ക് പ്ര​കൃ​തി മാ​റു​ന്ന സ​ന്ധ്യാ​സ​മ​യം.. അ​റ്റ്‌​ലാ​ന്‍റി​ക് തീ​രം ത​ണു​ത്തു​റ​ഞ്ഞ ഒ​രു നീ​ല​നി​റ​ത്തി​ലേ​ക്ക് വ​ഴി​മാ​റി. എ​ല്ലാ​വ​രും ആ ​ത​ണു​പ്പി​ൽ അ​വ​ന​വ​നി​ലേ​ക്ക് കൂ​ടു​ത​ൽ കൂ​ടു​ത​ൽ ചു​രു​ണ്ടു... ച​ക്ര​വാ​ള​ത്തി​ൽ സൂ​ര്യ​ന്‍റെ ചു​വ​പ്പു​നി​റം മാ​ഞ്ഞു​തു​ട​ങ്ങി.

നി​ശ​ബ്ദ​മാ​യ കാ​ത്തി​രി​പ്പ്

ഞ​ങ്ങ​ളെ​ല്ലാ​വ​രും കാ​ത്തി​രു​ന്നു. ഫോ​ണു​ക​ൾ ഓ​ഫാ​ക്കാ​നു​ള്ള നി​ർ​ദേ​ശ​വും നി​ശ​ബ്ദ​ത പാ​ലി​ക്കാ​നു​ള്ള മു​ന്ന​റി​യി​പ്പു​മാ​യി ഒ​രാ​ളെ​ത്തി. ഞ​ങ്ങ​ൾ കാ​ത്തി​രി​ക്കു​ന്ന ആ ​നി​മി​ഷ​ത്തി​ന്‍റെ പ്രാ​ധാ​ന്യം അ​യാ​ൾ ശാ​ന്ത​മാ​യി ഓ​ർ​മ​പ്പെ​ടു​ത്തി... ലി​റ്റി​ൽ പെ​ൻ​ഗ്വി​നു​ക​ൾ​ക്ക് നി​ശ​ബ്ദ​ത ആ​വ​ശ്യ​മാ​ണെ​ന്ന് അ​ദ്ദേ​ഹം വി​ന​യ​പൂ​ർ​വം ആ​വ​ർ​ത്തി​ച്ചു പ​റ​ഞ്ഞ​തു​കേ​ട്ട് ഞ​ങ്ങ​ളെ​ല്ലാ​വ​രും ഫോ​ൺ നി​ശ​ബ്ദ​മാ​ക്കി.. മൊ​ബൈ​ൽ ഫോ​ണു​ക​ൾ പോ​ക്ക​റ്റു​ക​ളി​ലേ​ക്കു പി​ൻ​വാ​ങ്ങി... കാ​മ​റ ഫ്ലാ​ഷു​ക​ൾ മി​ഴി​യ​ട​ച്ചു. പെ​ൻ​ഗ്വി​നു​ക​ളു​ടെ ലോ​ക​ത്തേ​ക്ക് അ​തി​ഥി​ക​ളാ​യെ​ത്തി​യ ന​മ്മ​ൾ അ​വ​രു​ടെ നി​യ​മ​ങ്ങ​ൾ പാ​ലി​ക്കാ​ൻ ബാ​ധ്യ​സ്ഥ​രാ​ണെ​ന്ന് ആ ​നി​ശ​ബ്ദ​ത ഓ​ർ​മി​പ്പി​ച്ചു​കൊ​ണ്ടി​രു​ന്നു.

