കൊച്ചേട്ടന്‍റെ കത്ത്

സ്നേ​ഹ​മു​ള്ള ഡി​സി​എ​ൽ കു​ടും​ബാം​ഗ​ങ്ങ​ളേ,

ഒ​രു നാ​ടോ​ടി​ക്ക​ഥ​യു​ണ്ട്, ഒ​രു കു​ഞ്ഞു​റു​ന്പ് കാ​ൽ​തെ​റ്റി പു​ഴ​യി​ൽ വീ​ണു​പോ​യി. വെ​ള്ള​ത്തി​ൽ മു​ങ്ങി​ത്താ​ഴു​ന്ന ഉ​റു​ന്പി​നെ, പു​ഴ​യ​രി​കി​ലെ ആ​ൽ​മ​ര​ത്തി​ലി​രു​ന്ന വെ​ള്ള​രി​പ്രാ​വ് ക​ണ്ടു. അ​ലി​വു​തോ​ന്നി ഒ​രു ആ​ലി​ല കൊ​ത്തി പു​ഴ​യി​ലേ​ക്കി​ട്ടു. പെ​ട്ടെ​ന്നു​ത​ന്നെ ഉ​റു​ന്പ് ആ​ലി​ല​യി​ൽ പി​ടി​ച്ചു​ക​യ​റി ര​ക്ഷ​പ്പെ​ട്ടു.

2026 ജ​നു​വ​രി പ​ത്തി​ന്, തൊ​ടു​പു​ഴ​യ്ക്ക​ടു​ത്ത് കു​ട​യ​ത്തൂ​ർ മ​ല​ങ്ക​ര ജ​ലാ​ശ​യ​ത്തി​ലേ​ക്ക് ഒ​രു ആ​ലി​ല പ​റ​ന്നി​റ​ങ്ങി. ആ ​ആ​ലി​ല​യു​ടെ പേ​ര് വാ​ണി​യ​പ്പു​ര​യ്ക്ക​ൽ അ​ജി​യു​ടെ മ​ക​ളാ​യ പൊ​ന്നു എ​ന്ന് ഓ​മ​ന​പ്പേ​രു​ള്ള കീ​ർ​ത്ത​ന എ​ന്നാ​ണ്.

കു​ഞ്ഞു​റു​ന്പി​നു പ​ക​രം മ​ല​ങ്ക​ര ജ​ലാ​ശ​യ​ത്തി​ൽ കാ​ലി​ട​റി വീ​ണ് മു​ങ്ങി​ത്താ​ണു​കൊ​ണ്ടി​രു​ന്ന​ത് ജ​യ എ​ന്നു പേ​രു​ള്ള ഒ​രു പാ​വം വീ​ട്ട​മ്മ​യാ​യി​രു​ന്നു. വെ​ള്ള​ത്തി​ൽ വീ​ണു​പോ​യ തു​ണി എ​ടു​ക്കാ​ൻ ശ്ര​മി​ക്കു​ന്ന​തി​നി​ടെ കാ​ൽ​വ​ഴു​തി ജ​ലാ​ശ​യ​ത്തി​ൽ വീ​ണ ജ​യ​യു​ടെ അ​രി​കി​ലേ​ക്ക് ദൈ​വം അ​ട​ർ​ത്തി​യി​ട്ട ആ​ലി​ല​യാ​യി​രു​ന്നു കീ​ർ​ത്ത​ന എ​ന്ന പെ​ൺ​കു​ട്ടി.

അ​പ്ര​തീ​ക്ഷി​ത​മാ​യി ആ​രോ വെ​ള്ള​ത്തി​ൽ മു​ങ്ങി​ത്താ​ഴു​ന്ന​തു​ക​ണ്ട കീ​ർ​ത്ത​ന, ജ​ലാ​ശ​യ​ത്തി​ലേ​ക്കു കു​തി​ച്ചു​ചാ​ടി ജ​യ​യെ ര​ക്ഷ​പ്പെ​ടു​ത്തി ക​ര​ക​യ​റ്റു​ക​യാ​യി​രു​ന്നു! അ​ങ്ങ​നെ മ​ല​ങ്ക​ര ജ​ലാ​ശ​യ​ത്തി​ൽ ജ​യ കീ​ർ​ത്ത​ന​മു​യ​ർ​ന്നു! സ​മ​യ​ത്ത്, ഈ ​മ​ക​ൾ​ക്കു ത​ന്നെ ര​ക്ഷി​ക്കാ​ൻ ദൈ​വം തോ​ന്നി​പ്പി​ച്ചി​ല്ലാ​യി​രു​ന്നെ​ങ്കി​ൽ?