പ​ക​ർ​പ്പ​വ​കാ​ശ പ്ര​ശ്ന​ങ്ങ​ളി​ല്ലാ​തെ ആ​ർ​ക്കും എ​ടു​ക്കാ​വു​ന്ന ചി​ത്ര​ങ്ങ​ൾ ഇ​തി​ലു​ണ്ടെ​ന്നു പ​റ​ഞ്ഞ് അ​യാ​ൾ ക​ഴു​ത്തി​ലി​ട്ട ടാ​ഗ് ഉ​യ​ർ​ത്തി​ക്കാ​ണി​ച്ചു. ആ ​ക്യൂ​ആ​ർ കോ​ഡ് ഒ​പ്പി​യെ​ടു​ത്ത​ശേ​ഷം മൊ​ബൈ​ലു​ക​ൾ വീ​ണ്ടും പോ​ക്ക​റ്റി​ലേ​ക്ക്.
ആ ​ഇ​രു​ട്ടി​ൽ നി​ലാ​വ് നീ​ല​വി​രി​യി​ട്ട ക​ട​ലി​ലേ​ക്കു നോ​ക്കി ഞ​ങ്ങ​ളി​രു​ന്നു...
കാ​ത്തി​രി​പ്പി​ന് ചി​ല​പ്പോ​ൾ എ​ന്തു ഭാ​ര​മാ​ണ്!

ഇ​തൊ​രു വെ​റും കാ​ത്തി​രി​പ്പ​ല്ല, മ​റി​ച്ച്, ഒ​രു കൂ​ട്ടാ​യ്മ​യു​ടെ, നി​ശ​ബ്ദ​സു​ന്ദ​ര​മാ​യ പ്ര​തീ​ക്ഷ​യു​ടെ, ഒ​രു​മി​ച്ചു​ള്ള സ്വ​പ്നം​കാ​ണ​ലി​ന്‍റെ സം​ഗീ​ത​മാ​ണ്... ചു​റ്റും തി​ര​മാ​ല​ക​ളു​ടെ നേ​ർ​ത്ത ശ​ബ്ദം മാ​ത്രം! കാ​ത്തി​രി​പ്പ് തി​ര​മാ​ല​ക​ളു​ടെ താ​ളം​പി​ടി​ച്ചു​കൊ​ണ്ടു​ള്ള ഒ​രു ധ്യാ​ന​മാ​യി​മാ​റു​ന്നു. ക​ട​ലി​ര​മ്പു​മ്പോ​ഴും ആ ​തീ​ര​ത്ത് ത​ളം​കെ​ട്ടി​നി​ന്ന​ത് ഒ​രു കൂ​ട്ടാ​യ പ്രാ​ർ​ഥ​ന​പോ​ലെ തോ​ന്നി​ക്കു​ന്ന നി​ശ​ബ്ദ​ത​യാ​യി​രു​ന്നു..

ല​ക്ഷ്യ​ത്തേ​ക്കാ​ൾ വ​ലു​താ​ണ് ല​ക്ഷ്യ​ത്തി​ലേ​ക്കു​ള്ള യാ​ത്ര എ​ന്നു​പ​റ​യാ​റു​ണ്ട്. ന​മ്മ​ൾ എ​ത്തി​ച്ചേ​രു​ന്ന ഇ​ട​ത്തേ​ക്കാ​ൾ മ​നോ​ഹ​ര​മാ​കു​ന്ന​ത്, അ​വി​ടേ​ക്കു​ള്ള യാ​ത്ര​യി​ൽ അ​നു​ഭ​വി​ച്ച​റി​ഞ്ഞ തീ​വ്ര​മാ​യ പ്ര​തീ​ക്ഷ​യു​ടെ നി​മി​ഷ​ങ്ങ​ളാ​ണ്.

ഒ​രു ജ​ന​സാ​ഗ​രം, ഓ​രോ​രു​ത്ത​രു​ടെ​യും ക​ണ്ണു​ക​ൾ ഒ​രേ ദി​ശ​യി​ലേ​ക്ക്, ശ്വാ​സം അ​ട​ക്കി​പ്പി​ടി​ച്ച്, തൊ​ട്ട​ടു​ത്തി​രി​ക്കു​ന്ന​വ​രു​ടെ ഹൃ​ദ​യ​മി​ടി​പ്പ് പോ​ലും കേ​ൾ​ക്കാ​ൻ ക​ഴി​യു​ന്ന​ത്ര തീ​വ്ര​മാ​യ നി​ശ​ബ്ദ​ത... ഒ​രു​പ​ക്ഷേ യാ​ഥാ​ർ​ഥ്യം എ​പ്പോ​ഴും പ്ര​തീ​ക്ഷി​ച്ച​തി​ലും ചെ​റു​തോ വ​ലു​തോ ആ​യി​രി​ക്കാം, എ​ന്നാ​ൽ കാ​ത്തി​രി​പ്പി​ന്‍റെ ആ ​നി​മി​ഷ​ത്തി​ൽ, അ​വി​ടെ​യാ​കെ ശു​ദ്ധ​മാ​യ പ്ര​തീ​ക്ഷ​യു​ടെ തെ​ളി​ച്ചം മാ​ത്രം.

പ​ത​റാ​ത്ത ചു​വ​ടു​ക​ൾ

"ദാ.. ​അ​വി​ടെ...​അ​വി​ടെ... നോ​ക്ക്... നോ​ക്ക്..' എ​ന്ന് പു​റ​കി​ലാ​രോ മ​ന്ത്രി​ച്ചു. അ​ക​ലെ കു​റേ കു​ഞ്ഞ​ൻ​രൂ​പ​ങ്ങ​ൾ ഇ​രു​ണ്ട തി​ര​മാ​ല​ക​ൾ​ക്കി​ട​യി​ൽ​നി​ന്ന് തീ​ര​ത്തേ​ക്കു ക​യ​റി​വ​രു​ന്നു. ഒ​ന്ന്... ര​ണ്ട്... മൂ​ന്ന്... ഒ​രു നി​മി​ഷം​കൊ​ണ്ട്, ക​ട​ലി​ൽ പോ​യ ഒ​രു സൈ​ന്യം കൂ​ട്ട​മാ​യി ക​ര​യി​ലേ​ക്ക് മ​ട​ങ്ങി​വ​രു​ന്ന​തു​പോ​ലെ നൂ​റു​ക​ണ​ക്കി​ന് ലി​റ്റി​ൽ പെ​ൻ​ഗ്വി​നു​ക​ൾ പൊ​ടു​ന്ന​നെ തീ​രം​നി​റ​ച്ചു! ഓ​രോ തി​ര​മാ​ല​യും അ​വ​രെ ക​ര​യി​ലേ​ക്കു ത​ള്ളി​യി​ടു​മ്പോ​ൾ, ന​ന​ഞ്ഞ ചി​റ​കു​ക​ൾ കു​ട​ഞ്ഞ്, പ​ത​റാ​ത്ത ചു​വ​ടു​ക​ളോ​ടെ അ​വ​ർ മു​ന്നോ​ട്ടു നീ​ങ്ങി.

ഒ​രു കൈ​പ്പ​ത്തി​യി​ൽ ഒ​തു​ങ്ങു​ന്ന​ത്ര​മാ​ത്രം വ​ലി​പ്പ​മേ അ​വ​യ്ക്കു​ള്ളൂ എ​ന്നു തോ​ന്നി..​ആ​ടി​യു​ല​ഞ്ഞ്, ദൃ​ഢ​നി​ശ്ച​യ​ത്തോ​ടെ. ചി​ര​പ​രി​ചി​ത​മാ​യ ട്രാ​ക്കു​ക​ളി​ലൂ​ടെ, അ​വ ക​ട​ൽ​ത്തീ​ര​ത്തെ ത​ങ്ങ​ളു​ടെ മാ​ള​ങ്ങ​ളി​ലേ​ക്ക് കൂ​ട്ട​മാ​യി ന​ട​ന്നു​നീ​ങ്ങു​ന്നു.