പ്രി​യ കൂ​ട്ടു​കാ​രേ, കീ​ർ​ത്ത​ന ന​മു​ക്ക് ഒ​രു പാ​ഠ​പു​സ്ത​ക​മാ​ണ്. ഇ​ത് ജെ​ൻ - സി ​കാ​ല​മാ​ണെ​ന്നും , പു​തു​ത​ല​മു​റ ഡി​ജി​റ്റ​ൽ യു​ഗ​ത്തി​ൽ ത​ല​മ​റ​ന്ന്, നി​ല​മ​റ​ന്ന്, വി​ല​മ​റ​ന്ന് ന​ശി​ക്കു​ക​യാ​ണെ​ന്നും വി​ല​പി​ക്കു​ന്ന​വ​രു​ണ്ട്. അ​തി​ന​വ​ർ​ക്ക് ചി​ല കാ​ര​ണ​ങ്ങ​ളു​മു​ണ്ടാ​കും. വീ​ട്ടി​ൽ മൊ​ബൈ​ലി​ൽ ഗെ​യിം ക​ളി​ക്കു​ന്ന, ടി​വി​യി​ൽ സി​നി​മ കാ​ണു​ന്ന കു​ട്ടി​ക​ളി​ൽ പ​ല​രും അ​ടു​ത്ത മു​റി​യി​ലോ അ​ടു​ക്ക​ള​യി​ലോ ഒ​രു ചെ​റി​യ സ​ഹാ​യ​ത്തി​ന് കു​ടും​ബാം​ഗ​ങ്ങ​ൾ ആ​രെ​ങ്കി​ലും വി​ളി​ച്ചാ​ൽ, ഒ​ന്നു ത​ല​യു​യ​ർ​ത്തു​ക​പോ​ലും ചെ​യ്യാ​റി​ല്ല. അ​മ്മ​യോ, അ​ച്ഛ​നോ പോ​ലും അ​ർ​ഹി​ക്കു​ന്ന ആ​ദ​ര​വും സ്നേ​ഹ​വും ന​ൽ​കാ​ൻ സൈ​ബ​ർ അ​ഡി​ക്ടു​ക​ളാ​യ, മൊ​ബൈ​ൽ അ​ടി​മ​ക​ളാ​യ പ​ല കു​ട്ടി​ക​ളും മ​ന​സു കാ​ണി​ക്കാ​റു​മി​ല്ല! ന​വ​മാ​ധ്യ​മ അ​ടി​മ​പ്പ​ണി​ക്കാ​ർ, ത​ങ്ങ​ളു​ടെ അ​ടി​മ​ത്തം ത​ന്നെ​യാ​ണ് സ്വാ​ത​ന്ത്ര്യം എ​ന്നു തെ​റ്റാ​യി ക​രു​തു​ന്ന​വ​രാ​ണ്.

ഇ​വി​ടെ​യാ​ണ്, കു​ട​യ​ത്തൂ​ർ ഗ​വ​ൺ​മെ​ന്‍റ് ഹ​യ​ർ സെ​ക്ക​ന്‍​ഡ​റി സ്കൂ​ൾ, പ്ല​സ് വ​ൺ വി​ദ്യാ​ർ​ഥി​നി​യാ​യ കീ​ർ​ത്ത​ന എ​ന്ന ഗ്രാ​മീ​ണ പെ​ൺ​കു​ട്ടി ഒ​രു തി​രു​ത്ത​ൽ സ​ന്ദേ​ശ​മാ​കു​ന്ന​ത്.

അ​വ​ൾ ഇ​തി​നോ​ട​കം നീ​ന്ത​ൽ ഉ​ൾ​പ്പെ​ടെ വി​വി​ധ ക​ഴി​വു​ക​ൾ വ​ള​ർ​ത്തി, ആ​ത്മ​വി​ശ്വാ​സം നേ​ടി​യ മി​ടു​മി​ടു​ക്കി​യാ​ണ്. സ​ഹാ​യം ആ​വ​ശ്യ​മു​ള്ള​വ​രെ ഏ​ത​വ​സ​ര​ത്തി​ലും സ​ഹാ​യി​ക്ക​ണ​മെ​ന്ന് സ്വ​ന്തം മാ​താ​പി​താ​ക്ക​ളി​ൽ​നി​ന്നും ഗു​രു​ജ​ന​ങ്ങ​ളി​ൽ​നി​ന്നും അ​വ​ൾ പ​ഠി​ച്ചി​ട്ടു​ണ്ട്! അ​വ​സ​രം​വ​ന്ന​പ്പോ​ൾ, ഒ​രു നി​മി​ഷം​പോ​ലും പാ​ഴാ​ക്കാ​തെ അ​വ​ൾ ത​ന്‍റെ ക​ഴി​വു​ക​ൾ പു​റ​ത്തെ​ടു​ത്തു. വി​ല​പ്പെ​ട്ട ഒ​രു ജീ​വ​ന് ര​ക്ഷ​ക​യാ​വു​ക​യും ചെ​യ്തു.

കൂ​ട്ടു​കാ​രേ, കീ​ർ​ത്ത​ന, ആ​ത്മ​വി​ശ്വാ​സ​ത്തി​ന്‍റെ​യും ധീ​ര​ത​യു​ടെ​യും സ​ങ്കീ​ർ​ത്ത​ന​മാ​ണ്. സ്വ​ന്തം ക​ഴി​വു​ക​ളി​ൽ മ​തി​പ്പു​നേ​ടി​യാ​ൽ ഏ​തു പ്ര​തി​സ​ന്ധി​യേ​യും അ​തി​ജീ​വി​ക്കാ​നു​ള്ള ക​രു​ത്തും ധൈ​ര്യ​വും നി​ങ്ങ​ൾ​ക്കും ല​ഭി​ക്കും. മ​ന​സി​ൽ ധൈ​ര്യ​വും ഹൃ​ദ​യ​ത്തി​ൽ സ്നേ​ഹ​വും ദ​യ​യും ഉ​ണ്ടെ​ങ്കി​ൽ നി​ങ്ങ​ൾ​ക്ക് ഏ​തു ദു​രി​ത​ത്തേ​യും അ​തി​ജീ​വി​ക്കാം. മ​റ്റു​ള്ള​വ​രു​ടെ അ​തി​ജീ​വ​ന​ത്തി​ന് സ​ഹാ​യി​ക്കു​ക​യും ചെ​യ്യാം.

ആ​ശം​സ​ക​ളോ​ടെ, സ്വ​ന്തം കൊ​ച്ചേ​ട്ട​ൻ

Tags : Victory Malankara DCL Kochettente kathe