ഒ​രു നി​മി​ഷം​പോ​ലും പാ​ഴാ​ക്കാ​തെ, ഒ​രേ ല​ക്ഷ്യ​ത്തി​ലേ​ക്ക് നീ​ങ്ങു​ന്ന ആ ​കൂ​ട്ട​ന​ട​ത്തം. ഒ​രു ദി​വ​സം മു​ഴു​വ​ൻ ഭ​ക്ഷ​ണം തേ​ടി​യു​ള്ള ക​ഠി​നാ​ധ്വാ​ന​ത്തി​നു​ശേ​ഷം വീ​ട്ടി​ലേ​ക്ക് മ​ട​ങ്ങു​ന്ന മാ​താ​പി​താ​ക്ക​ളാ​യി​രി​ക്കും പ​ല​രും. ആ ​കു​ഞ്ഞു​ശ​രീ​ര​ത്തി​നു​ള്ളി​ൽ സ​മു​ദ്ര​ത്തി​ന്‍റെ ആ​ഴ​ങ്ങ​ളോ​ടു പോ​രാ​ടാ​നു​ള്ള എ​ത്ര വ​ലി​യ ക​രു​ത്താ​യി​രി​ക്ക​ണം പ്ര​കൃ​തി ഒ​ളി​പ്പി​ച്ചു​വ​ച്ചി​രി​ക്കു​ന്ന​ത്!

ത​ങ്ങ​ളു​ടെ കു​ഞ്ഞു​ങ്ങ​ൾ​ക്ക്, മാ​ള​ങ്ങ​ളി​ൽ കാ​ത്തി​രി​ക്കു​ന്ന പ്രി​യ​പ്പെ​ട്ട​വ​ർ​ക്ക് ഭ​ക്ഷ​ണ​വു​മാ​യി അ​വ​ർ ആ​ടി​യാ​ടി വ​രു​ന്ന​ത് ക​ണ്ട​പ്പോ​ൾ ക​ണ്ണു​ക​ൾ അ​റി​യാ​തെ ഈ​റ​ന​ണി​ഞ്ഞു. പ്ര​കൃ​തി​യി​ലെ ഏ​റ്റ​വും മ​നോ​ഹ​ര​മാ​യ കാ​ഴ്ച "മ​ട​ക്ക​യാ​ത്ര’​ക​ളാ​ണെ​ന്ന് അ​പ്പോ​ൾ തോ​ന്നി​പ്പോ​യി. ജീ​വി​ത​ത്തി​ന്‍റെ വേ​ലി​യേ​റ്റ​ങ്ങ​ളി​ൽ എ​ത്ര ദൂ​രം ഒ​ഴു​കി​പ്പോ​യാ​ലും, സ്നേ​ഹ​ത്തി​ന്‍റെ ഒ​രു തു​രു​ത്തി​ലേ​ക്ക് തി​രി​കെ ന​ട​ന്നു​ക​യ​റു​ന്ന​തി​ന്‍റെ ആ​ത്മ​വി​ശ്വാ​സം അ​വ​രു​ടെ ഓ​രോ ചു​വ​ടി​ലു​മു​ണ്ടാ​യി​രു​ന്നു.

നി​റ​ക​ൺ​ചി​രി​ക​ൾ

ആ ​കാ​ഴ്ച അ​വി​സ്മ​ര​ണീ​യ​മാ​യി​രു​ന്നു. ശ​ബ്ദ​മി​ല്ലാ​ത്ത ആ​ഹ്ലാ​ദ​ത്തോ​ടെ​യും നി​റ​ഞ്ഞ ക​ണ്ണു​ക​ളോ​ടെ​യും ഞാ​ൻ അ​തു നോ​ക്കി​യി​രു​ന്നു. ആ ​കു​ഞ്ഞു ജീ​വി​ക​ളു​ടെ കൂ​ട്ടാ​യ്മ​യു​ടെ​യും നി​ശ്ച​യ​ദാ​ർ​ഢ്യ​ത്തി​ന്‍റെ​യും ശ​ക്തി സ​മു​ദ്ര​ത്തേ​ക്കാ​ൾ വ​ലു​താ​ണെ​ന്നു തോ​ന്നി... പെ​ൻ​ഗ്വി​നു​ക​ൾ മാ​ള​ങ്ങ​ളി​ലേ​ക്ക് പ​തി​യെ മ​റ​ഞ്ഞ​പ്പോ​ഴും, ആ ​മാ​സ്മ​രി​ക​ത​യു​ടെ സൗ​ന്ദ​ര്യം ബീ​ച്ചി​ൽ ത​ളം​കെ​ട്ടി​നി​ന്നു.
ആ​ന​ന്ദം അ​തി​ന്‍റെ പൂ​ർ​ണ​ത​യി​ൽ അ​ലി​ഞ്ഞു​തീ​ർ​ന്ന​പ്പോ​ൾ ഉ​ള്ളി​ൽ സം​ഭ​വി​ച്ച ഒ​രു ക​ട​ലി​ള​ക്ക​ത്തി​ൽ എ​നി​ക്ക് ക​ര​ച്ചി​ൽ വ​രു​ന്നു​ണ്ടാ​യി​രു​ന്നു... ഭാ​ഷ മ​രി​ക്കു​ക​യും അ​നു​ഭൂ​തി മാ​ത്രം ബാ​ക്കി​യാ​വു​ക​യും ചെ​യ്യു​ന്ന അ​വ​സ്ഥ! ഹൃ​ദ​യ​ത്തി​ൽ ഒ​രു ത​ണു​ത്ത കാ​റ്റ് വീ​ശു​ന്ന​തു​പോ​ലെ... ഒ​രു നി​മി​ഷം​കൊ​ണ്ടു ക​ണ്ട ആ ​കാ​ഴ്ച പ​ക​ർ​ത്തി​യ​ത് മ​ന​സി​ലാ​ണ്... ആ ​കാ​ഴ്ച​യും ആ ​സ​ന്ധ്യ​യും മ​റ​ക്കാ​ൻ ഈ ​ജ​ന്മ​ത്ത് ഒ​രി​ക്ക​ലും ക​ഴി​യി​ല്ല..

സൂ​ര്യാ​സ്ത​മ​യ​ത്തി​നു​ശേ​ഷം ക​ട​ലി​ൽ​നി​ന്ന് ത​ങ്ങ​ളു​ടെ കൂ​ടു​ക​ളി​ലേ​ക്ക് മ​ട​ങ്ങു​ന്ന ആ ​കു​ഞ്ഞ​ൻ ജീ​വി​ക​ളു​ടെ കൂ​ട്ടം ഒ​രു കാ​ഴ്ച എ​ന്ന​തി​ലു​പ​രി, ഹൃ​ദ​യ​സ്പ​ർ​ശി​യാ​യ ഒ​ര​നു​ഭ​വ​മാ​ണ്. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നു വ​ന്ന കു​റേ മ​നു​ഷ്യ​ർ ആ​ർ​പ്പു​വി​ളി​ക​ളി​ല്ലാ​തെ, കാ​മ​റാ ഫ്ലാ​ഷു​ക​ളി​ല്ലാ​തെ, നി​ശ​ബ്ദ​മാ​യി കാ​ത്തി​രു​ന്നു, ക​ണ്ടു മ​ന​സു​നി​റ​ച്ചു.

കാ​ത്തി​രി​പ്പ്... ആ ​വാ​ക്കി​ന് എ​ത്ര​മാ​ത്രം ആ​ഴ​വും സൗ​ന്ദ​ര്യ​വു​മാ​ണ്! നാം ​ഓ​രോ​രു​ത്ത​രും എ​ന്തി​നെ​ങ്കി​ലും വേ​ണ്ടി കാ​ത്തി​രി​ക്കു​ന്ന​വ​രാ​ണ്. നി​ശ​ബ്ദ​മാ​യ കാ​ത്തി​രി​പ്പി​ന്‍റെ ഭം​ഗി, തി​രി​കെ വ​രാ​നു​ണ്ടെ​ന്ന ഉ​റ​പ്പി​ൽ​നി​ന്നാ​യി​രി​ക്കാം. പ്ര​തീ​ക്ഷ​യാ​ണ് ന​മ്മെ മു​ന്നോ​ട്ടു ന​യി​ക്കു​ന്ന​ത്. ആ ​കു​ഞ്ഞ​ൻ ജീ​വി​ക​ളു​ടെ മ​ട​ങ്ങി​വ​ര​വ് ഒ​രു ഓ​ർ​മ​പ്പെ​ടു​ത്ത​ലാ​യി​രു​ന്നു. എ​ത്ര ദൂ​രം പോ​യാ​ലും, എ​വി​ടെ അ​ല​ഞ്ഞാ​ലും, തി​രി​കെ വ​രാ​ൻ ഒ​രു ഇ​ടം ന​മു​ക്കു​ണ്ടെ​ങ്കി​ൽ, അ​വി​ടെ ന​മ്മെ കാ​ത്തി​രി​ക്കാ​ൻ ഒ​രാ​ളു​ണ്ടെ​ങ്കി​ൽ, യാ​ത്ര​ക​ൾ​ക്കെ​ല്ലാം അ​ർ​ഥ​മു​ണ്ട്...

ഫി​ലി​പ്പ് ദ്വീ​പി​ലെ ആ ​ത​ണു​പ്പു​ള്ള രാ​ത്രി, പെ​ൻ​ഗ്വി​ൻ പ​രേ​ഡി​ന്‍റെ അ​ത്ഭു​ത​ത്തി​നൊ​പ്പം, കാ​ത്തി​രി​പ്പി​ന്‍റെ​യും മ​ട​ങ്ങി​വ​ര​വി​ന്‍റെ​യും ആ​ഴ​ത്തി​ലു​ള്ള സൗ​ന്ദ​ര്യം​കൂ​ടി ന​മ്മെ ഓ​ർ​മ​പ്പെ​ടു​ത്തും... ഇ​വി​ടെ കാ​ത്തി​രി​പ്പ് ഒ​രു ശൂ​ന്യ​ത​യ​ല്ല; അ​ത് പൂ​ർ​ണ​ത​യാ​ണ്.

കു​ഞ്ഞ​ൻ പെ​ൻ​ഗ്വി​ൻ, ഉ​യ​രം 40 സെ​ന്‍റി​മീ​റ്റ​ർ

യൂ​ഡി​പ്റ്റു​ല മൈ​ന​ർ എ​ന്നാ​ണ് ഫി​ലി​പ് ദ്വീ​പി​ലെ ഈ ​ചെ​റു പെ​ൻ​ഗ്വി​നു​ക​ളു​ടെ ശാ​സ്ത്ര​നാ​മം. 40 സെ​ന്‍റി​മീ​റ്റ​ർ വ​രെ​യൊ​ക്കെ മാ​ത്ര​മേ ഇ​വ​യ്ക്ക് ഉ​യ​ര​മു​ണ്ടാ​കൂ. നാ​ല്പ​തി​നാ​യി​ര​ത്തി​ലേ​റെ പെ​ൻ​ഗ്വി​നു​ക​ൾ ഇ​വി​ടെ​യു​ണ്ടെ​ന്നാ​ണ് ക​ണ​ക്ക്. പെ​ൻ​ഗ്വി​ൻ ഫൗ​ണ്ടേ​ഷ​ൻ എ​ന്ന സ​ന്ന​ദ്ധ പ​രി​സ്ഥി​തി സം​ഘ​ട​ന​യാ​ണ് ഇ​വ​യ്ക്കു സം​ര​ക്ഷ​ണ​മൊ​രു​ക്കു​ന്ന​ത്.

ക​ട​ലി​ൽ മീ​ൻ, കൊ​ഞ്ച്, ക​ണ​വ തു​ട​ങ്ങി​യ​വ​യെ വേ​ട്ട​യാ​ടാ​ൻ പോ​യി വാ​സ​സ്ഥ​ല​ങ്ങ​ളി​ലേ​ക്കു മ​ട​ങ്ങി​വ​രു​ന്ന​താ​ണ് പെ​ൻ​ഗ്വി​നു​ക​ളു​ടെ പ​രേ​ഡ്. ആ​ൻ​ചോ​വി​സ് എ​ന്ന ചെ​റു​മ​ത്സ്യ​മാ​ണ് പെ​ൻ​ഗ്വി​നു​ക​ളു​ടെ ഇ​ഷ്ട​ഭ​ക്ഷ​ണം.

ഫി​ലി​പ് ഐ​ല​ൻ​ഡ് നേ​ച്ച​ർ പാ​ർ​ക്കി​ലേ​ക്ക് പെ​ൻ​ഗ്വി​ൻ പ​രേ​ഡ് കാ​ണാ​ൻ നൂ​റു​ക​ണ​ക്കി​നു വി​നോ​ദ​സ​ഞ്ചാ​രി​ക​ൾ എ​ത്താ​റു​ണ്ട്. ഒ​രു മ​ണി​ക്കൂ​റോ​ളം നീ​ണ്ടു​നി​ൽ​ക്കു​ന്ന​താ​ണ് പെ​ൻ​ഗ്വി​ൻ പ​രേ​ഡ്. അ​ന്പ​തു വ​ർ​ഷ​ത്തി​ലേ​റെ​യാ​യി ഈ ​പ​രേ​ഡ് ഇ​വി​ടെ ന​ട​ക്കു​ന്നു. നേ​രി​ൽ കാ​ണാ​ൻ ക​ഴി​യാ​ത്ത​വ​ർ​ക്കാ​യി സ​മൂ​ഹ​മാ​ധ്യ​മ​ങ്ങ​ളി​ൽ ലൈ​വ് സ്ട്രീ​മിം​ഗ് സൗ​ക​ര്യം അ​ധി​കൃ​ത​ർ ഒ​രു​ക്കാ​റു​ണ്ട്.

നി​ശ്ചി​ത വ​ഴി​ക​ളി​ലൂ​ടെ​യാ​ണ് പെ​ൻ​ഗ്വി​നു​ക​ൾ ക​ട​ലി​ലേ​ക്കു പോ​കു​ന്ന​തും തി​രി​ച്ചു​വ​രു​ന്ന​തും. ദി​വ​സ​വും ഇ​വ​യു​ടെ എ​ണ്ണം തി​ട്ട​പ്പെ​ടു​ത്താ​ൻ ഉ​ദ്യോ​ഗ​സ്ഥ​ർ ഉ​ണ്ടാ​കും. അ​യ്യാ​യി​ര​ത്തി​ലേ​റെ പെ​ൻ​ഗ്വി​നു​ക​ൾ ഒ​രു​മി​ച്ചെ​ത്തി​യ ദി​വ​സ​വു​മു​ണ്ടാ​യി. ന​വം​ബ​ർ, ഡി​സം​ബ​ർ മാ​സ​ങ്ങ​ളി​ലാ​ണ് സാ​ധാ​ര​ണ ഏ​റ്റ​വു​മ​ധി​കം പെ​ൻ​ഗ്വി​നു​ക​ൾ എ​ത്തു​ക. മെ​ൽ​ബ​ണി​ൽ​നി​ന്ന് ഏ​താ​ണ്ട് 150 കി​ലോ​മീ​റ്റ​ർ ദൂ​ര​ത്തി​ലാ​ണ് ഫി​ലി​പ് ഐ​ല​ൻ​ഡ്.

Tags : Return beautiful sunday deepika deepa nisanth penguin